Pintu Dunya GerubiTuai

Terebai singgah ba menua matahari angkat...

2011-01-26T20:26:00.003-06:00

Selamat betemu baru ba ruai ruang bujang timpang; ba pelabuh nyumbuh anak ampang. Oooo hhaaa ngajihka bala pemacha gerai serta maju bejalaika pengawa besari sari, enda teguyat enda terangkat, puh teguh bepupuh, tan bedindan maya bisi ditichik penguji dunya. Sebedau aku ngerintai seleka dua, dulu aku meri Selamat Taun Baru Dua Ribu Sebelas lalu ngajih ka semua bala pemacha serta enggau bala ti bisi tama mansa ngereda, sangkai beguai ba ruai aki Groovytuai.
Ehhh kemaya deh kala umur aku tu terbai ngenyauh nyauh nya deh! Penerbai geruna panjai tada ti begelar di beri nama Boeing 747 ari penyangkai kapalterbai international Subang ke penyangkai kapalterbai international Narita tu endang sigi pama sepi aki kita gerubi laban penyauh Kuala Lumpur enggau Tokyo. Penat penat enda meh tudah burit mit laban ti tegam bangku tengelam umbas penalam. Berasai enda nyamai meh tudah tubuh muda ditanggam tali pinggang nilon serta dikepit bangku sempit lurus belakang. Penyamai maya tu laban bala mensia ulih angkat ari mua ke belakang enti deka nungkun insap semakau Malaya nyalai empedu enda lama. Aki Gerubi tak benasit laban bulih penuduk ti ending di agihka alai mensia nyalai lempuang. Enda berasai ga udah nya tak nemu muka mulut minta laban ke udah aus… tak minta ai bepupu deka nguji ngasai bakani ku gaya nuntum datas langit beserak remang. Nya ya..nyau angat isi udah nuntum!!!!
Nyau kelama lama ngemeranika diri bejegau kin kitu bejaku berandau enggau bala nembiak West Malaysia kumbai kitai kelia urang Malaya. Pama meh ku jaku bisi tawing bisi kaling enggau berandau ngambika pejalai panjai enda berasai; ngambika pengawa bekelala enggau urang bukai tau ngerembai ulih nyadi cherita kenang sampai tuai. Nyau kepuas puas terebai neresa remang datai ga ba tempat ti di tuju, penyangkai kapal terbai antarabangsa Narita. “Apuuuu tak nyelai meh gamal bala mensia menua tu,” ku tudah aki bejaku dalam ati ngenang diri lalu merening mensia menua nya. Mata sida tu pan nyau baluk baka ti udah nyabak sebulan….Tu meh baka gamal mensia ari menua Jipun deh…”Bansa sida tu meh nyerang menua Borneo maya Perang Dunya Kedua kelia ,” ku jaku diri ga ngenang. Assss apaii , enti baka buah ti tau di pakai nyau ga nanya bakani ku asai buah ke baru dipeda nya hehehehe…
Geginau gegining meh tudah aki bepulas urat pegu malik kiba malik kanan meratika penyelai menua urang lebuh maya mansang nuju hotel ti alai ngeluh endur beteduh sari nya laban pengangkat ke Seattle, Washington tu lagi nyau malam hari. Enti nitihka leka sada sida endu dara burik idung manchung bepetik lunchik tunjik ti deka enggau kami terberai tu endang naka penyauh meh menua ti dituju tudah aki Gerubi . Tak nyau sari enggai meh tu enti kitai deka nikal mulaika pengelama nya ngagai pengelama siang kitai di menua deh. Akai dai nyau bepechah dua meh bala kami ke sama sebilun ari Subang ke Narita tadi laban bisi keda dulu bisi keda nya dudi. Mimit amai meh bala kami tu tinggal ku serbana diri. Akai dai tak salah sangka meh tudah aki tu tadi deh laban teperasa meda bala sekeda tak nyau bebali begari lunggar pinggang; nyau bebuka ayan marik nepan tulang. Seksi sida bala endu tekang gemala menua Malaya tu hahahahhaa..Bisi meh sekeda nya tadi enti, salah haribulan , endang sigi di sangka tau dikumbai lelaki aji rindu nepan….
Bah..mupuk enda lama ..pagila lusa betemu baru..

Mansang Nurun Belelang II.....

2009-07-13T01:32:00.002-05:00

Sebedau aku becherita nyapa munyi nyawa, betusun munyi pantun, ngerintai munyi sanggai, dulu aku ngeremi enggau patung lemi nipan lengan nusun tunjuk sepuluh engka buah tangkai leka rintai tak salah di dinga di bacha laban utai ke deka dibantaika nyau jauh nyelai tau nyuruh mata peli peli engkijap enda. Engggaika kita salah sangka enda betanya, salah tangkup salah raup, salah ragum salah panggum , aki gerubi minta ampun ari tapa kaki ngagai punjung pala.
Akai tak sampal ga diri sebilik nyerang lapangan terbang Kuching laban ti deka ngepai meri bye bye, ngeringka semengat ajar tuai nuju aki gerubituai ti deka ngejang bejalai ngagai menua bala ribai. Naka meh pemedis diri deka meleka ngelengka ka pengawa bansa kitai menua tang laban ti udah teleba suah kala ngesan pemedis nyandang pemerinsa nadai ga jalai bukai deh alai kitai nitih ka urang nyingkang sesingkang, sama surut surut undang. “Bakani meh aku tu ila neh.” Ku munyi tanya diri empu dalam ati. Ketuchum ketawa ga aku laban ti ngenang jaku leka serbana bala anak mensia maya sekula ba Tanjung Lobang kelia maya betundi sebelah jalai ngenang utai. “Asal bahgia derita tanggung sendiri,” ku bala sekeda ga.
“Penerbangan kita ke Kuala Lumpur akan mengambil masa satu jam empat puluh lima minit.” ku akih Pilut ke nerebaika bilun MAS pagi nya. Jaku bukai iya enda ingat agi laban maya tu kelia ukai nya deka ninga ka leka lalau leka tesau, ukai nemu nguing limpang mendingka jaku penerang. Berasai enda nyamai ga tudah ati aki gerubi laban ti ngenang diri mansang ngejang nyelat urang. Ahhhh endang baka urang ti belelang enggai kurang meh nya deh. Akai dai..naka ga pemajik gamal bala sida endu stewardess. Apoooo enti baka utai labuh tau dijeput nyau nyeput mimit ngambika enda puni bisi ampit enggau bala sida aya nyambung ngeluit. Sayau meh enda serambau!! Ka ngemeranika diri pan nyau ga enda laban ke suah digelar sida endu sida ibu agi bebau lia. Assss apai tat ke dia meh dulu! Ahhh ka tinduk mejamka mata engka tinduk telenga bebuka mata meh jangka aku laban utai bakanya. Assssapai tak nadai urang enggau manchal! Enti baka ke diatu nyau ga nemu reti kelab Mile High ti ku urang nya. Nyau tak enda berasai nadai kurang pengerindang nyau ga terengkah ba lapangan terbang Subang. Pesan urang ari rumah endang sigi ngambi teksi lalu terus nuju hotel ti dipadahka menyadi tuai aku siku..pieee utai tak tengah pasar tang aki kitai gerubi laban diatu udah tuai nyau enda ingatka nama hotel nya!! Bemalam meh tu dia deh laban ti nganti penerebai diri pagi siti ke Tokyo. Indu utai jauh lemai pan enda ga kurang mayuh ngelambai mai betunga nengali lemai tang meh aki gerubi nemu negu enggai ka puni di pantuk ular sebelah rantau jalai laban pejalai agi panjai. Hahahhaha ku kitai..nama mula!!!
Pagi siti nyau ga ngangauka teksi nyuruh nganjung ngagai lapangan terbang Subang. Tu baru iya..kemaya deh kala ngeluarka diri ari Sarawak menua Malaysia!! Mayuh meh utai ti enda tentu masuk akal maya ti udah terbai masuk remang betuntung langit besambung, meraka tasik begirau gelung. Dalam bilun tak jenuh meh tudah aki gerubi laban ti nadai ngelala urang siku. Di dinga jaku sida bujang sida dayang tu tak nyelai ari jaku ke suah selalu di dinga. Nya meh gaya kitai begulai enggau bala urang Malaya deh tang benasit bisi begulai enggau sekeda bala sida maya ba Kem Batu Lapan enggau bala sida ke bisi enggau ngajar enda lama ba SMK Pending, Kuching.
Begantung dulu cherita laban ti deka mupuk enda lama..
Pagila lusa betemu baru..

Mansang Nurun Belelang I....

2009-06-25T21:04:00.000-05:00

“Lusa bekejang meh aku lalu ngajihka dudi hari kitai ulih betemu baru,” ku aki kita Gerubi nelai siku ari kaban ti udah enggau iya begulai sekula ti dikumbai urang mayuh Tanjung Lobang College, Miri ari taun 1980-1983. “Bakani meh gamal kitai tu ilo ahh enti betemu baru. Berapo taun meh pengelamo endo betemu deh,” ku tudah Andrew Blassan Siang nyaut. “Anang lalu lekat bebini ka uhang putih dik! Urang nyuruh belajar anang enda belajar..anang enda ingat ka kami tu,” Patrick Ngindang nambahka jaku tundi tudah Andrew. Aki Gerubi, laban ti sinu gaga lantang sendat nyawa tak terus reretuk nebah gitar ti nyau baka gamal sengayuh repuk buruk enda di kemataka. Tu meh malam ti penudi tudah aki Gerubi duduk beseluar charik betibak chabik tisi jalai mangkang parit besai menua ti dikumbai mensia di menua Kuching tu RPR Batu Kawa. Malik sekali ngenang ke belakang tak nadai utai ulih ga pengawa ti digaga baka bala sida aki Gerubi tu suba tak ngenyangka mata. Nyau udah ngalih anak bulan madahka kami tu tadi malam udah nenak mansau mansang siang. “Udah tengah malam, aram meh kitai mupuk mulaika diri,” ku bala sekeda bebai pulai laban tubuh tak nyau mai gali mejamka mata. “Pagila betemu baru,” ku bala bukai nyaut semadi nyaut.
Datai di rumah tak enggai ga mata pejam entah nama kebuah. Gegaring berunding tekenang ka tudah endu siku ti di kesayauka tinggal di menua. Di dalam ati din endang ngajihka iya nganti pemulai tang leka jaku enda kala di lua, di telan belama. Nadai ngawa laban sapa kitai mensia kala ngesal sebedau utai udah nyadi! Enti kitai mensia tu nemu ngesal dulu, dudi rindu ku kitai deh, engka enda ga kitai tu ngembuan serta nyandang pengidup ke disandang kitai hari kemaya baka ke saritu, enda pia? Minta betanya meh kitai engka enda ulih ga urang nganti kitai laban dunya mansang belama lalu naka meh pemayuh utai ke tau nguji. Enti sema baka utai ti tau di simpan nyau nyimpan iya dalam tajau tujuh taun tujuh bulan tujuh hari ngambika enda ditutu kebari. Budi basa nuan endu endang lumur satu. Enti nyema ka di buai nuan ke tisi jalai, dibiarka nuan ba tebing sungai, di lengka ka nuan di tengah tasik besai, nuan endu endang dikenang sampai ke tuai. Ahhh nyau enda berasai ga malam nyau ga dinihari alai endur mejamka mata.
Nyau berandang utai di luar laban panchar mata panas silau enda enda dipeda laban ke benung begusukka mata. “Ah laun mai nuan dani saritu Bie,” ku tudah Indai nyapa ari bilik besai laban tudah benung besapu ka uras ti dibai bala kami menyadi sari enggai sesuntuk lemai kemari. Nama deh, udah mandi bepisin nunga chermin lalu mupuk meh aku ngusung stesen bas laban ti bisi ati deka betemu enggau bala ba sebelah rumah Elektra Kuching Plaza. Udah bejanji meh bala kami tu lemai kemari. Pieeeee naka pemayuh bala bekerungguk duduk ngembing tangga niki katas kin. Puas duduk nyau ga merayap enselit bebesap nuju dockyard. “Bah nama pengawa tu deh,” ku munyi diri nanya bala narit seput dalam agi. “Am bejalai katas kin, ila lama nuan enda nundi indu tambi,” ku sapa agi enti enda Patrick!! Tudah aki Gerubi tak au mengau aja meh maya tu. Bisi ga urang sepiak tak nemu nyubit ngetil tudah kulit rusuk ti malut kerigai ke nyau deka pansut nya. “Anang guai laban bisi utai di ambi ba Pos Upis din dulu,” ku aku nyaut nyau ingatka bisi utai ti patut digaga sebedau berangkat pagila. Pemanjai cherita enda ulih di rintai deh..nganti ke bekejang meh tudah aki gerubi ti nyau ngira jam….
Mupuk aku enda lama…pagila lusa betemu baru.

Kali ti penudi sebedau pegi.......

2009-05-12T04:17:00.002-05:00

Bemain kali penudi:..
Tu meh engka kali penudi bemain bul enggau bala kaban ti udah bisi ampit begulai enggau aki Gerubi di Batu Kawa, ti udah begulai ngajar ba SMK Pending. Apuu nehhh nadai meh ku enggau deh, nadai meh agi enggau bala kita ngensung munyi burung tiong andalka buah tamang raja; ngensung munyi apek busung enda ampit indu dara. Enti kemaya tu aku enggau kita mudik ai USA, Ulu Sungai Apong, tu ila aki gerubi nguji merau mudik ai USA, Ulu Sungai Amerika deh. Lengka ka dia dulu meh jaku tundi kenang bebuti tu tadi. Endang udah ditagaka laban bala pengajar ti enggau bemain mayuh pandai bemain. ..Minggu final PSKPP bagi kesatu tu meh kali penudi aki gerubi bemain bul begulai enggau pengajar ti sama sama ampit ngajar ba SMK Pending, Kuching. Udah nya bisi ga ampit dibai bala bemain piala SADIA lalu bulih lumor dua maya deka ngerami Gawai Dayak 1985. Sebedau nya bisi ga dikangauka bala bemain tujuh sepiak ba menua kaban Bidayuh di batu lapanbelas. Akai tak bemain ari pukul semilan pagi sampai pukul empat lemai..nyau ikak nyau lelak meh asai tubuh tajapan agi rumpah bujang nyelah ngeranah. Tubuh pan nyau madai berasai disepi di asai. Nadai enda ngemuaska diri laban kemaya meh tu ulih enggau bala kaban bemain begulai baru. Benasit nadai MJC alai ngurut tubuh ti madai enda enda asai, alai bekaraoke belagu semina duduk berimbai. Weeeeewwiiittt ku kitai deh.

Gawai ti penudi…
”Aram sanu enggau kami ngabang ke Kampung Semeba,” ku Patrick Ngindang ngangau ka aki gerubi. “Ila lama nuan enda enggau Gawai”. Nama deh, tak nadai bekira dua tiga kali lalu nurun enggau ati gaga laban bisi bala enggau bejegau maya hari rami. “Anang mayuh ulah. Kami tu enggai digagai apai indai urang,” ku tudah indai nyerarat mesan penapat ari dapur laban ti ulih nela ulih meda utai ti tau nyadi sekali engkijapka mata. Pieeee..nyau beteguir bala anak mensia pulai ke rumah. Malam hari siti lalu di bai bala menyadi ngabang nuju menua ti di kumbai urang Merdang Gayam. Jarang lebu ga tudah aki gerubi pama nurun. Ila kemaya meh ulih begitu begini bakatu bakanya agi enti udah belelang jauh nyelat urang. Baka ti ngiga ulih enda ga nya. Pandak jaku, bepansa sekali berimbas enggaika puni enchuki ensepi asai tu nadai ngawa iga. Nya meh ku urang tuai kelia, berani nebang berani ngesan. Tu meh baka randang rembang aki gerubi sebedau pegi betapa sari.

Minggu ti abis penudi aku nengah nujah kali lima pasar Kuching pasar Simanggang. Sempat ga aki gerubi nemuai enda lama ngabas menua ke Undop lalu neresa kaki lima pasar Simanggang. Akai dai..Undop meh ti bisi ampit ngajar aki gerubi bekembuahka lada, betangkalka getah, betungkuka padi, enggau pengawa menua ke bukai mega. Tu meh menua ti betuah bisi nasit mai aki gerubi nemu enggau urang bebubu ngasu beburu. Kada agi meruan kampung jerung ti alai nyumbuh tunggal begagai pagi; alai bujang manchal begigaka bini enti aku pulai nemuai dudi hari! Endang udah masuk akal ga utai bakanya kelia. Nadai ku enggau meh enti sema enda ampit meda kayu rebah menua berubah. Mayuh mega bala ti serambau begulai sekula enggau betemu alai ulih betabi meri jaku goodbye ku ribai selamat bejalai ku kitai, saum penyiru beberi jaku selamat tinggal pagila lusa kitai betemu baru enti umur panjai nadai apa nadai nama. Nadai ku enggau meh laban udah nasit di beri petara. Bisi bala sekeda jauh pejalai lalu bisi ga bala sekeda jauh pejalai dalam mimpi tengahari bakanya aja…..

Mupuk aku, enda lama……pagila lusa kitai betemu baru, enda pia?

Jalai tebuka pintu telenga...

2009-04-29T02:02:00.002-05:00

Kiraka mutus ati meh tudah aki kita Gerubi nemuai ngusung menua ti seruran dibacha dalam berita menua kemaya; menua ti suah di dinga tampak rita benama Merika. Bala sida ibu aya, sida indai ga berat rat mesan enda nyuruh bekayuh ngepit sengayuh bangkung kajang; enda nyagi pegi mansa padang bansa Colony enggaika lepi dudi hari tinggal rangkang. “Enti danjung ke menua Landan, iya tu sigi pelir dibai mansang pelir meh dibai pulai laban pengeka iya bemain bul,” ku bala sekeda ga betelai belalai ngumbai aki gerubituai tak tuli menuli enda ninga retik singkang langkah kijang, enda ninga kebap sayap burung kenyalang. Nama mula neh laban ti enda nemu pulai melangkan sebelah lupak tengah padang. Ehh ku kitai, sigi endang udah masuk runding ga pengawa main bul tu kelia nyemaka di anjung sida ibu aya enggau indai nemuai neresa menua Landan, Ai Ngelan ahh..Nama penyalah deh..laban kaki tak agi lempung lanchat engkelung melit ngeluit pun bungkung; tak agi regas agi bagas ngelunjak lepung. Oooo ha nya iya-pama nyaut munyi nya tak lalu munchung setanjung mulut bala mensia. Urang tuai ukai nya tau dipadahka utai sengapa deh. Tak berenaing taing taing ulih didinga sekayu tinting leka jaku enda tau mali anang tu tadi didinga tama mansa lubang pending telinga mensia laban enggaika kitai anak nembiak nadai pemandai seruran pungkang. Enggaika kitai tu tadi tak nadai diguna di kumbai urang ngemenuhka dunya. Nadai ga aki gerubi tak ngelingkang nyakang ka numbangka leka sembur jaku atur leka putar jaku ajar urang tuai.

Lengka ke dulu meh pengawa ti deka enggau urang bekerja makai gaji. Jacksonville State University here I come. “Nama meh utai ti dikumbai urang Visa tu deh,” ku aku ngenang balas urang ti nyuruh begagaka utai dikena masuk sekula baru. Enti baka diatu tak dikumbai aki gerubi wang ringgit duit pelastik kredit kena saritu bebayar pagila lusa dudi hari. Tu meh siti ari peminta urang menua nya laban enti nadai nya sigi enda ulih enggau urang belajar macha belajar ngira masuk sekula kali ketiga. Nasit ga bisi dirintai bakani jalai ngambika enda tesat enda tepampat. Akai dai..ka pan enda engkakai tepenat pedis jari angkat duduk bediri ngisi pom. Ni alah tak duduk bungkuk baka chengkuk buntak tayuk betaipka utai deh! Tu endang sigi berasai tulang belakang nyau terit tendur baka bengkung bubu jarang laban ti udah berasai lama enda apus engketu engkutung ngeremi gali enda berupai. Ahh enda lama agi meh asai tu alai ngangkatka diri berenang ngiga lubang, belelang ngiga sarang; nginti begigaka baur, enselur begigaka endur. Di tagaka udah chukup meh surat lambar kertas di kena nurun belelang.

Akai dai laban ti udah mutus ati deka ngindik menua ribai, ditinggal dilengka ke dulu meh pengawa bukai. Pagila lusa maya bisi ayan datai nyenguk nampung iya baru deh..Bejalai kulu ngindik batu; bejalai kili nengah ai meh tudah aki gerubi tu tadi mai ati gaga…Asss apai, tak berasai ga tudah aki gerubi berani ngijapka mata nyeling indu china. Apuuu neh, tak hitam manis chelum lis ga gamal tudah endu siku tu peda mata. Ni enda ati tekuing sekali nyeling deh. Jarang ga meda kulit bansa sida tu bakatu, pama enda kuning lensat endang tak burak baka taya. "Anang ngachau anak urang," ku sida sebuat ti bisi enggau aki gerubi nyukat pasar Kuching maya tu. Danu urang pan enda meh mereti jaku sida nya ti nyau kekuchau munyi semalau mandi lemai. Tang jangka aku enda ga bala sida endu nganu laban tak ngemeranika diri nemu ngaling mai betawing. Teperindang semadi ngenang aja meh nya laban munyi ku ribai, accident!! Sida endun dara menua pan udah ga abis peresa alai ulih datai nemuai ngusung meri goodbye ti ku kitai. Appooo neh endun, dia meh alai tua betemu belalai belala begulai beserara enda lama neh. Agi bediri chechegi dipansa tiap hari nya deh indai endu wai sanu.

Mupuk enda lama meh aku sekali tu…ila betemu baru.

Randang Pendiau III.....

2009-04-19T22:40:00.001-05:00

Selamat betemu baru dalam karang kenang randang pendiau urang bujang ketiga sekali tu. Engka meh ati tu bedau nemu kini tuku; bedau mutus kini tuju. Nadai kala dek apai diberi urang jalai ulih milih; bepampang tesat titih. Oklahoma sounds good for now. Akai dai..”kada enda ngesal tu ila,” ku tudah diri bejaku kediri berandau nengali. Enti nitihka ati sigi meh aku tu nampung pelajar tinggi ke agi laban nyau berasai enda nyamai ga di tinggalka bala kaban serambau sekula ti nyau mengenyau nampung pelajar sebelah seberai semenanjung Malaysia, menua chelap selju putih utara Canada enggau menua Amerika tampak rita. Hmmm bisi ga bala keda nemuai kebaruh nuju menua Setrulia ti ku sida niang ini kelia. Hmmm nyau ga datai surat ari seberai madahka diri enda bulih masuk University Malaya. Nadai ngawa ga deh enti kita bangat enggai nerima. Ambi terima anchau ka tikai enggau ngambat penatai sida bukai nya meh.
Kelimpah ari ti berundingka penguing diri, bisi ga hari maya betulungka pangan diri. Tudah kaban aku siku pan nadai ga diterima sida ari seberai nyin…apooooo..ukai baka kita diatu deh dom igat bujang anggat; ukai baka kemaya hari tu kami kelia deh endun endu dara rejat. Diatu tak melunggit bejugit nepan ensikal jalai sempit datai meh ba tempat ke dikumbai urang Universiti alai bulih ketupi ngelindak besegi nya. “Jom sanu, ngantar aku interview kejap,” ku tudah kaban aku siku ti selalu mansutka batang idung iya ari Kampung Pueh, Sematan. “Ko interview sine tok,” ku aku nyaut. “Eeeee kat Simpang Tiga sia bah. Abis interview kelak kita nyerabut kat All Joy,” ku tudah kaban aku siku nya. “Kelak call Julai mun dah abis,” ku aku. Nyau meh kami duai iya deh derut derut mansang enda surut. Dini deh nemu utai ti bekaki empat ningkap ngerayap baka Kancil deh!! Proton ti ku urang nya ga huh..kada udah dalam kandung perogerim menua! Enggi kami hahhaha Have Honda Cup Will Travel deh kelia. Nemu nya tudah kaban interview deka nyadi pegawai kastam. Nya iya ku dalam ati aku din..udah ga nyadi kepala nyelalaika penatai sahip ari Indonesia..ulih nyadi tuan kastam iya nya??? Hahhaha nya meh kaban kami siku ti sama serambau begulai sekula benama Apin Pauzan.
Hari beganti hari ga aku berunding ka kuing tuju pejalai; puang nadai penatai. BLTC better known as Batu Lintang Training College ba Jalan College..bisi nembiak ngumbai nya Jalan “Kollegee” meda sepiling tak munyi nya..enggai ga nerima. Bangat tai mensia dibaruh hari tu meh tudah aku tu neh. Tak baru deka enggau urang belanda ngelendatka stadium baru menua datai ga surat siti ti madahka tak bulih tempat alai endur nampung pelajar enggau sekulasip sama sekali. Apoo ku dalam ati nanya diri, “Nama mimpi demalam.” Asai tak bemimpi tengahari lelap engkijap udah dani meh nya kini. “Engka sida tu bisi salah tulis kini,” ku aku ga serbana. Engka pinsil pandak udah ditetak enda di ansah; pinsil panjai udah ngetak seruran basah ti dikena sida tu. Enti tu nyadi ila apoo naka penyauh pejalai tu ngerembang remang langit mingkai; ngelangkah tasik enda nyangkai, ngelaungka gunung mayuh tuchung; mansa paya menua Chantung. Mayuh meh utai ti tau nyuruh tegenung sinu ngenang; tegepang rebah telentang enti duduk kediri ngenang utai ti tau nyadi enggau utai ke bukai mega…….
Bah nyurutka diri undur ngeremi..mupuk aku, enda lama..

Randang Pendiau II....

2009-04-09T00:31:00.000-05:00

Aasssss apaiii engka bisi meh urang nemu kasihka anak ampang ijau jegalang; bujang manchal pemechal tusu sintal dara kumang. Akai dai..tak enda berasai ga tudah aki Gerubi nengkadah malikka langit puang laban ti ngenang nasit diri udah ulih tau enggau urang ngetanka menua berambunka nyawa napi peluru leka senapang masuk nyadi soldadu Tentera Udara DiRaja Malaysia. Tinggal meh nuan sulu ambai kunsi seribu mata; tinggal meh wai dara jawai ambai saum sekayu menua. Sabar meh nganti pemulai aku ti endang di temu datai setaun dua. Beserara enda lama meh kitai tu deh wai. Tu meh gaya asai ati ti udah nemu ketawa laban ti udah lama pedis telih di bai nyabak enda diterima kin kitu. “OOoooooOO ha nya iya , “ ku munyi diri berandau nengali. Nyamai serta lantang ga mejamka mata nindukka diri laban sejai jai ulih meh enggau urang nyerauh beguruh enggau TUDM.
Bah lah..tak berasai malas ga dani pagi deka nurun ngajar nembiak pom three ilmu alam ku sida bala Melaya Semenanjung Malaysia; geography ku kami . Kemaya meh aku madahka tudah Tuansipol SMK Pending neh? Enggai nyadi ga kitai tak tumu meleka baka buah mansau rarah inggar; baka dan patah tingkar. Nadai ga ngawa iga laban bisi dua bulan lunggar sebedau masuk terining. Baru meh tudah aki Gerubi deka nyeput ngenyangka perut tengahari bulan tiga endur alai mutusikal tak nyau rerauh ngeput mengeput ngangau baka ti enda ampit minyak di luar pagar pintu penama.” Apooo nama gaga tudah aya postman tu neh,” ku kenang diri. “Baru ka makai tengahari kami tu aya. Nama utai deh…,” ku aku ga enggai enda nyapa betanya enggaika tudah tuai tak bisi pemedis! “Bisi surat nuju sanu ti enda tau enda dambi ngena tandajari,” ku iya ga nyaut aku. “Au meh..tu aku nyain,” ku aki Gerubi kita laban nemu nya surat ditujuka ngagai iya deh. Akai, ku dalam ati berunding lalu meratika stamp sida nya. Pama penyauh ga burung achang tu terebai ngerenchah langit meraka tasik besai jauh pejalai mai surat ngagai pulau Borneo! Di kumbai bungai raya bungai Malaysia ukai ga gambar stamp sida tu suba. Tak bisi chop Columbus, Ohio ..”hmmm engka tu meh menua ti di temu diperimba Christopher Columbus kini,” ku aki Gerubi iran ati meda chop nyelai bakanya. “Ari ni nya B,” ku tudah aunty aku nanya! “Ahh lagi muka pama bisi maya lunggar ba sekula,” ku tudah B nyaut. Nyau beguai ga tudah aku nurun laban jam nyau ngeluah mimit alai ngebuka diri mansa jalai rumah sida Nasib Teruna ngelayang ke sepiak SMK Pending kin.
Nama deh, tak naka pengaga meh ati. Berasai pandak ga hari saritu. Surat lalu ga enda dibuka laban pengagit ati ti deka besipakka buah bul enggau bala diri serambau enggau sekaban ba Batu Kawa. Ukai nya tau tinggal deh. Enti enggi urang mansang sekerat, enggi aki Gerubi maya tu kelia mendua meniga kerat deh mansang pama bala bisi nyebut buah bul. Akai..kasih ga tudah gulikipa kami maya nya, Frankie Stephen Agih, di timbak enggau buah bul sais lima. Yeahh..some of them guys went on to play for “Ngap Sayot” . Nyau salah kelala lemai nya baru mulaika diri ari padang. Udah bebela lemai baru macha surat ti di terima. Yes….bulih ga tempat ba Ohio State University. Surat siti ti ari Stillwater, OK pan madahka bulih ga tempat….apuuuuu nemu meh urang kasih ka bala anak Iban ti ngelama lama tu dikumbai urang timpang anak ampang. Bah lah ukai kitai tu anak urang kaya raja beduit mayuh reta! Dini bulih duit dikena melanja sekula, enti nyemaka nampung pelajar baru? MARA udah enggai meri! Enti nganti sida tabung aki selumbi kaki nyingkang; aki sebiji gigi rabang sigi nadai jalai deh. Now, TUDM, Ohio State University enggau Oklahoma State University, Stillwater ti dikira dalam runding. What must I do? Nama meh utai ti patut di pajuka?
Mupuk aku..enda lama. Ila betemu baru kitai.

Ngerandang Jalai Pendiau............

2009-01-18T20:34:00.001-06:00

Ngerandang jalai kediri....

Nyema ka diri ti imun diau diri enda luchak tengan laman enda kamah jari lengan engka meh pendiau enda ligau ligau tebasau jam rugi belama. Benasit ka diri ti bisi pemanchal berani mechal penguji dunya meh alai pendiau tak enda berunding dua tiga kali ngerembang ngerandang jalai repa penampung nyawa. Nya lapa deh ku tudah kenang diri maya ti nenggau tandan tangkai bungai buah penyamai. Engka bakatu magang meh kitai mensia ngenang serta berunding maya kitai udah tepanggai ba umur alai bekuing merening ngiching niki tangga belubah nyingkang tu. "Uji ti enda menyati diri, likun pendiau belajar memanah tu tadi, nadai nuan kapa kapa," ku bala sida apai, sida indai, bala ibu aya. Pengasih mensia ke kitai meh pama urang nyau nemu beserebana bekenang ngira pengawa kitai pagi siti lemai kemari.

Ngerandang jalai pendiau serta enggau pengidup kediri tu ukai pengawa ti lempung nyamai di san baka ngesan pelai pelapung ginti ti ku urang deh. Nya meh laban penimpang ari mit nemu nyungkit tinga raja; penimpang ari mit berani ngerupit buah dada. Laban kesatu entap baka ugap raja menua; nadai apai sumpah petara. Enggai pan tudah aki gerubi tu tadi nginsit nyau meh betelansat ngidupka nyawa. " Bee, ku tudah aya aku siku maya tu. Uji nuan meri aku saptiket ti ku sida niang ini kelia...meda baka meh." Nadai ga tudah aki gerubi bangat nagang deh! "Nganti aku ngumpul laban agi meruan betemambur dalam bilik din," ku saut ga. Nemu aja meh kitai pama bilik ti dikumbai bilik urang bujang ahhhh lembau aku nyebut deh..betemambur utai ayan becherayan ba geladak lantai penawan. Ahhh kapa bangat ngenchadika kengka saptiket nya..ukai nama nya deh, semina kertas besegi beleka minta puji aja deh utai nya.
Aki gerubi pan lalu bakanya ga betaipka surat betanya bepinta enggau mesin typewriter made in China maya pun perang Jipun dunya kedua kelia. Nama deh..nyau leligau ngiga abc sebelah nya..tak nyempelah ga sida China tu ku ati aku..nama kebuah kitai belajar abc di sekula tak seripih serintai serarih..enggi sida tu nyau ulih ngiga betatuk munyi tabuh leka lagu serbana dungai sida aya? Nyepil nama diri pan nyau pejam pejit baka empeliau bejalai singit ngiga letter ti ku ribai. Ni deh utai di taip nemu abis! Pupuk belubah manah jamah meh tu kelia..

Ahh ku kitai nyau udah sebulan nandan di langit setaun nampun di bukit tak datai ga balas urang deh. Tu meh maya aku nyambut hari pengada masuk umur bujang enda chechalang; umur mali surut bejalai mansang; umur ti dikumbai kitai 'barang sapa ngetan sapa ditundan' ..darah muda bekalih nyadi darah isin , lari kita endu enti enggai alai bepusin deh. "Bee, ditu tua duduk..ba luar tu," ku tudah aya aku nya tadi. Laban ti diau enggau sida deh..ka pan enda nitih ningaka jaku pesan kangau urang. "Nama deh? Tumu amai ga? Sapa ti enggau tua bemain badminton dia deh," ku tudah aki Gerubi nanya laban ngelama lama tu pama di kangau bisi meh nya "family cup" bemain badminton sesama diri sebilik. "Pagila nuan nurun enggau aku ke Satok kin," ku tudah aya nya madah. " Nama pengawa tua deh? " ku aku ga hmmmm ukai nemu utai deh..nemu pia pia meh. "Aku nganjung nuan interview," ku iya. Nyau lelengap ga tudah aku .."nama pengawa nya deh aba?" ku aku ga nanya. Aku au belau aja meh maya tu kelia..sepemai urang. "Kati ku baka neh enti masuk TUDM megai pangkat Leftenan Muda..bisi amai nya," ku iya madah ke aku ti lalu rerangap enda sempat tedataika leka jaku balas....Besambung baru maya bisi lunggar jam ...ari chukir aki Gerubi........

Pengawa Sekali Ngelansa II......

2009-01-07T18:28:00.001-06:00

Meri selamat taun baru nuju bala pemacha karang kenang aki gerubi bujang Simanggang. Nya lapa deh..naka pengelama meh aki tu udah enda kiruh baka bekeritukka ngarang cherita rintai ripih pejalai dataika tuai. Baka ti tekait tetugam jangkam mua; baka ti nadai ayan seruran betundi nadai leka. Bah lah, aram meh kitai nginsit belubah lubah masau jam muai masa.

Tak enda berasai ga ngayunka singkang belawa belanda begagai berebutka buah bul ti meruan segala ba padang ti benung belengkap langgung enda rata ba mua sekula SMK Stampin maya tu kelia. "Nama meh kita tu bangat tak nyau sengah sengah enda tan seput, alah jamah kami ti tuai," ku tudah Jonathan Nanang maya kami berenti belelak udah tembu babak pertama. "Lu olang kuat melokok...minum pun suka suka mana tahang," ku tudah saut Sumping china gila ga laban ti ngasaika bala tak agi ngetatka palu butul stout carlsberg lemai kemari ba ehhhh nama penama kedai nya ba Batu Lintang dia neh. Assss enti bisi pil kuda pama ga agi hahaha. Tajapan bakanya, nadai ga ati irau laban tudah Jukah Panau enggau Samsuddin Hassan sempat ngambi peluang di jarang kurang. Menang sekali, menang ba padang St. Joe, ba padang Matang enggau padang Jubilee udah nya nyau ga kami sebala ampit enggau berebutka mangkuk ba ...hmmm baru amai ga stadium tu suba deh..nganti padang Jubilee kenu ku jaku kenang bala mensia di seberai din. Bala pengajar ari menua Bau-Lundu meh ti enggau besatup ba "Final" maya tu. Yesssssss we menanggggg by 6-1!!! Nyau betegaring bala kami sebala laban ti hahaha engka kelalu ikak lelak kini nya or butul butul butul...laban sebedau bemain udah nuntum bala sekeda.
Nyau tekenyit aku tudah aku laban maya nerima perais nyau besatup mata betentang mua enggau siku mensia ti ampit ngajar aku di Tanjung Lobang. Nama deh agi ketuchum ketawa meh tudah aki gerubi lalu nyampaika jaku seleka dua. "XXXXXXXXXXX koo, jumpa jua ngan kitak tok ehhh," ku tudah aku nyau enda berasai laban ti ngenang iya siku ari sida dua iku ti mati idup deka muai aki gerubi ari asrama enggau sekula sesama sekali. Asss apaiiii udah ga di sembur bala ba Batu Tiga dia tudah ini siku tu...engka enda jera kini. Hmmmm nya meh ulah ti enda tau ditunda nembiak kemaya laban nadai mai penguntung tang tau mai pemedis udah abis belajar, udah abis sekula. She was none other than Siti Khatijah, sapit tuansipol Tanjung Lobang sebedau nerengkahka diri ba Kuching. Ahhh tak nadai kala didinga agi meh tudah ini; ke penudi tu tadi bisi ga bala kaban serambau sekula kelia madah udah nyandang pangkat Doctor(Dr)...

Kelimpah ari pengawa bemain enggau segau segau enda nitihka maya tu kelia bisi ga ati deka nitihka bala serambau laban meda bala tak nyau mengenyau nadai dayau kemayang tunsang ninggalka menua. Bisi nya masuk Universiti Malaya; bisi mega bala masuk UKM, ITM, USM, enggau sekula pelajar tinggi ti bukai mega..Nyau tinggal dua tiga meh bala ti suah begempuru sebelah rumah elektra, Kuching Plaza enggau Wisma. Bah lah ku bala keda..berunding meh. Bisi sekeda nya nyau dikangauka interview kin kitu deka bekerja. Lapa deh enda bepinta enggau urang..ngeruh ai ku jaku; anang enda..bah nama deh? Pama nerima surat balas endang udah nemu saut urang deh...enti dirintai pemanjai engka apus rantau sekayu jalai Kuching-Simanggang nya. Tak di balas enggau jaku ti bepunka "Dengan dukacita nya...bla bla bla" belama deh. Assss engka ari pemanchal nyeligih enda bulih tu tadi meh tudah aku tetemuka utia ti patut di kerja. Tak ngerijista diri ngambi peresa English A level tang meh ari semua menua ti bisi, tak Simanggang ga di pilih alai beperesa. Engkechit enda ga lama ke Simanggang mansang pagi pulai lemai..pama diri ga RXS nya kelia deh. Ngerijista diri ngambi single subject ti ku urang meh tudah aki gerubi kelia...Entah nama meh utai ti kumbai urang single subject laban ti enda datai masuk peresa..enda ampit haha ukai enggai!

Mupuk aku enda lama...ila nyambung ..Selamat Taun Baru.

Pengawa Sekali Ngelansa....

2008-12-03T19:30:00.004-06:00

Pengawa pagi.....
Tumu mega tudah aki gerubi dani enda salah salah baka ti ngerumban basah embun pagi nurun ari Batu Kawa muntang ngelampat ari jalai Ong Tiang Swee lalu mechut derut derut mansang nuju SMK Pending. Nama agi deh kelia, pama udah datai ari sepiak ngalih ke sepiak Simpang Tiga ti dikeluluka bala..nyau deh katas kin. Semadi nganti maya meh bala kami sebuat betunga berandau enggau pangan diri....nama agi deh laban bala ti pama pama tajapan Pengajar ku jaku. Tu meh maya aki gerubi bekelala enggau Abang Patdeli Abang Muhi, Ronnie Boniface, Jukah Panau, Abdul Kadir, Samsuddin Hassan, Abdul Razak Ismail, Nasir, to name a few meh nya. Tu mega maya aki gerubi betabi dua kali enggau siku pengajar ti udah ampit ngajar bala kami maya aku agi duduk rerungguk ba bangku sekula, Mr. Ong Siang Pau! Ahhh nyau kepuas puas betabi basa bekumbai selamat pagi cikgu good morning sir tu tadi, enda ga berasai nyebut madahka tudah tuai iya sapa ti ngereja ngukir entuka tudah iya kelia nyadi batik Malaysia. "Really?" ku tudah kasih laban ti enda nyangka. "I thought it was the work of you lower sixth students lah," ku tudah nambah pepesap mata. "How you know ah?" ku iya nanya baru. Tudah aki gerubi tak ketuchum enda nyaut agi lalu angkat ari bangku panjai laban ti udah maya masuk betunga enggau bala anak nembiak. Tak lempung asai dada laban enggai agi disangka nadai betanda baka kelia...Pama nama udah jai ukai ulih ditikalka agi deh. Seminit aja deh ngereja enti ka ngiga penyai ; sepemanjai umur kitai idup mulaika diri ngiga pemanah. Nya lagi pan kadang kadang enda datai ba adan.

Pejalai lemai...
Pama udah nudukka diri sejam dua di rumah nyau deh "beganjuh" baru. Laban tubuh muruh benung rumpah nyamai dikenang nadai urang nagang. Ahhh ukai bejalai sengapa pejalai deh aki gerubi laban..tak enggai nyadi enda..laban ti udah di suruh ngemataka nembiak belatih. Au meh nama mula..semadi nadai aja meh nya. hmmmm nama tu suba neh..ngatur dua tiga iku nembiak long jump enggau triple jump! Akai dai..kemaya meh kala enggau urang merejuk kejingka baka kijang dek apai. Asss apai urang ga nyuruh kati ku baka deh, ngaminka ngapa meh. The lad turned out to a very good triple jumper and of course a long jumper. Nama agi pama udah ngelengka ka pengawa nya, nyahh din alai tudah aki gerubi enggau urang ngelendatka padang. Rumput teka di reda; rumput malu di tumpu; madang lalang di rembang. Nasit mega tuansipol sekula maya nya kelia ngeransing ka peneka bemain diri iya empu mega bemain bul. Udah ga bala, akai daiiii pama belelak mimit sigi nyau lelepu nepuk pangan enggau asap semakau Malaysia. Enti lemai salah kelala ku kitai sigi tau di kumbai indu sempepat deh. Ahh ku bala besemaya enggau pangan diri..tu meh maya alai bala kitai ngerigang diri..ba padang bul. Tak tau magang mega bala bemain..dua tiga iku pengajar bansa China ti datai ari utara Malaysia begulai enggau empat lima iku bala West Malaysia bekaling enggau bala ari pulau Borneo. "Sumping" China Kuching nya tak nyempelah mega..kaki kerusi bangku raja enggai meh enda enggau!! Yeappp udah chukup lelak nyau ga bala ngerumban kedai sebelah Batu Lintang dia ngichaka ampit sebutul dua bedau mulaika diri ke rumah! Ukai nama deh bala sekeda sigi ngipa ku jaku..bisi amai ga sida MPBL tu kelia dikenchadika bala. Sekali bepansa berimbas bau besatup kuyu; bepaut jari beluit kaki nadai nya ngawa iga ku jaku bala keda deh. Abang nama disebut agi deh..tiga depa isi mansang ..nyau gegitik tudah pama datai angin ari Simunjan!

PSKPP.....besambung enda lama agi...mupuk enda lama aku.

Bekelala enggau reti leka jaku "Pengajar".....

2008-11-13T16:53:00.002-06:00

Hari beganti hari, minggu beganti minggu, bulan beganti bulan udah megai pangkat tuat tungkat nyelai amat ti dikumbai "pengajar" tu nyau ga berasai bekalih sedih sinu ati laban maya agi di bangku sekula enda tentu nemu pemesai pegai rangkap pemanggai jaku pengajar. Maya ba bangku sekula kelia deh, pengajar tu semina bala anak mensia benasit bulih duit makai gaji diberi perintah menua. Malik ke belakang tak berasai sinu ga tudah aku laban ti ngelaban jaku suruh bungai tujuh seribu laku sida miss mister sir madam cikgi cikgu.

Ahhh ukai meh sida tu deh tak semina rah rah bejaku kamah; tak bediri chegi chegi depan mua ngeluluka perang dunya kedua history sejarah mensia. Ari kiba sida ibu aya tu tadi deka bekunsika utai ti udah ditemu ngambika bujang dara nembiak dudi tau pas peresa bulih pangkat satu ngambika sida iya tau pandai nyadi menteri megai menua. Magi meri penemu ngichaka sida bala nembiak ti rerangap jejengap tau nyenguk universiti Malaya. Ehhh enda ka tebelenga kembai idung bejalai enda chundung enda nukung sida apai indai kita dom igat endun endat gatal lusong! Tu meh asai iya deh! Bah lah ku bala nanya. Nama nya tak ari kiba aja deh? Anang guai belubah ngerintai meh kitai laban lemai tu agi muda panjai pejalai. Ari kanan bala pengajar tu tadi endang baka kitai mega. Bekerja laban ikunumik madah supply enggau demand tu enda tau meranggang ari simpang bepampang betemu janga. Siti ari pengawa ti tau meri penatai nyuruh nyamai ngidupka diri enggau bini anak. Ches wes yes no no different ku apai saloi deh ari apai indai kitai ti begiga ngasu beburu besari sari. Ulah telatah pan baka enggi kitai nya meh. Pejalai pengidup enda ngetu semadi seput padam deh. Bah nyau ga tudah aku nyaut tanya dulu kelia hahaa..laban ti naka pemanchal sebarang embal ..bakatu bakanya meh tuju pengajar ti ngerara nganu ngukum laban nyau ngasaika diri nyau nemu nganu ngukum musil pending anak sekula ti enda ninga enggai macha. "Jangan macam ya Cikgu..sporting lah sikit," ku serbana bala anak mensia ngeruntuk minta kasih ari tudah aku. Click click..apooo ku dalam ati din "munyi tu meh aku kelia deh laban malas" lalu danu pengajar minta kasih ngambika enda di ukum!

..mupuk enda lama aku.

Tengggau Kalih Pendiau...

2008-09-18T21:04:00.000-05:00

Enda berasai mega pendiau bekalih maya ti udah di kangauka anak sekula "Cikgu". Asai ka agi bemimpi meh tudah aku tu tadi laban agi tekenangka maya diri empu agi dedunga mendingka licha ajar pengajar maya agi di bangku sekula. Mendingka licha ajar pengajar??? Hmmmm nyau nyelai asai munyi laban ti ngasaika diri jarang muka pending ti enda ridau tu mendingka licha pengajar tu kemari. Nyau ga berunding dua tiga kali bakani deka nyuruh bala anak sekula di deka di ajar tu tadi mendingka aku! Ahhh ku jaku nadai tu beleman seribu macham deh..

"Selamat pagi Cikgu," tu meh munyi tabibasa anak nembiak ti deka di ajar tiap kali masuk ke bilik alai belajar. "Dalam ati din kada enda ngelesey nyumpah aku bala sekeda sida tu," ku aku ga muchau ngerichau dalam ati laban udah ngasai diri kelia ti bisi udah beperangai bakatu. Ahhh muntang deh enti enggi aku kelia. "Dalam kelas tu aku meh pengajar kita. Enti betemu di luar sebelah pasar di luar pagar sekula, aku tu meh siku ari kaban pangan kita ti tau alai bepinta betanya maya bisi tesangkut tetungkam teterap nama nama," ku aku nerangka juluk ati bekaul enggau nembiak. "Betulkah ya Cikgu?" entah enda ingatka nama nembiak Sungai Apong ti nanya munyi tu kelia. Mayuh meh macham utai ditanya nembiak maya hari betemu bekelala ti terubah iya enggau sida. Lantang ga asai laban udah nerangka diri bakatu. Manchal bakatu bakanya meh nembiak, enda salah salah baka diri empu ti agi ba bangku sekula kelia, tang laban ti udah ngayuhka perau serta udah ngasai diri tengelam pansut tepanggai anyut nemu mimit ga ngelimpang serta nguingka luan enggi sida ti ajar. Tu meh siti ari "penguntung" diri empu laban ti udah ngasai di kenggaika, di buai baka ampa nadai beguna maya sekula kelia. "Udah ngasai lapa enda nemu beratika serta ngelimpangka," ku kenang dalam ati. Bisi ga bala pengajar ti baru ti enda nemu ulu ili lalu terangap rangap maya betempuh enggau ulah nembiak di ajar sida iya ti enda tentu menyana laban diri empu ga enda kala ngasai ala good boy miss good two shoes maya sekula kelia.

Kur semengat enda kala sekumbang nyadi pengajar tu suba bekelukih chechengih maya besatup enggau nembiak ti mayuh ulah laban kesatu udah ngasai enggau kedua laban ajar serta chara ngerara ngajar bala pengajar ti ngajar aku kelia enda bisa enda didingaka. Engka meh sida iya mimit ngait nitihka ajar pengajar sida iya dulu kelia serta engka meh sida iya dilatih ngajar serta ngukum nembiak bakanya ba Maktab Perguruan sepuluh tahun ti udah kini. Enda meh nanya pemayuh pengerindang serta pengachau sida iya dulu kelia. Engka sida pengajar ti udah bulih Degree bisa taji tu nitihka ajar bup psychology ba Universiti kini. Ari kedua tu meh aku nukar chara diri ngambika nyelai ngichaka bala nembiak tau ninga. Nama kebuah? Laban mayuh ari ti mimit utai ti ditagang maya sekula nya common sense ku ribai lalu it took common sense approach meh nyatup iya, enda pia? Apoooo tekenyit aku ehh laban 9 ari 10 nembiak ti mayuh ulah maya tu suba nemu nukung berani ninga. Ukum sigi enda tentu ngasi laban udah ngasai serta meratika bala mensia ti di ukum pengajar kelia. Mangkin berat agi di ukum mangkin niki agi darah deka ngelaban. Nadai meh lebih ari jaku ajar ti nyagu mekit sida iya ba pelajar deh, enda ngemaruhka sida iya nadai bebasa. Ahhh tudah Abang Padelli enggau Abdul Kadir pan bakanya mega!! Pantang aku ti udah ngasai meh tu..enda tau sekali kali ngemaluka serta ngemaruhka nembiak ti nyelai ulah maya sida iya agi biak ba bangku sekula. Chara serta jalai aku tu kelia, enti baka kemaya hari tu, sigi meh enda ulih dipajakka laban dunya ga nyau jauh berubah pengelimpang enggau pengerindang nyau majak betambah, enda pia iya pemacha?

Bekalih pendiau enggau pengidup...

2008-07-17T12:06:00.002-05:00

Sebulan dua udah datai di Kuching nyadi penganggur , nyadi apek bayat bejalai kin kitu nadai temu nadai tuju enda menuku meh tudah aku. Nyau mega puas nyukat pasar kedai India pemesai padang merdeka. Nyau ulih itung ari puak kiba ngagai sepiak kanan berapa sinkang pemanjai padang merdeka laban ti di tujah besari sari enda milih lemai ditampung pagi. Bas lumur tiga pan nyau meh leju ngundan bala raban anak Iban ke benung pemutus peresa.

Enda mukai mukai lemai saritu tak bisi temuai ngusung. Akai daiii ku jaku dalam ati, " Tu sigi bendar ninga jaku ajar urang lagi". Ka pan enda kediri berandau nengali bakatu laban udah ditemu bagak deh! Iya ga benung dibalut latak kulit nyau baka tanah luchak ga gamal baru pulai main bul enggau bala. "Mansa enda lama. Nama berita kita deh Uncle," tu meh rauh aku nyada munyi aku nyapa. "Mandi meh nuan dulu...udah mandi duduk kitu," ku urang ga nyaut. Berasai lantang ati laban hmmm nadai meh nya danu urang!! "Nama enda utai ti deka dikerandauka sida tu enggau aku," ku aku ga nanya diri empu. Udah mandi nyau meh tudah aku junuk junuk lalu ngenudukka diri di tisi. "Nemu main bul nuan pia?" ku tudah tuai nanya. " Mimit mimit aja," ku aku ga nyaut lalu merening bala urang tuai masang mua lalu ketuchum. "Nuan deka nyadi temporary teacher?" ku tudah tuai nanya. Nadai meh aku tesautka diri laban nyau tekenyit ..akai daiii ngajar nembiak sekula urang ti naka pemanchal baka aku??? Nyamai ga urang ti udah megai pangkat "Tuansipol" ngambi bala diri ngajar maya tu.

Pagi siti nyau meh aku ngasakka honda cup ti nyau ka teberingkah sepering nya mansang nuju SMK Pending lalu ngisi serta ngambi semua pom ti dikena minta masuk nyadi temporary teacher deh. Apoooo lalu di agihka ngajar Ilmu Alam, English enggau PE mula mula masuk nyadi pengajar temporary. Sebedau mulaika diri lalu dipesan urang nyendiaka diri belatih bemain bul enggau team pengajar sekula laban deka berebutka mangkuk PSKPP Bahagian Pertama!! Hmmmmm..akai daiii sigi nadai jam bejegau sebelah pasar agi meh tu.

Kelalu deka bemain bakatu kelia....lalu ngerampit..

2008-07-09T20:43:00.004-05:00

Nadai meh pengawa bukai maya udah pukul lapan, pukul semilan malam laban ti nadai pengawa sekali. Bala anak mensia mit besai sigi ngemenuhka jalai deh kelia. Bala kami apoooo enda ulih rintai nama bala selalu duduk ba pun jalai semak parit lalu bekeretuk meh nya nebah gitar. Nya meh tengahmalam nyau enda berasai jampat datai deh. Suah ari ti enda meh bala kami tu suba diperak urang! Pama Polis bisi dikangauka urang nyau bekedebar mensia ngelarika diri. Nyin bala keda lari ke madang nanas. Bisi meh nya nyau ke belakang lesap ba sebelah kampung madang kemiding<--tempat siti ti nyadi penuduk MJC, Batu Kawa diatu! Nyau basah mega bala keda laban menua nya ga kerapa deh!!

Tu meh buah nyadi ketegal pemalat bala mensia bemain gitar tisi jalai kelia..boleh tahan magang ga bala menyadi.

Tu menyadi enggau bala bemain ba Waterfront 2006!!

Ari Tanjung Lobang pulai ke Kuching....

2008-06-26T09:00:00.003-05:00

"Kemaya meh ulih datai baru ngindik, nujah nengah tengahlaman sekula ti udah alai begagai nyau empat taun enggai tu ila?" ku tudah ga nanya diri maya ti ngepai pintu penama jalai besai terebai nepan MAS pulai ke menua ti benama Kuching. Nyau kin kitu meh bala anak runding ngiga tawing ti tau enggau begulai ngelantangka diri. Melelat nyau ngenang penyayau tekang mau ti tinggal, tang enda ngawa laban ulih betemu baru dudi hari ti deka datai tu ila. Nyau kepuas puas iya merening perenching pemajik gamal sida endu pengawas MAS terengkah ga bala kami di Lapangan Terbang Kuching.

Akai dai...berasai puang laban ti nyau beserara enggau kaling serambau sekula. Siku nyau ga mulaika diri ngagai Kampung Pueh, Sematan...siku nyau ke Kampung Taie, Serian lalu siku lanjurka Tebekang. "Kelak jumpa at my place," ku aku nelai bala. Tudah aku lalu ditabanka menyadi lalu di bai iya duduk...danggg enda ingat nama penama tempat alai belelak ba simpang besentang enggau rumah RTM, Kuching nya. Udah belelak lalu dibai niki ba Badruddin, tempat penyaga pengelikun mensia menua Malaysia, laban bisi utai di ambi. Datai di Batu Kawa lalu mukul talipaun madahka kaban aku siku ti diau ba Kampung Muda Hashim semak jematan besai di Satok din madahka diri udah datai. Ahhhh nama agi deh..sebut aja nama All Joy dia meh alai bala betemu. Nyau kepuas puas bejalai kekalat nadai penunga sebelah Elektra pulai ga ke rumah...

Lemai baru datai lalu di bai bala bemain ba padang Perumahan ti lalu bedau tumbuh rumput, nyau baka sepan pelangkan jani aduhhhhhh..nasit udah mayuh bala dikelala udah teleba enggau begulai alai tak nyamai ati mimit begulai enggau bala bukai bemain. Bemain naka pengeka ga tudah aku tu kelia!!! Bebitau bebayau meh pama udah petang jauh lemai. Mayuh meh utai ti enda menyana, enda menuku ditemu. "Give me a month," ku aku madahka Ambrose enggau Patrick. "Lelubah meh B," ku seduai iya. Tanjung Lobang tak seruran di kenang ari belakang belama.

Betemu Enggau Seniors

2008-06-19T19:59:00.004-05:00

Terima kasih nuju seduai ti ampit enggau betemu, and most of all terima kasih for the MH(Malaysian hospitality)...your senior Idris J and his crew say lah. Kambin tuai siku tu(GT) meri besai terima kasih. Pagila lusa aku nyambung jalai batang pengidup udah Tanjung Lobang thereafter lah. Pogykat...thanks. Henry..dah mansutka diri ari "blackhole of Kenari". Terima kasih tuai. Ngajihka belimpah betuah lalu ulih serta tau betemu baru enda lama agi meh.

Meri Selamat Nyambut Bulan Lima

2008-04-29T08:42:00.002-05:00

Tabi basa semua bala kaban serta enggau bala pemacha bukai mega.

Enggau pemansut kali ketiga sekali tu, mai ati tebuka ati gaga meh tudah aki Gerubituai ngerebakka lambar layar berengkah belayar neresa dunya ti bedau ditengah, ditujah. Enggau naka pengaga meh tu mai bala betemu baru mulaika pengingat enggau tangkai jaku bansa.....oooooo hhaaaa nyau tebuka meh pintu dunya aki gerubi tajapan injis nyau betegar hahahaa...ahhh. Meri besai terima kasih nuju bala ti sempat ninggalka pesan. Apoooo udah bepilih pia bala kita akih HJ? Ahh nuan deh? Bisi enggau ngeruh ai? Bala ditu agi betegangka batang rekung tu nya...ahhh masam manis meh keda utai deh kaban. OOOhhhaaaaa

Pengaga Udah Beperesa..

2007-07-26T21:10:00.000-05:00

Nyau bebantaika arak tuak enggau beer bala mensia laban gagaka diri udah tembu peresa kali kedua. Bala ti baka ti enda ari kelia pan nyau meh nemu nuntum rekau rekau munyi kangau manjung nyebut one go langgak. Bala sekeda nyau beteguir meradakka nyawa belagu enjit enjit semut. Ukai nama, laban pengaga diri meh nya. Pas enggau pil pan udah enda masuk pikir agi deh laban tu meh maya bala meri tabi basa kali penudi iya enggau pangan diri. Pagila lusa entah kemaya ulih betemu baru, saum padang alai begulai betendang. Pagila lusa ukai dikumbai anak sekula tang anak kuli menua. Bisi sekeda nya deka nyadi pengajar laban engka rindu ditabi nembiak rebak baru good morning sir selamat pagi puan. Bisi sekeda nya ahhh deka nuntum minyak ba Lutong din. Bisi ga bala deka nyadi menteri megai menua. Aki gerubi semina andal ati laban ukai semina udah abis peresa tang mulaika diri ke menua ngasai peninduk diri empu. Ngelama lama tu ukai bisi jenak deh tinduk laban dia lelak dia ga melukuk, pemedis siku nembiak ti dibuai ari buding sampai umur. Pengaga ati nyau ga betukar ganti maya merening mua endu RD ti tinggal setaun. Enda ngawa ku jaku deh. Tu meh maya bala kami kelas 1983 melengka ngejang belayar ngenang ninggalka Tanjung Lobang. Bekau timbau semina tak pulai nyadi kenang; nyadi pengingat enda pungkang sida dara bujang.

Enti kita nembiak rebak baru ampit macha kenang cherita aki gerubi tu tau ga kita ngusung bansal alai berintai baris ninga licha bala pengajar sekali seminggu. Tau kerebakka papan pentas beranyam pisit alit nadai betulang nya alai kita tau nemu pemayuh utai diselalaika dia. Din iya ku bala, ba assembly hall, alai kami ngelalaika bekau penatau bekal pemanchal. Niki ke sadau tau ga seliak tama niki katas...bisi pintu penama ti mit dia..alai kami ngelalaika insap, butul, enggau utai bukai mega...engka agi laluh 7-up enggau coca cola ti ditabanka bala ari koperasi. Enti kita nurun nyala ari sepiak tebiang belakang tungaka tasik alai padang tumbuh lalang, enti nasit manah, tau bulih luching sekula ti digaringka tiga iku nembiak junior aki gerubi kelia. Hahahah kada enda nyau betegar meretah besapar laban pemasin ai tasik china selatan! Diatu engka nyamai begigaka utai ti diselalaika kami kelia laban akih P. Ngau ti bulih kuntrik begagaka sekula Tanjung Lobang. Save that pokok coconut for me bakih!!

Pengaga udah beperesa pan nyau ditangkanka penyinu laban tu meh maya kami sebala bekepai goodbye see you later maybe next year enti nasit manah. "Kemaya meh kitai tau betemu baru neh sanu," ku serbana anak mensia. Bala ti bisi indai dom pan nyau bekangau ngumbai pengerindu putus tengah jalai laban deka beserara enda lama or forever and ever amen! Tang enti nitihka seranyat kuing pendiau bala ti udah, sigi naka pemayuh bala sida ti ampit bepangan maya sekula tu jadi enggau pangan diri. Nya lapa deh...nyau belunsin lunsin anak ..anak chuit ahhh..hahahaaa. Yeap buddy..endang mayuh ga nirika rumahtangga meruan idup begulai sampaika kemaya hari tu. Tu meh siti ari pemayuh jalai pengidup anak sekula Tanjung Lobang. Enggi diri, ahhhh udah bisi one way ticket to Kuching!! Nadai beleman deh maya udah deka pulai..bendar ngitung minit nyau sampai enda tepejamka mata. Time to say sayonara ngagai kubur jipun ba Tanjung Lobang. Time to say bye bye pengidup sekula hahahaa..maya alai kami merekatka bala mega..good luck and may the duck betelu memayuh!! Maya bala mensia nundaka jaku pesan terminator Arnold Sawanaga "I'll be back". Pengajar bukai ti tinggal pan naka pengaga meda bala kami sekeda nadai ayan kemayang agi. Jangka aku meh, kada enda begendang raya bala sida iya.

Tu meh maya meri besai terima kasih ngagai semua pengajar ti ampit ngiring bala kami kelas 1983. Enti nadai kita, kami enda nyadi kami and whom ever maybe neh. Terima kasih Cikgu Tuansipol Adi Badiozaman Tuah, William Laing, Bedui Uni, Jamit Ajok, Lau Ung Ngie, Mr. Jee Kah Jin, Miss Sarina Sauni, Miss Evelyn Ritikos, Ms Sanee Jaid Parker, No heart feeling ya Mr. Ting laban I didn't break your window!!!, Mr. Poh, David Ford, Awalludin Kassim, Naimuddin, Balang Buayeh, Affendi Morni, enggau kita bukai mega..one section tu lagi sigi ditujuka kita pengajar deh.

Buchur Nyuruh Nyamai..?????

2007-07-16T19:58:00.000-05:00

"Ukai nyamai deka nyamai; bukan senang mau senang pok," kesuh seput bala sekeda meh tu betelai enggau pangan diri ngenang diri nyau ngulang baru! Semua utai ti udah dipelajarka dua taun tu udah deka dipelajarka baru dalam jangka dua minggu?!? Sapa kita anak mensia berani nachah ngerenchah taun lapan puluh tiga tau meh mulaika diri ngagai taun tu, enti nyema ulih ditikalka ngambika sama nguji ngasai nyepi buah tamang mirah chinang inang mansau enda dipanduk! Lapan ari sepuluh bala kami tu suba nyau betungkuh lumuh, nyau kasak kasak baka ukai labuh anak ngerumban jam dua minggu, empatbelas hari, tiga ratus tiga puluh enam jam tulak dua tiga jam sari alai endur belelak, empat lima jam semalam alai endur mejamka mata!!! Tinggal berapa? We do the math! Dua ari sepuluh tu tadi sigi enda tentu deh laban ti nadai daya agi, untak nyau begirau engkurak ransi. Mangkin dipajakka seleka dua sejarah dunya Julius Ceasar Roman Empire mangkin mayuh agi mantul ngechul meruap lilih siuh ari kerubung pala. Nyadi tudah aki gerubi ngarika dua ari sepuluh. Kin kitu ngiga asai ngichaka utai dipelajarka ulih tama. Lelak belajar ngimbit indu dara...barang sapa ti semak dia meh berap laban ti ngiga asai! Jaku buchur tu ba bala kami naka pemesai reti laban benda kebuk belubang pesuk ukai ulih tampal bakanya aja. Bala kami ti beperesa STPM 1983 , maju enggau enda, would be judged by the outcome peresa tu anybody saw fit forever deh. Ari runding sekali nyeling enggi aki gerubi, pemanah enggau penyai utai bakatu endang mengarai naka pemayuh.

Ngemediska nembiak....
Pengawa bakatu ngemediska nembiak ti beperesa. Bula kitai madah enti ngumbai nyamai ngulang pengawa, ngulang belajarka utai ti udah dipelajarka dalam angka kira jam dua tiga minggu. Indah nembiak ti bekikih bulu betis, munuh diri belajar sema ku jaku tau enda pas. Dua tiga minggu???
Baka bala kami tu suba, udah ga nyadi perujik pilut orang nyau ga kena tinggang penusah buchur tu. Ngayahka nembiak amai amai..nya lapa deh sumpah pan nyau enda berasai ngenataika.

Masau jam enggau belanja...
Kati ku enda masau jam enggau belanja utai bakatu? Bala kami kendua ti diau di buding, ukai enda tau enda makai tengahari, lemai enggau ngirup pagi deh? Enda ibuh ga enti baka aki gerubi laban ti udah kena suspended dibuai ari buding for life..tang ukai belanja si culprit ti ngasuh utai buchur bakanya dikena ngintu mela diri. Enti sida iya meri belanja enda ga ngawa..tiap hari tau meh buchur awakka nyepi asai nupi bala nembiak. Jam pengajar tebasau laban enggai enggai pan sida tu tadi ngetanka diri ba sekula dua tiga minggu nitihka nembiak laban bah..sapa ti nyaga sekula deh..sapa ti ngatur ngemujurka pengawa beperesa deh? Dua tiga minggu tu, enti udah bisi bini anak, bisi amai alai endur ngintu pengawa diri empu begulai enggau bini anak sida. Sida tukang masak deh? Api ai ti dikena maya ngulang tu deh? Enti dikalihka ngagai mata duit berapa penyampau ungkus utai bakatu. Tu jangka aku, the least they worried about asai bala sida iya nyamai..lapa enda nyamai enti utai buchur enda temu kitai, enda pia? Tu utai udah enda ulih dipelalaika? masau belanja apai indai mega laban bala sekeda udah bebelika tiket bilun nagaka diri terebai mulaika diri ke menua udah tembu beperesa. Nyau ga kuang kuit ngatur tiket diri. Ukai ulih bedarat enti mulaika diri ke Kuching?!!! Ukai nya baka kediatu bisi jalai alai bas, kerita , lori kekesur mansa tetiap jam!!

Tau dikarapka nya dudi hari ila...????
Enti HSC engka ga agi tau dikarapka laban nadai kala buchur dipegai Cambridge. STPM keterubah iya dipegai sapa lalu buchur? Nama penyadi peresa bukai dudi hari ila seagi agi iya dipegai sida tu deh? Ku jaku nyamai meh udah dipegai kitai empu laban nyamai datur enda pia? Opppssssiieee we tend to forget ku apai saloi deh...enti bisi kaban belayan, anak or maybe kupi O kusung..sigi amai amai special..darn extra special interest deka ngelebuhka bala diri, enda pia? Damn it mannn..I would do the same for my folks if I could get my little fingers dirty..sama mensia enda pia? "Apuuuu nyau ga SPM, SRP dudi hari ila," ku bala kami bekenangka tu suba..mati kitai. Enti temu baik ga agi, ulih kitai ngulang..enti enda deh? Enda ka kitai tak mati mumu engkelung meleku dikelakar bakanya! Muntat bakani tau meh pas enti bisi orang ari dalam nyin ngerami enggau ai penchelap chap nipu banggar ngelakar.

The bottom line ku kitai meh, naka penyayau peresa ti terubah iya laban utai dipelajarka pansut memagang, peneka milih nadai penanggul sekali. Kali kedua??? Nyin aya pawi duduk rerungguk ba pulau kelapa mansau naka penyauh!!!Mayuh mega runding ti melelat ngambat dati ngusung ngenang peresa buchur, enda ulih rintai tisi jalai!

STPM 1983...Enda Mukai Mukai....

2007-06-23T08:54:00.000-05:00

Nitihka padah orang ti pandai serta nemu mimit maya tu, peresa HSC(Higher School Certificate) tu dikemataka, dikemendarka serta dikeluarka Cambridge University. Laban menua nyau deka bekalih betukar, peresa perintah pan enda mega dikelaungka lalu ditukar ari HSC ngagai STPM. Nama udah nyelai, chara nyebut udah mega nyelai..oooohhh ku kami Higher School Certificate ngagai Sijil Tinggi Persekolahan Malaysia..apooooo lain amai ga didinga tajapan dikumbai orang 'sama sebaka'. Nyauh ni pengamai iya kami, laban ti agi nembiak..baru enchelak ringgak ringgak enda nemu utai enchukak, enda mega nemu laban ti baru nyepi isi jelu menua diri bakatu. STPM tu mega, kenu ku bala mensia, dikemendarka, dikemataka lalu dikeluarka Kunsil Beperesa Perintah menua Malaysia(Malaysian Examnination Council) empu. Dini deh bala kami sempat meresa serta meratika penyelai enggau penyama peresa perintah dua iti tu!

Beperesa perintah taun 1983 tu mayuh penumbuh deh bala. Bala sekeda ti udah abis peresa akai daii...nama agi dehhh..nyau betuntumka butul stout butul Carlsberg enggau Dry Gin ti asai ai bungai dikusuk nya. Bala ti agi beperesa nya tadi endang beremasin meh ngulihka diri ngichaka seleka dua penemu dalam pelajar ulih lekat di bai ngusung bilik beperesa. Enda mukai mukai ga penumbuh peresa perintah STPM taun tu..keterubah iya berita pansut ngirauka ati nembiak sekula. Nyau kelama lama iya ngira diri bakani deka nyendiaka diri beperesa laban nadai orang bukai ti udah alai betanya! Pengajar pan enda tentu nemu bakani ku nyamah STPM tu. Bahlah..pengirau ati nyadi pengamai laban berita ti ditaburka pengajar enda manah...STPM 1983 bocor!!! pesuk..belubang jarang ...Akai daiii bisi bala nyau ringat..bisi sekeda nya ransi tang ransi ukai jaku enti kitai deka nyimpulka ulah mensia udah ninga berita bakatu. Bisi nya nyau kimut kimut mulut nyumpah utai datai ba perut indai! Bala ti udah begawai nagaka diri udah tembu deka pulai tu tadi nyau betendangka baldi ti dikena mandi! Irau kedua kali meh bala mensia digaga bakanya. Salah sapa? Enda meh nemu..tang tunjuk lelaki aku nunjukka sida ti ngemataka peresa tu di seberai nyin ari kelia sampaika diatu deh.

Tu meh penusah kitai enti utai dipegai bala mensia ti bisi self-interest, nguntungka diri empu enggau diri sebilik ba nama nama pengawa! Keterubah iya lalu bocor!!! Kati ku baka deh? Ulih dikarapka nya dudi hari ila? Nadai kala bocor HSC ti dipegai Cambridge University sebedau tu kelia. Engka bala menyadi sida, kaban sida, anak sida bisi enggau bala kami beperesa STPM kini...besambung....

STPM???? Beperesa 1983.....

2007-06-18T07:37:00.000-05:00

Nyau betekasak bala mensia, bujang enggau dara, laban peresa Sijil Tai Pau( ever well-known phrase among Tanjung Lobang elite of my time)Malaysia, Saptiket Tuan Penganggur Malaysia ti ku sida niang ini niang aki nyau datai ngentung kening. Enda berasai mega taun 1983 tu abis sekelip mata sekali enkijap lenyau berapa. Ahhhh nadai nama nama laban bala kami udah sedia. Naka pengandal berasai pengaga laban ti nemu diri bisi sedia baka bala sida ti menyana pendiau dalam sekula. Sekali ngilas, sekali ngerimbas I saw aku ngira long list penyampau potential bala ti tau niki dipaduka nyadi lutor nyadi luya, nyadi ticha nyadi perupisa, nyadi kunterikta nyadi director pemegai bansa pengelikun menua and ,last but not least, future hubby pagila bini nyadi daddy enggau mummy hehehehee.

Aki Gerubi enggau bala kaban ti ampit begulai enggau forever remembered as bigtime spotter, Cikgu Affendi Morni, entah engka sebedau iya enggau orang beCari Gali maya tu suba bisi ngibun serta ngingatka ajar iya nama tupik World History ti patut lalu berat agi dipelajarka. Siku iya meh pengajar ti muai jam limpang ngiga serta meratika tupik ti udah dipansutka lima taun ti udah in 1982! Betuah ga sekeda bala kami laban he could have used his time baka orang bukai just like some few merindang ati diri nguntik indu dara haha. Yes sir, thanking you so very much laban spot nuan tak ngena memagang maya kami beperesa dalam taun 1983 lalu nyuruh bala asai ti ditichik indu utai ketuchum enda berasai! Peransang serta nitihka padah Cikgu Naimuddin siti sabjek sigi udah ditagaka 'P' and or whatever that meant for us newbies the guinea babi of the century! Pama mega bala bechuntingka kain belachu enggau ai dian engkurak ngerumbak naka pemesai lambar ba bansal di belakang gelanggang sipak raga sekula. Cikgu Cikgi tu meh bansal ti bisi dalam runding deka ditunu siku dua ngambika nyadi tanda ku jaku. "Jangan ehhhh kelak kita datang melawat sik ada jadi kenangan bah. Apalah kitak tok!!" ku seling Limbang kaban kami siku. Geography hmmmm kelalu mayuh pengajar betukar ganti ngajar sabjek tu suba ;nonetheless...everthemore, we braced ourselves laban expected the worst. Ukai nama deh, ari siku pengajar ngagai siku pengajar..sama pelajar nyelai chara tu nyipat mimit mua mimit deh. Enti nyema tak nyunting sebarang nyunting baka LCE kelia naka penyamai deh..enti enda A engka meh iya B; enti enda B engka meh iya all of the above! But that was the choice I stood by, ti dipilih ari taun siti laban enggai enggau orang ngambi Ekonumik essssssss lelak ku serbana bala maya tu kelia. Sapa meh nyadi tuai ngatur mentur ngeluruska? Bala pengajar mayuh ari ti enda tak kemari graduated ari UM, UKM, UPM enggau USM..enti baka di rumah panjai sigi begayap deh! General Paper(Ghee Pee) tu pama mimit laban Miss Sannee Jaid Parker, tajapan graduated ari University taun siti tu kemari, ahhhh lelak mega bekarangka berita kemaya disuruh iya. Kekadang enda abis deh enggi aku laban ti ngelusu malas berat siku! Di anu orang pan masuk pending sepiak keluar ari pending sepiak laban pending ti lunggar mimit serta naka pemesai lubang, sawang berumbang.
Sama bela ngatika diri meh bala kami serambau. Bisi sekeda nyau tinduk dalam kelas nyendiaka diri. Kami tiga sekaban, aku, King enggau Bapa sigi din alai kami..semak tebing tasik ba rumah Marine alai betelai enggau bup. Kadang kadang niki katas lalu bemalam ba sekula ga kami tiga...sapa pengajar ti berani ngerara!?! ...maya tu deh. Dia mata deka pejam dia meh ngaringka diri hahahaa..nemu aja meh kitai...'begaru enggau bekuntau' betempapka kerengit ahhh. Asai bisi Marlboro sigi lantang deh ati. Enti nadai nya nyau junuk junuk ngusung Nyonya enggau Ani. Nadai belanja enggau bebelika insap, nginjau hhaaa tang suah agi minta laban betuah bisi JRD.

Nya meh laban juluk ati sigi deka ngepaska diri..sapa deka pil?..lalu nyambung pelajar tinggi agi ku bala mega. Enggi aku pan enda mega kurang perening enggau juluk ati tajapan bisi ngembing tebiang mimit pejalai ngelama tu. Tang, enti nitihka jaku urang tuai besai, ukai nama tang sapa kitai ti pemadu penalam reti. Nyah udah siti siti ga sabjek ditembuka maya STPM tu...hmmm lembau deka nyebut STPM laban agi begantang gantang mata bedau tentu nemu reti jelu STPM tu!! Ahhhh enda lama udah nya, benung peresa meh bala deh tak enda mukai mukai...asai ti ditepang......

Besambung...

Enggau ngenataika diri ba renggat kedua taun 2007 tu..selamat betemu baru nuju semua bala ti bisi mansa enggau bala pemacha..

Mulai ka Pengerindu..sambung

2007-05-19T07:17:00.000-05:00

Betuah serta benasit laban bisi endu JRD ti selalu ngimbai duduk nyuntai, nyeringgang gali nelentang. Nuan meh siku endu dara tampun puji sempama baka engkerurai ambai sari engkeruri merindang ati. Besari sari bemalam malam ngenang lalu nanya dalam ati kebuah diri bangat kelalu menyati diri muai jam masau seput pagila lusa tau ngujungka pendiau melechut melusut melunggang tunsang. Enda piga iga menyati diri baka ti dikelaungka enda di ajar enggai enda idup nyelai. Enda ninga nemu di? Ehhhh engka pengeliat diteruju pengerindu ti mengkang meruan bisi, engka agi deka idup setaun dua meh nya deh endu dara lawa ti nyadi ranting pengering tulang belakang. Ka pen enda mansang nyingkang belama , nikal surut undang ga enggai nyadi laban ai udah nyadi kemi asi udah nyadi tai. Engka bakatu meh bala sekeda kitai mensia tak nemu ngakun jampat sebun sebun madahka diri ' I give up'. Naka penyamai meh kitai mensia tak ngetu nyeru madahka diri badu aku. Tang runding bakatu nadai tumbuh dalam darah aku taja pan bisi mansa ngelansa sekali dua ngeliling akal kira. I had more than just a lil' tiny bit left to prove regardless sapa, nama, kebuah, bakatu, bakanya, ari ni penatai aku, enggau tanya pinta bukai mega taja pan pendiau enda menuku, enda senuyuh, enda baka anak asi apai, anak keling indai ti mereti nemu ngasi enda engkeretik baka pentik enda memunyi. Kera dulu kelia ari umur baru ngelala duri penyati penebak dunya dikumbai orang engkerutak tanah richah richah mulut buar meletup pambar deh. "Umbas agi, danu urang nuan lagi. Lelak ninga nama kita dipansutka urang ngereja tu nya," ku endu JRD ngelalau aki Gerubi kelia. If there was one thing....I realised nemu ga ningaka jaku tangkan urang..enti ka!!! Nemu ga betagang nagang pangan diri enda bakatu bakanya. Benasit ka endu JRD ti berani ati ngembing nemu ngiring maya untak begirau isin engkurak runding. For that, terima kasih kali kedua laban nuan sulu ambai lawa udah ngelala ari leka mata, udah nemu sepuh enggau kambuh siku anak timpang.

Nuan meh wai dara ti ngansak aki gerubi betelai enggau bup world history, geography, etc maya ngelusu enggai kiruh muka selambar dua. "Belajar gi kitak eh. Ne soalan spot cikgu? Jangan di tandah eh," ku nuan suba maya nuan ngemataka kami tiga sekaban duduk ba beranda nunga ka tasik china selatan chuit chuit nginsap nepuk kerengit ku jaku maya pagi hari. "Weekend tok bah..anang irau di emak," ku kaban aku siku ti besai serta tegap gamal ari Mukah nya. My Dalat friend was the quiet one hahahaa. Ari leka jaku nuan enggau kaban serambau ti bukai ngansak bakanya meh nyuruh bala enda bangat tinggal ngenyauh nya. Tuansipol baru tu could care less!!! What he didn't see, didn't know wasn't his business. He was there to earn a living..ngiga nerepung opportunities for his immediate future. Now the other one, his assistant, pieeee "semina rindu nangkap 'couples' aja," ku bala deh..wearing the pants without having one. Endu JRD and friends, thank you terima kasih ari diatu nyentuk ka sebayan aku simpan pemanah, penyayau, pengasih, enggau semua utai ti udah di beri kita.

Mulai ka Pengerindu......

2007-05-11T08:26:00.000-05:00

"Nuan tu ila dini deh deka maju dalam pelajar," ku bala kaban sekeda ti di menua kelia. "Ngirup ka, bemain kelalu, PENGINDU, berani ngelaban, essss nadai utai dikenggaika," ku tudah indai serbana; ukai serbana ngapa tang serbana sayauka anak diri ti siku sebatang kayu; kediri belayar kudi; leka mata dua igi peli peli pending ridau penuh tuli. Di peda ditela naka penyai laban ngembuan nyandang ulah ti tau nyuruh malu enda anchi anchi. "Nama meh penyadi sanu tu ila neh aka? Nadai nemu enggau meh tang tajapan bakanya, iya ngembuan pemintar ti pemadu, jarang utai enda temu iya siku nya," tu meh leka sada ari pengirau dada tudah indai yak laban nangika ulah aki gerubi ti nadai utai dikenggaika ngerampit nyerarai ngagai bala ti dudi mimit baru nemu enselit mansa ijap bubu jarang. "Anang tusah ka aku meh kita. Bisi ipak aku ila deh. Ahhhh kitai tu sama mensia deh, sama sebaka bedarah mirah nemu besembur sumpah- sama makai asi nyadi tai; ngirup ai nyadi kemi," ku tudah saut aki gerubi laban ti enggai jenuh mulut kimut kimut baka kandut gumpal tuai; mulut ga ruyut ruyut lanjut ngeruyut tisi pemanggai. Mulut binsai enggi aki gerubi kerah kerah barang penyinggah beribu bungai. "Nagang diri meh dik Bee; anang nitihka ati ka. Anang tak meda utai nyamai ulih lalu japai," ku pesan indai yak aku kelia laban ti nemu agi bekalihka jaku enggau nyeruri nyadi sabar lalau ransi. Kaban belayan bukai pan munyi tu meh kelia, sekumbang aku ti udah mawa di menua Miri nyandik titah anak sekula Tanjung Lobang. Hessssss belubang ga pikir aki gerubi tu suba.

Nya meh, di belakang kerubung pala ti ngarung untak nadai benama lapa enda ingatka lalau tesau pemegau mensia. Kitai ga sesama mensia..bah kati ku enggau enti ati udah limpang deh? Udah limpang kena terajang pengerindu ti suah nuntung ngejungka semaya balang? Ahhh indah aku tu anak lanjau ari tansang sarang tudah indai enggau apai maya seduai betemu maya bebachaka bup buku ensera keling enggau kumang lebuh seduai iya ba bangku sekula kelia hahahaa..Nadai ga aku nanya bakani ku bala sida kelia hessss nemu ka sida iya diting dibaruh pun engkeranji madu hehehe! Tajapan pan kitai mayuh kaban mayuh pangan, pengerindu ke siku aja. Bakatu meh penyelai pengerindu ti dikembuan aki gerubi dalam ati ke endu siku tu ari pom lima kelia nyah nyau deka abis pom enam tu. Nya meh kitai ga sama mensia...ahhhh iya sapa ti ngaru maya gatal; sapa ti nyudu negu maya kenjar! Tu meh maya aku begulai bepangan enggau siku endu ari Sungai Rian, menua Sarikei..tudah endu ibu ini gerubi JRD tu tak serumah enggau kaban lama ti begulai enggau aku maya sekula junior baru enchelak baru ngelindak ga! Betuah benasit ga tudah aki gerubi laban enti nadai iya aduhhhh naka pemerinsa sekumbang ti udah dibuai ari buding. Tu bisi ga urang nulung berapika kami, bebasuka kain baju aku maya ujung minggu. Yeap buddy, pengerindu penyayau aku endang ke nuan siku. Naka mega pengasih aku ke nuan laban pemedis aku di sandang nuan mega. Enti nadai Siti Khatijah kelia enda meh nuan pedis deh pangan. Siti Khatijah tu enggai enda luba luba nemu deka nyerara tua..hessss engka iya jilis meda diri ti nadai tawing nadai urang ngembing maya bulan terang pegari kini!! Meri besai terima kasih keterubah iya JRD...deka disambung enda lama agi.....

Penatai Tuansipol ti Baru.....

2007-05-01T08:37:00.000-05:00

Penatai tuansipol baru di ambat kayu ru ti berintai tisi jalai rumbau enggai bebungai ti jurus bebungkung nadai lalu ngelambai pemulai Tok Janggut nuju menua tampak rita, Kuching kedua bali nama indu menua bahagian pertama. Andal gaga tuchum lelekik ketawa; sinu nyabak kekisi muai ai mata sayau rua sigi enda laban udah nemu, udah chukup umur bebejur mansang tuai nemu kuing kait sungkit peruk pelekuk tiap tiap iku kitai mensia ngiga palan alai nyangkaika pengidup diri ba dunya tu. We were prepared so much so understood when opportunities knocked that the demise of one was the rebirth of another! Aieeee macam itu kah dunia kita sekarang Pak Cik Jet? Nyadi kami ti udah mawa tu suba endang mengkang nyandang semengat enggau pengarap ngajihka diri ulih mulaika diri masuk buding baru. Ahhh bedau lekat pengangat berasai penat tudah burit tuansipol baru Cikgu Borhan Tahir duduk ngujika bangku kerusi ti nemu bepusin bepeling ngeliling nya alai bala anak mensia bepinta ngapil. I was the last one ngapil of course but to no avail..so I said the hell with it. I finally made up my mind, that in the next few remaining chapters I was determined to carve my name on the unforgetable chart baka Tum Jun ngupi lagu Pering Sinatera ' I did it my way' hahaha..haiaya sideway pun also can lah. Why not cannot cannot ku bala keda meh.

Tuansipol ti baru tu enda baka tuansipol ti udah. Tak nadai jaku meh bala bakani deka ngelala tudah siku ti baru tu..tak runggu gaya baka ensing di ujung rangkang; tak lu lu liu lubuk langkang. Hmmmm wonder what he had in mind??? Engka sigi baka well-read wise man managing by walking around kini. Bakatu meh saut iya nyaut tanya pinta bala kami anak malang keluar kandang suba. Sigi enda ulih meh iya ngemasukka bala kami tiga namely Mat Bond, Mat Sentul, enggau Mat Tiga Suku! Laban just laban ku iya rekumin pengajar bukai enda tentu manah didinga bacha iya tajapan kami baru betabi basa bekelala. Ya ya we knew from some few cikgi cikgu ti bisi madah nelai belalai enggai berupai ditemu sida bukai. Nuju those few..the only thing aku on behalf of those few can say now is terima kasih thank you, and I will carry the deed deedoo dalam memory kerubung untak aki gerubi. Tu meh nyuruh kami ngelala nemu who was wearing the pants in the house deh cikgu. The very unconfirmed thought was lingering in our crooked minds for quite sometime now..bammmm enda mukai mukai it came out unintentionally?!? Coincidence? HELL NO! Endang disangka meh tudah sapit tuansipol ti benama Siti Khatijah tu bisi ngamahka jari beresi iya dalam mangkuk bubur kachang. As far as I knew, we were just school kids tried-to-be-school-kids ti ngembuan pemanchal suah ari ti enda jai dipeda mata laban ti bemulut benyawa naka pemesai meletup baka rendai guring sida endu dara lawa; laban ti ngembuan ulah baka ti tampak rita nyelaik enda tentu baka enda pulai ari padang sekula. Back when I was a school boy, bemain tu ENDA MANAH laban dipeda ngachau pelajar. Enti enggai diambi ngarika sekula jai ga kumin sida iya ba saptiket keluar pemadu sekula ila, so they said! Tangkap dua puluh dua tu...enda salah salah ditelan mati indai; di lua mati apai! And what is the verdict now? 'Majulah Sukan untuk Negara' didn't mean jack shit to these people but yet each time nembiak bulih lumur ba lompat pagar, lompat kijang, lompat tinggi, lompat katak, lompat engkeruak, lompat sungai, lompat kepala, lompat jalai, lompat kera..hmmm these were the folks who so lightning quick to claim the moment and this, that and the other! "Ohhh student kamek iya..good ahhh so fast lah, boleh tahan ya," ku sekeda. TAI PAU punya mensai. With that dalam untak Cikgi, in Kuching we will meet again ya. Dulu kelia, menua Kuching tu meh penyinggah penyangkai bala mensia enti deka enggau betikika tangga dalam pendiau enggau pengidup. The retiring and grooming ground to the next level. Bula? One can hate me for that but true true lah me and we shall see! Baka ke diatu suba, Saptiket Tinggi Pelajar Menua(STPM) was my numero uno priority.

Purty much encouraged and determined by the minute aki gerubi. Engka tu meh ngajar aku tu to forget I won't and to forgive hmm langkah dulu bangkai aku..Tajapan bakanya, jaku mesan pemacha ti benung duduk di bangku sekula..anang mayuh leman anang ngelaban laban pulaika pemedis kita empu aki gerubi and some few udah ngasai dulu kelia deh wai bala anak rebak baru. An experience is ineffable and truly personal, and Aki Gerubi can only share and describe. Maya kitai ngemansangka diri dalam pengidup, baka tua ngumpul ngembuah buah ti udah mansau labuh ke tanah deh peneleba dalam pengingat bakatu lalu endur alai tua betunjik bepanggai ngeringka pendiau. As we travel through life, we garner few peak experiences that stay with us and continue to enrich our very existence.

Ngerichau Munyi Semalau Pagi...

2007-04-25T10:19:00.000-05:00

Sekumbang pendiau ti udah mawa baka semawa rindang petang; terua rua anak ampang, naka meh pemayuh akal masuk kerubung pala ti di kumbai mensia anak urang alai nanam buk panjai bejagang tuchang. Bisi meh ati ngesal tang sik lah hal laban ngesal dudi sigi nadai reti; bisi mega berasai malu tang nama deh dikemaluka..ukai ulih lalaika ba tisi mua ti jai baka memuri tebelenang; ukai besai beledi penimba ai masu belakang alai belalai; ukai ulih namaka diri tama empajang gentung tibang deh wai! Nadai ngawa laban utai udah..Nya lapa deh! Tajapan bakanya asai enda nyamai, kami anak sekula maya tu kelia udah nemu tuju juluk ati laban ti udah bebulu memagang enti ditela dipeda geganjang!

Ahh nama jelu benatang ti dikumbai kita STPM tu bah? Hesss tak mayuh macham mega menteri upis pelajar menua numbuhka utai bakatu. Amai mayuh penumbuh sida ti megai pengawa dia; mayuh penemu nembiak di perinsa betukar bela. Parai kami nembiak ikak ngelekak chechukak lelanggak gegaring reranggak ngenang pengada jelu baru menua Melayu ti benama STPM tu. Nyau betuntung nesau begusung sida begau madahka bisi sabjek baru tu tadi ti benama Sastera! Nama meh utai nya laban kelia, ku kami, tu meh Litaricha(literature) bala sida hehehe R&J--> ehhh ukai insap Winston R&J Reynolds deh tu tang Romeo & Juliet, bala sida Julius Ceasar....Akai dai bakani meh sastera tu hmmm kada enda bebachaka ensera Enkeratung Ayam Raja sida Keling lau mua, sida damu bebulu burit, sida apai saloi enggau apai se-umang umang sida enchelegit tu ila yehhhhhaaaa!! Joke aside folks, this new thingy wasn't something we prepared for since our inception, since our sixth form initiation! New field, new ball, new game and of course new name in STPM! Bahlah..terima kasih was all that could be said laban mayuh, naka pemayuh bala kami ti agi beterangap thus pengerabang ngeli jarang enda meh ulih pelalaika. Ku bala sekeda meh tu meh Sijil Tinggi Pendiau Malaysia lalu sekeda bala tu suba ngumbai tu Sijil Telu Penyu Malaysia; however, we at Tanjung Lobang bisi mega jaku siti ti naka dikena bala..ku kami tu meh Sijil Tai Pau Malaysia since 'tai pau' was second to our mother tongue ba Tanjung Lobang...widely spoken! Then there was this cikgu ti ngumbai STPM tu Sijil Tidak Pandai Malaysia mega. Whatever it was, it is, and it will be..kami ti bebitau bekedayau mawa pendiau tu unfazed deh laban nemu penentu iya endang either or. Pas enggau pil enda meh dikira laban we were guineapigs ready to be sacrificed and prepared to be slaughtered! Aki gerubi enggau kaban iya dua iku ti udah di buai tu enda ngira utai bukai deh, ngatika diri laban tu meh peluang, siti peluang sekali diberi alai mutar nikalka pendiau diri ti dikumbai jai enda anchi anchi.

Enda mukai mukai mega maya bala kami ti kiruh ngerunding nyendiaka diri bakatu, berita angin ti bisi udah di perasai nyepu ari tingkah ai sungai besai Tanjung Lobang nyadi pengamai. We all thought so lah! Amai meh tuansipol Adi Badiozaman Tuah tu betukar menua tempat kerja ehhh. Tang Cikgu sebedau aku ngemanjaika berita tu, aku dulu madahka nuan laban enggai enda nerangka tu dulu...You were dead wrong ngumbai aku or the other ngupi signature nuan lalu ngelekatka nya ba papan pemadah nembiak ba jalai besai beratap nya. I didn't do it; neither did he although we had the artistic ability to forge it! Ulih nuan nanya Cikgu Naimuddin our batik teacher yang disayangi ..tried tried we with wax on kain belachu putih berseri besinar tengahari under that little pondok semak coconut tree!Yea yea yea I know who did it and what else didn't this big mouth, a social pest, a menace to society, a harmony-hazard little lachau rock lizard know!!!! He's right there now..next to you deh Cikgu selalu betemu seduai you hahaha meh jangka aku. Anyway, nothing against you Cikgu.. wish you luck bekerja ba tempat baru. Ya ya take that crown ari Putit nya; however, no clown clown around just because the two of you were acquaintances?!? Your time to step up to the plate ya. Proud of you laban you were more than deserving deh cikgu although we disagreed on several things few times too many. Di Kuching ila betemu baru ga kitai enda pia ku aku. Tu ukai utai di tengkilaka kami ari kelia deh. Kami udah nemu tuju that one day you would be big shot as a State Director of Education and beyond. I said it all along since 1981 Cikgu. Hope this incoming tuansipol can get a grip on things lah. NOT!!!!!!!Engka tu meh peluang kami ti benung tasah engkachah tu dipasukka buding baru. Dream on buddy. We shall see.

Tasah.......

2007-04-04T10:27:00.000-05:00

Duduk rerungguk datas engkerarin rumah perintah ngenang diri tasah laban penyalah merening galun umbak tasik laut china selatan. Malik ke kulu nyau ayan ga perabung rumah panjai bala sida Polis DiRaja; malik kili nyau berupai panjai ga kemayang pasir tebing tasik Brighton. Engka ditu meh alai kami tiga sekaban tu ila ngapuska taun nyadi anak sekula Tanjung Lobang. Nasit bala nemu beguringka ikan masin gunjing tengkering kangking keru kerigai. Benasitka bala nemu berebuska telu segala bujur kerubung. Enti enda pia, sigi lapar tau lepi mali bediri duduk besugang deh. Ahhhh nadai ngachau nya deh kaban maggee mee betabas kari sigi mayuh deh! Tu meh gaya bala baru udah netapka diri dibaruh atap perintah alai ngendap. Benasit mega laban bekelala enggau Jimmy, siku urang tuai ti mentah, ngembuan penyiru enggau penyayau ke kami tiga ti tasah nadai alai ngenduh maya panas ujan; nadai panggau endur betunjan. Nyema ka semak Sri Aman nadai meh beleman.

Tumu pagi nyau meh kami tiga bedarat niki bukit enchugit jegit git ngelaban. Deka ngular ngelantar baka ripung belelak gelung kenyang, tak bedau ga bala kami kenyang bidik tau bekerja makai gaji baka urang. Enggai enda, lelak leliga, buntau empeliau pan mansang meh kami nurun ngerumban jam deka enggau kaban serambau bukai masuk ke kelas. Ahhh bisi ga maya 'udah terima' tu suba deh nepan bas laban mai buku lali ti udah besul mengkul besigung; mai pala patung ti udah kembai ngelaung laban ti 'ku jaku' ngarika sekula kin kitu betanding enggau urang. Pulai tengahari pan bakanya mega..ahhh kadang kadang enda mulai kediri bala laban ti nganti udah belatih peritis ngelelak tulang. Aki Gerubi, ka pan enda, laban ti udah sah di serah tau kumbai suah enda makai deh. Benasitka bala sekelas ti nemu kasih, sinu meda pendiau meh bala kami sebuat dipeda enda pungkang enda kurang. Yeap buddy, I still remember many of you willingly, without giving it a second thought, nyuaka handouts..Karulin, Jackie, Mary, Cindy, Stephen, Ngau to mention a few ..thank you for seringgit here dua ringgit there kena berundang kasang maya timpang pulai lemai nuju Brighton. Benasit meh aki Gerubi laban ti bisi Ruby nyadi kaki enggau jari, nyingkang kitu japai kia maya tu kelia. Nemu ga tudah datai ngusung nungkunka dapur bala kami. The rest is history, mere history remains to this very day how horrendous life could be.

An utter mess??? No lah, the beauty and deformity of being Aki Gerubi aja nya. Tang meh kami tiga naka pengaga laban bala bukai ti 'dibuai' udah diterima masuk buding kali ke berapa? Enda ingat laban untak udah tuai. Bisi meh kami tiga ngapil but to no avail. Endang bisi nyelai ga deh tudah pengetua...diau diri baka ti bisi utai??? Nama utai Cikgu? To say you gave a hoot would be a total lie..and if I lie, I wouldn't be lying to nobody but my lonesome self. Akai dai neh cikgu cikgi..enda nyalah nyalah baka lemetak bala kami neh..dibuai enda meh lari tak lekat ba kaki belama! Nya meh baka kesa nepan daun; baka kara nepan pun! Don't you worry... five or so odd months you guys have to put up with us, with me. Only then I chabut lari no more scarface to see lah until the next century! Till then, shut up and put up! We ain't goin' nowhere..up under the skin and skirts of course hehehe. Life went on. We all knew cikgu cikgi were there to teach, to progress, to climb the ladder, move up in the world, to take care of the family, to have 'golden' smile, to grow some misai and to move on..with all the blessing..enda pia? Were we the dying breed? Hell no! Aki Gerubi suspected many many more, more than a handful, who would be no less and perhaps more but who 'were' we to know?

Pendiau Nadai Sarang......

2007-03-27T07:20:00.000-05:00

Junuk junuk baka imbuk rajai patuk meh kami sebala ti udah di buai ari langkau rumah panjai anak sekula bejalai niti rangkang, bejalai ngejang meh empuna punai ngelayang terebai nadai sarang. Udah nasit udah selatan penyalah penimpang ukai enggi urang. Enda ransi mali kudi tang begedika diri laban ti nyelai ragak riang. Patut di rumah dititah gelar temuai mansa pala tangga engkerutak tanah laban mulut ti balat kimut kimut mata melut dilah bechabang. "Where are you staying huh?" Ku bala sida endu kumang ati penyayang, ku bala sida lulung batu nakung lichin menandang, ku bala sida igat empanyat nyumbuh bujang, ku sida wat kedumbat raja tebilang. "Enda nemu meh tu lagi..ahh deka pan diau enggau bala kaban belayan ti udah diau mendam enggai ga nyadi laban bala tak udah ngentak beranak bebuah pinang..dini alai ngelalaika mua enda malu bekuyu timpang ngeli ga rabang??..meda baka meh," ku tudah aki gerubi beseriri ngenang. "Ahhh kelak ko stay ngan aku kat Merpati," ku jaku tundi tudah wai pangan endu Jackie Ajang mai bala chapuh nyau bepuruh mua begumpal dada ketawa baka ti menawa. "Nama upah deh," ku aki gerubi ngelampat nanya hahahahhaa. Tu meh mula mula aku meratika mua bala ti mantaika pengasih penyayau sida iya ke kami tajapan sida iya enda bemunyi nyelaik ngelali.

Tu endang amai pedis ila ku kenang dalam ati laban nadai perabung ulih nudung; nadai tikung alai nukung; nadai pandung alai engkutung. Aki Gerubi enggau kaban siku ditambah Pok Stanley ari Upper Sixth A Three ahhh dehh tak belalai sebelah nya apa peduli ku kenang dalam ati. Tudah Pok Stanley bisi selit kerupit surat saspindit(suspended) laban ulih ngapil udah timpuh ngelebuh bebuai keruh. Sida bukai pan bakanya mega tang enggi aki Gerubi, Bapak, enggau King Kawi aduhhhh ahhh convicted for life! Amai amai unwanted elements meh kami udah tu dehhh. Akai daiii ukai besai beledi alai ngelalaika mua! No worry lah udah nasit kami. See ya here, there, and everywhere we might be lah tang meh aki Gerubi mengkang rinduka GP enggau World History. "Let's not worry but study study we laban peresa deka datai tiga bulan purnama besilih ganti enti ngitung ari May 1983!

Enti ngeletak maya anak mensia berundingka pejalai serta pendiau diri siku siku dudi hari, tu meh pun belabuh bauh pilak kerembai bungai peransang. Ari pemedis enggau pemerinsa ketegal ulah diri empu; ari pengawa menawa di gaga diri empu. Tu meh utai ti dikumbai urang putih raja ribai beperintik kulit beluai, 'To Make or To Break' . Teresa kelansa pendiau dibuai bakatu nothing new to aki Gerubi but for the rest enda meh aku nemu laban ti nadai mansik nyidi enggau silik. Kasih meh tudah indai laban ketegal pengawa digaga sida bukai ti nanggung nyan ngesan pemedis enggau pemerinsa. Sida bukai pan bakanya mega, apai indai kaban belayan ti pedis laban bala kami ti agi mekang kang tesungkur besugang alang alang baru nyumbuk bebungai lalang. Ahhh bendar meh bala kami belalai ngiga asai laban bedau bulih tempat alai neduhka diri; bedau tetemuka tulang perabung beratap mulung alai ngelarika diri ari leka ujan nyala nyuruh pedera, ari kemayang bintang nyuruh siga, ari panchar panas nyuruh lela. Mandi muai daki pan nyau ligau ligau ngiga danau baka jelu rangkai musin kemarau. Asss apaii..aram kitai nyemerai ba tangki Cendrawasih, Rajawali enggau Kenari!!! Hesss enda ngenusahka bala nembiak bukai? "Hey you, all these places aren't for you! off limit. I don't want you to get caught again," ku siku Cikgu. Nemu nya kasih, nemu nya enda peduli, nemu nya indifferent laban ti udah makai gaji..enda nemu!! Ari semua, semina bilik alai belajar aja ti ulih gusung bala. Sigi ga merinsa the first few days. Deka ngusung ngenduhka diri ba kaban belayan ahhh ngenusah urang aja, dini alai ngelalaika mua? Nyamai baka apek bayat for the next few days...something good will come.

Tang meh bala kami benasit laban ti ampit begulai bemain sipak raga lalu bekelala enggau siku anak mensia ari Luak ti bekerja enggau Marine Department. "Ko orang, mun mok lah, boleh diam kat rumah aku sinun...kosong rumah ya..aku sik jua diam sia," ku tudah kaban. Aduhhh Man, terima kasih ya. Immie, we owe you one.

Kanjung Pun Pengujung

2007-03-12T06:14:00.000-05:00

Penyinu serta pengasih aku nyau besuar ngelantar nuju bala nembiak bukai ti enda kala ngereja penyalah laban pengawa ti udah nyadi satu haribulan April tu tadi nyau nyuruh pengawa sida iya tebunsa linga linga tang aku siku ari kami segantang mata enda minta ampun jari rapit betusun. Ngampun pan nadai meh guna laban pengawa udah dikerja pengidup nyingkang mansang ke mua belama. Ahhh kitai ga anak sekula endang sigi ga gaya:- makai tinduk, belajar bemain, betundi begagai ngambat lemai, hari beganti hari kitai nganti peresa penudi ohhh ha bisi meh bala anak dipilih induk upis pelajar tu ila nyadi menteri pengujung jalai dudi hari.

Enda mukai mukai meh nasit aki gerubi tak nadai di sangka limpang ke kiba ngerembang repa madang lemba. Udah nasit udah selatan anak ampang timpang patah tandan tingkar dan meh tu deh sanu wai menawan. Pengawa digaga enda mega nyelai ari nembiak anak pelajar bukai ti bisi besengki siku tulang penyambung; ransi kudi puas betundi belaya pengujung. Pengawa tu birit irit ari pun taun deh Cikgu Cikgi enggaika kita ti bisi macha karang leman berita enda nemu buta ngelaung. Ingat kita maya kami digusung 'outsiders' empat iku ari Lutong meri kami lampu mirah rah rah ngumbai penyamun? Diriput kami enda ga kita ngeleda dani berani ati ngumbai penemu runding ketapu lindak besegi enggi kita ngena berari! Tu meh pengujung pengawa ti tau nyadi laban kami sigi enda nelentangka diri ngambu ngaku alah lembau enggai bejamah betachah. Ahhh pama mega bala anak Iban neh nyau be ila asai udah muka kuntau ala bebiau bejari nyengkau. Aku, aki gerubi, deh cikgu Adi ukai ngesah datai deka nyamah deka nachah. Aku tu semina mantu deka nyerara engka icha utai tak ulih di kemaduka ngambika enda berintai enda panjai semina mati padam lemai aja. Ngesah meh aku laban tedingaka berita bala nyau bebantai ka bungai tujuhbelah ngerembai jari deka datai. Tinggal meh endu sanu enda lama deh.
Wait a minute..aki gerubi deka nyekat Pok enggau Bapa..ahh baka pelanduk nundukka gajah enggau badak nya cikgu. Laban pelanduk ti mit kelikit mesai tinga antu raya, pelanduk nya meh deka dikeremuk, but I had a better idea with my screwdriver. Salah aku cikgu laban enti nitihka enda patut meh aku dia..din aku ahhh ba tebing tasik berumin muai peluh.

Lo and behold, tu meh terubah kali aku dikumbai Cikgu Cikgi 'Ring Leader' baka tuai Gangstar! Huh nadai meh nemu diri bisi ngembuan penau nyadi tuai ngelambai tau serang deh; however, I ain't Archilles and she ain't Helen of Troy... and if I have to fight ..doggone it bygolly I will for I ain't takin' no shit from nobody....tu meh penyalah kitai agi muda, agi bau lia laban ti enggai ngalahka diri! Akai dai...ka pan enda engkakai enda nyamai munyi sanggai. Cikgu cikgi semua, I must admit I was vocal by birth and nobody, not then, not now, not ever.. can anybody take that away from me but I was not the ring leader. Hahahha my old buddy Will Poole used to say hahahaha "I was just trying to help and to contribute." Ngemandakka cherita, lima iku meh kami sebuat dikangauka tuansipol Adi enggau sapit kanan iya Siti plus one or two more wardens..enda ingat the exact figures actually tang agi ingat upis tuansipol nyau penuh..nyau besapit bau saum siku baka sadin dalam tin temaga! Bala kami pan lalu dipinta nerangka tuju enggau pengawa diri ti udah dikereja. Ngarika bala ti bisi dikangau, yes sirreeeee they were honest..they had nothing to hide to the best of my knowledge. Haiya...nama agi dipinta kita deh? Cherita gaga cherita tempa? Nama nya tak ngumbai kami sebuat bula pia? Ransi kudi, ringat melanjat pan kami nadai meh guna laban nasit kami kita nentuka neh Cikgu cikgi..you knew best..students were just as stupid as dumbasses enda pia?

Ahhh enti enda bakanya bangat nadai pengawa ga kerani sekula. Tu pama ga bisi ngelatih diri nulis serta betaipka surat nuju apai indai, induk upis pelajar menua enggau nengeri, et cetera et cetera neh. Pemutus atur chara enggau aum pengajar..." As for your punishment bla bla bla...you are hereby suspended from your respective dormitories indefinitely..bla bla bla," ku sambung tuansipol ti penudi sekali.

Ngaku Penyalah....

2007-02-25T08:37:00.000-06:00

Nyau sebulan nandan dilangit; setaun nampun dibukit meh asai tu udah terebai neresa remang langit besai enchayar chepa chepai labuh enggai terengkah enda ga datai ngiga penemu ku jaku nuntut ari mensia ti nyandang pemandai udah ngelampai beketupi besegi singit berat bepanggai ti digelar diberi ensumbar tuan tuai pengajar. Telenga tama ensenga keluar pansut tetengut meh penyelai utai ti dipelajarka bujang dara anak sekula endang sigi baka ku aya wa wa maya berandau duduk betunga. Pendiau pan nyau baka selama mega:- urang makai kitai makai, urang bemain kitai bemain, urang sekula kitai sekula, urang ngayap kitai enggau ga ngayap, urang begiri bekepai belambai kitai pan tau meh enggau urang, urang kemi bira kitai pan kemi bira laban ti enda ulih simpan naka pengelama enda pia?
Ukai ulih bangat makai tinduk belajar lalu makai tinduk belajar belama! Lapa puluh tiga tu baru setaun jagung hahaha lebih mimit aja ahh agi ulih itung enggau tunjuk jari enggau kaki.

Nadai meh apa nadai meh nama udah Black Monday tu kemari deh. Enti nyema ulih nikal nyau deh betakar mai ngisi penuh segantang; nyau deh bebelitka akar randau melintang , akal dalam lubuk batu besundang. Utai ga udah nyadi lalu kemari semina dalam kenang ku ribai menua landai nyadi history. Sigi nganti meh diri aki gerubi laban endang nyangka diri dikangauka betemu jumpa enggau tuan haji and nonetheless or everthemore sekali tu aku endang guilty nyengala baka rintai one two three. Yes sir aku guilty and what say we? Over my dead body laban aku sigi enda sekali kali ngeluarka nama bala sida ti ampit enggau ngirit ngerami April fool because say say we udah sumpah enggau janji. Punish me enda meh aku ngeransi laban udah nemu penyalah diri lalu aki gerubi sedia sudi nerima ukum nadai penti pemali. Ahhh lapa deh? Iran mega ati aku sekali tu laban kesatu udah nemu diri endang dikangauka tajapan biar mati lepi enda meh aki gerubi ngaku ngambu! Sangka kita sekali tu ukai sebarang sangka laban nya seratus ditambah dua peratus ngena. Kedua, iran meh ati aku laban enda di ukum nyadi ulun kuli nebas rumput meresi refactory nuchi dormitory! Ahhh main sikoloji pia? Ahhh enda bisa laban nya ukai ludah antu gerasi. Sorry Cikgu Bedui cikgi Siti laban the ever merciful and most compassionate one Mr. Adi enda ngukum kami.

Bakatu meh cherita pandak enchukak panjai enchukai kami tu. Cherita pandak enchukak kami tu enda bangat tau di kerebakka laban tau nyuruh anak mensia tampak rita jai nama. Cherita panjai enchukai kami tu enda tau dikerembaika laban tau ngasuh anak sekula tasah pendiau nadai menua. Taja pan bakanya munyi leka rauh nyawa..ahhhh munyi ku Megerit Tacha, "You ain't seen nothing yet."

Black Monday di Tanjung Lobang..

2007-02-17T08:13:00.000-06:00

Begempuru duduk laban baru udah belatih bepaluka buah hoki lemai saritu tadi lalu berandau betundi serta ngiga runding bala bukai bakani ngabis engkani malam tu lagi. Bala ti manchal serta tatau agi, laban ti udah begalun enggau pasir, enggai beranti anti pangan meresi diri lalu engkajat melanjat nuju tisi padang laban ti bisi paip dikena manchit serta ngelunchur diri enggau ai muai daki. "Essss apa malu malu ehhh..mun empuan nangga untung sidak lah..sik sidaknya mok bah," ku bala keda ti udah telanjai baka ti baru adai semina dibalut chawat chap baya. Akai daii puas rakah rakah betundi ketawa ka ulah pangan diri. Ke bendar, ketawa laban chawat putih nyau enda temu gamal agi..nyau bekechibak chabik kuning lensat enggi bala sekeda. Manah agi telanjai ganjang ganjang ditengah padang! Kapa enda urang meda, ukai nemu lenyau nya. Dipeda urang agi meh nya empu kitai! Tu meh maya bala sekeda nembiak sekula, indu enggau lelaki, nurun belajar malam mansa bala kami ti mandi geganjang tubuh kurus tinggal tulang kerigai besimbang.

Udah meresi diri masukka gari bebaju pandak berang baru kami sebuat nurun betangkan baris baka soldadu wataniah nurun begadang. Ahh nyau tepenat burit duduk enda nginsit laban gelegar pelasar bangku sekula; kasak kasak ngiga asai enggaika tulang tumbung teberingkah enda berasai nyau ga bekangau betelai bekepai keluar enda lama nyirut nyepi penyamai angin lemai. Enda lama agi ku jaku serbana alai endur lunching bebunyi nyadi tanda chukup jam, tanda pukul sepuluh malam hahahaha. Asss apai pagila tak hari satu alai sekula ari pagi dataika tengahari berengkah nyadi. Malam tu ku bala kita buat history, history upper six 1983 ti tau di karang dalam bup pengingat sempekat saum janji laban the gang enggau aki gerubi udah begerit mutus ati. Pagila lusa semina nyadi kenang sida cikgu cikgi; nyadi tanda nembiak ti dudi enda tau ditunda laban enti ditemu ditangkap sigi nyuruh mati.

Bendar mega bala betilik ari jenila ti mayuh sawang nadai bekacha cheremin pechah dijamah nadai dikira. Ukai nama, enggai ka bisi ayas kemayang bala pengajar nyidi bekau bala nembiak ti bebuaika getah muda benung bekimbit di baruh kemayang bulan enggau bintang di tebing tasik din. Nyau bala kami mupuk begadai gadai iya belalai iya enda ngusung pun nyiur ti bediri chegi chegi semak bansal alai bala pengajar nyimpan kerita entuka made in Japan. Aki gerubi meh ti di ansak disuruh niki laban udah ditemu baga endang baka kera belanda niti batang. Bekeredup buah nyiur tingkil laban ditunjan enggau sepatu kaki kanan. Bala bukai tak ngumpul lalu mai buah nyiur ngagai tempat alai bala belelak di tebing tasik din. Nyau puas engkani malam hmmm runding pan nyau mega terebai melayang ke bukai. Pukul satu ku bala; pukul dua ku sida...aram meh kitai berengkah nyamah.

Bala kami sebuat bepun ari blok baruh bilik upper six lalu nukar mija, ngalihka bup enggau perengka bukai mega. Naka pemayuh bala meh sekali tu, indu enggau lelaki..bisi di atas bisi sekeda di baruh lalu bisi mega bebitau bebayau ngiga ulih sebelah staff room! Bala kami sekeda endang sigi bebendar deh ngacha bilik sekula siti tu ngerintai bup ba papan cheremin jenila enda salah salah ala Fort Margaretta! Mr. Adi I confess to you now aki gerubi was one of the main players among many, as a vocal leader for the first time, ngereja pengawa ti enda manah nyadi kenang. There were several groups including cikgu cikgi's all time favourites! Ahh bisi meh bala sekeda deka mansai ikan emas ba pegung mit mesai kerupit reriga buluh berendam jarang ampuh nya. "Anang," ku aku. Laban ikan emas enda nganu kitai! Ahhh nyau terit kanda bala sekeda laban ai nyiur...betuat baka ti naut ba sungai besai meh bala manching pegung! Bisi ga ti jenaka agi lalu ninggalka penyai leka asi dikenggaika tubuh laban nyau enda dapat melanjat ngusung jamban!

"Aram kitai masahka staffroom ngambika sida enda ngajar pagila," ku siku ari kami. Little did we know this particular fellow was on his way to becoming a very successful government employee! Way to go old buddy! Ahhh nyau ga bala keda betarit ka tali ai ti digaga ari getah made in Malaysia dikena ngelunchur meresi staffroom. "Banjir staffroom kelak," ku sekeda ga rakah rakah ketawa. "Bisi sekeru deriba dik kaban," ku pangan siku. "Anang ehhh..kelalu ga nya," ku tudah endu tawing aki gerubi enda nyagi nagang kaban kami dua tiga iku ti deka muka peti penchelap bilik ti dinggil dinggil di belakang bilik tuansipol! "Anang laban nya beyond vandalism," ku aki gerubi nangkan endu nya tadi. Nadai ga bala nyadi. "Ahhhh aus tok ehhh,..sapa mok ngikut aku pergi ko-op," ku bala kami siku. "Jummm kita..kelak jumpa di cliff agik," ku tuai bala siku. Nyau meh sida iya ngerepas coca-cola enggau 7-Up( tujuh katas) ari Ko-op sekula lalu di sadung ngagai bala ti bisi ayan ba tebing tasik din. "Aku pergi refactory kejap..ko ngikutkah?" ku siku ga laban nyau lapar kini lalu deka nyerungkai pau ba refactory! Akai daiii sempat ga bala sekeda nyawil seluar dalam bala sida indu ari dormitory laban ku janji bala deka digantung ba tiang menira sekula and they did! Ari tu meh bala kami bukai nemu naka pemayuh bala mensia ngereja pengawa enda tentu malam/pagi tu. Sekeda nya nyamah utai ba dormitory sida indu din hahahhaaa..Hahaaaa..tetemu ka basikal Monika lalu gantung ba kayu hehehe..Ulah serta penatau bala mensia!!! Some were too jacked up sampai deka nukar tayar kereta pengajar siku dua enggau batu bata!
Cikgu..thanks to aki gerubi who said no! But yes..I was vocal indeed tang enda nyangka bala tak nemu mereti ninga bakanya. Apooooo mayuh utai digaga bala bukai ehhhh.

Nyau deka pansut mata panas baru kami sebuat ngusung padang bemain bol pagi hari hehehheee..laban nengkila ka bala bukai bakani ku balas pinta bala udah meda utai nyelai nyadi bakatu. April Foolllllllll serta enggau tu mega nembiak sekula enda belajar laban dikangauka begempuru ba assembly hall lalu tu mega hari ti dikumbai pengajar Black Monday.

Kelukih Bemain II..main bol.

2007-02-09T23:23:00.000-06:00

"Biar mati di tengah padang, anang mati telentang," ku bala anak kenyalang ti keran berumban ati bemain. Ahhh nadai mayuh kelukih deh..laban bala raban tim Armadillo agi meruan mayuh tau ngelendatka padang Tanjung Lobang nyadi tulang belakang enti bangat nadai urang. Tu meh kengka bala kami ari Armadillo FC liga sekula ti diau datai sampai ke taun 1983 udah ditinggalka bala bukai ti milih pampang simpang jalai bukai ngemajuka diri dalam pengawa enggau pelajar. Ali Omar Hamid(Alek), Neilson Ilan Mersat(Neil), Bobby Dickson Forster(Dick), Kenneth Numan(Latong), Mohd. Abu Bakar Marzuki(Abu), enggau Anthony Edward Megat(Encaluk). Bala bukai, nembiak baru enggau ti lama ti bisi ngarika Tanjung Lobang bemain bol bakatu deh rintai iya...Lukas Jengka(Lucas), Nooruddin Liew Tze Hoon(Din), King Kawi(kix), Yunus Braham(Haji Long)Sulaiman Bujang(Leman), Abdillah Haji Yassin(Dillah), Jau Emang, Alexander Bennet Ait(Sundut), Suaibi Morshidi, Nordin Ahmad(Bapak), Henry Usat, Phillip Pisun(bomba), Julaihi Idris(Julai), Mohd. Daud(Jeff Ngelabone),Paul Natu, Felix Michael, Pergis Igoh(Gis), Nelson Sanyut, and Roland Bala. More than enough talents enti bala bisi udah ngelaban ujan nyala pedera renga enda nyamai isi. Thanks to Mr. Balang Buayeh for moral support.

Tu meh gaya gamal bala kami sekeda!! Kenyalang Red 1983!!!Many of whom MIA maya photo shoot laban enggai ke kamera tak meletup!!

Ari penyuah bemain belaban enggau urang bukai, mayuh meh utai dipelajarka, penemu manah enggau ti enda berapa manah begulai enggau ti pemadu penyai. Nurun ngusung padang soldadu dibaruh sepiak Tanjung Lobang, nyatup soldadu di kem Riam ukai pengawa dikandalka tajapan bala raban kami nembiak sekula menang 3-1 tang tau ngenataika pemalu. Agi seri agi manah meh bala mensia ditengah padang. Udah utai nyau 2-1 akai daiii nyau beterajang betembung bulang bala mensia. Ahh pama ga laut melaya tak enggai alah! "Celaka si tambi ya..tangga kitak tok..,"ku tudah Bapak maya merurutka setukin ari betis engkeruak iya. Bala sekeda lalu minta ganti laban ti enggai bemain bakanya. Udah Lukas ngerimbat gol ti penudi iya, nyau enda tentu tunga agi laban mensia nyau masang pengeransi berimba betis; kaki naji jari entudi. "Ada masa kita jumpa sidak lepeh tok kelak, kelak rasa nya," ku Ali mutap kediri. Kepuas bemain belaban enggau tim bukai baka Highlanders enggau Lun Bawang tak enda kala bemain ngembuan ati deka bebalas bakatu.

Bemain rindu ati ngelaban pengajar maya ngerami hari pengajar tu meh sigi di anti bala mensia deh. Naka meh pengagit bala deka nurun..akai daiii nyau baka ti deka nurun ngayau tajapan enda kala meda mensia nyendiaka diri nurun ngayau! "Bila masa agik tok..toklah masa nya main kasar..ehhh kitak nok pemain ya sik ibuh bah..apalah..berilah kamek peluang..adalah dua tiga nok mok dihantam tok," ku tudah Apin ketuchum gagit minta kasih deka bemain ngelaban pengajar. Berunding dua tiga kali ..akai dai..nama meh pemesai bala pengajar enti bebanding enggau Bapak, Julai, Jau, Kenneth, King, enggau bala bukai. Cikgu Adi and the rest, benasitka nembiak ti udah di buai nuan ari buding, benasitka nembiak siku ti dikenggaika nuan meh maya tu laban iya ti enda nyuruh serta nagang bala laban tuju nembiak, lebih ari setengah, sigi deka mai kapak beliung berimba nebang ..tebang kenyalang tebang..almost. I knew the schoolboys intention were to hurt, hurt and to torture for the entire 90 minutes plus some unfairly given extra time! Told them not to do it laban Cikgu my dear semilan puluh semilan peratus listened to aki gerubi being their director of football, respect given I will never forget. .......Only if I could picture my immediate future I would have been in the mix, right on in the thick of things! The opportunity hmmmm was as golden as Mr. Ang's teeth!

One the biggest mistakes ever, I must admit after all these years of silence, was an open invitation, a quote-unquote friendly football match by self-proclaimed Persatuan Guru Guru Semenanjung Malaysia versus Kenyalang Red...red-blooded 'psycho-cell maniacs' ...kelebih agi...mayuh agi pengajar ari semenanjung ti ngajar ba SMK Lutong enggau Dato Permaisuri. We had it out on that very same ever sandy Tanjung Lobang grazing ground! Nadai kala meda nembiak nerajang pengajar;pengajar nerajang nembiak! Tu meh keterubah iya aku meda penyalai ati anak mensia. Aki Gerubi lost it lalu pia mega bala ti bukai except one or two! Ya pengajar..I got hurt after being knocked down and kneaded ba belakang..asai ti ka put ahhh enda ulih tetaritka seput. Show me 1983 SMK Lutong yearbook ulih aku ngelala mua pengajar siku tu..with a goatie baka kambin lelang ngiga indai deka nusu. King old buddy, agi ingat enda kaban maya Julai enggau Bapak deka nachah pengajar siku ti paga paga udah iya numpu Nelson Sanyut? Ahhh maya some of us from the middle of the field rauh rauh.."hantam ajak, hantam ajak" ehhh! Nasit Mr. Balang bisi nyadi reperi ehh. Tu meh telatah gaya ulah nembiak ngelaban pengajar bemain bol. What did I learn from this or did I???? You bet! Later episode will tell.

Kelukih bemain juluk kesatu

2007-01-23T08:04:00.000-06:00

Tajapan udah dipasukka dalam buding sekula baru, ati mengkang meruan enda nyamai laban ngasaika diri nyelai ari urang bukai. Ati endang udah berasai enda nyamai laban ti udah ngasai penyamai, pemerinsa, enggau pemedis diri ti baka ke nadai pendiau. Nama meh tuju ngetanka diri dalam sekula bakatu? Ngelama umur ti udah enggau urang nyadi anak sekula, tak nadai kala asai bakatu. Nya meh semina mai ati ti bisi ransi bisi begedi; mai runding ti melaling tinting ngeluah lempa sungai beganding enda berasai ga diri limpang ngereja pengawa bukai. Nadai deh mayuh macham pengawa ti dikerja laban, dalam ati, sigi bisi tuju ti manah deka nyaguka nama sekula dalam lumba enggau main. Ku ati aku,"Tu meh peluang aku nukar nama ti udah kamah di balut luchak lumpur utara." Engka tu meh peluang aku mutarka pemanchal; sayauka penatau enggau penau enda dikena bejalaika pengawa ti ngenataika penguntung.

Amai tusah mega deka ngumpul bala mensia ti ulih manding pengelandik urang bukai dalam lumba enggau main maya tu. Bejumbuh pemayuh bala nembiak ti ngembuan pengelandik besipakka buah bol belulang segala serta buah sipak raga wie sega maya tu tang mayuh bala tak enggai di bai ngarika sekula! Mayuh meh kebuah tang kebuah ti bangat nyengala dipansutka bala ti tuai ranyai seniors lapan puluh tiga tu nyelai mimit, nyelai ukai sengapa nyelai tang nyelai nyuruh kitai berunding dua tiga kali, endang tau nyuruh kitai berundang kasang malik ke belakang mai bekenang.

Kebuah kesatu ti endang terang berandang baka bintang berintai malam nyelepak remang; ukai enggai ngarika sekula tang enggai ngelengkaka bup, enggai kiruh ngelimpangka diri ari pengawa belajar nyendiaka diri deka beperesa ujung taun. Tu meh peluang sekali lalu sekali tu aja meh di beri urang endur alai kami sida ujang endun endu umang mantaika pemintar serta pemandai ngulihka tikit niki setangga nyenguk universiti menua Malaya di seberai sungai tasik mit mesai chebik belachu charik rubik kar Malaysia. Ngadang, nangi serta berati ati meh kami laban udah nemu diri nyadi babi menua Guinea perujik inang upis menteri pelajar menua alai sida iya ngenataika peminta tuai muka tirai serta nguji enggau nyukat pengeruh keruh STPM....Bintangor tu Binatang; STPM tu HSC ku sida iya!!! Amai enggau bula lantak aja deh enti aki gerubi. Apa peduli, asal bahagia derita tanggung sendiri!

Kebuah kedua tu ti nyelai mimit lalu nyuruh tudah aki gerubi berunding dalam agi laban mayuh pengamai ari pemula. Engka ari penau, peneleba enggau pemintar bala nembiak meh penemu bakatu nyau datai baka biau balai numbangka batang pun ensurai di tebing sungai. Nadai mega nanya lebih ari kelapung ginti irik anyut di sungai. Nya meh, enggau jaku mintang enda melunggang melintang pukang terus terang nadai nyangka bala dikelala bakanya tau enggai di bai. "Ngarika sekula nadai meh guna pok. Kitai ti pedis ngapa urang bukai ti empu nama. Terima kasih nadai meh urang nemu meri kitai. Kapa enda sida milih urang bukai nyaguka nama sida iya," ku bala sekeda. Endang amat! "Hey, mun ada friendly melawan Cikgu baru aku mok ngikut kelak..jangan lupa nama aku," ku dua tiga iku bala. "Buat apa? Salah dikit di biji mata sidak ya dah di hukum," ku sida ti udah ransi. Endang amat!! Dini enda lengap lengap baka kesindap engkitang ditenggau tengah malam deh tudah aki gerubi. Tajapan bakanya ulih ga mujuk dua tiga iku ti tau di kumbai nyadi tulang belakang pengari sekula. Bisi ga pengamai serebana bala ti jual mahal tu deh tajapan sida tu, maya agi ba junior sikinderi ngarika sekula enggau hmmm divisional competitors!

Dua iti tu meh kebuah ti bangat diperatika aku maya nya kelimpah ari kurang pengelandik deka nanding urang bukai. Nyau puas bekelukih baru bisi pengari tetap tajapan udah ditagaka ari pom enam baruh taun siti tu kemari. Tang laban bala ti nyau belelang ke menua bukai; ngiga pemandai di tempat bukai laban mati idup enggai pulai; masuk kerja perintah; enggau pengawa bukai mega nya meh nyuruh nyau bebungkar bunyi bepungkal baru. We managed and the better was within sight. Ahhh which one of you Cikgu Cikgi bisi ngemataka serta nguluka kami? Tu agi pun taun 1983, udah aki gerubi dipasukka dalam buding baru. Thanking Adi for his kind consideration!

Kengka tenggau pendiau...

2007-01-07T07:31:00.000-06:00

Ngelama tu tak baka burung semalau kuchau kuchau nampung lachau; tak munyi tawak tentalau mai begau. Ohhhh hhaaa anang guai melandai be inyak inyai merindang temuai meh nuan deh aki gerubituai. Ku urang, " nuan tu bedagu daun biru betibang di kuyu". What are you gonna do 'bout it? My only silent response could only be..what the hell could I possibly have done? OOOOoooo waiiit a minute! Anang guai laban agi kating kating engkitang baka perigang tanduk nadai pala; agi gining gining tesat engkining baka anak rusa. Nadai payung enggau belindung; nadai perabung ngerumbung!! Engka ujung minggu tu ila meh laban tudah indai enggau menyadi udah ga ngapil nyembah tuansipol minta ngambi aku pulai baru-munyi serbana leka lagu ' ambi aku pulai baru' tudah aya siku ti sama sekelas enggau tudah indai aki gerubi kelia menya.

Tajapan lantang mua berandang dipeda surut mansang, pemerinsa seminggu mingu tu nadai dikira. Iya kemaya kala kena sespindit ditumbit ari buding sekula? My first time, and maybe more to come..dini kitai nemu! How could I be so dumb? Nya meh stupidity leads to many experiences enggau pemedis. "Tahan jua ehh ko tok," ku bala kaban sekeda. Ingat ga aku ke timang kaban aku siku ti munyi tu, "Anang tusah Dick, bisi kami..guarantee idup." Lapa kitai enda ingat! "Yalah ko tok..samseng gilak," ku tudah kaban aku siku ti ari Sematan nundi aku. Hmmm where was I..March 1983? Yeappp buddy..Bah nuju bala kita ti ngidupka aku seminggu minggu tu..how could I possibly forget!! Terima kasih. Melanau ti muai...hmm bala Melanau ga ti keran masang pemerani meri aku makai..Steven, Yunus, Phillip, Nordin, King..Thanks!! "Debai inau inau,..peduli apa," ku Bapa deh! Whatever that means hahahaa.. Ketegal aku siku dua iku ari sida tu nyau betimbal beperak enggau Bedui Uni laban ditagang Bedui mai pemakai pulai ke buding! Wrong move cikgu..Ukai nama, enti nembiak bukai enda di anu, enda di tegah, enda di tan nuan mai laluh pemakai pulai ke buding, why them? It's the principle of it..bongok! Dik benasit amai laban aku nadai ayan alai mantupka ati..I'll save that later lah..somewhere, somehow, etc!! Engka nya kini kebuah bala nembiak isin lalu nikau nimpau jendila rumah Mr. Ting enggau batu kini! Poor Ting..I wonder why Julai was upset as well! Where was I? Oooo ba Nyonya kini. Tu meh siku ari pengajar ti, baru iya masuk datai ngajar di Tanjung Lobang, meri serta bekunsi insap enggau nembiak sekula. Paduhal nuan bakanya ngambika nyamai taun bukai udah ngelala sapa sapa nembiak..ku nuan!!

This whole week aduhhhh full of drama ehh!! Sapa pengajar ti di anti serta digagai enggau penyapu malam hari ba Tiong suba? Ahh baru ga first term tu ehh..Tu mega minggu alai endur aki gerubi enggau empat lima iku kami ti benung bemain bul enda mukai mukai digusung bala Iban ti bisi udah bisi bepengawa di Miri. They looked like bunch of bikers wannabe! Sida tu mega lalu ngelalau bala kami anang ngaga diri nyadi gangsetar! Hahaha that's new to me..engka sida enda nemu reti jaku Gangsetar kini!! Entah sapa enda ti ngangau ngumbai nyuruh sida iya datai enda mukai mukai bakanya kelia. Tang ari cherita, sida tu kelia bansa Iban ti udah bekerja ba Shell di Lutong. Engka tu bepun ari minggu bekelala suba kini..Udah meh diriput ngagai Tuansipol tang meh iya amai amai bedagu daun biru betibang di kuyu..We knew and realized that Cikgu..no worry..enti kami di riput urang baru nuan kemabai..biar nuan meruang bejagang jagang empat lima tanjung datai nyerungkai ngiga penyalah kami..di ukum, di anu, di pechat tindat nuan bala kami neh! Lain amai ga nuan tu ehh.

Terima kasih Cikgu Naim, Cikgu Awalludin..you two were always good and fair to us. Kedung, Ngau, Jau, Henry, Ujang, Stanley,..bakeh..terima kasih..without you guys...nadai aku ngupas setur Bekia alai manggaika pala mejamka mata. Hey..you bakeh were great. Ehhh tilam PSKPP bisi tiga serak dibalai tinduk ba setur Bekia maya di enda disagi tuansipol gusung! But Tuansipol my dear..I knew nuan nemu dini alai aku ngelama tu, sekumbang udah nadai bependiau bakanya. You thought I would threw my hands up, gave up and balik kampung..hehhe didn't you? You were once again wrong, dead wrong. Folks, nadai dipelalaika laban enti kitai ngarung ngerubung diri baka ensera engkeratung ayam raja or damu bebulu burit pan nadai meh guna..telling you like it was, like it is, like it will be!! Welcome to my world..my imponderable life as each chapter unfold.

Udah Nasit...Tenggau Pendiau..

2006-12-26T08:02:00.000-06:00

Seribu satu macham deh jalai urang ngemelu serta ngemalu kitai mensia. Kami anak sekula ti ngembuan pemanchal enggau penatau ti lebih mimit suah digempuruka enggau di pejakuka dikumbai 'nembiak jai' tu lebih nemu laban suah udah ngasai. "Enti nadai penyalah nadai deh urang ngukum kita," ku munyi puntang jaku urang tuai. Nama pemula, sigi enda bula jaku kita ibu aya enti kitai meda sekali ngerimbas mansa neresa babas bauh setinggi punjung pala. Enti ngira enggi diri deh ibu aya, enggi diri tu suba engka lebih ari nya, jauh nyelai asai diri enti manding iya enggau enggi urang bukai. Engka aku siku meh dulu nyadi tanda pemuka tirai bala pemegai kuasa. Sekumbang aku ti udah belajar di Tanjung deh ibu aya, aku meh chuntu siku ari seribu ti terubah iya ditarit biasiswa laban pendiau diri di seruran nunu jantung lempuang garang enggau insap sekandi kundang. Tu meh ku aku, nadai biasiswa idup makai besekula meh aku tajapan pan dalam ati diri agi meruan nanya nama kebuah urang bukai ti ngaga penyalah ti sama sebaka diukum beribu macham. Uniformity ukai bebelah bagi, fairness ukai belampung lampung baka kerimpak tetak beliung ti dipinta. Tu cherita lama ti nyuruh darah muda begirau isin garang enda berasai tau nyuruh nembiak ngeledengkang. Pia mega udah di 'label' pengajar nembiak nadai beguna laban enda nemu pulai ari padang!!

Tu video/lagu hahaha..courtesy of Daartasha..

Dini meh alai ngelalaika mua biak bekulit alus terit mirah chinang inang? Udah meh aku nerima surat cinta nyuruh mawa idup meruang. Salah aku, salah aku laban kur semengat enda nyalahka urang bukai . Salah aku salah aku laban bejunggur pandak mulut engkerasak nadai utai enda disebut antu dadak. Dalam surat nya meh aku disuruh ngapil enti deka diau dibuding; dalam surat nya meh tudah indai disuruh ngapil enti deka meda anak iya nerima biasiswa baka nembiak bukai lalu mega ngapil nyadi pengari anak iya ngemasukka anak iya diau dibuding. Akai dai..naka penyauh deh Miri tu ari Simanggang. Dini meh ulih aku berundang kasang pulai hari. Deka diau enggau bala kaban belayan, ibu aya, aki ini, esss kapa ngiruh urang..dini urang alah ngidup meri kitai makai laban aku ti udah pandak jalai? Ka belangkau di pujut corner dibaruh bukit Kanada enda ga alah laban mekang kang. Enda ga aku setuju, ketegal aku siku, tudah indai betukar ke Miri! Aki Gerubi diletak enda tau ngindik buding tu buding nya.. Bendar aku ngelantangka ati muai pengeransi besipakka buah bol di padang; bepaluka buah hoki enggau ngembaika kening nuntung buah sipak raga rutan danan bebengkung segala. Nembiak bukai enti saum kaki bejalai nyingkang baka aku pan, jangka aku, asai tu..enda meh nemu laban penyelai siku siku kitai mensia. Tang enti tuju deka nyuruh aku badu berenti kelulu, nyuruh aku malu bemua lepu lepu baka sepu aur kumang; nyuruh aku menawa baka sepur rampang pinang pelian manang..anang guai deh. For someone so higly educated and qualified to assume that semua anak mensia saum sungkit sama kulit..hmm I beg to differ deh misses and masters..woow we have broaden the meaning of assume- *Ass-U-Me*( making an ass out of thyself). Enti tuju deka ngemaluka one-of-a-kind aki gerubi, you didn't know your confidante from Adam! Or was it just..or was I just merely a delusive, intimidating, menacing foe? My fortitude mister the most merciful and compassionate, an idiosyncrasy rarely seen and realized, unfazed; lo and behold...nyuruh ngasuh aku mangkin tegap merakap baka kerembai rakat urat pun tamang ti enda nemu begidu mali tumbang. Was I that great of a threat to society than my fellow colleague next door? Where do we dump sampah masyarakat? I have yet to find a dumpster or trash bin being labelled "Sampah Masyarakat Only" and or "Good Sampah Only"!!! Stratification of mankind in-the-making I realized. Never mind that laban dunya tu dunya survival of the fittest where the unfits and the misfits struggle. I would have done a lil' different though there would be some unique parallelism!! Hahaha

Enda mukai mukai ga maya tu, menyadi tuai aku bisi datai nyenguk Miri laban pengawa lalu bisi ngenyit rembus ngusung aku. Ah berasai ngerembai lantang ga asai ati ti puang tu tadi. "Anang irauka utai bukai nuan menyadi..pedis pan tatka dulu..enda lama agi..anang enda ingatka pelajar," ku iya maya kami duai ngirup ai manis kuning baka kenching sumang umang ba Brighton beach. "Aku tu pan bakanya meh, bepilih kasih nitihka kuing menua, semua anak Iban ti di intebiyu aku ambi magang lalu arapka sida pas physical aja," ku iya ngenang pengawa rekrut bala anak Sarawak masuk nyadi Polis! Nyau panjai meh randau kami duai menyadi; nyau ga ati aku limpang tekuing laban pending chechegak ngerembai mending. Tekenyit mimit ga aku laban ti enda di anu iya enggau jaku ti enda nyamai didinga. "Bisi aku bejaku enggau tuansipol kita tang lain amai ga munyi tuai siku tu..enda kala aku bejaku enggau urang baka iya siku tu," ku iya ga nyambung pasal pengawa sekula aki gerubi...I'll leave the rest at that. Tu meh gaya anak nembiak sekula ti dibuai ari buding Tanjung Lobang Miri seminggu! If that were supposed to be an effort ngemalu aku, nyuruh aku tau badu nginsap, you ain't seen nothing yet!

Singkang Pendiau Pom Enam-Renggat Kedua..

2006-12-16T05:54:00.000-06:00

Ngumpul bala netapka pengari...
Tanjung Lobang tu suba ukai semina sekula ti endur nembiak belajar betentang mata enggau bup besari sari bemalam malam. Endang udah diperatika aku penyelai serta jalai nembiak bukai ti dulu maya sida iya dipaduka nyadi tuai ngempung bala serta ngatur pengawa kelimpah ari pengawa dalam bilik pelajar. Ahh laban ti udah dipaduka nyadi tuai lumba enggau main serta enggau pengawa main bukai, nguji meh tudah aku nganjung serta masang penau diri. Pun taun enda sigi baka deh, sigi kiruh begigaka serta ngempuruka bala pemain ti ngembuan pengelandik serta pengelebih ari bala ti bukai. Semua nemu bemain; semua ngembuan pengelandik tang nyadi pemain tu mesti nemu begulai bemain enggau bala ti bukai mega. Tajapan mayuh alai milih, mayuh mega bala ti lebih mimit enda nyatup kangau nyadi pemain, nyadi pengari sekula laban pelajar. Enggaika kelalu jauh tekelasur berunsur runsur bemain belama nadai jam alai belajar laban tuju kitai sekula tu ngemeranka pengawa belajar, ukai pengawa bemain. I managed to learn a thing or two ari sida enggau pengawa main tu. Kelimpah ari bemain bol, aki gerubi mega di asurka bala nyadi tuai bemain hoki!! Akai daiii bemain bemain bemain..dikangauka bala nyadi pengari sekula bemain sipak raga mega..udahnya dikangauka bala belatih belanda ngeruntu seratus mita enggau empat kali seratus mita lumba beganti ganti papung besi!! Hasss apai..tak enggai nyadi ga tak nyeremangka jari bejaku ri ri nyuruh serta ngelakka urang laban pengawa nguluka urang tu ngenataika reti kitai tuai nyadi teladan, nyadi dan, nyadi tandan tangkai bungai periman! Ahh manah pengawa bakatu dipeda mata bala pengajar laban pengawa tu nyaguka nama sida iya enggau sekula...nama mula neh Cikgu Cikgi!!! Mr. Balang Buayeh, terima kasih laban you were always present maya belatih terining bemain bol. Cikgu Borhannudin the self- proclaimed Cassanova, a mere figure as ugly as freaking coyote, thanking you so very much laban ti enggai enda kiruh ngemenuhka padang maya belatih bemain hoki. Never knew what those guys were up to or did you?? Ila enda lama agi Cikgu aku mansutka..sit back and sit tight..laban our turn to listen udah ngelimpas mansa remang..your turn to listen next enti ka meh hahah. Bemain sipak raga tak ngatika diri bala kami laban kaki bangku bala cikgu semina nemu nimang bini enda nemu nimang buah raga rotan pelali danan.

.......Enti tim ti deka dilaban baka sida tu ..pama ga agi!!Sapa enggai bemain ngelaban ujan???

Pada Suatu Hari....
Pada suatu hari.....holy shiiittt bedau bulih kredit ba BM..enda ibuh pan..anang luba luba dek aki gerubi bejaku BM ahhh!!! No worry, the Iban in me won't allow that... Bisi sekali hari siti, baru udah ngantung nutis ngerintai bala pengari pemain bol sekula ba papan tanda tisi jalai mit anak mensia mansa bilik Tuansipol maya 'free period' bala kami beberapa iku meh mulaika diri ngagai dorm. Ngelama tu pan bakanya meh bala mensia; suah limpang enda lama ngagai dormitory diri empu. Bala ti enda tau lapar nya nyau bepandukka maggee mee deh!!! The previous years pan bakanya so nothing expected to change that so very much this year! Hmmmm aku laban sigi aku, gian insap ehhh..enda ga bangat nyau meliur bubur gegetar baka ular entanggur..tama bilik lalu nungkun deh enggau nunu lempuang ku jaku. Ukai nya alah enti udah gian..baka kumang ti nyera begigaka buah binjai panjai tampuk. Ahhh penyalah aku tu tadi, tu bilik lama aku deh..engka nya kini nyuruh Tuansipol Adi tak nangkan belakang enda dipeda laban deka nengkilaka pengawa kini! Yes sireee..di tangkap nginsap baru ga akai daiiii...and yes sir lagi meh aku niki ngusung bilik nuan, nganti insap udah abis ahhh afterall, first and foremost, it cost me money insap tu ahhh hahaha. Asss apai kumpum meh tu nyadi habitual offender ahh! Nya meh enti urang bangat enda beratika singkang kitai dini deh sida bangat nemu nangkan bakanya, enda pia? It must be something..must be ..at your mercy I was there yes..I wasn't quite sure what it was but I have many many moons to pry it/them out!!! Once a bad boy will always be a bad boy, a bad man, a bad old goat..once bad will never be good..betul nya pemacha berita? Salah siti ari phenomena deviances mensia merening siku siku. Rare occurance but yet so very true neh Cikgu.

Pada Suatu Hari...
Anang luba luba dik aki..semadi ngaminka aja pass BM..bedau kredit!!! Hahahhaa..berandau duduk betunga enggau Tuansipol Adi tak enda kala berandauka pendiau serta jalai pengidup ti menyana deh, ari pom empat kelia. Ahh.."This time you will lose your biasiswa," ku iya merening aku. "You have been warned and warned," ku iya nyambung jaku iya! Enda nemu laban ti enda kala macha rules and regulation 'biasiswa' ti diberi perintah tu suba. Tu meh, dalam ati enggau mata aku siku, urang ti bisi kuasa, ngena kuasa to the maximum!!! Tak rerangap tudah aku nyaut enggau 'yes sir'. "I write a letter to your mother..cc to Jabatan Pelajaran Bahagian and Negeri," ku tudah tuai bejaku baru. Nama deh, tak nadai daya agi meh aku..kati ku enggau dehh..asi udah nyadi tai! Haass apai tusah mega kitai enti udah nyadi prime target bakatu ehhhh nadai ngawa ga enti sida Mr. Leonard Martin Uning di Miri enggau bala sida aki di Kuching ngelala ulah pengawa anak Iban dalam sekula. "I will announce it tomorrow that you are stripped from the ministership, and I want your 'landyard' on my desk as we speak," ku pengujung jaku iya. Ahh nyau meh tudah aku ngerurutka tanda minister tu tadi deh lalu aku engkah belubah lubah ba atas mija iya. Akai tak bedau ulih dikumbai setaun jagung alai udah dipilih nyadi minister lalu di buai urang ga ahhhh apaii. "Why didn't you give the same punishment to the previous students who have committed the same offence repeatedly??????" ku leka jaku keluar enda berasai ari mulut engkerasak dadak meruntak nengah jalai bedau ngeluarka diri ari upis iya. Apooo ehhh naka penajam mata tudah tuai iya merening aku!!! Life at odds with powerful being , the high almighty was more than sweet and sour soup. Tu meh pusin peling pendiau nyadi anak sekula; pusin ti tau dikumbai munuh diri enggau penatau enggau ulah. Nadai nama nama nya laban ngasaika diri enda mereti anak kurang ajar enda ulih lali; penyalah diri empu believe you me!!!

Singkang Pendiau Pom Enam-Renggat Kesatu..

2006-12-09T23:44:00.000-06:00

Di Paduka Nyadi Tuai...
Pendiau udah lepau nyau encik mister Sazali Suip kedua bali nama Bowyek tu bisi nukar pendiau aki gerubi. Puas ngiga bala ti deka..tak enggai magang di sabung baka tuntung ngeri enggai mintih ditengah kelang! Ahh bisi meh nya kebuah deh bala pemacha. Nama aki Gerubi pan nyau di tuang tunggang bala mensia masuk chebuk kerebuk sekula laban bisi deka bepilihka tuai, menteri lumba enggau main. Esss kini meh kita enggai enda ngachau pendiau aki gerubi bakanya ahhh!! Akai daii pemutus pilih mit ngujungka aki Gerubi di paduka nyadi menteri lumba enggau main sekula. To this very minute aku agi nanya nama kebuah....yeeap buddy. Akai akai ukai main main deh pangkat ti dipegai..asss apai utai nadai ketemu laban alah laban pemnachal, penyai, enggau semua utai ti enda tentu tunga di baruh dunya tu. I promised to do my level best to serve tang enda kala nirika jari besumpah tau/enda tau mungkir janji hehehhe. Bakanya meh gaya cherita panjai enda alah rintai; cherita pandak ayah rapah enda datai penyangkai penyampai. OOO hooo yeeeppppiieee deee dooo aki gerubi nyadi menteri ahhh hot hot chicken shit bah!! Anang enda enggau urang ngeruh ai tajapan udah nemu diri nyadi perujik pilot tuansipol peritis micromanaging enti iya ditikika pangkat mangku pengawa ti besai agi, ain't that right Mr. Tuansipol? Ni nemu ehhh ati urang bepelitik kini dudi hari as we shall see!!

Bekelala Enggau Bala Baru Masuk..

Laban endang sigi udah nyadi adat saum sempekat sekula, nembiak ti baru dipasukka masuk pom empat bedau ulih dikumbai 'Anak Kenyalang' nitihka tanda pin pelekat dada Tanjung Lobang kedua bali nama 'Anak Optima' ukir bungai sepil lambang enti bedau tembu minggu bekelala orientasi overboard haram enda disembelih and halal udah di sengkelan enggau darah manuk raja limban and or whatever we wished it to be named nitihka pengelantang ati kitai. Sekali tu nyelai mimit deh laban berat bau nyengkidang nyandang tanggungjawab ku bala ukai Iban ari ti ke udah. Esss nyau ga kitai nemu leju nemu siru kasih enda sebarang bintih sebarang turih tambah mega ngelakka nembiak pom enam atas ti baru udah diperinsa bala seniors taun siti tu tadi. Kenama sida enda bebalas..iya ngerara iya ngasuh ga tudah bala deh..I for one felt it was square and more than fair!! Aduhh ehh ka pan enggau kita bukai, nadai ulih serta enggai nyadi laban udah di beri warning. Kati ku baka iya ga udah dijamah sebedau netah. Cikgu cikgi enggau tuansipol Adi, I was more of a bystander nyadi reperi ehh enggaika utai tak kelalu nyerarai nyadi enda ulih rara baka api nadai bomba datai entudi until one day in 1983 ahh puas udah nyadi batang sengkar batang langgar stereotyping!!And just as I did in 1981 ngemataka nembiak ti datai ari SMK Simanggang enggau St. Luke's Sekinderi enda nyuruh bala bangat kelalu laban sida tu ukai semina datai ari menua aku tang aku kelala-Set Banda, Caroline Tawi Sli, distant petunggal aku Diana Ramping, Johnny Percy intake of 1981....iya ti enda dipeda enda meh nemu deh Cikgi Cikgu..anang kita bangat salah sangka ngumbai aku nyadi pengulu ahh..tang this time around hmm I have told folks simply not to..and Cikgi Cikgu the only thing I did not do was to spell "DO NOT" out loud!! I did have a little bit of influence, not much but enough to carry myself through!! Semua seniors my dear Cikgu Cikgi were somewhat guardian angels to some students in many shapes and forms!!"Jaga manah manah sanu tu ila laban enda kala kediri. Begulai manah manah meh kita," ku tudah uncle aku siku ti bisi sempat nganjung anak iya masuk pom empat nesau ngelalau. Sekumbang minggu bekelala disuruh diau ba bilik lama aku ba Tiong deh tudah petunggal aku siku tu..and then there was menyadi Corrina enggau Ensalang Dundang ti ngelama lama tu dititah kami ari mit 'Dom' aduuuuhh tambah ga Piri akai dai...Pengirau nyau diganti pengelantang ati laban ahhhh bisi kaban bemain bul ari mit enggau begulai baru akai dai..Hahehehehe ka nyaga sida ti indu enda alah ga..enggaika diri tak baka pagar makai padi hehehehe laban ti benung besintal isi mungkal miang tubu gatal. Tu meh pun aku begulai baru serta ngelala bala sida Peter Bisop, Rothman Dundang, Perry Nyangan, Charles Balang, Nangkai, James Joshua Guang, enggau sida bukai mega. James, kelalu mayuh bala ti enda dikelala mua mata laban udah big and segala nowadays ya.

Bejalai nyingkang nengah jalai kenang enggau hmm..Walking down the memory lane with 'just click it' ya...

Akai dai at the end of the first week tak dikangauka tuansipol ga aki gerubi enggau bala sida bukai laban bisi utai nyadi ti tau dikumbai kelalu; ngelanggar undang undang sekula. Oiiii Salah uhang kita ehhh but ya laban aku enggai madah sapa sapa di gaga pengawa tu nya..aku tau meh di ukum kita..no problemo. I had broad shoulder bah..enti agi punggu engkabang agi deh ulih san aki gerubi! Wai CM John T enggau bala menteri bukai, ukai aku enggau kaban aku nya suba kaban!! Pok Stanley Thomas Karun pan ukai laban iya benung ngerupit ai arak Johnny Walker enggau Dry Gin ngerinau bala Kastam hehehee. Enti bisi betemu enggau Ah Fung whom we used to called China Gila..amai enda Gis?? Tau tanya iya!! Pergis ahhh Dawi bisi enggau kita? Bala sida Joe ukai meh..Joe din iya di baruh kemayang bintang tiga hahah neh Joe. Bisi amai bala mensia ransi laban tu suba akai dai....Udah nasit udah selatan laban kami pengari nembiak ti dikumbai rampang mensia dibaruh hari; nadai di guna nadai benama laban penatau enggau pemanchal dipeda mata geganjang telanjai enda bepantang...so we used to say.."Asal Bahgia, Derita Tanggung Sendiri"..lalu ditangkanka.." Apa tangga tangga kitak tok???..ada kutu kah?" Better now than later lah.

Laban Pengerindu...

2006-12-06T05:47:00.000-06:00

Endang baka kitai mensia agi biak, baru bujang lelajang rindang nadai tapang enda ulih ditebang. Sida endu dara miang pan bakanya mega empelikang likang empekang muka pintu nadai empang mai berandau duduk besugang. Nama deh sigi isi aki gerubi sekerat mansang urat sejengkal betunjang. Ngelala diri tau ulih nyadi pengulu bala tamu temuai datai ngulu; ngelala diri nemu macha sekula enda rindu; ngelala diri udah betapat penapat inat bisi pengelaju baka kebu ribut malu angkat ngebu; ngelala diri udah nemu ngelaban ngelakar cikgi cikgu; udah nemu engkelung melit deh aki baka kengkang tebu ular sawa beludu; ahh baru ngelala diri ngembuan pengerindu belalai malu nyadi pengindu ngiga nuan endu wai sulu!

Courtesy of Daartasha:

Nya meh pengawa ngelala diri tu sigi nyelai berat baka tugu batu tenggelam ; lempung baka tugung papung pelai dikayam. Rembang sebarang rembang; kelayang sebarang kelayang niti batang sungai lantang lelak ikak merayap niki munggu bungai lalang enda berasai tepuruk ba genting lubang sempit sawang enda tepulaika diri sari semalam ngenang. Aduh duh duh deh bunyi kuruh baka demuh antu lansat ngerembang emperan bukit pantang menua larang. Sigi baka meh nya laban udah ngelala dunya beduri muyung lubang kebung bauh dirandang. Sigi pama ga tudah aki gerubi deh tajapan suah di sumpah suah ditegah ; puas nyilat pupu sembur liur sida endu dara bungai ngerembai rangkai tutu kesulai; endu dara cherara cheririk betuah bidik bulih emperian kenu ku jaku bulaenggai. Ukai nama ahhh laban gamal kitai ti jai makai rangka mati enggai; laban kitai enda sigat baka minggat keling tembawai; laban ti samseng baka penyamun ulah kemabai; laban ti jai kurang ajar apai indai ngujungka dibuai dibinsai dikenggaika sampai tuai ngeradai. Nya meh nyuruh bala ari sepiak ari setak ulu engkabai nyau be ila asai dehhh apai. Kada ka neraka nerima enti nyema mati neh!!I could care less laban ahhh aku ti bedarah muda benung engkurak siuh ngelumai. It never did occur to me that look and character go hand in hand baka two peas in a pod...dammnnn it mann.. what a naivette!!But ya, anang guai meh bakanya deh bakeh meda bala semadi nadai. "Nadai nanding nanding kita tu, udah kita pandai ila indu ti ngiga ngusung kita..kapa bangat menyati diri bakanya alah pelajar laban pengerindu ngiga indu..enti ka bakanya bebini sekali..anang ngayahka anak urang," ku pesan tudah indai yak. " Nguji meh, ni nemu bisi nasit..bisi ga muai miang muai gatal,enda nyamai begaru kediri deh auntie," kenu ku aku ga kelia betundi enggau indai yak tajapan iya enda betundi meri jaku lebuh ngajar; enda bebagi bebiar enda ngelakar. Nama mula dehhh bala kami sebuat nyau betapat sapa ti ulih ngulihka endu bajik dara lawa; punggung ngelentik tinchin temaga. Asss apai aki gerubi pan nyau kasak kasak baka engkerasak betanda ba tungkul pisang laban tudah endu Ruby ambai ati lalu bedau datai agi nganti result peresa pom five. Kini meh aku tak tau puni baka ti enda nemu be udah aki deh indai? Udah nasit udah selatan anak timpang alah enggai meh nya kini wai!!Ahh berebut urang deka mai nuan keluar lemai deh endu kebumbu mayang mengurai; endu kedaba bedada besai. Why in the hell meh aku tu diau in the past lama di anti enda datai, too darn much ado 'bout nothin'? Bah anang guai meh, one inch at a time; one day at a time ku sempama sebut ribai.

Joe, akai dai bendar bala betuie kelia neh!! I still owe Kedong Luhat and Henry Usat some bet we made; however, Pok and Julai owe me hehehehhee..tang meh without Pergis enggau Roland enda meh aku..kasih tudah endu di bai bebalut bekerumbung enggau curtain assembly hall ti diruntun di buka bala lalu di lalaika di atas aseembly hall ahh. I didn't do it but I got a feeling who did it ahhh..aku semina numpang aja....belalaika pengajar..essss nemu nya tak Mr. Ting..kumbai tak pengajar bukai!! Tajapan pejalai mayuh senggal bejumbuh sakal, tak enda berasai ga laban kin kitu tak ulih belama, enda bejalai bediri chegi chegi nyingkang, merayap rayap rayap besugang. Akai dai ehhh..laban kerana cinta munyi lagu sida ari sepiak Indonesia...hmmmm..sigi tau merana mawa bala anak mensia. Nyau nikal ngenang sekali maya satu siti peristiwa ti udah nyadi dalam taun 1981 tu ti udah repa dikelansa..kerana cinta nyau ngepam leka ubat pemenat urat pemandak nyawa. Balat mega kitai mensia ti baru ngangkatka diri; baru ngelala nama reti cinta pengerindu penyayau bujang dara hahaha cinta monyet, pengerindu jelu jangkit, I love you, nuan enggaika aku tu deh. Hmm nyau kalat kalat bala sida tuansipol enggau chief minister serta enggau bala bukai ti dikelala laban the power of love ti tau nyuruh anak mensia gila menawa merana. Nasit di temu tumu; enti enda dini enda dehhh tau ngujungka kitai nemuai nyenguk menua batang mandai. Benasitka bisi kaban ti baka John Herbert enggau Simon Wong nemu ngintu nuan deh kaban ahh I don't even remember your name!! Asss apai tak nemu nemu ga tudah Jamal ngenataika lagu derita cinta laban ukai nya bula, pemisa putus pengerindu tu tak baka pulung guntin ngempat ati bebagi dibelah dua. Nya meh penusah melanda laban ti enda baka diatu..enti urang enggai ka kitai ..ngiga ke deka ga hehehe baka nukar chawat pemalut buah enggau alu lesung pemalu hehehhe. Bah lah ari jeling sepiak, bisi ga menyana bujang enggau dara..bisi ga bala jadi melaki bini nirika rumahtangga laban di sempat betemu di baruh kemayang remang Tanjung Lobang. Ngajihka bala belimpah betuah beranak dua tiga lunsin meh!! For aki Gerubi hhhhuhhh antu nyadi saksi laban ukai nasit ukai selatan kami duai jadi.

Air Supply - Making Love Out Of Nothing At All

Music Code provided by Song2Play.Com

Mansa tama simpang neraka..

2006-11-28T08:07:00.001-06:00

Dua minggu udah ngelansa mansa masuk sekula lalu enda mukai mukai, maya begempuru ba 'assembly hall' ti keterubah iya taun lapan puluh tiga, nama aki gerubi serta nama beberapa iku nembiak pom enam atas enggau tiga iku nembiak pom lima di kangauka, dipesan ba mua bala mayuh ngetu tama bilik tuansipol. Nyau beperening pangan diri mega bala kami laban sekumbang ti udah datai tak enda ngasai diri ngereja penyalah kelimpah ari nginsap enggau nundi indu dara! Yeap rindu nundi indu dara bebai diting! Ponteng ngaga diri pedis pala pedis perut keluar ari kelas pan bedau. "Apa hal lah kali tok," ku bala engkining gining gining besap besap bulu mansu kuring nanya diri empu serta pangan diri. "You, you, and the rest of you, all of you are refrain from entering Kenari during the orientation week. Anyone caught ragging and bullying will be suspended without warning. This is your first and last warning. And all of you are further advised not to be in group walking around campus like gangsters. Any act of gangsterism will not be tolerated," ku tuansipol Adi Badiozaman Tuah meri 'warning' jaku pesan nuju kami di mua sapit iya Siti Khatijah enggau Cikgu Bedui Uni! "Apa salah kamek Cikgu," ku tudah pangan aku siku ti benama Apin Pauzan nyeling nanya maya kami ngeluarka diri ari bilik tuansipol. "Do what I say and you will be alright," ku saut tuansipol. Akai dai tak baka pun buah meh bala kami tu tadi; baru nyumbuk bedau bebungai udah ditajar! Dalam ati aku sigi meh aku nanya diri nama kebuah tak bala kami aja di beri jaku tangkan. Urang bukai enggau bala ti udah sekumbang dua tiga tuan tu tadi enda digaga bakatu. Bisi meh kebuah kini laban dalam ati urang kitai enda nemu. Folks..my only conclusion meh laban pemanchal enggau penatau bala. "Bakani deh sida seniors ti udah..bisi diberi amaran bakatu kah Dick," ku tanya tudah Pok. Kati meh kaban enda nanya laban tu meh terubah iya bepeluang 'bebalas' ku bala laban taun siti tu kemari udah bendar diperinsa bala seniors! "Anang tusah dek Pok," ku munyi saut di tuju nyaut tanya kaban. Nama deh...bala kami begempuru duduk bemain gita meradakka nyawa belagu merindang ati diri ba dormitory kami ti dikumbai Tiong Dormitory. Tiong dormitory tu mega sigi alai bala nembiak seniors ti pama agi diau nginjau setaun mansau. Tu meh langkau ti alai bala pemain mayuh macham main diau!! Nama kebuah enda meh nemu ehh but it was somewhat rather unique tradition. Refreshing indeed!!!

"Apin, come here!! Apin comeee herrreee," ku tuansipol nyau terit urat rekung rekau rekau merak Apin ti nadai malik ke belakang but kept on walking to the end of the pavement enda ninga, enggai bekerja nyangkul bakut bunga lalu tama entuka Dilah nurun ke Piasau we assumed. Tama ke dalam tudah tuansipol, Cikgu Beduie Uni serta ditangkan Cikgu Awalludin Kassim. Enda lama udah nya lalu ngangauka aku. "This room smells like Cigarette smoke! Did you smoke in your room?" ku tuansipol nanya aku. Ahh ukai aku ti baru badu nginsap deh tang laban kitai ti udah nyengala nyadi sangka urang nama nama bisi nyadi enggai nyadi ga asai diri tak nyebut nyerahka nama urang bukai. "Yes sir," ku aku. "Come to my office first thing Monday morning," ku cikgu Adi ngelalau aku. "Yes sir," ku aku kali kedua lalu ngeruntuk laban udah ngelala tudah tuansipol nyau ringat dijamah ulah Apin..enggaika iya tak ngambi ulih ba bala kami ti tinggal!! Joe help me here..I don't really know how it started..tang aku agi ingat maya tu suba bala kitai kerja begutung ruyung lemai hari lima tuansipol mantaika pengeringat iya! King, I don't know how to say it in Melanau tang aku nemu nuan udah nemu bejaku Iban, kaban heheheh..Sapa ti bisi kena tangkap maya tu suba?? Bapak, Unus enggau Julai? or was it Steven Khiew? Pok Stanley? Someone kena tangkap tang aki gerubi enda ingat, ba Bekia or Tiong!!! Sigi ga pedis deka ngeluruska pendiau enti udah nyadi tagat segala bulat mata laja anggat ngerusuk dada. Woooweee being a prime target serta idup dalam scrutiny was something else!! Enti enda pintar pintar mai diri, pendiau anak nembiak sekula bakatu could lead to many foreseen unfortunate circumstances!

Akai dai..puas besipak ka buah bol enggau Mr. Balang Buayeh and the gang, Pakcik Jet and the crew, and bala kaki pengabis jam lemai hari nyau ga datai junuk junuk pagi hari satu alai aki gerubi bisi janji betemu tama baru bilik tuansipol. Dammmmmn it mannn..I was sparred this time around!! Sekali tu aku mega dipindahka ari Tiong ngagai Bekia laban ti dikumbai pengajar bad influence. Akai dai bedau sampai sebulan udah masuk pom enam atas nyau mayuh macham utai nyadi. Nama meh penyadi tu ila dek apai tang tajapan bakanya enda mantah jaku pengajar..not yet anyway. Hhhehehe I never relinquish my beloved bed and rightful place ba Tiong! Benasit Kedong Luhat, Henry Usat, enggau niang William Jawa nerima aku ba Bekia. Enti enda nadai alai diau deh..laban no more room alai enseput! Nyau ga maya begempuru bebala mayuh baru hari lima datai enggau ngambat penatai ujung minggu lalu bisi pansut jaku gerah pengawa puang..jaku gerah madahka bisi deka bepilihka menteri lumba enggau main laban Sajali Suip(Bowyek) udah badu sekula! Podgeekat, my Iban in the simplest form lah..the beginning of the end of aki gerubi's triple complicated life as a happy-go-lucky student. I wish not, I pray not and I hope not those young kiddos follow my footstep because I just booked my one way ticket to hell this time!!

Video ti ditemu. Ngajihka teperindang meh ..Meri besai terima kasih nuju daartasha.

Pom Enam Atas A3(1983) Tanjung Lobang

2006-11-25T22:49:00.000-06:00

Tu meh gaya gamal bala kami ti di tinggalka raban bukai, ti enda sanggup ngapuska pelajar pom enam atas laban mayuh kebuah serta ngerangkam peluang masuk terining din ditu, ti diberi peluang masuk ITM serta enggau bala ti beri sekulasip ari perintah enggau komepni baka Shell! Nama deh tinggal meh kami ngitung hari ngechup jari nganti permisi udah beperesa ujung taun 1983. Ahhh bakani meh chara tu nyendiaka diri ngambat pengada STPM!

Di belakang ari kiba:
-Stephen Changgai tu akai daiii pama pemanchal...bisi insap pok? Hehehhe..
-Gepat Gedip ti beri nama GG(Gila-Gila)Diam diam pandei jua ponteng si GG tok.
-King Kawi kaki dero katun hahahaha..Kemaya deh kitai bekunsi indu daha kaban? -Rindu aja bah...share share we lah...anang enda ingatka tilam PSKPP bagi ke-empat au kaban.
-Stanley Thomas Karun better known as Pok the Penyamun tai pau..Enti deka ngiga arak bisa..siku tu meh mensia ti nemu nyeludup ari Kastam Miri!!!
-Kenneth Numan tu raja pechut sekula..one heck of runner tajapan agi bekaki ayam ahhh!!
-Mohd. Daud siku tu aduhhh sampai nyau patah tulang pegu bemain bul enda meh jera..enda pulai pulai ari Piasau enggau Abdillah Yassin kaban kami ti dititah Jeff Ngelabone!
-Siku tu enda ingat agi aku..engka agi iya idup jangka aku..
-Ngau Ajeng ti dikumbai kami Ngau Long Atip..kecik kecik dah pandei merokok ko tok so Naimuddin once told him..saut iya...keretapi Long Atip lah Cikgu!!! hahahaha.
Di mua ari kiba:
-Sharifah ahhh enda ingat ahh..binti sapa Joe? Anang teperasa meda gambar..nya aja.
-Karulin Gaun ..tu meh indai lumur tiga aku..nemu sinu ka kami indu siku tu..assss apai katika malas budi kaban? Nadai duit di beri urang duit ga bala kami..
-Cinderella Phillip- "pukul berapa kitak keluar kelas kelak..sound sound okay," tu pesan iya tumu pagi hehehhe.
-Supang ohh my my..puas deka ninga jaku indu tu..indu Bario datang oooo..
-Ganing tu meh tuai kelas kami..urang bukai ga enggai magang..ganing disabung hahaha di suruh kami kin kitu...kasih kaban suah tinggal kediri diri dalam kelas enti udah maya bala chabut kelas! Ngetan ka kuta kaban kami siku tu ahh.
-Jacqueline Ajang..neh..manah aku ka ngayap dik suba..hahahaha indai lumur empat ti suah ngelicha aku lebuh kediri..engka sayau ka kitai meh urang.
-Lina Libau.."kua anang macham macham..aku gelam lagi," ku tudah enti udah ditempap ba buhit hahahah..Ina ahhh bisi lalat inggap ni enda berani nempap..pama meh ku bala ga!!
-enda ingat nama kita tiga ahhhh..Mary..assss apai ni bagi ahh..Diana ahhh help me here!! Akai daii..Alice Tepung enggau Saadiah Tu pan nadaiii ahhh.

Tu meh bala kami ti begulai dalam kelas dikumbai Upper Sixth A3 1983!!!Pengajar kelas kami tu suba benama Sanee Jaid Parker ...akai dai meliur bubur belama ahhh sayau enda serambau hehehehhee..

Bala kami begambar enggau siku kaban ti sempat ampit terining ba Sepital Besai di Kuching hahaha engka nyadi derisa kini hehehe..
Kedong Luhat(enda dipeda megai guitar) Pok Stanley, Sajali Suip(Bowyek, King Kawi, Aki Gerubi enggau Samsuddin.

Renyang dunya lapan puluh dua...

2006-11-16T07:27:00.000-06:00

Nya meh baka iya deh! Sigi gaya anak mensia nadai bependiau; bebitau bebayau berundang kasang kulu kili kaki nyingkang jari mansang kemayang entudi. Beberita nama ngemalu ngapa duduk sebelah selapak tiang batu garang Kuching Plaza beturun tiki tangga betimbal rumah elektra; begagai enda mukai mukai jarit rintai jalai kedai India. Kuching ohh Kuching nuan udah aku kelala, udah temu siti menua alai raban mensia seribu mua singgah sangkai ngiga utai ti nadai. Ahh nadai pan berasil bebitau bebayau at least beberekat mayuh mensia udah dikelala! Ulah telatah kuing runding bisi mawa bisi menyana; however, it wasn't what we were but who we are ku aku besemaya true true to the blue. Pengasih sayau aku nyau mega limpang nuju bala pangan enggau kaling bukai ti enda benasit tak enda mukai mukai pil pom tiga pom lima ketegal siti dua peresa. Laban ati enda bedua tiga, enda bebagi milih bansa..suah amai meh ninga telai serebana tuai ngumbai bala enda nyadi mensia! Ahh anang guai laban ukai peresa siti dua meh nyadi penentu nasit pengidup diau di dunya injau tu. Pemerinsa enggau penyamai di tapak jari diri empu ku aku ngelalau diri laban dalam ati, dunya begunaka sida tu...anang tak luba luba meda diri bepangkat enspekta begelar derisa bepengawa menija, anang meda diri udah nyadi endu misi megai pinsil pandak bepuakka arang betuah nyadi sikiteri ngumbai urang no good for nothing. Anang ketawa ka sida ti megai pinsil panjai be ulu ilang pedang kambuh sepuh rumah panjai. Pemabu runding anang nandang anang ngemansangka. Sida tu as economically viable as you are so I thought ..nadai nadai niri negi ngelekatka batu bata wisma!! Ahh bisi niki nibung bisi niki pinang meh kitai bisi niki palimin enda pia!!! Udah nasit udah selatan..

Nyau kepuas puas meratika ulah telatah pelalai telai enda berasai ga taun besilih betukar ganti. Ahhh nama pemayuh tiga ratus enam puluh lima hari tu..ulih itung enggau lambar buk ti berundai panjai lekat ba kerubung pala agih petara. Bala keda ulih ngitung nya enggau kikis bulu betis deh!! Lapan puluh dua ditukar ganti lapan puluh tiga. Nya meh semina ngira nganti tekung pangkung enggau nandaka pukul dua belas malam...pieeee nyau berenaing taing taing munyi lunching jam dinding ti begantung ba tiang tengah rumah di Batu Kawa! "Hippi New Year to youl famiry," ku Apek China nyelaik ari rumah iya ti betunga betentang tangga enggau kami! "Happy New Year sanu," ku tudah bisi M. Mulok ari sepiak mega. "Enggai aku ...enda alah baka tu tadi...udah agi...,"ku aku nyeremangka jari nulak gelas ti di sua ka tudah Pat. "One go langgak nya sanu..udah nya badu deh," ku iya ga mujur ka aku. Lama meh kami bala menyadi enggau kaling siku dua ti bisi ayan duduk berandau. Nyau datai ba pengawa sekula enggau pemulai diri ke Miri. Bendar meh tudah menyadi aku ti tuai siku nya ngajar madahka pemesai reti peresa pom enam laban iya ga udah ngasai. "Aku kelia tiga A enggau siti B ga enda diterima UM," ku iya ngenang diri ti nadai nasit. "Tu nama, baru masuk ITM sementara aja sambil bepengawa bakatu," ku iya. "Benasit bisi penuduk..enda baka kelia..bla bla," ku iya ngenang diri. Nya meh jaku kengka jaku peransang urang ditujuka ngagai aku belingkuk liuk enda terus tak rapah enda terang. "Ati amai amai nuan ila sanu..lengkaka pemanchal enggau penatau enggau main dulu," ku indai biak aku. "Pama meh bisi dikandalka kami udah kita mujur ila," ku iya nampung jaku ajar jaku nempegal tadi. Seminggu minggu bedau mulaika diri ke Miri ninga ajar urang tuai..maya tinduk aja meh enda didinga engka alah laban guruh ti nyau munyi guntur tengahari kini! Hmmm what a happy camper I was laban sekumbang pemisi panjai masu gari enda, besapu enda, nipan tikai peninduk semua urang magang..semina makai, mandi, tinduk, bejegau bebitau bebayau masau belanja urang tuai!

Di anjung urang nuju palan kapal terebai, padang bilun Kuching meh kami duai kaban aku siku, Apin. Serta meh kami duai mulaika diri ke ever-popular Tanjung Lobang, Miri. Nyau gauk ga ke tebing tasik Luak, tingkah Tanjung, bala kaban bukai enggau bala indu Tanjung!! Nyau lelengau ka padang, Nyonya, Pak Cik Jet, David Maun enggau pengajar ti baru datai ..pama meh bisi ayan ngenyang ka mata ti rangka enda badu badu nengkila nyeling meda. Enda berasai enselit selepak remang datai ga di Miri lalu mansa ngelambai Nyonya masuk tama pintu Optima. Apin lalu terus napatka bilik iya ba langkau panjai Tiong; aki Gerubi pan deka begulai enggau bala ba Tiong! Ohhh burung Tiong..ni nuan tu aku..We'll rock this country..what say you Cikgu Adi? Save the best for last maybe!!

Bebitau bebayau enda temu tunga...

2006-11-12T02:14:00.000-06:00

Agi belala bebitau bebayau nadai utai ulih; pelir dibai mansang pelir dibai pulai...nasit enda teberayan..nuntung datai ga duapuluh lima haribulan Disember alai endur maya bala ngerami pengada Tuan Isa. Ukai nama ukai apa deh bejegau enda ngelali rumah laban pending nyau sedandang belubang enda segala ninga jaku ajar jaku lalu bala sida indai, sida indai biak, apai ambu enggau bala kaban belayan bukai ti seruran datai nyenguk ngusung berandau lemai. "Nama meh kita tu bangat kelalu amai deka menyati diri..enda nemu betagang sekali kali," ku urang. "Ehh kini ka kitai bangat menyati diri deh..nemu kami ahhh, semadi rindu aja nya deh..utai bukai lain kira lah," ku jaku ga nyaut sida. Nya meh, engka udah nasit aki gerubi ti di lengkaka apai, nasit nembiak siku ti ampit ninga ajar urang bukai..akai daiii..Nama kebuah urang bejaku..ahhh bisi meh nya..enti nadai kebuah enda urang bejaku, enda pia? Laban ti nadai utai dikenggaika; semua utai ti jai dipeda mata, bisi ampit magang. Bala anak indai yak pan nyau mega deka nitihka ulah enda tentu tunga..apooo enggai nyadi tu.."Ahh nama kita nyau baka ti enda cukup kain beseluar charik bekechibak chabik ngayanka pah," ku indai biak ngenang tanchut bau but seluar jean ti jarang meda ai seminggu sekali enti bisi. "Urang begari tak gap gap bepisin manah manah berupai ngengala baka mensia...kita?" ku iya nyambung kenang. "Gerubi lah..endang pisin gerubi," ku kami ti biak ga nyaut ketuchum ngetatka pala ti nyau belebigau ditachah dijamah chiping asli tuak bebuli; dilunyau langkau ai beram Iban whiskey; dilanyak ai engkurak meresu angat berasai netak endu Brandy. Nyau singit tulang perabung dipeda ngentung enda chundung. Bakanya meh asai kitai garing garing ngiga asai dipuput angin lemai mabuk melepi lepai lepai ditupi ditumi bala sida endu dara sayang, sida ibu bini urang belala ngumbai diri bula enggai. Enda kala dikk apai mabuk tiga malam beturut lapar enda makai! Mabuk, ku jaku, ampit nemuai enggau rami di Pujut Corner pan enda bakatu!! "Ni sanu," ku tudah Pat..ahhh tak enda didinga derut mutusikal..."Nya iya nyau garing garing dia," ku indai biak nyaut. "Sida Milin(anak indai biak) bisi hal din," ku Pat gesah gesah datai bepadah! "Lapa deh? Ni Duning deh?" ku aku ga. Enda nemu tudah Duning, udah nganjung aku, lalu mulaika diri ke simpang jalai. Au aja enti aki gerubi deh..udah dani pagi siti baru nemu pengawa ti udah digaga! Sengaja aku tinggalka bakanya aja meh pemanjai cherita bakatu..Upah kitai kelalu ka kin kitu tu nya..udah nyadi a bonafide drinkin' fool!!

Ahhh senang ga ati laban kaban ti sama enggau sekula bisi ngusung datai..Enchaluk Edward, Apin Pauzan, Julaihi Idris, Nooruddin Liew, enggau Felix Senada and of course lah Andrew Blassan. Nyau kepuas puas berandau datai ga kenang Tanjung Lobang..ahh ku bala kami aram meh sama nembuka sekula di Tanjung..."Mus ngan Abu pun sama balit," ku Julai. Kebuah bakatu laban bisi bala sekeda didinga rita deka masuk ITM! "Ada nengar Bowyek nak quit kah? Nya madah nak masuk medical training, udah si Bowyek apply marik," ku aku ngelalau bala laban bisi ninga rauh telai tudah kaban kami siku nya. "Ada nya madah ngan kamek..jadi kah sik, sik tau lah miak ya..sayang ehhh hilang sorang pemainlah kita kelak," ku Julai. "Yalah..good luck to him lah..mun nya dapat baguslah," Enchaluk rindu ninga berita. "Paguh paguh Win huhh..ehh sama sama flight kita kelak mun dapat lah," ku Apin ga. "Aku ngan Abu, Mus sama flight..udah booking," ku Nooruddin. "Apalah kitak tok..sik madah madah..Sanu, you dah booking tiketkah!" ku Apin.. "Ingat ko nak masuk ITM..sik jadi kah?" ku Felix nundi Apin.."One more year with Tok Janggut hahaha..lum puas tok," ku Apin nyaut enggau jaku tundi. "Hey..more like belum puas ngan Siti Khatijah lah ko tok..hehehehehe," ku aku nundi Apin. "Yalah..bila lagik? eh lebih lebih jua si ompuan ya..macam nya lah jadi principal..macam kalah ajak Adi ehh," ku Apin. Nya meh bala kami nyau ngenang pemulai diri..ngenang taun bebulan madu nyau deka abis pooooff just like that maya kami duduk betunga ba tengah ruai aki gerubi tuai. Tu meh kengka utai ti enda ulih buai ari kerubung pengingat aki Gerubi ti udah puas bebitau bebayau maya chuti panjai sebedau nembuka pelajar di Tanjung Lobang. Enda berasai ga runding limpang ngelengka pengingin ati deka betukar ngagai St. Thomas...one more year in paradise!!! Selamat tinggal..enda lama meh indai urang, endu dara ti udah nemu gauk nyabak sikuk sikuk seruran mangkang.

Alan Jackson - Pop A Top

Music Code provided by Song2Play.Com

Pulai Pemisi Panjai 1982...

2006-11-08T14:27:00.000-06:00

Sekumbang kitai mensia ti udah nemu nurunka diri ari puchuk kayu, kitai mensia mega endang enda pungkang di tinggang penanggul nyuruh mantul ngechul ukai semina lebuh maya ngidup kediri mansang nitihka urang tang maya kitai deka nyadi mensia dipebasaka begulai begempung enggau raban banyak seribu lunjak. Meruan idup jengap jengap baka juak ikak di lubuk kemarau panjai is testimony to the fact that kitai mensia suah ulih ngalahka serta nepas penanggul ke tisi; but the continued existence of want and misery, even in the richest of nations, is evident that solution kitai has been, at best, is a partial one. Ah enggai aku laban tu endang ditakar ditanggar aku nuju pemacha jaku bansa diri aja. Pemulai aku ke Kuching/ Simanggang ari Miri sekali tu, engka penudi iya, nyuruh aku mereti mimit kebuah pengidup kitai mensia bakatu bakanya.

Pemisi panjai tu meh engka pengujung taun bebulan madu 1982. Diau Simanggang pan tak nadai urang enggau nyukat kaki lima nundi Apek Keliew ngensung munyi rasung nyumbuh bujang; engkechit bejelangkit jegak jegit empeliau arang. Bala ti udah enggau bekelala pan nyau mega ngidupka diri bekuli enggau bala China serta udah mega ampit bekerja perintah, tu meh bala ti udah nadai agi besekula. Bala ti besekula nyau jauh udah berubah ngubah ulah laban ti nyau lanjur chekuk bejunggur bingkuk udah bebulu tuai berupai besai. Akai dai naka pemanah meh nemu ngubah pendiau diri bakanya. Rindu serta gaga mega aki meda laban bisi nyadi teladan. Joseph Bunyau, Giles Kamar enggau aki Gerubi ti suah melelat enda lama nyenguk pasar Simanggang semadi ngenyangka mata tumu pagi. Sri Aman kedua bali nama was toooo darn aman for a hyperactive young kambing like aki gerubi! What matter most endang sigi bemain bol lemai hari. Bemimpi malam hari pan buah bol..enda berasai kaki kembai nendang dinding bemimpi bemain bol.

Nyau kepuas puas iya mulaika diri ke Kuching ga aku lalu ngentapka diri diau ba Batu Kawa..Perumahan ti ditumbuhka ba kerapa, ba jumbuh tanah galun...hmmm..pintar amai meh perintah diatu ngenchadika paya beselapat munggu alai begagaka rumah murah....ngajihka tanah enda tegeram..my first thought..a naivete..Laban ti enda ngembuan pemalu begulai deka bekelala enggau nembiak baru ti bukai, aki gerubi sigi enda tusah deh. Ngenang diri ti begulai enggau odder group of men ba Tanjung Lobang hmmm these bunches were the oddest group of folks; of every walk of life; of every nationality: of every turn of temperament. Tu meh aku meratika ulah mensia ti tau dikumbai 'great divide' tang laban ti enda peduli..nadai ngachau aku..why worry! Bekelala enggau nembiak bukai ba padang bol, ari saum kunsi peneka ngirup, ari saum kunsi pengerindu nyukat pemanjai pala tangga rumah Elektra, Kuching Plaza enggau palan STC sepiak pasar India! Hmmm RPR tu tak penuh laban jumbuh retirees ari Soldadu Renjer Malaysia ari serata menua Sarawak. Tajapan bakatu pendiau, pangan ari Tanjung Lobang ti sama sama pemisi nadai kurang mega laban bisi Andrew Blassan ti diau enggau Eddy Eddison? RTM? engka agi..enda nemu.., Nooruddin Liew from across the street, bala ari Kampung Gita, Kampung Muda Hassim, enggau Stampin ti selalu betemu enggau pangan diri niki All Joy hehehe. Apooo kelalu mayuh kaling hmmm.. laban ti ngemataka anak indai yak lelaki ti baru lanjau dua iku nya..enggaika nama nama ku jaku..nitih ke urang ga aki Gerubi! Pama bala anak Iban..tak enggai alah sekali kali..abis menua dikerinau digusung dipatau bebitau bebayau..kampung Semeba alai betanda; kampung Merdang alai betendang; kampung Tabuan alai betunjan; Kampung Siol Kandis alai bekikis hmmmm..Lundu enggau Bau alai begempuru; Sematan alai betaban! " Ahhh nama kebuah kita bakanya," ku tudah rara indai biak aku. " Kita di bunuh laki urang ila..anang ngemalu kami," ku iya nyambung batang lalau. "Anang bakanya..ngandung ngapa anak dara urang..badu agi ngereja pengawa bakanya," ku iya ga. Just like that..lalu ngetu ga!! Mayuh cherita udah nya deh...But ya, diau di Batu Kawa meh pun pendiau bebali di menua Kuching. Ngintu Hari pengada Tuan Isa, Krismas, pan di Batu Kawa..enggau urang rami bedau mulaika diri ke Miri...enti pulai...engka pulai jangka aku laban nadai agi dipansutka berita bepindah sekula..ila meh meda gaya! Kuang kuit ngena bas lumor tiga merindang ati laban taun siti tu ila engka utai nyau jauh nyelai. Malam hari tak duduk sebelah tisi jalai baka ti deka ngambat menteri datai meradakka nyawa bemain gitar. Di buru urang setak tu, nyau mega mindah ke setak sepiak kin! Ahh bala ti udah terima belanja laban bisi ampit ngelekatka bata sebelah Wisma hmmm nyau bekangau mai ngelangkau! Peratika aja meh,,, Krismas ila ngirup kitai ku bala deh. Pama jamah bala anak Iban deh.

Di seruri kedua kali: Nuju Menyadi ari DJ(Roger) Selamat Hari Krismas ti deka datai tu in English of course.
Pesan ari penyanyi: Sekumbang 2-way street udah beperara, Walker di ambi band baru lalu nyuruh aki gerubi datai nyenguk lemai lagi..nadai ulih bemain lagu 'wonderful tonight' laban nadai Bryan enggau nuan ku iya ketawa. But tu lagu iya..nemu ajalah menyadi enti Walker nya..

Enda tau ditebah sebarang laban leka lagu tu enda manah di dinga nembiak baruh 13 taun lalu deka di buai enda lama agi:

Clarence Carter - Strokin' (Long & Dirty)

Music Code provided by Song2Play.Com

Ngerichau ngigau enda lama..

2006-11-03T08:08:00.000-06:00

Baka tiap tiap pejalai mega taun tu menya endang bisi adan alai betujan beturun tiki ngalih melunggang tebiang. Taun bebulan madu maya sekula pan nyau deka genap hari alai endur bala mensia besilih betukar ganti. Nyau ulih itung enggau tunjuk indu kaki jari alai bala kami sebuat begenggam jari betabi kali penudi meri selamat meri berekat ngagai bala ti deka peresa HSC ti udah di buai nama ngagai STPM berengkah ari nineteen eighty three! Tu meh pengujung Higher School Certificate examination di menua Malaysia laban semua tuai ari upis pelajar enggau serata menua udah kunsi saum ati muai peresa ti lama udah dikena, ti nyuruh sida iya pandai begeliga nyadi tuai datai pemintar deka bebuai. Ku jaku semua utai sama semina nama ti nyelai Sijil Tinggi Pelajar Malaysia..tai put ahhh anang ngemulaka kami nembiak sekula. Anang bula bula ngumbai utai sama. Ari nama udah nyelai! Aram meh sama nyenggai bangkai HSC lalu ngerami pengada STPM as we shall see the future impact of it all ba semua anak mensia ti baru ada, ti bedau engkuda dalam kandung indai, ti bedau netah baru begetah. Good luck meh nuju bala ti penudi iya. Hahaah ka nyabak kisi kisi malu ga kitai udah bebulu besai tuai mantaika penyinu! Sida pom lima pan deka mega beperesa MCE/SPM. Good luck to you folks as well. Do or die enti labuh nadai pemanggai; enti niki bediri baka tiang penyedai; enti nadai enggai enggai pan semina ngeradai enda salah salah baka ti udah labuh ditinggang tangga!

Ahh aram aku mai bala pemacha nikal enda lama, nikal meresa pengawa anak mensia ti merinsa mensena..ngenang pengawa labuh pengerindu jatuh cinta..ngelimpangka diri ari pengawa sekula. Ahh tinggal enda lama meh bala to be indai dom enggau apai dom bala sekeda. Taun siti tu ila betemu baru; enti nasit manah betuah belimpah enda selebambang nadai ngeledengkang mindah ke bukai! Aki Gerubi bisi udah nyadi buah mulut diri sebilik deka dipindahka lalu entah bedau temu..di anjung ke Kenada tauka di suruh nyambung di St. Thomas Kuching! Aduhhhh nama penyadi aku tu ila, ku jaku, laban ngenang diri bepungkal baru...Kasih ambai wai sulu enti sema ka utai nyadi nitihka janji hmmmmm.Ahhh anang guai..bedau mulaika diri meh aku enggau bala sekeda laban ti ngambi peresa ngulang kali kedua BM Bahasa Malaysia sabjek tunggal nyuruh gatal. Nama kebuah? Ukai makai pil tang enda bulih lumur betuah ari satu ngagai enam..lumur tepang lumur tujuh disandang nyau setaun enggai..ahhhhh shiraka BM Bahasa Malaysia nya...dini bisi belajar Bahasa Malaysia maya deka peresa suba..din aki gerubi..nyelamatka bala nembiak ti tesandar dipekung gelumbang raya ba tebing tingkah Tanjung Lobang..ingat?? Tu meh nyuruh aki gerubi laun mulaika diri ka menua. "Nya meh upah nuan...kelalu bemain..nadai hari belajar..tinggal setinggal nuan ila enti nuan ngemeranka ati bemain nuan nya," ku tudah indai enggau jaku ajar ti ngembuan pengamai ari pemula. "Ahhh anang tusah ahhh..kachang nya deh..engka nya suba siti kelalu mayuh salah saut kini ngujungka result bulih tujuh," ku aku ga..laban seruran betundi ngelimpangka jaku urang! "Peda kita sanu sanu ti dipuji kita naka pemandai tau meh bulih tujuh ba BM...essss kitai ga ukai ari pampang BM..pil nadai meh salah," ku aku ga. "Ku nuan! Masau belanja aja. Nadai guna guna," ku tudah indai muntangka aku..hahahaha. Sigi pama deh terachat tudah indai baka ratai munti angus luluh tengah umai meletup nyerarai. "Nama utai kulih nuan? Bisi urang ngenang kasihka nuan nyelamatka urang tesandar tesadai bakanya..terima kasih urang enda meri," ku iya ga. Nadai beleman deh aku nyaut iya..tak nengkadah ka atas nunjukka langit! Someone out there appreciated it ...I was certain of that. Benasit nadai apai..apoooo enti bisi berasai pengangat kulit pending ninga rara urang dek apai...nadai kala ngasai.

"Adick balit kampung tidak latang Miri lagi kah," ku tudah Nonya lebuh aku nyuaka duit mayar utang segerit Marlboro udah ngambi peresa sabjek tunggal BM Bahasa Malaysia. Ukai mayuh utang..tujuh ringgit lebih aja..asss apai lumur tujuh tu tak entudi belama...must be something about that lumur sibin ahh. Nonya tu meh ti suah ngidupka seput nampung gian semakau Malaysia kelia. Her role has never been forgotten! Nya iya..udah bisi one way ticket pulai ke Kuching ari Miri. Sinu ga ninggalka Miri enggau sulu ambai ati serta pangan bukai. Kuching Simanggang tu aku datai baru nyenguk enda lama bedau nemu penentu tunga penetap alai inggap....udah nasit udah selatan berumban ngiga ulih ngikih mayuh lukih kantau sebulan!

Alan Jackson - Too Much Of A Good Thing

Music Code provided by Song2Play.Com

Tu siti ari lagu ti nyuruh aku limpang ngenang kaban aku siku, Nick Sanders ari Cedartown, Georgia, ti suah di sangka urang penyanyi lagu tu ti bendar laban peninggi enggau tubuh, sumit serta gamal sama sebaka enti tudah Nick ngerasukka ketupi kuboi kaban..hahaha...just give me a cup of coffee in the morning..I won't whisper a word!!

Bepilih Tuai....

2006-10-27T23:31:00.001-05:00

Ngelama ti udah belajar di Tanjung Lobang, nyau deka tiga taun enggai..ari ti biak rembak munyi pelandai mugan baka danau tungku duduk; lalu lelajang baka tapang enda ditatuk; serarih baka sirih enda di juluk leligau yau yau lelinga ya ya ensepi asai udah tuai ngentupang nyadi tangkai ahhh sigi baka sepi asai laban mangkin sari mangkin jauh singkang pejalai. Enti semua utai seripih serarih nyengala rintai; enti tanya pinta lasit berumban datai engka enda mega pediau dunya mayuh kelukih beragih baka renggat cherita wayang tukih. Nya meh ulur simpul jaku kenang pejalai bala nembiak sekula ti lelinang terang berandang nadai nama diatu dipaduka nyadi tuai pemesai sekula. Haha ku jaku sema..somebody has to start somewhere..make no mistake about that. Hahahh nama nya tak munyi apai saloi berimba kampung puang; munyi apai sali nempapa bejaku enda chamang chamang! Selamat datai ngindik menua ampit buya mini-Sarawak Adi Badiozaman Tuah..ever the merciful-the compassionate soul. Bepilih bepilih nganchau tikai bebuka tirai ngiga tuai ti tau megai laban bala sida pom enam atas udah ngelui timpuh udah nadai maya seminit masa bekiraka peresa di deka datai just around the corner ku mensia lalu ditagaka mayuh ulih nyenguk university sebelah menua Malaya..beberita mai pemandai pulai ke menua dudi hari enda lama agi tu ila.

Aki Gerubi sigi mati idup enggai enggau urang kiruh bepilih, laban 'nadai guna' ku runding diri ti jauh ngembuan penyelai. Kelejuang meh asai maya nyaut madahka diri enggai...nyamai merati ari tisi enda ibuh enda kiruh nitihka singkang urang ari belakang nyadi kemayang. Merening ke belakang, maya bisi di beri peluang meda TV laban perugerim datai terus ari menua Spain, duduk berimbai enggau siku tuai bemain bul di Tanjung, agi lengap lengap kesap kesap udah meda B. Robson nyipak bul masuk gul ti pemadu tumu..27 sikin udah bemain asai aku..ti nyadi rikud ngelama udah mangkuk dunya di petandingka, maya Ai Ngelan numbangka menua Peranchih tiga-satu..bisi ga tudah Hasbi nyebut sapa dipaduka nganti iya nyadi pengarah bemain bul sekula! Enda ibuh deh laban agi lama ku jaku..enggai kiruh laban disempulut kacha talibisin. Enda mukai mukai, ujung taun 1982 aki gerubi dipaduka nyadi pengarah bemain bul sekula. Semadi nadai kini ehhh bisi meh nya nyadi kenang dudi hari laban bisi diselepitka tuansipol ba setipikit berenti sekula! Apoooo neh pama ga bala ti manchal ngembuan penatau ti pemadu..ngelaban munyi enda belanggang..Bala kami ti di lunsin taun 1981 laban ti tangkap nginsap tak di bai ngeruh ai...hmm udah ga keruh akai dai sigi naka pengeruh ai udah tu ehh. Aki Gerubi nyadi pengarah??? Ali Omar nyadi sapit pengarah? hmmm bakani meh gaya tim sekula tu ila! Dipilih nyadi pengarah main Takraw tudah Nordin Ahmad ti dikumbai kami 'Bapak' laban nyengala pemesai tubuh siku iya....ehh nama aki gerubi nyadi sapit? Apin Pauzan ti diberi ensumbar 'sitan pendek' di paduka nyadi pengarah main hoki..aki gerubi nyadi sapit? Apoooo..besai amai utai di sandang tu ila deh...responsibilities punya responsibilities. Ka pan enda, di asurka bala. Bala ti tatau bukai pan benasit sama. Sapa meh ti nyadi ketuai menteri hmmm tau pedis pala ila lusa. Sazali Suip, Lukas Jengka enggau siku dua ti bukai dipilih nembiak nyadi pengari nyadi menteri. Hmmm tudah John Temaga meh dipilih nyadi ketuai menteri sekula.

Tu meh gaya sekula Adi Badiozaman Tuah ngelama iya udah masu nuchi kaki nempungas mua nyadi tuansipol Tanjung Lobang. Sigi pama 'tok janggut' siku tu. Laban endang baka kami nembiak sekula mega, tudah tuai iya semina nginjau Tanjung Lobang alai nelebaka diri ngempung megai bansa. Vision(s)tela binsai perasai commended tok tuansipol! Ku kenang bala kami ti agi mata, muda bebau lia kelia..tuai siku tu sigi bisi juluk ati bemain pelitik laban gaya chara iya . Maya tu mega kami sebala nyau berani bentaruh entaruh, laban ku bala keda, enda lama agi tuansipol siku tu deka ditarit nyadi Pengarah upis pelajar nengeri deh?!?
"Memang nya tok jadi Director kelak...sapa mok bet???," ku Apin deh. HMMMmmm endang gaya laban... Ari tu meh kitai beratika siku siku kitai mensia ti ngembuan juluk ati naka peninggi megai bansa. What environment deemed more conducive than an institution such as sekula? Di kumbai micro management tau meh nya..peritis makes perfect, enda pia? Tu meh siti ari kengka jumbuh utai ti dipelajarka penyuah ngemataka ulah atur chara siku siku kitai mensia. Pengasih serta penyayau endang sigi nuju bala sida aya LMUning ti udah regah regah bediri nyadi ketuai pelajar sitak menua..lapa meh sida tu lalu enda di asika, dipaduka nyadi pengarah pelajar nengeri? Lain mega munyi kenang..bah lapa deh? Sigi bisi deh mimpi nyadi dudi hari..tau peda tau tela..tau titih tau kalih..tau ubah tau bantah enti jaku bangat salah nyempelah meripir tingkah! Kediatu, aki gerubi semina ari tisi ngenggam jari nyadi pengari dipilih bala mangku pengawa ngatur pemujur lumba enggau main sekula.

Travis Tritt - I'm Gonna Be Somebody

Music Code provided by Song2Play.Com

Did I hear my name? Engka aku tu bemimpi kini!

Agi Bekenang...

2006-10-24T07:23:00.000-05:00

Kaban sekelas....
Bala kami ti begulai kelas ari pom empat enggau pom lima nyau pambar beridar ngisi bilik sekula pom enam baruh. Kengka bala kami ti bisi pulai datai napatka tempat alai nyengulaka diri nyau bechampur enggau nembiak baru ti di anjung upis pelajar menua Sarawak belajar di Tanjung Lobang. Kelas pom enam A three aduh ehhh ....berapa iku aja kami ti lama..aki gerubi, Kenneth Numan, King Kawi, Cinderella Phillip, Jacqueline Ajang, dipegulaika enggau bala ti baru baka Stanley Thomas(Kanowit) Ngau Ajeng(Long Atip), Stephen Changgai, Ganing, Karulin Gaun, Mary(Mukah enggau Dalat), Lina Libau(Kuching), Supang(Bario), Mohd. Daud enggau Sazali Suip(Marudi) enggau dua tiga iku ti bukai mega. Endang ari 1982 tu meh bulu, kulit enggau kukut bala pom enam baruh A3 ditemu bala pengajar enggau bala sesama sekula laban penatau indu enggau lelaki enda jauh ari pangan diri. Bala lelaki tak penginsap magang kelimpah ari Ganing, Mohd. Daud enggau Kenneth(semadi nepuk nyamuk aja..ku tudah kaban). Pemintar ngerebakka bup enda mega kurang tajapan agi rindu bebulan madu munyi ku bala maya tu...bedau maya ku bala keda deh!
Silver Jubilee...
Tu meh pengerindang enggau pengerami besai di atur sekula Tanjung Lobang. Peluang alai betundi begagai muai penat puas duduk serta lari digagai pengajar enda masuk kelas! Enda mukai mukai, bisi ga bala mensia ti enda nyamai ati meda pangan diri lantang serta gaga. Entah nama kebuah kini tang tiap tiap iku kitai mensia nemu nginsur pikir enggau runding..rindu enggau enda rindu endang bisi kebuah! Tu meh pun kami ti dikumbai manchal serta tatau tu di gusung urang ari luar ti udah bekerja bebini beranak lalu di beri jaku tangkan di suruh bejaga jaga laban pagila lusa tau di ipa urang di sebelah pasar Miri! Pengamai pun enda meh ditemu tang bisi angin laut china selatan madahka kami laban ti bisi ngachau bala nembiak ti dudi masuk maya minggu orientasi! Ka ngeriput...ah enda meh pengajar peduli. Selamat datai ngagai dunya ti bebagi badak! Tak nadai mega udah ngembuan ati deka bedengki enggau urang lebih agi diri sebansa! Laban ti enda nemu bulu pangan diri..nyau bila ila..nyau beKuching beSimanggang..nyelai ga penemu. "Ahh kapa ibuhka utai bakanya," ku bala keda ga. "Nya lah kita tu manchal enda nemu badu badu..tuyu," ku indu dara Sarikei siku nganu aku! "Ukai tak nganu urang..nya ga betundi suba..kami pan lebih agi diperinsa bala seniors..enda meh kami bekumbai nyuruh ibu aya datai meri warning..enti ngajar enda ga ngawa..tu tak renjan jaku mandangka pengisin udah ngirup..anang guai meh," ku tudah aki gerubi! Tinggalka dia dulu.."Bah..bisi dry gin dua butul di room dia. Aram kitai nyamah nya," ku tudah Pok ngumbai bala bebai ngirup di buding! Pergis kaban, ahhh nama pun utai tu kelia ahhh..nya pan enti nuan bisi ngerebak nyenguk Pintu Dunya Aki GerubiTuai hehehe..
Welcome to Adi Badiozaman Tuah's country...bepilih!!!!
Enda chamang chamang tudah tuansipol siku tu ngatur pengawa enggau pengelikun sekula. Baka aki manang ula ti nudukka diri lalu mantaika lupung batu pemandang betenggauka jalai muntang enda melintang pukang. Udah dua taun beturut turut nitihka adat atur chara sekula..anak sekula seniors ari pom enam atas ti mangku pengawa nyadi tuai sekula di tukar ganti enggau bala pom enam baruh! Chara betukar ganti endang baka kitai bepilih nyunting undi milih tuai! Asss apai nyau kimpin enggau bala ga tudah aki gerubi, kimpin ka Boyek laban ti disabung nyadi menteri lumba enggau main! Enchaluk di suruh bediri tak enggai ga kaban..saying wasn't his cup of tea! "Not interested me," ku kaban nyaut. Joe, lapa nuan enda enggau bediri maya tu suba? Hehehehe kelalu 'kiruh' pia? Ah endang ari pom empat kelia udah meda tuansipol nukar chara megai sekula kami udah nemu munyi ku serbana kaban siku ti munyi tu, " kecik kecik sudah tau pun". Sigi endang pama deh. Bisi meh tuju enggau kebuah tuansipol ngatur sekula bakatu. Nemu nya 'nguji, nyuba, nerai' tauka peritis ngelatih nembiak tauka diri empu nyadi tuai hmmm ila meh kitai sama sama meda! Nemu nya hmmm lembau bejaku..bedau maya iya! Kapa enda begantung dulu. Apoooo nyau baka 'mini-Sarawak' pendiau kami di Tanjung Lobang..bisi Minister of Public Work, Minister of Sports, enggau menteri bukai mega.

Semadi Ngenang Aja...

2006-10-17T07:54:00.000-05:00

Semadi ngenang aja.....
Endang gaya pendiau bebulan madu maya sekula nganti taun peresa meh kini bala kami ti seruran bejegau bebitau bebayau dikumbai urang nadai pun nadai ujung. Engka meh nya nyau puas duduk ngelansat bekurung dalam kelas, makai enggau tinduk nganti matahari chundung ngambika bisi ilap lendap alai bemain muai peluh; ngitung retik jarum panjai jam tangan ngambat penatai malam endur begayap. Naka pemanjai meh dua puluh empat jam sari semalam tu di asai. Enti nyemaka diau di rumah diri empu engka nyau ga beganjuh tubuh muruh nurun bejalai niti kaki lima ngenyangka igi mata tebelenang ngiga utai ti nadai. Tu nama deh, tak diau di buding sekula begulai belalai nginsap ulah jenaka; bekeretukka gitar meradakka nyawa. Bala kaban bukai ti bisi pangan nadai dikejaku, disebut, dikira deh..ngiga ulih nelebaka nyawa nya lapa deh. Bala bukai ti nadai tak la la lalu enda semina meda chingau mua. Nadai ku enggau meh, pagila lusa bisi agih kitai diberi petara. Aki Gerubi laban ti bisi ruby nadai mega bangat puntan, ampit enggau pangan.
Semadi ngenang aja..begulai enggau bala pengajar..
Maya tu meh bala anak mensia, laban ti udah ngeluah umur panjai junggur, nyau besai nemu ngerajai tau merinsai magang(pom empat-pom enam). Dini bisi diselat bala sida anak mensia ti baru ada agi bebau lia; baru nemu tingkap begaring entap meruang dada! Nya meh, jangka aku, alai bala pengajar ti baru datai tak nyamai ngenudukka diri entap begulai enggau bala nembiak ti udah besai tuai udah tangka. Enti begulai bejalai diluar endang sebaka enda nyelai enda dikelala sapa ti pengajar sapa ti nembiak sekula! Begulai mansai, mukat, nibarka jala di tebing tasik hmmm..ingat kah kita cikgu cikgu whom later ngumbai kami sigi nyadi antu or..?? "Ada rokok kah Cikgu," ku tanya pinta Bapak enggau Pok nyeling Cikgu Baduie Uni, siku pengajar ti selalu meri bala kami insap enggau ngangatka isi lebuh iya baru datai ngajar di Tanjung Lobang. Bala kami ti suah begulai bakanya nyau besua sua insap enggau pangan diri. "Mun kenak tangkap..jangan bocor rahsialah," ku keda! Cikgu Affendi Morni pan suah mega bekunsi enggau bala..one heck of a teacher... true to his words. Engka enda meh tuansipol the compassionate and most merciful nemu! Entah tak nyempelah, bala tak enda rindu meda Mr.Borhannudin..engka meda ulah iya tak kanji mata meratika endu dara anak sekula; engka meda iya kelalu deka nguntik enda bidik dirampit penyakit angau menua! Ya, I remember what you did last night..hope you do aki gerubi too laban we both both lah knew. Sit tight and wait lah...something's wrong with this picture...too fishy!
Semadi ngenang aja..
Akai dai..agi ingat Joe? Sekali maya begempuru hari lima, tuansipol ngangauka nyuruh bala ti selalu betepukka nyamuk belalai nyerahka diri lalu ngerijista nama ba bilik iya. "Why one of a sudden bla bla..,"ku sekeda. What's brewing? Now..bala pemacha..kala kita ninga sekula bisi self-defined PPS or SSA? Tu tak dipeda engka nyadi ehhh..PPS-Persatuan Perokok Setia or SAA-Smokers Anonymous Association..tu meh nama gerempung kami penginsap di beri aku ehhh. Ngingatka bala ti berintai ngisi nama ngerijista diri penginsap! Naka meh pemayuh penginsap maya kami tu suba! Lower Sixth Art 3, hmmm semadi Ganing enggau Kenneth aja ti enda enggau bala gian meliur nyau betandan liat ditelan..Kenneth..you were occasional smoker enda pia..and the rest of the boys hmm designated smokers and designated drinkers laban whiskey brewery enggau Marlboro, Winston, Benson & Hedges tu bambu menyadi. Maya duduk nupi diri one go langgak gali kaki changgak changgak; chuit chuit nyirut asap empedu meruap akai dai..bendar bala begigaka reti kalih nama insap..nadai kurang bisi nama magang. Now, malik ke belakang..I know lah why this, that and the other, enda pia cikgu cikgi? Ehh ku aku meh, ukai enda temu deh ti nembiak sekula nginsap enti deka meri jaku ajar..sapa mensia ti nginsap ulih ngelalaika bau insap rum asap ti lekat ba kain baju, buk enggau kuku? "Tok memang si gatal ya madah," some said lah! Tang meh ti bendar kami enda nemu. Kadang kadang enti kitai kelalu ngumbai diri bangat pintar tak enda berasai mega tuchang pengiring tulang disambar lelayang berui menyadi kenyalang laban bisi mayuh agi urang ti pintar..ku jaku mantaika pemintar; udahnya nyau getar getar!! Tu meh pengawa ti tau di kumbai entrapment. Nitihka aum sempekat:- Enti di tangkap udah ngerijista diri bakanya semina nerima ukum bekerja dalam kandang sekula..lempung ku semaya jaku. Hmm too damn good to be true neh cikgi cikgu as we shall see!
Nemuai bemain ke Bakong...
Engka udah puas meh tudah Mr. Balang bemain napatka padang Tanjung Lobang aja aja..puas ngindik pasir sir kaki nyau ga deka nunjak tanah liat jati! Mayuh mega bala nitih enggau berami nemuai nuju SMK Bakong taun tu. Aki gerubi enda tinggal deh...laban ti agi rindu bemain takraw enggau bemain bol! Aduh ehhh bala betegaring tinduk di ruai rumah panjai semak sekula lalu mandi ai sungai..benasit laban nadai utai ngeradai eh!!Semadi rindu ku bala deh..nemu ga tudah Mr. Balang ngelimpangka ati bala nembiak ti kelalu deka bemain ehh ..merindang ati matau menua meda gaya pendiau mensia. "Bisi chan tu Pok ngiga indu dara," ku Nordin nguji bejaku Iban..ahhh dini endur alai ngayap ahhh hehehe. Appreciative meri besai terima kasih mega bala kami tajapan tubuh muruh nadai buah jari di bai mansang di bai pulai, igi pelir di bai mansang; igi pelir mega di bai pulai..hahaha never leave home without them munyi ku leka jaku tundi bala deh. Pengerindang, peneleba ngasai, enggau bukai mega udah chukup nyadi tanda udah enggau.

Ngenang Lumba Enggau Main..

2006-10-14T20:30:00.000-05:00

Bala anak mensia ti di kumbai 'pama' endang suah limpang rindang ba lumba enggau main. Imun serta pendiau, pemanchal enggau penatau tak dikair ke tisi dulu laban kelalu mayuh anak nembiak serambau begulai sekula ngembuan pengelandik enggau penyikar penegar bemain. Endang udah nyadi ubat penabat darah enggau rakat meh muai pengisin ai chungin di padang. Ngujungka kayu penyipat ngerimbat buah hoki tau patah; ngujungka sumbuk rumput teka tau tasal laban padang lendat alai berapat betumpu sepatu bemata tigabelas; ngujungka buah bol nyau ngeliti kulit baka chubit indai chit jungang ngeribang. Enti nitihka penemu aki gerubi, indu enggau lelaki sigi endang diperansang deh muai peluh badan besulang tang meh penyalah iya maya tu kelia tak kelalu mayuh bujang nadai iku belakang ngemenuhka padang. Entah meh..dini alai sida endu endat tinchin pagar bintang; endu endi pelali tunang tu belalai lemai hari enda enggau bala lelaki tegar belari kaki beparang....engka agi masang ginchu ngemirahka kuyu; engka benung meresa kukut sepemanjai bakut enggau ngeramak urang bujang meh kini. Engka meh sida endu enggai kiruh madai tubuh tusu berenyut begunchang besengki tuchang. Or maybe..just maybe..enggai dikumbai 'the rast to reave the footbarr field berong to the fairure gloup' ku Mister Ang. Never mind that laban ti enda chukup padang! Let it be the boys, Mr. Ballang enggau Pak Cik Jet si pendekar badang.

"We are green; we are green; we are the lean, mean, green machines" ku runding bala kami ari Green House aka the Pelandokians!! Then, there wasn't a such thing munyi ku ribai bekumbai. Ahh nadai tusah kami pom enam baruh laban mayuh bala ti tau nyadi penganti sida pemain pelumba lari Tanjung Lobang. Rumah pelanduk pan bakanya mega, nadai kurang ari segi pengelandik ba lumba enggau main! Bisi pelari pecut nangkin batu lelayang tau ngenchayang. Bisi betangkinka batu ratai lempung kerigai tan bepupuh nangkan John Rantai ari Yellow house!?! Man..enti bisi pemerati menua ngiring siku iya tu sigi jauh pejalai benama besai tudah tuai John Rantai tu kelia tang nadai! Sayau naka penyayau semina dibuai baka ti nadai. Ba bagi main takraw, hoki enggau main bol hehehehe..Pelanduk peladuk the lean mean green machines...laban ti bisi Joseph Bunyau ngelipat melintang; bisi Nordin Ahmad ngelipat tunsang di apit aki gerubi betikungka Anthony Lidom! Ah..Joe..Sapa regu tudah Kapu suba? Ehh bisi Kenneth, Kapu Lit, Anthony Lidom, Nordin bapak, Nooruddin Liew, Abdillah Yassin, Julaihi Idris, Aki gerubi, Yunus Brahman, Pergis Igoh, Sazali Suip Boyek al-haj enggau bala bukai deh kami Pelandokian kelia enti bemain bol enggau hoki! Ari tu meh chara kami meratika sapa sapa ti patut dipilih, ditagaka tau ngarika sekula..Pengajar? hmmm nyampau meh bisi ati berani milih nyadi tuai nguluka bala nembiak sekula..lembu empu tusu chapi empu nama..nyempelah sekali kali ga sida iya maya tu kelia! Tu meh maya kami sebala milih sapa ti patut nyadi ketuai nguluka bala anak sekula ti baru, ti agi biak mimit, nganti bala sida senior ti deka ngejang nyingkang meraka pegung telaga lulung; pegi nyadi pengari ula uli bulih degree lusa begagung. Bah sapa bangat negah tak nemu nyerah bemain nadai guna? Enti tau tepang, tau tulah busung mati ngejung!

Apoo tak di suruh Hasbi Suhaili, pengarah main bol kemaya, akai dai nyau gining gining merening laban ti dibai betanding enggau nutup beganti taun meri tabi basa beganti pengari sekula. Aduhh ehhh sapa meh ti patut deh!!?? Nyau ga begempuru mai bala ti bisi pengelandik, nya pan mayuh ngendaka diri bala laban ti enggai kiruh ulih mujuk beruti gula ehh. Lower sixth versus upper sixth 1982 endang mengkang meruan dikingatka laban mayuh cherita kelukih mensia. Bisi nya deka bebalas beparang kali ti penudi datai jari numbit bukulali laban rasmi ku jaku. Upper sixth players, laban ti udah ngempu nama ngerasukka masang baju optima kenyalang endang pama laban bisi Stpehen Lalo, Jim Beriak, Bakar Barat, Azman, Ahmad Junaidi, Kennedy, Dunstan, Hasbi enggau bala sida bukai mega. Ku sida iya tu meh maya malas budi pemain kenyalang senior taun siti tu kemari ti udah melasahka sida iya enda piga iga maya betukar ganti..udah adat. Sida iya ga di belasah, dijamah sida Mathew Dandi, Morni Tambah, John Herbert, Emang Oyo, Agung Tai, enggau hmmm many more. Enggi kami, semadi benasit bala sida pom enam atas tak nadai David Gombek, Saidin, Cobbold, enggau sida ti udah belayar nampung pengawa enggau pelajar di menua bukai mega, but sida iya bisi Ahmad Junaidi..exceptionally good player! Kami ga agi ngenang maya pom empat kelia..the outcome..this time around tau bekalih deh laban pemain baka Yunus Brahman, Nordin Ahmad, Phillip Pisun, Ali Omar, Suhaibi Suhaili, Anthony Edward, Abdillah Yassin, Neilson Ilan, Lukas Jengka, Aki Gerubi, Mohd. Abu Bakar, Sazali Suip, Mohd. Daud, Jau Emang, Henry Usat Bit, Alexander Bennet, Julaihi Idris, Sulaiman Bujang, Nooruddin Liew, King Kawi, enggau sida bukai mega. We won!!! Terubah iya pom enam baruh ngalahka pom enam atas dalam beberapa taun udah nguji! Tu meh terubah iya penumbuh sumbuk pengarap bala kami engkurak masak. Ah nama tuju becheritaka main ku kitai nanya diri. Naka pemayuh tang bedau maya mansutka laban pejalai agi panjai. Let's rock this Tanjung country..na na..na na

Bebulan Madu...

2006-10-10T08:03:00.001-05:00

Di jembi mata panas ari pagi; di baruh bulan terang pegari malam hari meh bala kami begigaka akal enggau nambahka ti udah bisi ngelansa mansa untak beresi sekula ngichaka tau pandai tau megai pangkat tok haji. Betundi begagai maya ngetu berenti puas duduk tepenat luput urat ngelempiska burit sental penuh gumpal angkat ari kerusi bilik sekula the merciful and most compassionate Cikgu Tuansipol Adi, Borhanuddin anang dek kanji, Cikgu Awalludin Kassim pendiau but good to me, Cikgu Naimmudin pengajar art lembut jari, Cikgu Baduie Uni ngelala hipokrasi, Cikgu Affendie Mornie best ever teacher history, Cikgi Sarina aduhh we we, Lily Mornie future penganti Adi, Miss Evelyn Ritikos sekali nyeling nikal berari, Miss Sanee, Cikgu Balang Buayeh, Mr. Jamit Ajok slang Scottish amat amat sir ree, Mr. Poh enggau Mr. Jee and the ever-worth mentioned square jaw dog claw Lau Ung Ngie. Excuse us laban kami in the way ngempang pengawa baka sabar bubu aki bujang ba sungai deras nensang but there we were bediri chegi chegi baka pun maram tajam duri tau nebak ati cikgu cikgi. Some of you endang enda dilengkaka ari kenang aki gerubi laban ti mai pemesai reti leka jaku 'pendiau pengidup' dudi hari. Ahhh why worry nyuruh diri tusah ati..let's be happy go lucky. Afterall we were young and carefree!! Bah lah, tu meh maya bala anak mensia bebulan madu bepegai jari enggau pangan wai sulu maduka pengerindu. Nasit nadai ngerendut talipaun binching dikena bekepai bekumbai besemaya beranti dikebun bungai baka ti diatu; nadai komputa email dunya saiber....enti enda hhuh lembau nyebut..what if semina nyadi tanya aja.

Bebulan madu munyi ku serebana anak mensia laban peresa agi bisi lima ratus lebih hari enda chukup tunjuk jari enggau kaki dikena ngitung pemanjai lemai enggau dini hari. Tu meh maya bekelala serta bekerugaka bulu pangan diri, bisi liat isi tebal kulit; bisi siru lunggar kepit. Laban ti nyau baka isi enggau kukut enggau siku endu menua Sarikei..aduh ehhh tak chamang chamang anak urang nganu aki gerubi laban ti dipeda bangat kelalu serta enda pedulika pendiau diri. Bah lapa bangat enda nemu kebuah diri entap inggap ba Tanjung Lobang? Lapa meh nuan tu bangat nundi menyati diri? Ahh ukai pia ahh..lagi meh..endang nyempelah mega ulah anak mensia ti timpang nadai apai neh. Hmmm life as a blacklisted soul tu ukai nyamai deh laban kelalu mayuh adversaries, munsuh ukai enemy laban ti udah dibalut aruk arang nyau chelum gelintum dipeda tok ragum. Ass apaii baru datai tak lalu dikangauka tuansipol di beri warning amaran baka gudang Marlboro ti ngelekatka tangkai jaku lalau.. 'Amaran: Merokok Membahayakan kesihatan' meh tudah tuai ngelekatka chap 'unwanted element' ba kening bala! So I said..what the hell..bedau bedau udah di pejah di tegah ditelah! Engka meh tudah aki gerubi enggau kaban iya ti bukai tu anak mensia ti pemadu iya penyai dibaruh hari taun ti udah kini! Hmm ngambika mimpi kita pegari nyadi reality; the worst is yet to come as we shall see..as Margaret Thatcher said nunda bala yankee, "you ain't seen nothing yet". Ari sepiak untak bisi ga berunding, " Don't be like that lah".....kelalu tatau serta manchal meh nya kini.

Aki gerubi ti diau dibilik 'stor' enggau dua tiga iku bala tak jarang puang nadai urang laban bala ti rindu begempuru sebedau luching bebunyi madahka jam bekurung masuk kelas. Laun tama kelas tu ukai semina bala kami ti dikumbai manchal aja deh, nyau deka semua bala kami serambau ampit! Tang meh kami aja aja diperening bala pengajar! Akai dai..pom enam baruh tu ga belajar dinnnnnn semak padang ti udah dirandang maya minggu orientasi tungaka tasik besai ngimbai bansal gempuru besai hari lima. Nyelai ga ulah bala sekeda anak sekula..tak enggai jenuh duduk dalam kelas..milih pengajar serta hmmm hmmm..Nama deh tudah aki gerubi tak di engkah urang ba L6A3..hmmm asssss apai..tak bebau kesing utai ehh laban tak semak jamban aduhhh. Tak jarang duduk dalam kelas..semadi maya Miss Sannee enggau Cikgu Affendi Morni bisi masuk kelas ngajar World History enggau GP. Din bala..duduk dibaruh pun kayu semak tebing tasik..enti aus bekutak kutak tujuh katas(7-UP) enggau Coca-Cola haram nyadi penabar masahka urat rekung! Endang kelalu mega anak mensia escape..bisi nya pulai ke buding bepandukka maggie mee di panduk begulai enggau sayur bala anak china ti dichuri siang hari..ukai malam hari laban apa peduli..yummy yummy good for the tummy! Tudah aki gerubi mega ngambi peluang betemu enggau ruby ambai ati laban bala sida pom lima pan selalu pansut nyadi escapees..Enda lali deh meda bujang enggau dara duduk bepegai jari di tebing tasik sembunyi sembunyi lari maya sekula laban too many!

"Pok, break lagi kebas aja pau di refactory," ku bala mesan Pok Stanley. Nama deh..tudah tuai ga naka pemesai ngesaika bala nembiak bukai ngerangkun pau bekal tengahari. Bedau penuh jari bedau badu nyengkau..nya lapa deh..kasih anak sekula bukai nyau enda ampit pau dijamah Pok Anyih enggau Yunus!! Di sadung tudah ba Rajawali ehhh..even the so-called good guys ampit..bestest among the bestest pan ampit! Aduh..bisi meh tilam PSKPP menua Miri ditutu semut laban redak pau ukai bagi nya deh...Ulih ga ngingatka bala ti ampit tinduk beguruh bemimpi di atas tilam PSKPP but no need lah laban I knew what you , you, you and you did last night! Nya meh kebuah bala puas meda sembur liur sumpah. Tu meh kengka pengawa baru masuk pom enam baruh ti nyadi kenang laban ngemediska serta ngemansangka maya bebulan madu.

Udah dikelala tisik betuah....

2006-10-07T21:50:00.001-05:00

Naka pengandal meh tudah bala ti bempu nama dilekatka ba papan tanda sekula nesau ngangauka sida iya ti benasit udah ditarit belajar ke menua tasik. Mayuh mega bala kami serambau 1982 tu suba ampit ngerebut penuduk ti nyuruh kitai bansa proud, indu enggau lelaki. Tak enda pungkang meh Tanjung Lobang laban mayuh pengari, baka ti udah dikemataka ari 1980 dijengkau urang belajar ke menua Merika enggau Kenada. Kami ti tinggal enda mega kurang tang laban burung ti enda manah bisi nyumpah salah jamah, nadai ku enggau meh. Meri selamat enggau berekat ngajihka bala kita betuah belimpah bulih padi bulih puli maya belajar di menua ribai tasik besai; ngajihka kita bulih laki bulih bini udah pulai mai pemandai. Ah endang baka banda di kelala tisik; baka burik dikelala rintik meh bala serambau.

Endang baka adat kitai bekelala, siku dua ti ilang lenyau belelang.. dua tiga ga meruang datai dikelala nyadi kenang. Tu meh peluang aku betemu serta bekelala enggau bala ti baru masuk dehh..Nyau deka semua baru ehhh..setail belajar, pengajar, ahh nama meh antubuyu ti dikumbai urang STPM tu neh!!(nama peresa ti nganti HSC) hmmm, ulah baru, mayuh meh agi deh. Tu meh maya aki gerubi bekelala enggau bala nembiak Melanau ari Mukah enggau Dalat..apooo mayuh mega bala sida iya tang ti enggau begulai berandau tiap hari tak endang Nordin Ahmad, Yunus Brahman, Phillip Pisun and of course my old buddy ari 1980, King Kawi. Bekelala enggau siku nembiak kitai Iban ti datai ari Kanowit benama Stanley Thomas Karun, whom we called "Pok..Anyeh" hahahaha. Bekelala enggau bala ari Marudi benama Sazali Suip(pemegai rikud 400 mita musing sekali nembiak lelaki A antara sekula) Mohd. Daud whom we called "Ngelabone" laban ti benasit nyepi pemedis udah patah collarbone ketegal bemain bol, Jau Emang(jaguh nikauka sangkuh lelaki A mega) Ngau Ajeng hehehe ari Long Atip sama enggau 'Orangutan' N. Luhat ti baru udah ngejang ninggalkja bekau di Tanjung Lobang asai aku. Bekelala enggau Julaihi Idris, Felix Senada ari Kuching..Abdillah Yassin ari Miri empu! Tu meh kengka bala anak mensia baru bekelala enggau aki gerubi.

Ahh ku kenang maya bejalai begulai makai, bisi meh bala bukai nganti bala ti enda mulai kediri ngagai Tanjung nyambung pom enam. Endang gaya dunya anak mensia begigaka penyamai serta pengelantang enda melintang pukang gegaring telentang betukang. Hmm tak asai kemari meh bala ti dikumbai Virgin Boys di rutan Mr. Jee arahan Adi ba atas pentas lendat alai anak mensia nunda Ito meradakka nyawa..ooooohhh mama...saya mahu kahwinnn..enggau modified rock and roll rentak lagu rancak Enjit Enjit Semut siapa sakit niki ke langit ehhh..hmm reality knocked three times on the ceiling if you want to catch us..only to realize penatai kali kedua sekali tu enda lengkap tang tegap laban agi bisi empat iku bala namely Apin Pauzan(Sastrawan tai mayau gila), Ali Omar Hamid(Raja seludup ari Limbang), Anthony Edward Megat(Enchaluk) and Aki Gerubi(Mr. easy-go-lucky jarang peduli). Gone poofff kaput were Paul Gusi(Mr. Kua kua ari Lundu) enggau Ishak Musa(Mr. slomo ari Serian). Nadai meh urang bukai ulih nganti penuduk seduai tajapan bisi mayuh nganti berintai.

Ba padang pan sunyi mega laban bala kaban ti begulai bemain sama ati ngempu juluk tuju saum kunsi bisi udah meleka ngepai bye bye mercilessly enggai pulai ngabas tembawai be-ila ila empai. Gone ari team Armadillo James Mawan Bala, Mart Amat, enggau Vincent Rading laban ti ngerebut gerunung penuduk nguntung ngichaka pagila lusa tau nulung pandai benama besai enda sumbung. Kah Armadillo FC meruan rat rapat bedau repuk enda tumbang. Meruan bisi Neilson Ilan Mersat(Mr. Gulikipa), Ali Omar Hamid, Anthony Edward Megat, Mohd. Abu Bakar Marzuki, Bobby Dickson Forster, Kenneth Numan, Churchill Edward, Hasbi enggau Taha. Nguji meh recruit nembiak pom empat 1982 engka icha bisi bala sida deka begulai bemain enggau kami..hahaaha bisi ehh. One thing for sure, Pelanduk house semilan puluh semilan peratus nyandang mangkuk chempian baru dehh.

Pengajar pan mayuh mega baru...aduh..yummy yummy one lookin' good on the tummy..for my eyes my my me me..aduh although some of you were just homely.. too homely butt-ugly..damn it mannnnn say those yankees..that's the wonderful world of beauty so they say for you and me. Adi we knew would be Adi dikepit sapit Siti Khatijah whom had long history with me! Ngajihka nuan gayu guru gerai nyamai anang guai parai laban bala bukai enggau aki gerubi baru datai ba simpang jalai. Ke kiba merinsa; ke kanan ngelaban but tuan anang guai meh tak ngumbai kami pundan nadai betandan engkangdul igi buah ridan. Enti nitihka pinta sida, jangka aku, engka ditumbakka tujuh kaki lima inchi dalam lubang tanah begulai enggau belut ulat engkeredut! "Kita ti baru enggau ti dudi endang kami pinta anang nunda laban tugung penyampau pemerinsa tak nadai bakanya nya," tu meh pesan kami udah nyepi ngasai sengki batu tinting begaring nyelinting. Udah nasit udah selatan.. kemayang endang nampung nyadi teman; enggai dulu nyadi teladan.

Minggu Bekelala II..1982..

2006-10-04T08:16:00.000-05:00

Tak nadai di sangka meh pemulai enggau penatai Minggu Orientasi tu laban enti nitihka peminta tuansipol Adi Badiozaman Tuah enggau pengajar bukai pengawa bakatu deka diketuka serta dipadamka. Apooo deh..nyau asai ti pom empat baru mega tudah bala kami 'urang lama' laban sekali tu perugerim minggu orientasi di atur pengajar enggau bala 'ministers' Tanjung Lobang! Menteri meh ku bala kami nyebut bala tuai nembiak ti dipilih ngiring serta nyaga pengelikun pendiau nembiak bukai di Tanjung Lobang maya tu, 1982. Pemanjai pemesai cherita 'menteri' tu deka aku taburka ngambika bala pemacha mereti mimit ari ni tumbuh sumbuk penatai iya lalu bakani juluk penentu iya ba renggat enggau rambai cherita di deka datai. Pulai ngagai minggu orientasi, hmmm engka enda diketuka meh pengawa bakatu di Tanjung Lobang laban tu udah nyadi adat enggau ngambat penatai nembiak baru ti deka bekelala enggau jalai pengidup nembiak sekula Kolej Tun Datu Tuanku Haji Bujang, Miri, Sarawak, Malaysia! Laban aki gerubi tu siku ari bala nembiak ti chabul panjai junggur enda tilur, bejaku enda ti belampung liur beberi endur..a hothead bigmouth little booger that I was hmm ..mayuh macham meh 'kempelin' laban enda ulih di simpan dalam ati."Titih aja bah Dick, enda lama..only a week long," ku pesan tudah menteri siku ti benama Catherine Sigau, siku indu Kayan ti landik bejaku Iban..something everybody could have learned from each other..being multi-lingual laban bisi peluang, but semina siku dua ti ngelala pemesai reti nemu bejaku berandau ngena jaku bansa bukai! Diri empu pan bakanya mega, enda ngerampas peluang belajarka jaku bansa bukai.

Baka ti udah diperundingka, dipejanjika mega utai ti nyadi deka ditusi udah minggu orientasi rasmi masuk hari kedua."This is stupid..why do we have to do these stupid exercises," ku tudah Enchaluk. Ehhh nama tudah Enchaluk tak nyau ringat munyi..enda kala nandangka pengeringat enggau pemedis ati bakanya. Terubah iya meh aku meda tudah Enchaluk bakanya ngelama lama ti udah ngelala iya! Iya mega lalu nuduk ke diri ditangkanka bala kami bukai mega. Joe, sapa sapa ti 'mogok' maya orientation week 1982? Ti agi dikingatka, endang mayuh ehh kitai ti di kumbai 'urang lama' on strike maya tu..ngujungka a big rift among pom enam baruh enggau pom enam tinggi! Laban bala kami pom enam baruh ti disuruh bala seniors enggau menteri bebaris baka rekerut polis diraja ba tengah padang bisi bediri bisi duduk bala mensia. Minggu Orientasi baru ga masuk hari kedua officially!!Tu meh teladan ngelaban ngenggaika laban enda setuju enggau perugerim 'bekelala' bakatu. Afterall, the most compassionate and merciful had mentioned of its abolishment. Damm it..here we go again so I thought to myself ngenang diri ti deka betitika andau pengachau ati malam hari. Minggu bekelala ku jaku tu bekelala enggau pangan diri, nelebaka diri enggau penuduk baru, nelebaka diri enggau sekula baru(bala ti baru datai masuk meh) ukai alai kitai ngumpan nembiak baru alai sida tak enggai begulai, enggai meda segan betanya, begedi ati ngujungka sida iya tau bebalas dudi hari! Pengujung iya endang ngemedis sida nembiak ti deka datai dudi deh ila. Even a dumb soul and a jackass like myself nemu ngerunding utai bakatu! Ari ti 'mogok' tu tadi bala nyau deka betinju begenggam buku ngelaban pangan diri, pom enam baruh ngelaban pom enam atas! Bakani enda ngumbai belaban pangan!! Sida tu meh taun siti tu tadi begulai saum kunsi pemakai betundi begagai ba refactory Pak Cik Jet, begulai betendangka buah bol, buah takraw, buah hoki. Aduhh ehh..Nama penguntung deh? Sida ti indu pan nemu 'mogok' !! Aduhhh..Diana, who among you ladies ngikut? Nama penguntung nebas padang semak lighthouse? Folks..we did it for nothing..nyadi padang alai bemain enda ga nya..Ohh ngambika tawas berandang nyamai alai bala pengajar ngemataka bala bujang enggau dara ehh. Enda ditebas lendat meh padang nya alai laban bekau nembiak ti berundang kasang 'beperinsaka berinsah pangan diri'. Enda ke rugi jauh pawi... Cikgu Borhanudin the cassanova tepelut mata meda anak dara urang..nadai alai belalai nengkilaka ngipa kerja nembiak the same to Baduie Uni..ess engka sida udah teperaka ke sakang seribu sayang Lau Ung Ngie kini! I'll leave it as that..yes sir reeee.

Hmm I thought the previous years were bad! Endang amai tang bala mensia enda datai jari enggau pangan diri. Malam hari di gusung bala sida pom enam atas lalu sida ti baru datai masuk suah di kachau dikeregau tajapan bala kami including myself nagang enda nyuruh sida pom enam atas kelalu. Tang endang baka mensia, bujang dara, endang bisi siku dua ti enggai ninga ngujungka pengawa nyadi laya. Taun 1982 tu nyelai mimit laban bisi sejarah, bisi litan ari maya kami baru datai masuk pom empat 1980. Laban agi ngenang pengingat lekat didinding enda dipeda baka kamba..bala ti beserakup laban blackhole of Kenari only this time nyau nyadi the next level in the making say say we! King, do you still remember who punched you in your tummy ngujungka nuan engkutung bepulas baka tekuyung? We surely did, didn't we? Was it time yet? Meratika utai ti tau serta deka nyadi laban pengawa bakatu. Bakanya mega munyi cherita sida pom empat ti baru tu tadi Pergis, Roland enggau Dawi laban nembiak senior bebalas!

Akai dai, ku jaku penatai kali kedua tu ulih ngelengkaka pengawa lama lalu bepun enggau pengawa baru laban deka ngubah pendiau diri!!
Aram merindang diri dulu to..the world...

Penatai Kedua kali...

2006-10-01T07:38:00.000-05:00

Endang udah disangka, endang udah ditemu bala kaban serambau sekula mutus ati enda mulaika diri ke Tanjung Lobang masuk pom enam. As some have said over and over," Buat apa? Bagus pegi tempat lain..kelak jadi mangsa kena blacklisted." Lalu bisi mega sekeda bala ti tesangkut enda ulih nyambung. Tajapan bakanya, mayuh kerja ti ulih dipegai deh..endang terang berandang panchar panas ba pun enggau ujung jalai. Lelak bekelukih...yes..meli one way tiket bilun nemuai mansang ke Miri baru meh aki Gerubi enggau juluk ati serta mimpi ngajihka kali kedua tu nyelai mimit. School wasn't a joke no longer..no more honeymooning less many other things. Ari Simanggang ke Kuching lalu singgah enda lama ba All Joy lalu terebai ke Miri. Enti udah bisi jalai raya baka ke diatu nyau ga ngereda matau menua meda jalai pengidup anak mensia bukai dirantau jalai. Dikemataka ari langit tak daun kampung enggau ai tasik aja dipeda!!! Ass apaii nyelai utai ehh laban antu perimba kampung bedau datai kini!

Masuk pintu penama mansa Nyonya lalu terus dibai entuka sewa ke mua buding Kenari, ari Kenari lalu bejalai enda lama ke Rajawali, buding pom enam baruh Tanjung Lobang! Hmmm nadai mayuh macham deh laban bala bukai udah ngemenuhka bilik ba tingkat dua, enggai enggai pan diau di baruh meh..ehhh nemu milih ehh..hey folks..I was a Tanjung vet! And there was siku kaban ti udah niki ke pom lima ngambat penatai lalu madah dini alai iya nyimpan keresa bala ti ditinggalka kami sebala taun siti tu tadi. Berinan Mail, a truly great friend you were to most of us! "Sapa sapa udah datai?" ku nanya kaban ti udah dikelala. Mayuh bala ti udah datai diau ba buding Rajawali tu nembiak baru ari serata menua Sarawak! Nyau munyi itit enggau serati bala laban ti sama masang jaku dilah indai diri empu magang! Tudah aku agi ligau ligau betanya ngiga bala ti udah enggau bekelala lalu nanya kaban. "Aiiieehh ..apalah..apa hal ko tok?" "Hmmmm...taun baru azam baru bah," ku tudah King Kawi nyirut asap ngerangkai nyalai lempuang! "Bah keluar kejap, pegi nyonya dolok..kelak cerita bah..kamuk ngikut sik?" ku tudah Ali nyeling aku. "Yes sir boss," ku aku nyaut betundi laban gaga ati meda siku ari enam bala ti di beri titah 'Virgin Boys'. Bejalai kaki nemuai meri tabi kedua kali ngagai Nonya pia mega agi ingatka diri berutang ba Nyonya ketegal Marlboro..
"Welcome back sanu," ku Murphy Solomon, nembiak pom lima siku. "Nama berita bala kita deh," ku aku ga nanya bala sida. "Adai tu sanu..adai nama nama," ku Set Banda, siku nembiak Iban ari Banting, Lingga. Mayuh meh cherita bala ti udah datai maya duduk ba kedai Nyonya di luar. Hmm lantang mega ati laban utang ba Nyonya udah di bayar! Enda mukai, nyau kesah kesah tudah Datin datai ba Nyonya lalu madah, " Bian deka bejaku enggau nuan ahhh." Aduhhh ehhh mayuh macham kelukih baka tukih pendiau ti baru datai tu neh.

Agi berantika bala bukai ti udah enggau begulai mansutka mua mata datai pulai ke sarang injau meh bala kami tu. Bala Virgin Boys udah ditemu less two laban Ishak Musa didinga deka masuk ITM. Paul Gusi didinga deka sekula nyambung di Kuching, enggai pulai ke Tanjung Lobang agi. Enda lama udah nya bisi mega kami ninga Paul Gusi bulih kerja enggau Education Department...endang amat laban betemu enggau iya maya pulai ujung taun 1982! Hmmm bala kami ti begulai bemain bol, team Armadillo FC..hmm Unggal Neilson Ilan, Unggal Kenneth Numan, Unggal Ali Omar Hamid enggau Unggal Mohd. Abu Bakar Marzuki udah datai magang. Unggal Churchill Edward enggau Taha udah ga niki ke pom lima. Unggal James Mawan Bala ( bisi angin berita deka di anjung urang belajar ke menua tasik)enggau unggal Mart Amat lalu bedau temu datai enggau enda. Unggal Jim Beriak udah masuk pom enam tinggi. Nganti penatai unggal Anthony Edward Megat meh tu alai berengkah bemain bol baru! Dalam berita lumba enggau main, hmmm..rumah Pelanduk bisi peluang ngetanka nama megai mangkuk Chempian baru taun tu!

Tiap tiap pengelenyau bala bukai endang bisi urang nganti nyadi penganti ari tisi deh. Bala kami ti udah begulai baka unggal Joseph Bunyau enggau unggal Phillip Singkek pan udah mega datai. Lo and behold!!! apuuuu naka pemayuh bala ti baru masuk pom enam baruh begulai enggau kami diatu penginsap!!! Engka taun penginsap kini taun tu! Taun tu meh endur maya aku bekelala enggau nembiak sekula baru datai baka bala sida Nordin Ahmad, Yunus Brahman, Phillip Pisun, Stephen Changgai, enggau bala sida ari menua tunga ke Mukah bukai..Stanley Thomas Karun, Stanley Bennet Ait, Rom Kulleh, Rudi Kulleh, Stanley Usat, Imang ari menua tunga ke Kanowit, Kapit enggau Belaga...bala sida Sazali Suip, Mohd. Daud, Jau Emang, Ngau Ajeng ari Marudi..Abdillah Yassin ari Miri just to name a few less our female colleagues munyi ku sida iya deh. Aduhhh duhh sigi begaru pala bala pengajar laban bisi bala sida tu dijaga deka dikemataka dalam sekula. Nyau ulih disium bau pansuh ngesuh ari rumbang ruas..hmmm. If anything, sigi pedis pala tudah tuansipol the merciful laban too much incompassionate bla bling bling were coming. Let's see who would get the blame this time around!!! I knew I would tang nadai nyalahka urang bukai..nyalahka diri empu aja..I could have easily said this, that, and the other but I have chosen to comeback, enda pia? Easier said than done ku urang deh. Let's dance another round..selamat datai to Tanjung Lobang part two folks.

Delima Anak Mensia...

2006-09-27T05:44:00.000-05:00

Nyau puas bekelukihka tempat sekula ti tau alai nampung pelajar tajapan naka pemayuh sekula ti tau endur nepan inggap setaun dua, datai ga surat madahka agi tau ulih nampung pelajar ba Tanjung Lobang. Jangka aku, laban tu sangka aja maya tu, enti nitihka peminta peneka tuansipol enggau pengajar bukai engka enda nama dilekatka ba papan tanda sekula ..munyi ku bala sekeda sida pom lima 1982 my junior kelia. If so, no love lost or merely translated as nadai tebasau pengerindu lenyau ku aku ga. "Pulai baru meh nuan kin ila, jauh ari kami..tu enggau nya ..bakatu bakanya ulah nuan ..pedis nuan ila. Enda mujur tejanggul pengawa sekula nama utai ulih nuan? Nuan baka nuan ga..deka diketawa ka urang enda piga iga..rangkai ngeli urang ketawa ka kitai..udah ga nuan nadai apai," tu meh leka jaku tudah indai irau munyi tang dalam ati bisi ngunsai merechik enggau ai peransang. "Maybe things nemu betukar..Enti aku pulai kin baru..I knowlah sekali tu," saut aku. "Esss ..ila kami ti pedis laban nuan! Puas nerima surat tu nya ari sekula enggau upis pelajar laban kita tu,"tudah indai mantah enggau mua enggau mata netak pandak penemu tudah aki Gerubi. "Uji peratika bala kaban kaling ti enggau aku begulai di Tanjung deh..they are good students tajapan manchal serta tatau," just as convincing baka munsang ngipa manuk keluar ari tansang heheheh. Siku aja, tudah indai biak aku ti benama Evelyn Tra aja ti enda mayuh kelukih tajapan iya nemu gaya ulah aki Gerubi. Endang udah enchelak meda serta ninga gaya runding bala indai, menyadi aku siku, enggau kaban bukai ti sayauka aki Gerubi. Tu meh gaya kelukih apai indai nembiak ti endang amai amai meretika pemesai tuju pengawa sekula. "Nama berita ti deka di ambi urang belajar ke menua tasik deh? Enda nyadi? Bakani ngatur iya deh aka," ku indai biak nanya. " Enda ulih iya siku tu..umur agi alang alang..pelajar agi alang alang..nganti udah HSC ila meh..bla bla..," ku mummy nyaut iya. "Akai daiii.. balat iya tu..tu siku ambis indu mem digayap iya ila," ku jaku tundi apai ambu aku, laki tudah indai biak aku, enggau seling leka tengking jaku sida tunga ke Nanga Ngemah. Laban tudah tuai iya ti enda bangat bejaku, tak muntang belama enggi iya deh. " Masuk ITM dek! Enti enggai agi sekula mayuh peluang bekerja deh..nyadi polis tau meh..pengajar tau meh!" ku tudah apai ambu. Tang meh penemu, akal aku siku jauh ngeluah ari nya! Eh..enda patut! Laban aku sida iya ti nyau beserekang betegang penemu deka ngatur pendiau aku!

Taun lapan puluhan tu agi kelalu muda alai besangkaka utai lebih agi far too often apai indai nembiak sekula ti bisi anak pom lima maya tu kelia semina andal ati, gaga meda anak semina pas ulih nyambung nampung pelajar ngagai pom enam. Ari perati aku, tajapan umur agi muda, bisi siku dua ari sepuluh ti nemu ngatur pejalai anak. Pemayuh iya semina gaga lalu tepantup ati enggau runding ngujungka sida apai indai enda berunding tempat ti patut alai anak sida. Mayuh ti ngembuan buah jaku 'nitih ka atur urang aja'. My folks were a bit different to an extend!!! selalu besegang penemu enti pasal pengawa sekula. Kami sebala tu nyau baka manuk di sabung nadai kelang laban udah bisi bala nyadi chuntu alai urang besemaka. "Peda nuan bala sida uncle nuan sanu..bala aki nuan sanu..bala anak ini nuan sanu, anak apai tuai/yak nuan sanu..bla bla bla...," ku munyi sema bala nyau munyi ti betapatka mangkuk pirak berebutka tempat enggau nama!! Tak ngembuan penemu enggau akal munyi ti enggai alah ari pangan diri...peransang nama main tabuh lagu jugit sida iya! Ari bala apai indai sida anak polis, bisi sekeda peda aku ti nemu nemu..jauh pejalai bala anak baka the Sigai's family. Chuntu bakatu meh ti nyadi teladan andau titi rawan sida ti dudi. "Eh..asai bisi jalai..enselit deh kitai," ku tudah apai tuai Thomas Laman ..his favourite line applicable ba pengawa sekula enggau atur chara jalai pengidup bukai mega.

Nyau mirah nadai beganjah biru nadai beginchu mua asai ke di salai, tepenat pending ninga telai, angkat mupuk junuk junuk baka imbuk niti rangkang, kejuk kejuk baka apek bayat nyukat kaki lima menua Simanggang nurun bejalai begulai enggau bala kaban lama ngiga endu dara indu engkerawai enggai ditanya lawa bula enggai berani ketuchum maya lemai. "Pulai Tanjung agi kah dik Bee..sambung aja lah..peda kami tu ti adai nasit tu," ku bala sekeda bala kaban ti udah rarat tinggal laban perau ti dikemudika enda tetikika wong begirau punjung, enda tetanjakka ulak lubok lubang tedung. Kasih mega aku ninga bala sida iya ti pandak pejalai. Ka pan enda bekuli, ngeranjai baka manuk ulih sari empa sari. Sejai jai pan ulah sida iya tu dipeda mata urang mayuh, nemu meh sida iya sinu enda kurang penyiru baka sida ibu ke bala kaban bukai ti endang di sangka ditaga jauh pejalai ba pengawa sekula! Too bad that I couldn't share with them; however, being an empathetic being, I always tried to convince them that there's light at the end of the tunnel! Tu meh maya aku meri jaku goodbye betabi bekepai see you later selamat tinggal pagila lusa baru kitai ulih begulai ngajihka umur panjai bisi enggau nadai. Di belakang akal kerubung pala ngenang pesan hehehe 'Datin' as we used to called tudah Caroline Jabah Tawi Sli ti munyi tu hehehe.."Nyabak beraie ke nuan Bian ila enti nuan enda pulai." Akai daiiii..but ya..laban mayuh mega utai bukai tinggal ti dikemataka Berinan Mail, siku nembiak ti ampit enggau begulai, siku kaling ari Tanjung Lobang datai ari hmmm somewhere ari Bawang Assan??!!?? Ita..dini menua asal Berinan neh? Ahhh anang irau I am almost certain of my second coming tajapan bedau mutuska penentu tunga diri..agi begantung gitang gitang baka pukat empelawa besanggit mayuh pampang.

Penentu Kuing Pejalai...

2006-09-24T06:10:00.000-05:00

"Dini nuan nampung pelajar udah result kita pansut tu ila," ku tanya uncle aku siku ti benama Thomas Laman ti begaut ngembing aku maya betemu ba pasar Simanggang. "Eh..apai tuai..nama berita? Kini ke tuju pejalai nuan tumu amai pagi tu," ku aku ga ngelaungka diri ari tanya tudah. " Sigi nurun aja, lagi udah mummy nuan ngetu tengahari baru aku limpang ngusung iya ke rumah, aram enggau aku enda lama," ku iya nyaut aku. Apai tuai aku siku tu meh ti seruran berani meri jaku ajar dini dini alai betemu laban penyentuk ati iya ke pengawa pelajar kami sekaban. "Muyan agi matrikulasi meh diatu..Lubon agi dudi mimit ga nya..bendar meh aku ngansak seduai iya," ku tudah tuai ngenang bala anak iya empu sambil nyirut ai kupi ti agi berasap. Nyau tinggi mata panas, udah bebelika suratkabar, nyau ga aku ngansak iya, mai iya bejalai kaki pulai ke rumah. Nyamai deh laban bisi auntie Nora enggau auntie Molly bisi berapi di rumah. Mummy enggau apai tuai Thomas sigi nadai randau bukai deh..randau sekula anak dulu baru berandau ka utai bukai. Randau sekula tu enda tau enda pansut tiap tiap kali bala sida menyadi, sida sekaban duduk betunga enggau pangan diri. Tu meh gaya apai indai ti bendar bendar besai ati beraturka pelajar anak. Tudah aku..hmm iya ga nadai pengawa bukai, semina betundi enggau bala auntie di dapur deh. Mayuh kelukih bala kami ehh..mayuh utai ditanya urang. Munyi ku sempama jaku, nyau datai di gentung gelung raya utai ditanya deka diperunsaika sida iya..Tudah aku tak nadai kakang deh madah, nyau nadai utai diselalaika agi.

"Peda nuan anak Tra siku ti enggau aku ditu..mati idup aku enda nyuruh iya ngambi aliran Bahasa Malaysia..siku iya da ti agi tinggal ngambi English..ke bukai huhhhh dipasukka apai iya ba BM magang..nama penyadi nya ila. Enda nyadi nembiak sekula nyadi guinea pig pilot programme sida iya..bla bla bla..." ku tudah mummy besekang penemu enggau apai tuai Thomas ngenggaika penatai Bahasa Malaysia nyadi jaku penatai penuh dalam sekula. "Aku sanu ..munyi nitihka penemu adi siku nya meh..aku pasukka ba sekula Bahasa magang laban tu meh jaku ti dikena kitai nyengulaka anak diatu," ku tudah apai tuai ga. "Nadai nyadi nembiak sekula enti enda nemu English...bla bla bla," endang munyi letup ratai mansau enggi tudah indai ehh. "Sanu enda ibuh laban ti deka dianjung ke overseas..endang English," ku apai tuai ga ngelimpangka tudah indai ti enggai badu badu, tatuk ngenang English enggau Bahasa Malaysia tu tadi. Kami ti di dapur lalu majak beundi nyau bekerakah ketawa. "Meda baka meh sanu, lembau ngarap ke sanu (nyebut nama aku) laban ti mayuh ulah, semua utai ka, nadai utai dikenggaika, alah laban main ..masang majuka pemanchal," ku tudah mummy. "Enti iya pil ila dia aku ngantung iya deh sanu," ku sambung indai bejaku nunjukka engkerarin datas pintu penama besai! "Nadai nemu ngarapka iya nya belajar jauh entara tasik ari kitai. Kada enda lebih agi," ku mummy irau ngenang. Tudah aku enda bemunyi deh..tama ke bilik lalu macha suratkabar garing garing atas katil. Puas bebachaka berita, hmmm nyau mega nyerungkai ngumpul kengka surat di dikirumka bala kaban, JR Dana ari Sarikei, J. Saga ari Sibu, L Yong ari Penang, the Jones ari Kenada, Svetlana ari Yugoslavia, Maxwell enggau A. Maxwell ari Betong. Tu meh enggau diri merindang ati maya sunyi nganti pemutus penentu MCE. Musin buah, enti nadai bemalam di menua nyau ga dibai bala auntie pulai ngagai rumahpanjai sida di San, Sri Aman.

Lemai hari bemain bol enggau bala anak polis enggau bala polis ti gagit deka bemain mega. Enti enda bakanya, nyau nurun nuju padang di baruh gerija Munggu Sabun bemain begulai enggau bala Melayu ari Kampung Tengah enggau Stawang..hhehehe begulai enggau bala sida Jali buntu, Gilbert enggau William Peter ari Kampung Resak..enggau bala ari Padang Bilun/Sabu but nothing beat bemain enggau bala polis laban bala ti deka betundi begagai lemai hari serta bemain enggau bala ti bekalala ari pun masuk sekula sikinderi.

Nyau chukup maya result peresa MCE pansut meh udah nya..hmmm..berasai enda nyamai ga ati. Tak dikumbai ngesal enda ga ngesal tang meh laban naka pemayuh tanya dalam kerubung pala ti nyuruh enda nyamai ati. Tajapan nadai tentu belajar tu tadi, aku ngasai serta nemu diri pas. Tuju udah ditemu result tu ti bedau temu sekali laban bisi dua tiga pusin kuing jalai ti tau ditengah. Laban pemanchal, bisi nya berita ti nyuruh entap di St. Thomas, Kuching. Tanjung Lobang was out of the picture for the time being laban enda ulih jaga ku urang tuai ga. Bisi ga berita tudah indai betukar tempat alai kerja ke Miri! Hmmmm tang enggai ga nyadi laban nadai urang ngundang utai dimenua. Hmmm pansut meh result..apooooo..laban BM ti enda kredit aduhhh nyau bekalih tunsang result aki gerubi! Bah lah..akai dai ukai main main leka meriam munyi bum ari perang pantai Normandy! Udah nasit..udah selatan ku kitai..So...what's next? Where to next? How to next? Overseas? Nadai jalai ku indai laban bedau nemu nyaga diri! Enggai ka nyau baka ulat bulu hehehe..I'll be good..I promise ku jaku.

Pulai Permisi Udah MCE...

2006-09-22T06:23:00.001-05:00

Sinu ngenang udah abis peresa MCE 1981 ninggalka bekau di Tanjung Lobang pulai nuju sarang diri empu. Dalam belakang runding bisi mega bekenangka enti tu enggau enti nya ngelama dua taun ti udah gayur gayur bebejur ayas pemujur diau di buding sekula Tanjung Lobang ti bempuka nama Kolej Tun Datu Tuanku Haji Bujang. Ngenang bala sida pom enam tinggi ti udah tepantup ba ujung pejalai sekula dikiraka enda ulih nikal datai enggau begulai nyemaka bisi nasit nyambung tembung titi bengkung beraut segala, nyambung leka panjung niki mansang sekula. Nadai ngawa laban pagila lusa ulih betemu baru sebelah pala tangga kaki lima kedai China, ulih betemu sebelah tempuan aya ruai besai anak mensia. Sinu ngenang bala pengajar ti nadai urang nundi beleman bali ulah mensia. Ah enda tusah kita deh cikgu Adi nadai kami naka pemayuh nembiak dudi ti nemu muka pelepa pun buah penti pemali. Tau di gayang peneka ati laban tu udah nyadi your country who cares what say you education ministry ti jauh di entigis menua bebagi. Ahh sayau meh ambai lalai ditinggalka nadai mukai mukai baka buah rian tembawai udah ditebuk tupai engkerabak chelum pala. Tak enda berasai diatu ngenang penyampau bala ti udah enggau begulai kemari bekumbai saritu beserara minta pulai. Folks, enam ratus lebih hari seemed a life long journey ..only to realize aku bemimpi maya nepan bilun pulai ke menua ari Miri after MCE!

Sekumbang tiga bulan puang nganti pemutus peresa MCE tu sigi bendar deh bebitau bebayau nengah jalai Kuching Simanggang mansa Serian betemu enggau kaban sesama sekula ti udah enggau begulai ba sebelah rantau jalai. Di Simanggang tak nadai pengawa sekali enti udah ngalih hari laban pasar tak puang nadai urang. Ahh enti pagi bendar deh nyual mata enda laku nadai urang meli di pasar. Lemai hari nyau ga napatka bekau lama nguji enggau bala nembiak rebak baru bemain bol..enggau mansutka peluh meh nya. Pulai nyenguk rumahpanjai di menua Undop pan tak sunyi laban mensia ti regas regas udah nyau nurun pegi bekuli ke menua bukai. Tu meh gaya ekonumi dunya menua ulu 1981/1982 laban enti enda bakanya nadai penatai belanja ngichaka bisi lebih ulih meri anak sekula tinggi ngelui ngeluah peraimeri lower sikinderi! Tu meh gaya deh..laban maya tu development enggau advancement tu jaku bala aliens ti munchung pala ari langit, ukai jaku kenang bala diri sebansa ari menua Undop. Siku dua ti nemu ngira diri besai singkang jauh pandang bisi mansang. Diri empu hmmm laban ti enggai jenuh enti di menua nyau ga nurun ke tanah maya buah. Ngujika pengeliut jari nangkal getah nulung tudah Lagak, siku mensia ti dibai datai diau begulai enggau kami sebilik ari umur iya angkat bujang. Endang pedis endang amai kamah but it was fun, nyadi peneleba ti enda ulih dibuai sampaika kitai tuai.

Nyau puas diau di Simanggang..I wonder why Jakub ngumbai menua Sri Aman...too peaceful for me. The pace was unbelieveably too slow for a light footed soul. Nyau ga aku nurun ke Kuching ngichaka bisi insur mimit hehehe.. Diau enggau indai biak aku ba kem Penrissen better known as Kem Batu Lapan. Ditu meh aku bisi begulai enggau bala anak Melaya bemain bol ..and boy..they were good! Patut meh nembiak kitai menua Sarawak maya tu jauh naka penyauh tinggal nembiak Melaya enti betanding belumba enggau bemain bol! Bisi ga belajar siti dua ari sida iya. Ditu meh aku bekelala begulai enggau kaban ari Po' Ai/Melugu ti ampit nasit bepegaika senyata nyadi soldadu Rinja, di kangauka kami menyadi Yak Jambi. Jarang enda di jung iya nginti enggau nyala ba sungai Landeh! Ditu mega endur alai aku terubah bekelala enggau bala anak soldadu rinja kesatu. Tu meh alai tudah aku muai jam betatukka gitar enggau bala anak indai biak aku ti udah besai besekula masuk sikinderi. Ditu meh alai aku betemu baru enggau apai ti udah muai enggai ngulai suah bepansa enda betanya deh. ..on becoming a young man on my own!

Nurun bejegau ke pasar Kuching singgah belama ba Badruddin tama ngusung menyadi tuai ba balai polis. Nemu mega urang kasihka kitai nyuaka seringgit dua dikena ngalahka pengaus udah bejegau bebitau bebayau nurun niki rumah Elektra, Wisma Seberkas enggau Kuching Plaza nyukat pasar India! Enda mukai mukai tak bisi nyelai 'penusah' lalu mukul talipaun ngagai kaban , whom was true to his word..within minutes he and some others were at All Joy! Sida meh nyaga nyadi 'kaki pukul' as we used to call it nyuruh kaki jari enda kala kamah unless diri empu deka ngamahka iya! Puas duduk sebelah selepak tiang kaki lima nyau ga nguing mulai ke diri ngagai Batu Lapan. Malam hari nyau ga dibai menyadi enggau kaban iya nemuai tama ba "The Lost Horizon" hehehhe peda tak peda ngenyangka mata meh nya laban kitai ga dikumbai urang agi bebau lia!

"Have You Forgotten" by Darryl Worley

2006-09-18T05:50:00.000-05:00

Nuju bala sebilik ti udah ditinggang penusah serta udah ngasai pemerinsa...Major, pementah enggau penyiru apai indai nuan, bala menyadi nuan enggau kita sebilik meruan dikenang aki gerubi.

Sinu Ngenang Kedua....

2006-09-17T08:58:00.000-05:00

Sinu ngenang bekau pemanchal enggau penatau diri enggau kaban bukai ti bangat dikenggaika anak nembiak sekula ti enda ngelala tauka enda rindu bekelala enggau kami serta enggau pengajar ti bisi ampit ngajar enggau ngemataka pengawa kami. Minta ampun serta minta puji sigi enda laban nadai utai di ampun serta nadai utai di puji. Tu meh gaya nasit kami siku siku laban ti enda sama tempa, enda sama kambuh ti ngujungka penajam enggau penumpul duku ilang parang menyimbang enda setimbang sama luntang. Ari pemayuh pengingat dikenang, bukang tinggal bukang kemayang tinggal kemayang minta ditunda anang. Pengawa ti mit mit mesai kelikit dikempuk segala nyadi buah kenang gulung nyawa dalam pendiau pejalai anak mensia maya sekula serta nyadi bekau tunjik kerembang dunya.

"Antu nyuruh nyadi mensia enda meh nyadi mensia," kenu ku jaku urang besemaka kitai enti ngembuan serta bejalaika ulah nyempelah beratus titah baka enggi aki gerubituai. Sinu ngenang bala bukai ti tau merana ati mawa merinsa ketegal siku dua ti nyelai berani ngeledengkang ketawa betanda ngerumpang pintu gerebang koperasi bansa; beluit besambung ka kerpau lama ari perang dunya kedua kelia ngambika nyamai tama nyerungkai nadai bebasa. Siti papung besi enggau tukul pemalu aji dikena bala sekeda ngambika kerpau ulih dikunchi tiap tiap hari nadai berupai tau di tarit sepiak jari tebuka ngangau mai tama. Pama ga laban bisi peneleba nyadi Tanjungneer when I rigged that sucker! Nadai kala ditangkap bah..maybe it taught me the value of timing hahahaha!!

Sinu ngenang Pak Cik Jet muchau ligau ligau munyi semalau meling refactory laban mee maggie bekutak kutak lenyau ditabanka anak mensia lari. This was easy for everybody barang sapa ti berani ulih keluar tama laban lubang alai enselit udah sedandang di rumpang sapa lapar bisi maggie mee! Sinu ngenang nembiak bukai tau enda ampit laban penyempelah ulah bala. Tukang masak encik Rosli sigi enda bemunyi deh, tajapan nemu , laban ti suah begulai betibarka jala nguji nangkap ikan buntal nyuruh gatal anak pari ti suah mai begiri di tebing tasik teluk Luak. Enda ibuh meh aku nyepu terumpit nyebut ngerampit ngangauka nama bala ari pom empat ngagai pom enam tinggi ti bisi ampit ngerupit mee maggie refactory.

Sinu ngenang bala ti balat suah palau masau belanja apai indai di buai tikau nuju pulau pala belebigau. Pama mega bala sekeda ti balat deka bepangan enggau bala sida endu meruap bepupu carlsberg butul kaca, sida ibu janda tuak masam mali mua; bepangan enggau bala sida igat langkau ti nyuruh patung lemi mai garing garing gali pendiau bebali. Gilai gilai pejalai baka kereniung tuai di puputka ribut rebah entap malai. Aduhh ..enti nyau maya bemain bol aduh aduhh nyau enda alah sebut nama bintang Malaysia dipeda mansang pulai enggai datai laban ti udah dipangkung butul hmmm belanda asai ti enda terengkah ditanah terebai asai. We Tanjongians in 1981 could handle our liquor equally well! Soon-to-be alcoholics tu meh tau nyuruh ekonumi bepusin nyuruh kaya laban mangkin sari mangkin nambah belipat ganda pemabuk national drinkers. Too bad laban ti nadai "Pemabuk anonymous association" maya tu. Lapa enda di ukum bala ti suah ngedar challenging pengajar deh? Hmmm enda meh nemu!!

Sinu ngenang enti udah abis peresa MCE tu ila nadai begulai bekeretuk betabuhka gitar akustik maya malas enggai nginsit merindang diri ngemandakka hari. Sinu ngenang endang sinu ngenang laban tu meh ti nyuruh aki gerubi nemu kunchi key abc nebah lagu widuri lemai hari. Udah nasit udah selatan. Tu meh baka gamal kami pom lima A ti deka beperesa MCE.

Sinu Ngenang Kesatu....

2006-09-12T06:57:00.000-05:00

Aki Gerubi, laban ti udah nagaka diri empu di ambi besekula ke menua ribai belang ngelampai, nadai meh maioh macham..belajar nitihka urang tak bakanya aja anang enda...semadi ngaminka aja ku keda ti bisi duduk ngimbai seruran nelai. Engka baka munyi pesan ti ditinggalka pengajar ari Australia, Daud Kubu, "school is a joke to BDFS" dalam lambar karung bup pengingat sekula benama ensumbar Optima. Di luar nyelai lalu di dalam din sapa nemu nyagam enti enda diri empu, enda pia? Tak enda berasai mega tudah aki gerubi laban sinu ati meda anak mensia siku ti betawing bekaling enggau ganja nyuruh gila. Baru iya meh tu meda jelu antu semacham tu. Nyau melabat batang urat kelekuan tudah kaban laban ti ditanchang enggau kubal getah buatan negara; nyau bedemaram tudah lengan laban di rejang jarum mata belunchum. Din ditu, kia kia meh tudah aki gerubi ngemataka tudah kaban enggaika kur semengat..tak ngeliat bendar ngetat; enggaika tak bepeling naning belebigau mutah puang nyuruh telentang. Nemu mega urang malas budi basa kitai tajapan kitai ti dikumbai urang nembiak jai enda betabi. " Jangan susah bah..mun ada apa apa hal di Kuching call aku ajak," ku pesan kaban. "Jangan takut ehh..semua miak sitok mestinya singgah di Kuching one way or another..sound ajak ..kan jauh ya," ku munyi tangkan rentayan leka pesan maya kami. Sigi udah madahka diri pas pan iya pom lima sigi enda mulaika diri masuk Tanjung Lobang mega tudah kaban siku tu laban berat rat deka belajar tauka bekereja di Kuching, menua asal iya empu. A man of his word laban bisi dua tiga taun udah nya aku 'sound' tudah kaban siku tu di Kuching maya ti bisi becherengang gereginsa kudi ukai bebuti.

Sekumbang ti udah mantu serta nyelamatka bala nembiak sekula ti tepekul laban tiki ai pasang gelumbang tu tak nadai pengawa bukai bala kami ti pom lima...belajar peresa belajar udah makai tinduk betundi enggau pangan diri. Padang pan nyau puang kurang urang laban pengawa beperesa tu..Sida pom enam atas pan bakanya mega; sama sama ngatika diri ngulihka kengka utai ti udah dipelajar. Siku dua ti berani nurunka padang nyuruh bala pengajar nyau munchung semunchung mulut laban dipeda baka ti enda ibuh ka pengawa peresa. Aki gerubi was one of them..enda ngelengka ka main lemai hari! Tu meh maya kami sebala beserara enda lama enggau bala sida pom enam baruh enggau pom empat. Datai kita taun siti tu ila, 1982, engka mayuh bala kami pom lima tu enda dipeda mua mata agi! Iya ti bisi pangan, bujang enggau dara, aduhhh nyau baka ti beserara nadai mimpi deh; bekepai bye bye see you later enti umur panjai menuku pejalai. Ahh ku bala, enti bisi nasit nikal pulai lapa enda napatka tembawai lama jerami memudai munggu berundai. Nya meh pesan endu dara menua tungaka Sarikei nuju aki gerubituai. Enti nemu ngalihka leka lagu 'maya permisi betemu baru' nyau ngalihka iya 'masuk sekula betemu baru' deh tang nadai daya. Berasai betuah ga aki gerubi laban ti bisi endu nyadi tawing ngembing ari sepiak. Enti enda, nadai iya, kada enda belipat ganda beribu gaya ulah. Pama ga nuan diatu ibu ngansak belajar bejaku enggau bup ari matahari pambar sampai ka pegu nyau gutak gutak lunggar. Beserara dulu meh tua endu...enti nasit manah taun siti ila tua begulai baru bekelukih baka tukih di panchar anak bulan gerempung bintang berandang.

Bala sekeda pan lain mega kelukih maya bisi lapang puang; maya bala begempuru begelumu betungkunka insap ukai dibeli tang berutang ba Nyonya. "Keni pan result kua ila, enda meh kua pulai kitu agi. Puas udah kua ngasai," ku Paul. "Caluk balitka kalau pas," ku tanya Neilson malikka Enchaluk. "Eh, don't know me..mungkin lah," ku saut tudah tuai iya. "Ali, you coming back kah," ku tanya Phillip nuju Ali. "Hahahhaa..apalah kitak tok..balit semua bah..mesti pass semua..sida nok ada bini tok memang balit sitok agik..kita apalah..balit nyuruh tok janggut pening kepala ajak cukuplah," ku Apin nyaut betundi. "Buat apa? Kau sik puas kah jadi mangsa tuduhan..setan benar ko tok ehh..I sik mauk..I masuk ajak ITM," ku Ishak nenung pejalai diri. "Hhehe mun kitak dapat 1 ada chance overseas ," ku aku ga.."Ya lah..mem you mem," ku Ishak ngemanjaika jaku tundi. "Sapa mok ngan kitak iya..gamal jai, makai rangka, mati enggai," ku Apin ketawa rakah rakah lalu ngujungka bala ketawa magang. Tajapan bakanya, kami nemu mayuh ari bala kami serambau endang enda mulaika diri nampung pelajar ba Tanjung Lobang taun 1982 ti deka datai tu ila laban tuju ati enggau juluk sengkuar siku siku nyelai enda sama. Nasit aki gerubi pan bedau meh temu...hmmmm. Tu meh baka kengka iching perening bala ti tau nyuruh aku siku nemu sinu ngenang.

Sinu ngenang diri ti udah seperabung bekunsi lantai sepinggai bekunsi pemakai enggau bala ti udah enggau bekelala begulai asai diri menyadi. Maya bisi suntuk sandat seput tesat, maya bisi enda nyamai nadai pengerai, sida tu meh ti bisi datai mantu nemu ngenataika sampi penyelamat nyawa. Bala sida kaban bukai ti deka beperesa HSC, pom enam tinggi , pan bakanya mega. Sida tu ila, enti enda nampung pelajar tinggi agi engka meh nyelingkutka nasit nyelit urang begigaka kerja ipak diri empu, engka meh sida iya bekiraka deka belaki bebini nirika rumahtangga ngidupka diri empu. Things endang just going to be different tang pejalai majak nuju ke mua belama, nyingkang nitihka pemansang dunya. Endang gaya iya meh tu laban pejalai pengidup bedau tepantup ba bandir. Ari iching perening peda tela aku, semua sida ti deka ninggalka bekau ba Tanjung Lobang 1981 tu ila tau nyadi mensia menyana magang. Engka mayuh bala sida tu ila nyenguk UM, USM, UKM, UPM, enggau ITM serta mega tempat pelajar tinggi di menua tasik ti bukai. Ehhh kenama enda Ang sedekan nelan liur sembur jaku diri empu! Tu meh naka sinu ngenang renggat ti berapa?..ahh nadai ngitung ehh..udah nasit udah selatan.

Lembu Empu Tusu, Chapi Empu Nama...

2006-09-09T06:42:00.000-05:00

Ujung taun 1981 tu suba mega taun ti nyadi penentu bagi kami anak sekula ti udah lama sangkai ngeradai betiti alai ba pom lima laban peresa MCE/SPM ti deka datai enda lama agi. Tu meh taun dipesemaka bala taun enti niki tau menyana; taun enti labuh tau merinsa, nitihka pemandai serta pengelandik bejalai megai pengelikun pendiau diri nyadi anak sekula ti jauh ari apai indai laban bebansal bedunju ba emperan nyapa sekula. Tu meh maya nembiak ngasaika ati tegempar untak lunggar buku tulang begetar majak ngelunjak ngerebakka bup tek nota pengajar. Tu meh maya berasai lantang sinu ngenang enda berasai tegepang laban pagila lusa ngejang belayar nuju pulau repa penuh lemayar. Udah nasit udah selatan kami nembiak anak sekula ti bekiraka diri deka beperesa. Maya ti belajar malam sigi enda ngerinyik enda engkeretik bala didinga..sama sama beremasin ngiga ulih ngelampat masa. Kadang kadang tekenyit nyau engkechit bala mensia laban indu ridun malam sampuk pinang Tanjung Lobang ti terebai baka ketawir bilun engkabang terengkah ngenchayang ninggang mija papan bechunting tanda kenang. Tu meh ti ngeruga nyuruh ngetu belelak enda lama. Nama deh laban kitai ti dipegai Malaysia, sigi enda tebansu enda saru, sigi dulu meh jaku BM leka alpabit panjai ngelalaika Bahasa Malaysia muka tirai peredai peresa bansa.

Aki Gerubi, laban ti udah nagaka diri empu di ambi besekula ke menua ribai belang ngelampai, nadai meh maioh macham..belajar nitihka urang tak bakanya aja anang enda...semadi ngaminka aja ku keda ti bisi duduk ngimbai seruran nelai. Tak enda berasai mega tudah aki gerubi laban sinu ati meda anak mensia siku ti betawing bekaling enggau ganja nyuruh gila. Baru iya meh tu meda jelu antu semacham tu. Nyau melabat batang urat kelekuan tudah kaban laban ti ditanchang enggau kubal getah buatan negara; nyau bedemaram tudah lengan laban di rejang jarum mata belunchum. Din ditu, kia kia meh tudah aki gerubi ngemataka tudah kaban enggaika kur semengat..tak ngeliat bendar ngetat; enggaika tak bepeling naning belebigau mutah puang nyuruh telentang. Nemu mega urang malas budi basa kitai tajapan kitai ti dikumbai urang nembiak jai enda betabi. " Jangan susah bah..mun ada apa apa hal di Kuching call aku ajak," ku pesan kaban. "Jangan takut ehh..semua miak sitok mestinya singgah di Kuching one way or another..sound ajak ..kan jauh ya," ku munyi tangkan rentayan leka pesan maya kami. A man of his word laban bisi dua tiga taun udah nya aku 'sound' tudah kaban siku tu di Kuching maya ti bisi becherengang gereginsa kudi ukai bebuti.

Pagila deka berengkah beperesa meh bala. Lemai tu tak berasai puang laban pemayuh bala ti tumu udah nurun ke kelas ngasika leka pesan tuai serta meransang diri..diatu tauka nadai and it's now or never. Nyadi bala kami ti diau ba Cendrawasih, laban ti enda nemu jera, tak benung bekechuit duduk ngempang tangga penama . Palan ti dikumbai 'the den' ga jempuk basah di teritik ujan lemai. Tak enda mukai mukai, tang meh sekali tu anak mensia enda bekesebar lari meda ayas panchar lampu pichit ari sepiak belakang Chemistry Lab sekula. "Nama meh ambi Lau Ung Ngie nya tak bangat nyempelah ngenumu tu ngiga mangsa neh," ku aku ga ngenang Lau. "Nadai kua peduli...tangkap tangkap lah..abis exam cabut ila," ku tudah Paul nyurut asap lalu dikesuhka iya katas. "Not Lau that one, someone else, " ku Patrick. Nyau dipeda linga pelanda baru bala nemu nya ukai pengajar. Nyau sengah sengah tudah apai tuai ti sempat ngenataika jaku madahka diri ari Kem PPF; madahka diri siku ari bala pilpos ti bisi udah nguji ngelaban umbak besai ba baruh tebiang lighthouse tang karam enda ulih ngelayang mansa gelumbang Tanjung ari Brighton Beach! Betanya saut meh bala udah nya. Apooooo kasih meh ninga tudah apai tuai nya ti irau ati ketegal anak deh. " We have been trying to cross from that side and that side," ku iya nunjuk tunga ka lighthouse enggau tunga ka rumah lutor Chan. "My daugther is one of the students we have been trying to rescue, and I believe they are somewhere around this area," ku iya nyeremangka jari nunjuk ka tebing tasik.

Nadai meh berunding dua tiga deh laban pengasih ninga pengirau ati apai tuai nya ka anak iya. Paul nyau belanda ke bilik ngambi lampu pichit. Patrick enggau Apin begigaka kasut. "Come, we know the way down there," ku bala kami belanda ngensuruk pelepa munti pintu 'the den' lalu nurun nuju tebing tasik. Nadai meh nyangka gelumbang tasik tak ngemesai nya deh...Apai tuai siku tu kira nyangka alai endur bala nembiak sekula laban bisi dipadahka nembiak ti bisi udah tumu pulai. Nasit bala nemu nyemerai magang ngelaban umbak ngembing tebing. Nyau kepuas beratung nyemerai betayuk chepuk chepuk baka udok tengelam melepu jepu jepu tejapai japai rarat empai dibatak asur lelangan mansang nikal pulai datai ga bala kami be teluk ti bemunggu umbas pemanjai. Jempuk basah tubuh rajai nyerepeting nyerepedi enda berasai di teritik ujan bekeberai masu muai ai garam masin tasik besai. Tak enda berasai di pangka ka umbak sebelah tebing ti begeru bebatu tajam nyerumbu nyuruh belakang rajai. Sengah sengah meh bala lantang gaga selamat nadai apa nadai nama tajapan bala sekeda timpang kasut lenyau ditabanka ulak ngeleda. Nembiak raban anak sekula pan bisi ayas ayas didinga betelai berasai gaga laban pemantu ku jaku udah datai sedia. "Bah keni tu deh? Bakani kitai mulaika diri? Enda ulih laban umbak," ku tanya Paul. Deka mulaika diri ngelaban lelangan umbak besai nuju pemansut jalai 'the den' endang sigi enda ulih laban ukai semina bala nembiak ti 'stranded' tepekul tu nyau lemi tulang ikak lelak piknik sari enggai bepanggang tang mayuh ari sida iya enda nemu nyemerai beratung anang agi ngelaban galun gelumbang niki mansang mangkin lama mangkin tinggi besai gereginsa gila nampar tebing batu tuai. Merening tunga ka sepiak Luak ngenang mua gua penama pemulai lubang batu sempit alai tu pan udah penuh ampuh nadai bemata benyawa; tak nadai jalai.

Apai tuai nya bendar nguji manchar lampu pichit iya nungaka langit ngiga dan kayu enggau tanda pengelala bukai ti tau nyadi petanda ngichaka bala sida pilpos bukai ti bisi di atas tingkah nemu tempat alai bala nembiak sekula ti tepekul laban ai tasik niki tu. Enda berasai mega tudah aku nyuruh Patrick nyuluh tebing maya ti nguji bepaut ba rumput enggau batu ngiga jalai niki katas. Ukai nyamai begagaka tangga peniki enggau tumbik! Kasut ga hmmm entah dini alai nyau anyut ditabanka ai masin. Benasitka bisi ujan nyuruh tanah lemi mimit. "We have to climb this cliff," ku tudah Apin. Nama deh, ngarapka lampu pichit dua iti enggau kaki jari bekeramak ka tanah enggau sepur batu pasir bebatak ka nembiak siku siku nadai betali tudah bala kami. Nyau bebagi mega bala kami; ke mit mimit di ma merap belakang; ke gemuk besai tak nadai mayuh macham deh..di asur disukulka ba burit nanjak tebiang bukit! Hmmm..udah datai di atas ga tudah George..selamat siku lalu ditangkanka dua tiga iku udah nya. Nurun baru ga bala ke baruh ngambi bala ti bukai tang benasitka bala sida pilpos bukai bisi datai enggau apai indai nembiak bukai mega. Diatu nyau bisi tali enggau betarit bepaut niki katas; nyau terang berandang laban lampu panchar bala polis pilpos. Nembiak sekula Tanjung Lobang ti belajar malam pan udah mega dikangauka taing luching madahka chukup jam.

Apoooo udah datai di atas, nyau malut diri enggau selimut laban ti nyau chelap..tapak kaki tapal jari nyau ngeriut baka kulat tepik rangkai! Meri besai terima kasih meh bala nembiak..I forgot the exact number tang it was more than 30 of them, nembiak pom dua enggau satu ari sekula China Chung Hua Miri, enggau apai indai sida mega. Hehehe nyau munchung mulut Adi meda bala kami laban hmmm udah ga dikelala jai, punting nadai belajar malam ga agi..pagila deka peresa BM..akaiii..Empat iku kami nembiak penginsap but George! Tajapan kami lima iku tu ti berangkutka nembiak ti tepekul plus siku polis pilpos taun 1981 di siti teluk ba Tanjung Lobang; however, it was never made known to the public that some Tanjung Lobang students were the main rescuers! One, two, three, four and five of us!!!Berita ti pansut dalam suratkabar meri polis pilpos full credit nyadi pemantu penyelamat bala nembiak ti tepekul ba teluk semak sekula Tanjung Lobang. Sampai ka diatu..aku tak iran ati meda bala ti betabi enggau tuansipol meri terima kasih ka iya as if he was the guy who scaled that cliff with barehands! Not that we cared, but what's wrong with that picture? Ku aki gerubi,"Lookiee here, ya'll need to think again..somethin' ain't quite right here." Benasitka kami ti manchal, nginsap enggau jai laban rindu ngerinau kempaun sekula; we knew every inch of it like it was our own backyard! Tempat alai belalai; tempat alai bujang dara begagai lemai; tempat alai nginsap semakau kritik made in Indonesia! And to those of you who knew, Aki Gerubi was one of those guys who came to the rescue! Those stranded kids must be in their mid thirties by now! Lama enda beches wes yes no tu ahh..ngalau cherita pengingat pejalai naka tu dulu meh..pagila lusa nyamah nachah iya baru.

Nadai Nanding Nanding.....

2006-08-28T18:51:00.000-05:00

Tak nadai nanding nanding..nadai apak bala nembiak baka kerimpak tajau niang..nama meh ulih kita tu bangat kelalu ransing deka bemain?Aus enda berasai; lapar enda makai; dikepai pulai naka pengenggai! Bisi bulih perais mangkuk pirak? Tu meh tanya ti suah di pansutka urang tuai. Besembur liur betali ludah mulut basah sida ti tuai tuai laban enda tesautka diri betanyaka pengeransing bala nembiak ti balat ngelendatka padang deka bemain. Ahh ku saut kelia laban ti nadai beleman muntang kerembang ," Nadai meh bulih perais deh.. semadi rindu aja..pelir dibai mansang pelir ga di bai pulai..kadang kadang gatal laban ama rumput teka ti seruran berebut enggau tungau ti datai jegit jegit jampat ngigit," saut betundi ngelimpang. Nadai nanding nanding tak nyuruh kitai berunding mega tanya tempiling penajam gading sida aya bungai nuing sida ibu kumang bini keling tu deh! Bah meh nguji nerangka seleka dua ampa dipeda nyengala rua tu ngicha ka enda agi bila ila berantika saut tanya bujang lawa ulah jenaka.
Tak nadai nanding nanding...ari bemain enggau raban Armadillo FC lapan puluh satu meh aku tu ngelala penau enggau pengelandik diri. Enti nadai enggau bemain berebutka pemenang dalam kelang masang diri di padang dini deh nemu penau diri ulih nanding urang? Dini deh nemu diri ulih nyaing nyelat urang belaban betendang beparang dataika kembai pala patung bejalai tekangkang? Dini deh kitai nemu pengelanchat penyikar pengerah tulang? Enti kitai lemi baka lumi ditelan segala, enda pia iya? Raban Armadillo FC tu tak enda kurang pengarang deh, ari rintai satu ngagai rintai tiga sama sama enggau gulikipa. Gulikipa ga lanchat amat nepis buah bol ti nuju baka peluru leka senapang. Ari Ali Omar sepiak kanan dataika James Mawan Bala ari kiba meh pagar kebal naka penebal jarang melenti naka penyintal..hahah engka laban bisi bau "Enchaluk" di tengah nyuruh enda rebah kini. Pama mega riak anak lubah ikak Jim Beriak ti beganding bau sama penemu penganti baru unggal Lambat Lindong ti baru udah bekejang berangkat pegi nuju menua ngelala Prairie. These folks were well rounded , selectively very talented few! Ari begulai bemain enggau sida tu meh aku ngelala pengering enggau pengelemi who's who true true! Di beri siku siku sida tu buah bol ba kaki sida..I knew..when, where, how ngelampat ngambat nerima buah bol ari sida tu. Beberekat laban ti ulih 'merening ngiching' tuju tunga serta pikir sida baka ti bisi batu pemandang ngerupit isi ayan tulang sida aki manang.
Tak nadai nanding nanding ga diri empu ti ngelala nemu maya ke kanan nguing ke kiba meradakka nyawa, neritka urang rekung remaung negung nyelaik kaung kaung ngerau ngerak unggal Kenneth Latung berapat ngelunggung nyadi jaguh scorer. Tu meh gaya bala kami seraban betarit asur berinsur insur beberi ajar jaku takar ngagai pangan diri. Tu meh penguntung iya: gerempung beserakup besatu siti tuju tajapan enda sama jaku saum dunju; enda sama igi saum ai. Belajar begulai enggau bansa bukai ti enda sepenatai; begulai enda lama pagila lusa beserara ngejang pulai jauh pejalai . Laban ti ngembuan satu ati saum kunsi tuju deka menang satu lebih ari bala raban enggau belaban, kami seraban nyau baka isi enggau kukut rapat lekat baka engkelulut getah tekalung. Ngujungka penyelai (pemanah enggau penyai bukai) siku siku dikairka tisi nama udah masuk padang gelanggang alai besidi betendang. Ari begulai bemain bakatu meh kami nembiak rat rapat ngelala diri sesama diri datai ka umur lanjur labuh melunggang. Ari begulai bemain meh kami nembiak ngelala penangka enggau pengisin siku siku lebuh maya besatup bedaup enda ulih tagang. Ari bemain bakatu meh kami ti balat gian enda ngenang laluh papung insap ti tinggal belalai begulai enggau penyai ulah bukai. That's two hours and some odd minutes per day taken away from doing any other but main ball..if you see it 'as is' deh Mr. Ang. Tak nadai nanding nanding!
Tu meh peluang ngelala sapa sapa ti deka begulai enggau kitai. Mayuh nembiak ti sesama sekula tak enda berani nampil bala kami laban penyai ulah ti ngemalat nya maya tu. Thanks to those ti sudi besai budi berani ati enda takutka peragam menteri adi. Baka bukit ngelala tuchung; baka tanah nemu langgung meh enti baka jaku sema laban tu meh pemansut sapa sapa ti tau nyadi tuai enggau penitih besai. We knew then , way back then ..how far we have came nyenguk future. Nadai mega bisi tuai tetap tang semua ulih nyadi ketuai enggau penitih besai. Maya tu kelia tak jarang mega pengajar ngeliti meda isi nembiak ti endang dikumbai 'pama' ukai semina ba pelajar tang pengawa luar laban sida iya berat rat ngumbai nembiak ti diau, imun, enda ngembuan ulah mayuh macham, enda gila bemain ngelendatka padang betumpuka pasir, tu endang mensia dikarapka berjaya dalam segala galanya! Only if!!! my now and then and yours then and now would have been so different neh! Tang nya meh laban penyampat pejalai pengidup kitai tu lasit baka sumpit lurus rejang; laju baka peluru leka bangkang.
Tak nadai nanding nanding tak mayuh 'peminat' mega bala raban Armadillo FC tu deh. Hmmm deka mai tudah Apin bemain iya ga bangat enda lanchat kaki semina lanchat jari bemain hoki. Tudah Nubli pan bakanya ga , lanchat jari lanchat kaki sikar tegar empapar tang lemi tulang..tang pama mega transferee ari St. Joseph, Kuching siku tu..dare not touch any Armadillo FC laban iya garang jampat betaritka tisi engka ti suah udah nuchuk diri enggau jarum indu misi kini..gegetar jampat kudi. Pama meh bisi tau nyuruh bala indu dara begancha pulai ke padong lelungan...eeewahhhh ketawa ngenang ulah bala kami tajapan agi semina pom lima tang enggai alah! Besari sari begempuru bejaku ngiga jalai ngalahka tim raban bukai, ngerituk nyungkit pengering enggau pengelemi ngiga puting pampang rebuh diserang. Tak nadai nanding nanding...enti nadai kala bemain dini ngelala utai ngenumu tu amai meh tak dipeda empepai alai baka engkelait nyulur nyumbuk ngelantar nadai penyandih. Tu meh maya bala kami mansutka tension enggau pengisin muang muai penyarut tali untak deh ibu aya. Mayuh meh utai bukai ti ulih maya begulai bemain tu; ukai semina tak lelunggak lelanggak lelak ikak.

Armadillo FC 1981-82

2006-08-25T08:37:00.000-05:00

Nama kabuah taun 1981 tu bangat enda ulih dibuai ari pengingat sampaika aki gerubituai lasak pala ngeriut kening engkelung pending rambut kuring? Enti nyemaka kelia bisi komputa endur inggap berandau ngenang dunya nyau meh ngisi iya enggau leman berita ti nyadi tiap tiap hari. Tu nama deh, ngarapka diary ti tinggal di menua dalam lachi jemari bekerepau bekunchi di tepan debu abuk nyuruh engkasi. Ari pemayuh jumbuh leka kenang ti udah, pendiau bemain maya tu meh mengkang meruan dikenang laban ari pengawa main aki gerubi berasai bisi ngelala diri enggau kaban serambau segulai pendiau. Nama guna semina pintar ngelaban adat sekula ngeledengkang ngerigang enda tentu kebada; bebitau bebayau nadai penunga? Bah uji bantaika pemintar bukai serta enggau penau kitai siku siku ti di agihka petara. Tu meh siti ari pendiau enggau pejalai kitai maya agi dibangku sekula:-mantaika pengelandik bemain! Tang meh pengajar baka Mr. Ang Thien Tze ti begigi emas siku tak balat ngenggaika mata meda nembiak ti landik bemain bebitau bebayau sebelah padang laban ku iya, udah aku sebut ba blog ti udah, "The rast who reave the footbarr fierd berong to the fairure gloup" hmmmm ..engka iya nangika ngeli emas iya ti berega dua sen nya tak rarah enti di 'pam' enggau buah bol tauka buah sipak raga tauka buah hoki kini!!! Bakani pan ku runding iya, tak tama ari pending kiba pansut ari pending kanan deh jaku ti munyi nya laban pengamai iya ukai nitihka jaku iya tang ba kami nembiak siku siku. Jaku ti munyi semina nyadi peransang nyuruh kitai isin agi! Pengarah main bol kami, Mathew Dandi, enggau pengajar kami siku ti enggai tinggal tiap tiap lemai enggau kami bemain, Mr. Balang Buayeh, lalu numbuhka league sekula. Sida ga ngelala serta udah meda pemayuh nembiak ti landik bemain bol including Pak Cik Jet! Hahhaha. Adat atur chara sida iya bakatu..sapa sapa tau numbuhka team enggau masuk league tang mesti bisi sepenadai dau iku ari siti siti peringkat pom ari pom empat ngagai pom enam. Kami ti diau ba Cendrawasih pan gagit deka numbuhka siti team..akai dai bendar begigaka bala ti tau di bai laban tak lubah nyaut magang madahka pengenggai kini, engka enggai begulai enggau bala kami ti dikumbai urang jai kini..ni kitai nemu. Nadai ngawa bah...

Tu meh pengada team ti dikumbai Armadillo FC 1981-1982 ti betuaika aki gerubi enggau unggal Neilson. Armadillo FC tu maioh tuai deh..ukai semina kami duai aja laban semua meri jaku tangkan nuju pangan diri laban pengelandik siku siku ti dibai nurun ka padang enda sebaka. Bisi lanchat jari; bisi lanchat kaki; bisi chebur mulut; bisi mega mantaika tebiat garang baka singa lapar deka manggum rekung lalu merinsaika pah anak mensia! Tak siku aja meh bala sida pom enam atas ti deka dibai kami pom lima begulai bemain. Tang kami betuah mega laban bisi unggal Vincent Rading kaki tumpu kung fu betendang terebai tu..hahhaaa. Chak dini nuan belalai ahhh. Pia meh, ngambika kitai tau ngenang serta ngumbai Mr. Ang tu tak nemu manjung dipala wong aja! Ahh ari pom enam baruh bisi mega bala deka enggau tang betukar tukar laban ti dipilih serta dianjung 'perintah' nampung pelajar ka menua tasik. Unggal Lambat Lindong(Saratok), Bunyak, Jim Beriak(Limbang) enggau Hasbi Suhaili(Bintulu). Bala kami pom lima sigi kah Cendrawasih except siku dua. James Mawan Bala enggau Mart Amat (bansa Kelabit ari Bario) Mohd. Abu Bakar Marzuki(Kuching) Ali Omar Hamid(Limbang) Anthony Edward Megat(Kpg. Taie, Serian) Kenneth Numan(Balai Ringin), Neilson Ilan Mersat(Saratok) Aki Gerubi(Sri ever-Peaceful) tu meh bala ari pom lima. Nembiak pom empat tak semina Churchill Edward(Kuching) enggau Mohd. Taha (Miri) aja ti deka dibai kami. Jemadil, Jasmi, enggau Nooruddin Liew deka enggau tang nukar pikir diri laban mutus ati deka belajar laban peresa MCE/SPM ti deka datai! Hasss apai..deka ngumbai Mr. Ang tu ngelebihka diri nganu nempaka jaku.. engka enda ..tang mayuh mega ari bala kami tu ngerasukka ketupi bepelimping empat besegi, ngembuan Degree bisi Masters dataika Ph.D.!!! Malikka belakang..hmm endang amai semadi nadai. Mart!! where are you ..iko iko iko buddy? James? Ali enggau Anthony agi meruan ba banking business? Latung Kenneth? Pemasaran Lada Chelum kaban? Unggal Gulikipa ahh.. pia meh kaban..ketuai Political Sciences ba Unimas! Abu..jangan chamya..haha..pama dipilih nyadi Direktor ba Yayasan Sarawak nuan kaban? Unggal Lambat..bisi tepansaka nama nuan kaban..udah abis perugerim Lutor? Churchill...akai dai dini nuan ahh.
Tu meh gaya pendiau bala kami ti ngumbai diri Armadillo FC. Udah nasit udah selatan....deka ditangkir serta diseruri belama laban ti agi mansik serta ngiching merening pendiau bala ti ampit enggau begulai bemain enda ngelala pagi lemai..ari penemu siku tengahfielder meh..

Peragam siku siku nyelai...

2006-08-23T05:54:00.000-05:00

Lanchat serta landik bakani pan nyumbuh bujang empeliau arang engkechit merejuk ari dan kayu tu ngagai dan kayu nya tau meh iya labuh ke tanah. Udah nasit udah selatan meh nya ...pandai serta likun bakani pan belalai ngelanggar adat sekula tau meh silap singkang ditangkap urang. Nadai urang nangkap di riput bala seraban ga ..ni kitai nemu tuju ati urang, enda pia? Akai dai..udah ga dilunsin ngena rutan wie danan agi ga di ukum seminggu enggai betebaska rumput enggau bechangkulka bakut alai betanamka bunga. " Apalah tuju nya tok ..cubalah pukul semua..tok ne adil..ada dibiar camya ajak, ada di suspended, ada di lecture, ada disuruh motong rumput..dipukul dah iya lagik..aduuhh," ku tudah Sitan Pandak ngunsut burit diri empu ti mengkang melabat datai ba buah betis iya mutap kediri. "Ya lah..kamuk orang tok nakal gilak bah...bla..bla..," timbal Sutomo ketuchum malikka Alek. Pama diri ga si Sutomo tu tajapan tilur bejaku enda datai. Tudah kami duai Paul duduk ba baruh kayu semak Cendrawasih agi chuit chuit enda jera berandau enggau unggal Andrew Blassan enggau Chia Pin Pin. Maya tu dini bisi bekenangka utai bakanya laban ti ngetatka burit ti agi kembai tang bala kaban bukai ti bejaku ngenang bala kami ti udah di palu ba mua mata semua nembiak sekula. "Aku first time tu, enda kala ditangkap tang kena palu, " auh kenang tudah Paul sirut sirut nyintak asap ke dalam. "Nadai agi aku peduli udah tu..lantak aja," ku sambung kaban. "All of you should be caned publicly..then fairlah," Pin Pin ngelampat Paul. "Me lucky lah me..I was given a warning last time," ku Patrick Batong ti baru datai nunga kami ngenang nasit iya ti bisi udah kena tangkap bulan siti ti udah by the same ol' squarejaw! "Let's go..makan we first," ku Enchaluk tak garang ransi munyi. "Bah..makai kitai," sukung Neilson ari sepiak. Endang enda di kikih ari pengingat tengahari siti tu.
Salah endang amai salah; sigi ngakun penyalah ngelanggar adat sekula serta patut nerima ukum ditagaka pengajar. Ku penemu aku, kesatu: bala kami enam iku tu meh di ambi nyadi chuntu ngamaika jaku saut tanya pasal 'the enforcement of corporal punishment in public' tu laban tu endang udah di dinga deka dipenyadika dibai angin jaku sida ti diberi pangkat Ministers. Enti enda dipenyadika, jaku lalu tinggal jaku..bejaku aja dikerja enda ku urang ga lagi..enda pia? Kedua: Di ambi nyadi chuntu ngichaka nembiak ti dudi enda betunda tunda pemanchal. Penusah iya bakatu..pengasi serta pemisa ukum nitihka runding balas ari nembiak ti di ukum bakanya laban enti sida nembiak tu enda berubah lalu agi ngereja pengawa ti sama..'the punishment isn't effective' ba mata nembiak bukai laban nembiak ti begulai enggau nembiak siang enggau malam lalu seruran meratika pangan diri lalu suah agi nemu pengawa pangan diri ari bala pengajar! Ketiga: Deka ngemaluka nembiak ba mua mata sekayu sekula engka icha tau jera! Penusah ti tau nuntung datai ngelambung engka bakatu: Umur nembiak ti diukum bakatu ukai lima enam taun! Nyau udah bebulu magang serta tau bebini beranak! Tu meh maya umur 'let's get physical'; nemu ngerunding bebalas; ngembuan getah kudi darah ransi..more harm than good punya cerita! Enti nitih ka kemata aku enggau diperundingka aku ..D Virgin Boys...tu semina nyuruh sida iya ransi lebih agi sida ti dikumbai penyakal keterubah or first time offenders! Tu meh alai sida iya mandingka penemu, bekechiping bagi, enda ngam, 'bisi niki nibung bisi niki pinang' dachin angat timbang! Nama ti dikemaluka di ukum nginsap? Nama utai dikesalka? To a repeat offender baka aki gerubi..nyuruh ketawa..a joke really..hhhehehe nyuruh nama diri dikelala urang hahahah..tambah mega udah nyangka tuju diri ...ku kitai. Enti ditangkap ngayap bini urang, impregnated someone else wife, dipansutka butang engka meh malu! Nya meh penyelai runding kitai mensia ti agi muda. It was more of psychological and physical abuses ku aku, and its legality enggau discretion are still in question! Ke-empat: nandangka sapa ti bekuasa! Da.....semua kami nemu sapa ti bekuasa tang tajapan bisi kuasa anang salah guna; anang bebagi badak laban kitai mensia semua nemu bekira satu tambah satu ukai tiga tang dua! Kelima: berunding nanya nama kebuah lalu lapa urang bukai ti betumpangka nasit sama..seperau ngili ai..enda diukum sesama saum ukum? Kelima: Engka tuju iya nyuruh nembiak tau ngesal lalu nemu bepikir mutarka diri bepikir dua tiga kali sebedau ngereja penyalah ngelanggar adat sekula. Nyelai mimit ari reti jaku jera ga ngesal tu deh..jera tau nyuruh kitai nindas serta madamka serarai sama sekali. Ngesal tu tau nyuruh kitai berunding munyi tu:- 'enti aku bejimat agi..diau..belalai baka urang bukai, engka enda ditangkap' ngejungka kitai dudi hari belalai likun agi! Ba penemu aku, bakatu meh gaya iya..belalai likun agi dudi hari laban pengidup nginsap tu ukai baka udah kena rutan kena lunsin nembiak lalu badu bakanya aja. Ke-enam: Udah nemu diri nyadi buah mulut pengajar enti bisi pengawa ti enda tentu nyadi dalam sekula..nyadi buah sangka urang belama..nyuruh nembiak ti ngembuan nasit baka enggi kami enam iku tu berunding ngiga jalai ngelarika diri lebih agi enti agi pom lima baka kami ..betukar sekula kini, mutus enggai nyambung ngagai pom enam kini laban bisi ITM enggau pengawa puang ti tau di isi kini. And some were sacred shitless!! too sacred ngujungka sida iya baka lembu ditusuk ba idung ditarit kin kitu. Ketujuh: Tau mega nyuruh runding kira 'enda peduli' tu datai ngisi untak ti benung engkurak rindu nguji baka enggi aki Gerubi tu. "Udah meh jai di peda urang kapa enda jai sekali," ku jaku. Runding ti kelalu tu bahaya ku Melayu deh! Uji cuba try nyau nyadi tesap pansap pendiau enggau pengidup duapuluh empat tujuh ku Iban as twentyfour seven ku ribai!
Enti di suruh ngechat sekula, nimbuk tanah enggau ngisi kebung padang, enggau ukum kerja ti mai penguntung ngagai semua nembiak sekula nadai ga bangat mantah. Tu tak di suruh nyangkul bakut endur alai betanamka bunga di belakang lecture hall enggau ba mua bilik pengajar sekula, betebaska rumput meresi telaga ikan emas ba mua bilik pengajar! Why? Nguntungka sapa? Ngacha kempaun bilik pengajar tu tak nyadi priority lumor satu. Nama kebuah? Ohh ya..beauty tu tikal panchar deh..a reflection! Bah nyadi beautification squad meh bala deh. "Sik apa bahh..kelak kita ngail ikan emas...hey Cikgu..dapat dikail kah ikan emas tok," ku tudah Apin nanya Cikgu Naim enggau iya ngemandakka jam meh nya. "Ehh ko tok ada ada ajak," ku Cikgu Naim ketawa. "Aus ehhh ..cikgu!! ..boleh dipanjat kah kelapa nun," kenang Enchaluk nunjukka pun nyiur ti semak gelanggang Takraw. "Siapa dapat manjat kelapa ya?..monyet nun kah?" ku munyi tanya pengajar merenung kami duai Paul. Hahaha enda berasai utai tak numpu buah nyiur enggau tumbik kaki aki Gerubi. "Monyet betul monyet," ku tudah Cikgu Naim nguingka diri ngusung rumah bala pengajar ke belakang sekula. Nyema MC65 tu mansa nadai meh peduli! Amai amai nyau enda pedulika utai bukai agi. Jai enggau manah di mua mata urang bukai deh, ukai ba peda tengkila mata kitai agi..endang udah nasit gaya dunya bepusin ngelingi bintang ti bekepelik berandang terang pegari.
Bisi mega sekeda bala ti ngambi peluang ngereja pengawa enda tentu tajapan enda ngelanggar adat penti pemali sekula Tanjung Lobang maya tu..ngambi peluang laban nemu diri tetap enda disangka; laban timing was good, enggau utai bukai mega. Salah siti ari ulah nembiak bukai tu suba 'manjuk' Lau Ung Ngie enggau bangku panjai. Laban tuai tu tak balat deka mali diri nyadi pasun, ngerinau petang nyidi bekau anak mensia. Nyau ngeliti kulit betis tudah tuai dipanjuk bangku panjai ti di sentangka bala nembiak sebelah tisi dormitory, ba jalai iya malam hari! The bastard would came up to Cendrawasih and shone his flashlight directly at me or sometimes Apin or Ali Omar and said, "I know you did it." Bedau bedau udah disangka iya. Ngemandakka cherita, tak enda ulih lari ari sangka meh tudah aki Gerubi tu. Let it be..for now. Kadang kadang tak merunsaika bakut bunga ba mua bilik kami tuai siku tu ngichaka bisi tekalika papung insap! Lain mega ulah iya tu. Hmm udah nasit udah selatan ...

Di Lunsin Ba Mua Mata Semua Nembiak Sekula..

2006-08-19T08:55:00.000-05:00

"Nah apalah...kitak tok macam enam jahanam..bla blip beep beep...,"ku kenang tudah Cikgu Naimuddin. " Lain kali carefullah sikit," tampung jaku ajar tuai. Ukai nama meh iya munyi tu, jangka aku, laban bisi ati kasih serta sinu..sayauka nembiak iya tak tebasau ngapa laban pengawa nginsap..penyakit ti ngerampit nembiak sekula di serata menua Sarawak maya tu..penyakit sosial..so sial it could have cost us our opportunities so bright to be animals among men! This Cikgu was special..I would have done anything for him laban nemu garis entara nembiak sekula enggau pengajar. I did just that. Enti kitai udah ngereja penyalah ngelaban adat undang undang sekula, sigi tusah deka nikalka penemu serta runding mensia bukai. Enti udah di chup jai nama sigi penyai meh nangkan nampung belakang nyadi kemayang. Bakani deka manah enda meh ulih manah laban ngamaika jaku serebana urang ti ngumbai penyamai ngiga penyai, semina sekejap mata; pemedis ngiga pemanah, sepemanjai umur kitai idup. Kami enam iku pan enda ulih di seliahka.
Enda tentu udah lama dulu kelia, tengahari hari lima, laban ti udah ditangkap nginsap lalu deka di ukum enggau naka penerit meh. Haahaha nyau rakah rakah aku, aki gerubi, ketawa ngenang malik ke belakang laban utai ti nangkan dibaruh tu nyuruh ketawa tajapan naka pemisa baka sakang seribu guna. Maya ngetu belelak sebedau begempuru bala kami empat lima iku nyau kasak kasak begigaka keretas sengkilu pemira ti begulung putih made in Malaysia nya.Hmmm segulung enggi aku dikena ngerumbung tumbung melit burit! Enggi tudah Ishak tak enggau nyadi sirat keretas putih kaban..nyau merurut pansut malut tunjuk indu kaki. Kemaya meh tudah tuai iya kala besirat baka kitai Iban! "Asss apa peduli..gasak ajak bah..berani nebang berani mikul," ku tudah tuai iya meranika diri meransang semengat. "Sik ibuh bah..kita urang kuat tokk," ku tudah Apin 'si setan pendek' malikka 'Alik' Omar. "Ehh.. kua udah tebalkah buhit ..bla.bla ," ku tudah Paul mantaika gulung dilah slang Lundu nguing merening aku tang kami duai Enchaluk tak diau aja..semina nganti maya meh nya. Enggi aku udah bekepan deh enda salah salah nyendiaka diri 'datai bulan'! "Shak! bagus agik ko minjam 'modest' sida empuan, nok iya barulah tebal dikit..tok apa..toilet paper ajak," ku tundi tudah kaban ari Lundu siku tu nyau rakah rakah ketawa meda ulah kami sebala ti bendar deka malut burit enggau keretas singkilu putih. "Semadi nadai tok bah..," Ishak nundi Paul. Nyau maya bebaris berintai nitihka kelas meh bala mendingka penentu enggau pemutus ukum atur chara sekula. "The most merciful and the most compassionate..bla bla bla munyi sampi pinta mensia ari petara....if you ever get caught..bla bla bla..and this will be an example..bla bla bla..you will be punished publicly..bla bla bla...I will now call upon Mr. Jee to punish these rule breakers ...you know who you are ...come up to the stage one by one..bla bla bla.." ku sampi Cikgu Adi tuansipol sekula! Akai dai..tujuhbelas taun hmmm nyau enda ingat agi kemaya sida indai ngelunsin kelia..duabelas taun? tigabelas taun???!! Enti baka utai ti ulih dikelarika nyau belalai baka gerama sebelah selepit batu di Luak Bay! Welcome back corporal punishment ku telai semengat ti ngambat pemulai wai rutan wie danan sepemanjai gembar dua lengan tu. Beperening pangan diri bala kami laban ti nyangka diri dikangau !! Enda! Diatu assembly hall tak nyau sunyi nadai engkeretik bala mensia..enti tai tichak labuh ari perabung, jangka aku, nyau munyi redup buah rian ninggang tanah. Nyau ke puas puas beperening , ahhh junuk junuk tudah aku niki katas kin..kapa enda dulu..nyamai udah ku ati aku ga. Baka empitu ti runggu mansang niki lalu betunga mua enggau Mr. Jee. Iya ketuchum aku begerit ngeragum. Tiga kali meh kaban dilunsin pieeee berangat utai. Nurun kebaruh lalu ngelambai bala nembiak bukai hehehe..nyau didinga ga kangau tudah Vincent enggau Ngerong!! Next up...Apin lalu Paul nyadi lumor enam bala kami! Pulai ke Cendrawasih lalu bebuka ka tanchut beperesa burit pangan diri. Bisi nya melabat ngerampit pah lalu bisi mega kembai betangkan datai ba buah betis laban embat peretat lali pelenti rutan wie danan! Tu meh gaya deh laban tak deka nginsap enda piga iga; manchal enda jera. Bah, nanya kita bala pemacha nama kebuah tak deka bekenangka pengingat bakatu ari jumbuh naka pemayuh utai ti tau nyadi cherita nyuruh nyabak ketawa dalam dunya tu. Ari enda adil, nyuruh malu, ulah mensia enggau nature itself, peransang, penyundung kelambung pangkung, tu ngadaka nya, enggau utai bukai mega, but let my pagila lusa aku nyaut diri. Diatu semina deka mantaika siti utai aja.
Saritu dalam pengingat laban saritu meh hari pengada mensia beribu nama..ari enam jahanam..mat tiga suku..rotten vagabonds..and half a dozen others; hari pengada 'D Virgin Boys' ! Di hujung sana...guess what we did last night!! Foreordained outcast in the caste world of survival, survival of the forgotten unfits. Those beautiful scripts that we wrote, those black carpet we walked on, those fields of dream we played on remain.....Welcome to Adi 's country!

Litan Pengawa Nginsap....

2006-08-17T07:20:00.000-05:00

Pengawa nginsap renggat kedua tu tau meh dikumbai aku pengingat masam buah maram manis digerami gula. Nitihka patut, pengawa bakatu endang sigi ngelanggar adat sekula serta tau dikumbai kitai mega penyakit sosial bala anak raban pupu bansa lalu enda tau ditunda. Aki gerubi enggai nyadi enda ngenang laban tu meh jalai di rembang; sungai disemerang maya agi duduk enggai jenuh dibangku sekula. Pengujung iya...udah nasit udah selatan nyadi tanda rantai kungkung rekung; peransang pejalai maya ngenung. Mayuh macham meh litan kurih telih ti ngujungka enda ulih dilengkaka maya kitai malikka belakang ngenang pengawa mangkang nyekang ngelaban munyi dinga; enda betabi basa dipeda mata. Laban pikir jelu ti pemadu tinggi diatas sekali dikumbai kitai mensia tu bebagi nemu meda nerepung merenung; nemu tangka nyerauh bebalas panjung..naka pemayuh utai di tumbuh nyumbuk adai nampung.
Enggai enda nyebut tajapan udah bisi keranjai kenang karang bukai ti udah pikir kitai mensia ti tau dikumbai 'tenung pendiau begulai' ti suah nyadi buah mulut maya rindang ngumbai "oohhh sanu tu bakatu enggau ohhh sanu tu bakanya tak ngelaban amat patut tau bakatu bakanya pemutus ukum , " ku munyi kenang. Nembiak ti ngereja nadai daya agi laban reti ngelaban enggau ukum ti patut tu nitihka runding serta penemu urang bukai. Utai di kumbai urang putih labeling tu tau ngasut untak isin gila gelugin tajapan....'Enti nembiak siku selalu dikumbai kitai 'paloi'; suah ninga diri dikumbai paloi..ujung ujung iya empu mega ngumbai diri paloi ngamaika jaku kenang bala bukai..morale degradation ngereja utai enda pintar---morale booster ngereja pengawa paloi! Tau ngujungka iya nyimpul penemu..."nama guna ngereja pengawa mantaika pemintar..lagi dikumbai urang paloi meh," ku munyi. Enti bisi siku dua ngumbai iya pintar..kada enda iya ngerangkun penemu tu ngumbai urang tu semina nyebut iya pemadu pintar ari semua ti pemadu paloi?!! Udah di temu serta dikumbai penginsap huhhhmm nyamai agi nginsap..ngemaduka diri pan agi meh dikumbai penginsap. Munyi ti paloi runding tang enggau pengamat laban enda ulih dikelarika rauh jaku mensia..nampung tuli pending telinga; meruan didinga belama. Mind you, bala ti ditangkap nginsap sekali tu mega ukai nembiak ti pemadu jai ari raban nembiak ti dikumbai sekayu sekula jai. Ukai mega nanahka sida tang tu endang getah kah pendiau pengidup ti dipilih kitai siku siku. Bah aram kitai bejugit ngansarka kaki nitihka rentak tabuh gendang raya!!
Bendar mega bala kasak kasak laban ti udah ditangkap nginsap bakanya as some sampai ngumbai 'tangkap basah' . Eh enda kala ditangkap basah..basah udah mandi kini nya!! Lemai nya..baka ti enda jera..nyau bala merindang ati ngusung nonya lalu 'muai gian' ba luar pagar sekula. Ditu meh aku meratika bala ti bisi tusah ati mimit laban enda nemu nama ukum pengajar ti nangkan dudi. Tumu pagi siti tak datai tudah Nawan lalu duduk ngimbai aku ba luar nungkunka insap..."Smoking again huhh I see," ku rekau tanya didinga ari sepiak. There he was..Lau Ung Ngie one more time except this time..apoooo agi ulih jengkau resu embun pagi ti baru ngangkatka diri terebaika langit..naka penumu. We kept quiet..ngatur our business as if nothing happened..ngujungka Lau mupuk belubah lubah nuju refactory! Udah tu, dini dini pan bala kami ngetu belelak duduk sigi ditanya Lau dini alai ngelalaika insap and bla bla bla..which proved labeling ku aku di atas tu ngundan pengamat! "Get lost..go chase the dogs..I don't have cigarette with me...you want to smell my breath..," ku tudah Ishak merangapka nyawa. Engka nyau enda liat kini iya. Tu meh gaya ulah untrained teacher Lau ti baru pulai ari New Zealand bisi MSc. ba Mathematics...woooo big freaking deal. Had all the time in the world to roam until wee hours nengkiau kempaun sekula laban ti nadai girlfriend hahaha..who would want some square-face loonie!! Darnn...I was Keling standing next to this heavy-spec dude!
Ari penyalah pengawa nginsap tu meh mai kitai semua berundingka ukum ti patut diberika kami ti ngereja penyalah. Kami pan ngadang ukum laban tiap tiap penyalah endang patut ngundan ukum! No exception period. Ukum ti patut pan dikemendarka serta dipegai sida ti bekuasa! Kami semina nganti hari lima deh, hari maya kami begempuru bebala mayuh! Kami enam iku nganti dua hari pemutus ukum diagihka urang ti bekuasa. Kami bisi ninga berita di bai jengkal kantuk emperingat ari siku kaban ti ditangkap, 'orang utan' laban iya ti megai tambai belambang menteri..'minister ' ku sekula! Tudah kaban ehhh di buai ari bansal Cendrawasih seminggu tang agi meruan nyadi menteri sekula! Dua iku ari kami tu semina ditangkan ngena jaku ajar laban semina ditangkap kerubung insap dalam jemari gari aja! Siku went on several years later belajar ngambi Masters lalu siku went on ..enda nemu nama pengawa iya ti bendar but I dare to predict that his capabilities in life will be rewarded with capital S for success! You go kaban..afterall kitai ti di baruh tungkat semengat tu nadai ulih kebaruh agi deh but niki katas!

Pengawa Nginsap I...

2006-08-14T11:19:00.000-05:00

Bisi suah aku betanya enggau bala kaban ti bansa bukai bakani ku kantuk bungai pengawa betungkunka insap tu tak tau lekat nyadi tebiat; tak tau nyuruh gian meransang urat. Ari tu mega diri empu ulih meretika pendiau bala ti selalu nunu duit belanja apai indai maya agi di bangku sekula. Lebuh maya agi belajar nitihka urang di Tanjung Lobang, betanya enggau bala kaban nembiak Melanau, Kelabit, Ukit, Punan, Kayan, Melayu , Iban enggau China bakani ku bala tak tau ampitka pengawa di enda manah, enda mai pengerai, bebau kesuh mulut ngujungka dara tuai lari enggai. Mayuh macham meh saut dipansutka. Pengawa nginsap dalam sekula tauka maya agi nyadi nembiak sekula tu ukai utai ti baru ada lemai kemari. Enti kitai Iban, aduhhh laban pengangkat ari rumah panjai tak mayuh macham ehhh saut bala..bisi sekeda nya tak berani ati deka nguji nelan asap nunu lempuang laban apai indai aki ini, enti enda bekulumka gambih bekapuka kerubung tekuyung bebunyuh pinang tak bekandika daun apung semakau jawa deh. Ah moden agi nyau bisi tiga lima, ardath, semakau gulung benson and hedges ga dikerendut mulut. Ari ti meda bakanya lalu betunda. Enggi aku kelia tak semina rindu ati laban bala ti enggau begulai tak bekachuit baka indu sempepat nerangka malam deh. Saritu siti sebatang; pagila nyau dua tiga; bulan sigi tu lagi nyau sekutak lalu betangkan tangkan meh udahnya. Some semina rindu laban ti enda tau ku adat sekula!
Laban nembiak ti udah bebulu bedunggul tuai magang di Tanjung Lobang maya tu kelia, pengawa nginsap tu ukai utai dikelalaika. Tak amat amai amai salah sangka tudah aku baru masuk pom empat ba Kolej ngumbai nembiak ditu seratus peratus manah ulah ngumbai sida nadai nemu enggau nginsap!! Nya pega nyau mayuh agi tubuh, enti deka ngitung, ari bala penginsap ba sekula ti udah alai aku..St. Luke's Secondary School! Ulah detrimental to our health tu kadang kadang tak dipansa bakanya aja. Nginsap tu meh penyalah besai aku ba Tanjung Lobang, mali bula! I smoked my butt off hhaha every chance I got endang chuit chuit deh, dalam dorm, dalam jamban, dalam babas, dalam nama nama meh! Tang tempat di suah alai belalai nyau di belakang Cendrawasih di baruh dua tiga pun kayu serta dikeliling madang munti! Bendar mega pengajar ti baru baru deka nyungkit tempat alai belalai tang enda ulih ehhh. Ngenang tu mega nyau ngelayang melunggang ka sepiak ga kenang ngenang ti suah kunsi insap enggau Cikgu Affendi enggau Cikgu Beduie Uni maya sida iya ti baru dipasukka ngajar ba Tanjung Lobang! Remember Joe? Tak enda berasai laban pengajar ngena utai bakatu deka ngelala penginsap for future leverage ehhh, except Cikgu Affendi Morni. Ahh bebaris bebala mayuh meh bala berintai baka nyumbuh ti deka nyunting undi ngerijista diri penginsap ba upis tuansipol laban enti udah ngerijista ku jaku hmmm..nama utai ulih deh? Enda ka kena blacklisted- jaku ti seruran di bantaika pengajar. Bisi sekeda bala tak di ambi nyadi chuntu sampai berasap burit enda ditunu! Bisi sekeda nya tak diberi jaku tangkan dikemataka diberi kebenaran! Tak angat dachin maya betimbangka pemerat tail kati bekarat tu.
Pagi siti tu meh nyadi tanda ti enda ulih dilengkaka pengingat sampai tuai laban tu meh kiraka pugu tunggung penyai ti nangkan sampai jeman. Tak baru udah ensugau dani lalu bisi ujan bekeberis di luar alai bala mensia tak nadai tama nuju 'den'. Pemacha serte pemerati ti bisi mansa..tau tikalka serta di ubah enti bisi meripir ngembing tebing; enti bisi nyelai bepansa nguing! Ishak, Caluk, Paul enggau aku tak duduk ba luar jauh ari jamban Cendrawasih..Ali enggau Apin ba tangga semak jamban..semua tak bekechuit tumu pagi. Tudah Phillip tak agi nungkunka insap dalam dorm. Di tambahka bala pom enam atas ari sepiak, Nawan enggau Vincent. Enda mukai mukai tak pansut pasun ari ujung sepiak..hahahhaa..Joe..nuan agi di dalam ehh so was Sanggup! Nyau betekajat bala anak mensia bepadamka insap..naka penyayau ehhh enti dikira rega, engka bisi dua tiga puluh sen agi tinggal ehhh! "I know you, you , you..you and you...I saw you..you you..you have been caught red-handed," ku Lau Ung Ngie! Akai dai bendar tudah tuai iya ngeranjai bakut bunga , merunsaika jumbuh rumput teka diluar ngiga papung insap!! Nyau penuh tapak jari iya laban papung insap! Udahnya iya lalu merunsaika lachi alai bala besimpanka gari..mayuh meh kerubung insap ditemu laban tudah Ali baru pulai ari Limbang nabanka Winston enggau Marlboro ari Brunei deh! Ari semua, semina unggal Neilson siku nadai nginsap tang jemari iya pan diperunsaika pasun Lau Ung Ngie! Berapa jam udah nya tak lalu dikangauka tuansipol ngagai upis deh. Pemutus iya hmmmm mayuh macham. Joe, agi ingatka saritu dalam pengingat kaban? Bendar bala ketawaka ulah di tangkap Lau ehhh..bisi sekeda tak bedandung enggau kain mandi selimut banda..bisi tak benung bekusuk mata bechawat ayan pat penurih dara! Bah, lagi aku nampung pemutus iya enggau utai bukai mega.

Adat Bujang Dara...

2006-08-12T07:17:00.000-05:00

Enti udah pom empat lima enggau enam kitai sama nemu nembiak indu enggau lelaki tu nyau bau rengut baka buah binjai panjai tampuk sera kumang- nyau belabu begenuk pemegah ini manang; nyau baka pisang betungkul engchekuk betanduk. Nembiak sekula ku kitai..dini dini pan alai nudukka diri bejaku enggau bup pemantup seranyat penyayat tulang penemu ti tau nyuruh begeliga megai menua pengidup diri empu..semua bakatu. Tanjung Lobang, enda dikelaungka, laban ti nadai nembiak biak agi ari pom empat, nyuruh sekula tu bisi nyelai mimit ari sekula bukai, enda mega ulih nyeliahka diri ari pengawa anak mensia ti dikumbai kitai raup gama bintang muga bujang enggau dara. Jai enggau manah tu nadai dikira laban pengeka, pengisin enggau pengeransing kitai sama sebaka. Nyau jegak gak gak kalat kalat baka ukoi kaka; nyau jegit git git endu dara benung, dara biak, dara bungas bekijap mata. Ti bedau nemu -deka nemu; ti udah nemu nyau balat udu. Sapa ti ulih nagang pengawa bujang dara? Petara? Antu gerasi tua tuie?? hehehe engka antu greasy minyak bilun daun limba limbi kini!!! Tuansipol? Apai indai? hmmm no way jose ku serebana anak mexicana kaban hombre menua espana. Diri empu ahhh, diri empu ti nyadi anak sekula tang laban ti ngembuan darah muda agi engkurak meruap deka melilih sayau dibuai, tu ka nya pan ka nadai nemu enggai. Pengisin, pengingin, peneka menawa tu meh munsuh lumor satu aki Gerubi. Tak nadai utai enda ditemu..selepak dinding di kerituk lubang kebung dikerebuk. Ahh din utai tu belalai..di puchuk tapang nyengkau langit berenyang..dia di emperan ti ngimbai bingkai tasik besai ku urang...ditiki meh labit manyi madu midang; di rembang semerang meh tasik pasang raya begelumbang. Indu enggau lelaki, bujang enggau dara endang sama sebaka laban bepakap beberap bepaut jari beluit kaki besatup kemudi tu siti ari sampi peminta kitai mensia diagihka petara ari ada kelimpah ari pengelepi enggau pengaus. Should we deprive our needs? Enti ulih, bakani deh lalu tau ka enda utai bakatu ngubah serta influence runding kitai ti agi muda? Tang dalam adat sekula pengawa bakatu sigi enda di sagi enda disuruh serta enda tau dipejalaika. Nyamai meh enti baka kitai aus ngirup ai; lapar makai asi, enda pia? Ari kuing runding saikolojis sekula tu endang tempat alai kitai betemu enggau urang baru; bekelala enggau anak mensia; bekaling ngiga tawing..enda salah salah baka siti menua ti mit dalam dunya besai! Tu alai bujang enggau dara betundi begagai betemu betentang mata kunsi saum nyawa. Bisi mega bala sekeda jadi melaki bini beranak dua tiga lunsin ketegal betemu ba sekula! Bisi mega bala sekeda tak telih di turih beraie ati laban ditinggalka sulu pegi. Hmmm bisi mega bala tak milih nitih niti jalai tuai bujang Skrang dara midang. Tu meh salah siti ari patuk sumbuk institution dikumbai sekula.
Dikemendarka enggau enda, pengawa bujang dara ti bekaling begulai enggau pangan diri bakatu terang berandang dipeda mata di Tanjung Lobang. Tu meh gaya cherita aki gerubi ti suah nengkiau malam; begama nganti ti tepuruk ba lubang ular kendawang...kadang kadang tak duduk belelak ngenang baka tungguk nyabak ka bulan! Aki gerubi pan benasit ampit baka sida ti bukai mega tang ukai ari pinta ari tanya tang eksiden beterima kasihka kaban segulai unggal Neilson ti ngenataika pesan pengerindu ati anak urang ka kitai! Nadai meh nemu bisi urang putus pengerindu laban seruran di sembur ditempur enggau ludah bisa sida endu dara maya bepansa enggau betanya deh!! Joe...akai dai pama sida indu endu dara kitai dia suba laban ti hmmm nama deh..anak indu tekang temaga tebilang nama di pilih upis pelajar pandai pintar potential injinia deh. Never was so embarrassed di sembur enggau ai liur maya makai ba refactory bebala mayuh ehhhh. Engka tak bangat jai gamal, rangka makai, mati enggai kini...poooohhh. Udah aki ku urang negu enggaika puni. Tajapan bakanya deh..sida tu ti nyadi meh kaling nyadi tawing ti tau dikarapka taun ti nampung dudi. Without their cares hmmm I would have been in deeper shit in the pit kena sepit kala bisa! Patut meh bala tak nundi nyuruh nanya tudah endu Alice Tepung...kasih tudah tuai iya! Aki gerubi nadai nama nama deh..diau aja hehehe ku jaku..Meri besai terima kasih nuju unggal Neilson sekali agi lalu meri besai terima kasih nuju Diana Ramping enggau Caroline Tawi Sli..hahaha seduai ti biak udah nemu nganu aki gerubi laban aki ti ngembuan ngibun penatau enggau pemanchal ti nadai alai endur nyema. Tu meh pengerindang ti nyuruh kitai nyeliahka diri ari penyalah enggau penyai kerja bukai maya isin maya bepusin hari puang. Bisi pengelimpang enda pia pemacha? Joe, nuan nemu deh utai serta urang ku aku tu ahhh tang bedau maya besebutka nama. Kami duai pan nyau baka kukut enggau isi tajapan suah dikangau ka Tuansipol laban adat sekula ti nagang indu enggau lelaki begulai naka penyemak bakanya. Kati deka ngukum bala ti ngelanggar adat bakatu? Akai dai..enti di ukum, engka enda chukup jalai besai Tanjung, ari pintu penama sampaika bansal begempuru, enti dirintaika sepemayuh tubuh! As my ex-classmate Saadiah Tu said in Iban,"Anang irau dek." laban enda ulih tagang pengawa bakatu! Udah nasit udah selatan laban endang udah gaya dunya kitai mensia..ti jai tebilang nama tampak rita lalu ti manah tu suah di saguka ngempu nama! Udah nasit udah selatan..adat bujang dara maya sekula. Uji peratika video dibaruh tu..enda bisi nikalka pengingat maya sekula?....hahaha pengawa raup gama bintang muga sigi ga gaya......

Anang Salah Sangka Tajapan....

2006-08-09T12:24:00.000-05:00

Ari pemanah enggau penyai dipeda leka mata segantang bejuta rambang menua Tanjung Lobang, nyau mega kitai anak mensia berunding serta bediri chegi chegi teberunsai gari nelanjaika diri bepandang betentang enggau cheremin meda pengamai enggau penadai . Bakatu meh asai kitai enti bala pengajar enggau nembiak bukai bangat enggai meda serta enggai begulai enggau kitai laban penyelai- ulah enggau telatah ti enda setempa setanding enggau adat atur chara nembiak sekula. Baka buah meh utai bakatu, ku runding aku siku, laban bisi nya lunak belemak baka minyak apit igi tegelam buah engkabang; bisi nya lusing ngeriut tengkering kangkang. Penyelai kitai siku siku ukai digaga urang tang kitai empu. Nadai ehh urang mulaska lengan nyuruh kitai ngereja ulah ti enda patut. Nadai pemula kenang tu tang kitai deka nanya diri empu nama kebuah. Ari kebuah kitai ulih nyungkit seleka dua penatai ulah telatah ti enda menuku, enda pia? Ari tu kitai ulih ngelih 'kah peda tengkila' or overtake the vice of 'mere perception principle'. Ess tak bebelit betumbit nadai bepunggang utai tu tang we have to inquire a little deeper than the surface. OOhhh nama nya enggai enda enggau urang beches wes yes no deh aki gerubi munyi apai sali nusutka tansi dikumbai tali ; tak munyi apai saloi penat idung semun ngelaban hari!! Jaku pandak, enda pedih enda bulih endang sebaka enggau no pain no gain deh! Pemedis kitai ngembuan ulah nyelai tu endang mayuh deh.
Tajapan ngenyampau nya nembiak enggai meda, ngenyampau nya ga nembiak enggau begulai sepemakai saum pinggai laban ti udah nemu udah ngelala you ..you..me..me..the same we..we...nadai ngembuan diskeriminasi diau ngembuan perinsip dunya idup democracy..jaku ti selalu dikalihka aku ngumbai nya democrazy and to all democrazes enggau democrazees whatever the faith and passion may be...bagi kami, kami sigi ngembuan ati enda bebelah bagi. Aki Gerubi mega meri besai terima kasih laban sudi nuju kita indu lelaki cikgu cikgi! Tu tanya aku, limpang enda lama, sebedau aku melunggang ngagai setak sepiak nampung pejalai udah nasit ... udah selatan aku ti pemadu pemanjai ditungkun berasap baka papung lukai ngungut sekayu jalai. Nama kebuah tak jampat amat nyimpulka penemu ti nyelai laban meda anak mensia begari ngembuan kepan bebaju pandak betetak berang; ngembuan jean sempit ngepit bekechibak chabik belubang sedengung sedandang nadai chukup belachu enggau benang ubung penanchang; bebaju gibau ngelampat patung enda disangka sida endu telanjai nadai bechawat nyenting punggung ? Tikal panchar ngembuan ulah ti enda manah? Dikumbai samseng? Defiant? Peer pressured? Bad example? hmmm engka amat engka enda. Mimit utai bisi nyadi, penyalah bisi digaga..sangka sigi nampung burit belama deh laban ngembuan penyelai! Bisi sekali bala anak mensia......
Ngukir kereta baka batik Indonesia....
Petang tegayam puas begama ku bala sida iya madahka kami di Cendrawasih. Hesss nyau enda ingat entuka sapa ti sigi deka di ukir sida tu..hahah reminds me of a programme my kiddos like to watch..pimp my ride..haha. Engka nya MC65 or KE177 or whatever kini enda ingat ka lumor pinggai entuka. Kasih mega ninga entuka pengajar digaga bakanya tang ari perening pengajar aki gerubi sigi dijeling engka urang ngumbai aku ampit bakanya kini!! Kerita tudah Mr. Ong diukir nadai piga iga, nyau baka batik Indonesia ku bala ti ampit meda! Deka aku madahka Chia Pin Pin, anak menyadi Mr. Ong..enggai ga nyadi. I know what these guys did last night tak tinggal bakanya aja meh. Joe, agi ingat sapa sida iya? Bala kitai sekaban bisi meh nanya aku..sapa ngereja utai bakanya deh!!! Mr. Adi, it wasn't me!! Now, enti deka nemu tau tanya bala sida Abdul Razak, Abdul Gapur, Mac, Hasbi, enggau aduhhh..sapa nembiak ari Limbang tu neh..enda ingatka nama tajapan mua iya akai dai agi dalam pengingat!! hahhh Zulllll ya...siku ari sida tu tak menyadi pengajar di Tanjung Lobang dia empu..two happened to be ari Bintulu enda pia Cikgu Adi Badiozaman? Ingat kah Cikgu miak nok 'botak' the next day? They know!! and aki gerubi didn't have anything to do with it!!Anang salah sangka. Pengawa bakatu enda diriput ngagai polis lalu aku nemu nama kebuah ari Mr. Ong tiga taun udahnya. Berani mega aku madahka tudah iya sapa ti ngaga kerita iya bakanya laban ti udah begulai sama ngajar!! Tang nama aki gerubi bisi disebut disangka lebuh pengajar nguji ngiga penyamun ti ku sida. Nama kebuah kena sangka? Ulah nyelai serta penatau penuyu enggau penginggar diri! Udah nasit udah selatan siku siku enda pia?

Jai enggau Manah...

2006-08-06T07:57:00.000-05:00

Penatai pom enam baruh pan disambut serta diperami baka sida pom empat mega. Sekali tu ngelakka sida pom enam atas aja tajapan bisi ampit di bai bala sida Mathew, Vincent, Juan, Jeff, Ngerong, Nawan enggau Maharif!!! Semadi rindu belalai diselepak bandir ehh. Adat serta pengawa ragging bakatu ukai utai ti baru ba Tanjung Lobang; ukai pulaika penguntung tang pulaika pengeransi enggau pemedis lalu laban nembiak ti agi muda baru lanjau baru ngangkatka diri dara, tak enda berasai ngembuan ati deka bebalas dendam..Nah dendam punya dendam..nama pengujung deh..ukai nya ulih tikalka kitai..enti baka Monika the groundsman nepan basikal nyamai meh nyuruh ia nikal pulai ngagai pun jalai. Ngujungka bala sekeda tu kena 'tangkap' bala pengajar lalu di ukum.
Pengawa bakatu nyeliah magi mensia ngagai dua bengkah, chelum enggau putih; jai enggau manah aja. Enda sebaka meh perening iching leka mata kitai mensia laban ti enda sama; iya ti juling tak ngeliling perening; iya ti buta enchelak enda meda. Aki Gerubi endang dipeda nyelai laban penyai ngembuan ulah enda manah, manchal serta berani bedilah enda ditanchang bejaku nadai betagang. Sigi kinggar par par munyi nitar pambar mangka tau ningkar; pur pur munyi guntur belaya betempur. Enti urang bukai tebilang pandai dipuji manah ulah tau nyadi mensia anak petara megai dunya; aki gerubi tak pandai bepisin ngelalin di puji jai worth mentioned. Mayuh mega bala kami serambau ti takar di tanggar laban ulah enti enda manah..ku urang tang mayuh mega urang tak bedau ngelala anak mensia udah nemu, udah ngembuan anak runding ti mutus ngumbai. Bisi kami nyekat ngelampat? Nope..I surely think not! Laban kitai mensia, indu enggau lelaki tu diberi untak bepikir mikir naka peneka kitai empu. Nadai adat saum sempekat nyekat ti udah ditemu aku enda nyuruh ngetan enda ngasuh kitai ngempuruka pikir. Tu meh dikumbai aku court of public opinion...kut pechara jeling leka mata bala segerempung bansa! Laban kami ti ngembuan ulah nyelai..let it be for the time being...nyadi lalau nyadi tenggau; penti pemali anang niti andau bekau kami jaku nuju bala kita ti dudi. Reality check..enti enda kami enti nadai begitu begini..there surely be somebody else..somebody...enda pia? Nadai ngawa ngambika nyadi tangkai tandan buah tebasau rumbau; nyadi tawing kaling pangan teladan lebuh ngigau!
Ari tu mega bepun meh utai ti enda manah betampung bundung baka baris sengkilung tali enda putus putus datai ka penudi. Pengawa begulai enggau pangan diri sesama sekula pan nyau nyelai laban urang ti 'manah' nyau nyeliahka diri ari nembiak ti 'jai'. Ba mata aku, kitai tu semua sama..laban tiap tiap iku ti ngembuan pemanah ulah bisi penyalah enggau penyai lalu pia mega tiap tiap iku kitai ti jai endang bisi ngembuan pemanah. Semina jam enggau maya ulih nentuka utai bakatu laban pagila lusa kitai enda ulih meda. Enti kitai ulih meda, dunya kitai udah nyamai ari kelia..enda pia?
Pendiau pan nyau mega lain asai laban bala pengajar nyau bepilih kasih magi bala. Ti manah nya nyau di sagu baka ti nyaguka pemenang mangkuk pirak dunya. Ti jai nya nyau di tatuk di ukir di chap parasite, vagabond, waste, sik guna, chelaka, penyamun, bangsat, mat bodoh, lanun, evildoers, and all devil forsaking names tattoed to their foreheads. Ka ngukir ba burit semadi bala anak mensia ti betanchut bechawat chap krokodil deh..enti enda ..hmm I wouldn't be tekenyit at all. In many ways, utai bakatu meh alai kitai ngelala pengajar..who's who among pengajar....but who were we, the students, to judge! Bah sebedau aku tama masuk pangking nyengkubang ngerituk ambai lalai darling kita, aku enggai enda madah ka kita ti ampit dikumbai pengajar..ukai semua bakatu bakanya..tang bisi, sigi bisi..tu semina iching perening ari anak tungging melungging suis keremping aja. Ukai nama ngenang tang ngambika kitai sama tau nemu ari ati anak nembiak ti suah dipangka nasit baka tu. Jai enggau manah, kitai mensia tu ngembuan perasaan ku melayu.... Anang agi kitai mensia; indah ga tekuyung nemu malu; indah singa nemu ganas garang; indah kera ga nemu betanda ketawa! Mayuh kebuah meh nya!! Enti nadai kebuah kitai bepengidup nadai bereti enggau tuju serta nadai penunga deh!!Nya meh kitai belalauka pangan diri:- enti tikal panchar kitai nadai,bepengidup kitai puang; enti pengidup kitai nadai ,tikal panchar kitai buta! Simply, reflection without life is emptiness; life without reflection is blindness!!Anang enda ngenang tu enti bisi ati deka macha utai dikarang betampung ke baruh. Mayuh mega pengajar kami di Tanjung Lobang maya tu tak bebuaika mata 'jai' segantang ngambika 'puang' raga di sandik dema lalu disi enggau ti 'manah'. Sigi gaya iya meh nya 'ngambi isi ngair igi' tang meh udah agih kitai mensia, ain't that right Cikgu Jamit Ajok! Enda pia iya Cik Siti Khatijah..yes you whom I will blog late later ba Pintu Dunya Aki Gerubi raja ponteng tiap hari tu ahh hahahaha..never mind me..take good care of the others whomever maybe!!Mr. Ang tu enda ibuh dikenang agi..no student was good enough for him!!Lau Ung Ngie..hmmm a joke from New Zealand!! All he cared about was the number of ukoi ulih tangkap iya ..so proud of that figures nyuruh ia ngantung berita nangkap ukoi ba papan tanda sekula besari sari..and how many students he could punished just to show his superiority I guess being a new teacher with less authority ...I am assuming lah so sue me. Enti iya tu as landik nangkap ukoi as maya ngajar mathematic aduhh mathematic would be as easy as 1, two, 3...Umbas nya..galau ka maya bukai ehh..Bisi mega bala pengajar ti manah..this year..bala sida Cikgu Awalludin, Cikgu Beduie Uni, Cikgu Naimuddin, Mr. Ong, Mr. Koh, Mr. Poh, Miss Helen enggau Mr. Laing enggau Daud kubu..Pengajar ti amai amai tau dikumbai pengajar nemu ngaluska pengasar sepur batu pasir...lalu anak sekula pan nemu mega betarit asur meri tabi basa..laban nemu whenever there are manah one..there must be some jai one lah. Cikgu Adi should know this having MA lalu bisi saptiket of education enda pia? Anang tak lalu engkechit meh assume gold will be golden forever. Enti ngembuan penyakit tu tau ngujung ka kitai ass-u- me deh. You oldies were really something else! Most were overly ambitious as their students, but we were all guided by principle of reasons..as man has been since the dawn of history...since Socrates argued his case before the ancient Athenians! Meri besai terima kasih nuju kita bala pengajar ti bisi ampit 'ngajar' aku dalam kelas, bisi ampit ngukum aku, bisi nasit betuah nangkap aku, betundi enggau aku laban enti nadai kita..peninggi serta penegap peransang ngemansang kediri empu engka kurang although bisi sekeda kita nya tak nyelai mimit, tak enggai ditanya maya bepansa; enggai alai bepinta enti bisi sempit tulang rusuk sendat seput ensuruk. Nama kebuah? Allow me to find out a lil' more. Hahhah Thingy ain't right without investigation ya. Enggai dikumbai betempaka cherita deka ngarang iya..simpan dulu dalam sengkuna aki naga betanduk. Ngajihka bala ti udah dichelak enggau nama 'jai' tu ila bepeluang nyadi pengajar lalu ulih ngajar diri ngaluska utai bakatu. Iya ti 'manah' arapka kita nemu angkat enti udah teterap tetugam mua bangkam. Why oh why tang utai tu ngajar diri empu udah datai maya kitai besai tuai. Betaun taun ngetanka nama enti deka manah; engkijap sekejap mata enti deka jai. Neither will it cease nor will it go away for the next remaining years of my stay..tak beleman amai ga utai bakanya neh! The anticipated change few students had talked about nyau datai!!

Nganchau Tikai Ngambat Penatai 1..

2006-08-04T06:28:00.000-05:00

Enti taun 1980 tu kemari kami meda, ngasai serta nyepi penyamai betanda baka nyamuk nadai betawak gendang puang, taun lapan puluh satu tu meh alai nabi serta nyelamatka penatai urang ti baru. Ngambat sida enggau basa; merkat sida enggau adat ti udah lama tebilang nama. Bala kami pom lima, indu lelaki, sigi lama udah berandau baum deka ngerami penatai anak mensia; deka nanjah nata sida enggau penchelap ai batu telaga. Sekeda ari kami bisi ngembuan ati deka bebalas; sekeda nya sigi rindu deka meda laban ti udah ninga cherita. Tu meh penyalah utai bakatu laban enda nemu badu; baka api ti udah nyerarai..enda ulih dipadamka kitai. Sida pom enam enda ibuh dikenang deh laban sigi udah nyepi pengawa ngasai serta bebalas bakatu. Sekeda ari sida mesan enda nyuruh kelalu; sekeda bisi mega mesan nyuruh bejimat laban bala pengajar enggau tuansipol engka deka terit agi taun tu enggau taun ti deka datai. Bala kami ari Cendrawasih, enda semua, tak ngembuan perinsip titi lalau jalai pendiau 'who cares' tauka ' peduli apa' tauka 'nadai irau' hahhaa penyelai 'biar mati kentut anang mati luput' ti ku bala sekeda meh tu...Enggi diri empu, ari aki gerubi, laban ti manchal serta tatau mimit..hmmm penakut sigi nadai enggau bekelala deh. Tu meh penyalah kitai tatau, machal, serta enda takut...nyadi lambang digitang alai mensia ngujika pengelandik nimbak tagat; nyadi kambin chelum belama...lepau nganti hari disemelih tuai! Ceaselessly the subject of finger-pointing; guilty or innocent tu semina in court of public opinion without jury laban tunjuk bendar nunjuk nadai tagang; mulut patuk bendar mantuk nadai sakang! Bakatu meh sada kami nyapa; rauh munyi nyawa.
Enda tentu jauh dulu kelia, bala kami ti udah ngenataika diri ba titah seniors tu endang sigi nganti bala menyadi bala seniors ti bendar ngeluji nundi bala ti agi muda bungas bedau puni bedau ransi deh. Pengagit bala mensia ti ngemataka penatai nembiak dipilih upis pelajar masuk pom empat taun 1981 tu endang enda dikira..sigi di ujung mulut nyadi gerunung buah mulut bebulan enggai. 'Anang kelalu' meh munyi pesan urang ke kitai, but what to do laban bau belachan tunu tu endang enda ulih seliahka idung kitai mensia! Udah penuh bansal Kenari baru bala mensia baum begempuru deka nurun berengkah bebalas. Aum lumur satu: Enda tau bebala mayuh..anang enda bebagi..begempung bagi empat lima iku. Kedua: "Berani nebang berani ngesan"..barang sapa ti kena tangkap pengajar nya meh nerima ukum; enda tau bepadahka nyebut bala bukai! Hahaha some folks echoed...asal bahgia derita tanggung sendiri. Ketiga: Nganti matahari pambar- udah petang tegayam nyamai deh berengkah! Tuansipol enggau teachers dearest..expect the unexpected..anang underestimate kerubung karung nembiak kita as they used to say..silent dog bites well or still water runs so deep! Malam ti terubah iya hmmmm puas ketawa meda 'Superman' nyuruh nembiak betanda baka buntak..mosquito dance revised! Penyalah akih Superman tu laban iya ti naka peninggi..dikelala nembiak baru deh. There went Patrick square enggau bala..aduhhh enda dikira Patrick Batong enggau Patrick Sandin deh dikepit Sanggup nyadi pormin! Cikgu, here's the kicker..Joe, tau ka enda ditusi tu? Bisi ga gerempung ti umbas iya pemayuh tubuh malam tu...nadai tuai but everyone's our tuai! Ali, Dick, Apin, Ishak, Paul, Nooruddin Liew, Zaidell, Enchaluk, Vincent, Kenneth, enggau dua tiga iku agi to mention a few..nemuai ngusung Kenari. "Hey boy, do you play football? ku tanya Nooruddin. "Yes," ku saut nembiak. " Yes what," dinga kami ari belakang...tak sunyi bala.."Anytime you are ask, you must answer 'yes sir mister senior' or if a lady ask..'yes mem miss senior',".hahah aki gerubi besampi! Meratika nembiak mantaika pengelandik bemain bol bepatis ka betis pangan diri! Bendar mega meratika nembiak mantaika pengelandik nyemerai ba atas semin rangkai..bebintis patung , etc..hmmm balat creative bala sekali tu. Jumping jack telanjai?? Enda kala ninga tang udah meda!
The truth be told...kaban kami bala indu ari sepiak pan enda kurang pengagit!! hahahaha If anyone of you macha tu, you know exactly what I meant. Penyelai aki Gerubi tu..enda nyuruh bala ngachau nembiak ti datai ari sekula St. Luke's Sec. baka sida Johnny Percy, Caroline Tawi enggau Diana Ramping- a distant cousin.!! And yes..I was damn adamant about it too! Pia mega ngambi Set Banda enggau Murphy Solomon ari Simanggang enggaika dikachau urang. Bisi mega kena kachau tang enda balat iga. Bisi ga nemu bebagi pengasih ka anak mensia. Penyalah pagi siti tu, kami di riput ngagai tuansipol...we deserved it. Nganti pemutus chara tu ti enda nyamai mimit laban pengajar enda nemu sapa sapa bala ti ngereja penyalah! Daaaaaa pick you one and you got a guilty culprit! Enda nemu pia? Ukai nya tak baka milih antah beras deh? Engka nya kelalu tusah kini begigaka nembiak ti ngereja penyalah bakatu! Ari penyampau pemayuh bala ti gagit ati mansang isi segumpal maya 'ragging week' tu semina selunsin or so dikangauka pengajar betemu enggau tuan Adi. Nama aku sigi enda ditinggalka laban udah ditemu bulu serta tisik ti ngengkang! Nadai ngawa..asal bahagia heheh derita tanggung sendiri deh laban uji semaya sempekat bala enda tau bepadah ngeluar mansutka nama bala bukai ti enda dikangau. Di ukum seminggu minggu nya nadai meh salah laban endang sigi amai bisi ampit ngereja penyalah. Tu penyalah ulah bala deh..mangking diukum mangkin deka agi! Nyadi pengachau setia nadai nemu badu..maya makai, maya belajar siang enggau malam, maya bemain, di luar enggau di dalam kandang sekula! Kati enda deh, pia udah meh diukum ku bala sekeda..aram meh ngereja!Ba mata diri empu, endang amai kelalu mega bala pom lima..nyau alah sida pom enam atas 1981 maya ragging week tu...outnumbered 3:1 bala sida pom enam atas. Sida pom enam atas lain agi ga utai digiga..laban raging hormone ti agi engkurak engkasak begirau sida tu begigaka bala endu mau ngichaka bisi dipakau maya sunyi; ngichaka bisi di gerau maya bulan berandang pegari! Esss tak bejelangkit niti perabung bansal sida ti indu neh..bantaika jayau semambu buluh pengerindu..aahhh.
Amai salah ga pengawa bakatu; nya kitai udah ngasai pun enggau ujung iya...ditundi enggau nundi; dikachau enggau ngachau. Tu meh baka ati kudi ati ransi begirau deka bebalas laban ti udah nyepi diri di kemaruhka, dikemelika, dikeluji urang ti dulu agi. Kemaya adat bakatu tau berenti tauka nemu ngelala nama ti patut; nama ti enda patut..ni utai ti tau disimpulka kitai dikumbai kelalu. Nadai pengujung , teladan nadai adan laban enti aku nadai urang bukai ga ngereja iya; enti bala kami enda bala bukai ga deka! Indu baka lelaki; lelaki baka indu tang lelaki ti kena ukum belama! Nyau meletup tapak jari betebas serta bechangkulka sebarang utai di suruh pengajar! Ahh enti aku pengajar pan..hmmm who in the right mind deka nyuruh minggu orientasi tu organised and legal? Tu meh siti jalai aku nyeliah magi nembiak! How? asssss enda ulih dirintai laban kelalu mayuh serta belingkuk liuk baka kidu belalang ular kendawang. Bah nama kebuah bala ti ngachau taun siti tu tadi enda di ukum baka bala kami deh? Just a slap on the wrist aja pia? Nama kebuah stindit tak nyau bebengkah bagi bakatu? Nembiak pan kami ulih meh ngelala penyelai utai ti bakatu..nyuruh nembiak ransi agi! Nevertheless..everthemore for that matter..tiap tiap iku kitai mensia ngembuan nyimpan kebuah siku siku, but make no mistake, penyelai tu begembar tau ngenataika penusah enggau penyenang. Tu jangka aku, udah chundungka emperan penusah..we shall see! Ahh nyau deka datai bala pom enam baruh ahhh..aram nganchau tikai perdani essss anchauka tikai perampan anyam indai lelipai tau meh..kena ngambat sida. To some, hahahaha tu meh maya iya deh!!!

Udah Pemisi Betemu Baru..

2006-07-31T07:26:00.000-05:00

Bendar meh tu udah merening ke tisi malik ke belakang ngenang menua injau ti dikumbai Tanjung Lobang. Pengujung pom empat di tangkanka pemisi panjai alai bala mensia nyenguk menua ngelantangka ati serta nyendiaka diri taun siti. Betemu baru mega aku enggau sulu aku Sri Aman nama Simanggang. Nadai nama nama deh; Simanggang endang mengkang meruan Simanggang tajapan indu dara nyau mangkin mayuh peda aku hahha.. Ehhh ngiga pan kitai nadai meh urang ka betawing enggau kitai ti seruran manchal serta tatau beribu pengelungau tu! Nyenguk menua Undop; pulai ke Simanggang; mansang ke Kuching lalu pulai baru ga ke Simanggang. Nya meh pengawa masau belanja tudah indai ti nyau bepeluhka tuli turun nerusur nyadi ai. Nyau 'bebulu' ku sida ti tuai..enda meh nagang diri! Udah nyambut serta ngerami Hari Krismas nyau ga ngitung minit deka mulaika diri ngagai menua injau, Tanjung Lobang, Miri. "Ah akai daii..senior meh tu deh," ku kenang dalam ati. "Anang manchal, anang tuyu, anang lungau, anang tatau mayuh penumbuh..anang tu anang nya," ku pesan urang tuai. "Udah temu pemutus peresa pom lima tu ila baru kitai bekira berunding baru," ku tudah indai ngenang pesan peminta urang ti deka mai belajar di menua the great white north. Mimpi belajar di menua tasik tu ukai utai ti ada lemai kemari ba kami sebilik enggau sekaban laban mayuh ti udah lenyau lepau baka engkechung engkarung adung lepas isin nyadi manuk sabung. Nitihka jaku pelin A urang tuai meh tu dulu. Pagila lusa, enti kur semengat tak tejanggul ngechul baka kechul buah bol ngalih ngira diri ngena pelin B.
Pun taun nyau ga ngebuka diri nepan bilun ari Kuching terebai nuju penyangkai kapal terebai Boeing MAS di Miri. Nama dehhh sigi di anti, di ambat enggau gerebang selamat datang!! Nyelai agi sekali tu laban sekali tu kedua kali ngensuruk pulai masuk kandang mensia. Nyau ga meda kepai Nyonya ngelambai nyambut penatai anak mensia. Nyonya my lady sigi boleh tahan deh enti pasal 'public relation' dalam pengawa dagang! Sigi tau di ambi nyadi chuntu lambang pemansang, tang sapa agi di dunya mit kelikit mesai kelikai would see the world my way? Her inquisitiveness enggau 'fairly charming to all attitude' have told me Nyonya tu would be around for a long time besilihka dime and nickel nyadi dollar...sen and sen nyadi ringgit for that matter. Bakani meh malas budi old lady Nyonya tu ? You were a lifesaver to many anak mensia including GerubiTuai! Ngajihka petara merekat nuan meh Nyonya.
Tama pagar empat besegi sekali tu tak nyelai asai laban nemu sida bala kaban pom enam atas endang enda mulaika diri; bansal injau Kenari deka di isi enggau mua baru, nama baru, ulah baru, enggau utai baru ti bukai mega lalu pia mega bansal Rajawali; pengajar pan enda tinggal..lepau siku dua tama. Tajapan bakanya, Pak Cik Jet digelar kami "Mokthar" mengkang ngembuan pengagit bemain bol isi parit; Jambai enggau Rosli pan meruan nyadi tukang masak yang dihormati ahhh..siku agi enda ingat nama iya...enggau Indai Atat enggau Jimmy ti suah alai kami bepintaka ai tuak..hmmm tuak bala Iban ari Tinjar ku jaku..sida tu enda mindah. Sigi bendar mega bala kami, tajapan agi muda, agi JKR( Jenaka Kurang Runding) ngenang perubah sekula laban tuansipol pan masuk taun dua ..berubah enggau enda ..bedau di asai tang bala kami ulih nyium rengut resih guring ti nyau deka meruap mansau ngumbai ngepai mai makai! Yes, Adi Badiozaman Tuah..that's who I am talking about but lagi meh nganti dulu laban malam agi muda alai kitai berandau..afterall Kung Pusu mesan kitai anang beguai deh..patience is virtue enda pia Cikgu? Change was inevitable...Paleolithic to Neolithic??? dialectic!!??! Utopian state of change?! Entah lalu bedau di peda..we were waiting nyau kasak kasak! Udah dikelala 'ambitious miniature political/governmental structure ala what..bedau temu tang kami nemu somebody had a bigger fishie to fry! Shooo shooo shooo..Ang get away..go ..get..gone..do your stuff ..munyi lagu ari "Another Brick On the Wall" ..leave those kids alone. Mr. Lau Ung Ngie..square-jawed hmmm don't really know what to make out of this guy..fresh Masters graduate ba Mathematics datai ari New Zealand!! Iya tu meh nyadi ketuai nembiak ngasu 'pasun' di Tanjung Lobang., enda pia unggal Lambat Lindong? Ti dikerinduka aku ..Daud Kubu, Mr. Poh enggau Mr. William Laing..good teachers ba penemu aku..of course lah Mr. Awalludin enggau Cikgu Naimuddin. Ahh agi naka pemanjai jam alai bekenangka kita..the good, the not-so good, the bad and the worst, the beautiful enggau the ugly ..rojak Tanjung Lobang masam manis lacking sugar eh.
Kami ti udah begulai diau ba bansal Kenari nyau pambar bebagi dua. Setengah nama bala ti digitang ba papan penerang sekula diau ba Kiwi lalu ke laluh utai nya diau begulai enggau bala pom enam atas 1981 ba Cendrawasih burung di awan heheheh...as Apin 'si Setan Pendek' used to say....di hujung sana..too poetically influenced kaban siku tu hehehe..Sepiak tunga ke padang entap madang lalang bala kami sebala pom lima lalu sepiak nya bala sida pom enam atas. Nguji ngingatka pendiau bilik bala; pom enam atas..Vincent Rading, John Herbert enggau Nawan 'Orang Utan' Luhat , George Labo, Jeffery Ngelambai, Ali Ragai nepan ba sayap kanan Cendrawasih..sayap kiba hmmm di tepan bala pom lima..Apin Pauzan, Ali Omar Hamid, Neilson Ilan Mersat, Bobby Dickson Forster, Phillip Singkek, William Jawa, Ishak Musa, Paul Gusi, Joseph Bunyau, James Mawan Bala, Chia Pin Pin, Ling?? I think lah..Zakaria Haji Hussaini, Mart Amat. Hah..nyuruh Lau Ung Ngie bepusin kening bekalih pending laban bala ti diau di sayap kiba penginsap magang except four or maybe five..di beri nama sayap 'keretapi tanah melayu' laban asap ti pansut ari perabung pagi hari! Sepiak pan bakanya mega..majority bala penginsap..entah nama kebuah tak di segulaika bakanya kini!!! Penginsap taun 1981 tu nyau everywhere!!! Apoooo nyau pansut ari kerubung magang magang..akai dai bendar bala sekeda ngetan ngetat ngelalaika diri pom empat! Tu meh penyalah lumor satu ti ngelanggar adat sekula taun 1981. Tu meh pun penatai kali kedua..renggat kedua new chapter was in the making nyau deka betanda bejugit begujit bedansing...rock on kaban!! Bala kami ti indu baka sida Jacqueline Ajang, Norina Umoi, Doria Lusoi, Cinderella Phillip, Mary Kayong, Lipang Bulan, Julia Solomon, Sandra Ringgit, Diana Rose, enggau sida ti bukai mega pan nadai mindah tang ngaku diri magang nampung ba Tanjung Lobang. Udah pemisi betemu baru meh kitai cikgi cikgu.

Some Kenari 1980

2006-07-29T05:58:00.000-05:00

Tu meh kengka gaya gamal bala kami ti sempat serta ampit ngelaburka kemera maya tu. Bala sekeda ti bukai ti enda sempat begambar..hmmm uji tilik agu pemira, belakang bansal Kenari, puchuk nyiur dibelakang rumah lutor Georgie Chan, madang lalang dibelakang, tebing tasik, enggau tingkah tebiang Tanjung Lobang..dia meh sekeda bala kini! Ahhh Nyin kaban ti dikumbai 'Superman' pemadu peninggi di belakang sekali! Uji giga gamal Affendi Rosli, George Jago, Isik Utau, Alex Liu, Archilles Lautin, Gepat Gedip, Stephen 'Kurus' Kho, Joel Mundat, Apin Pauzan, Arthur Mujanil, Lau, Mathew 'Apek' Chan, Sanggup Adin, Kenneth Numan, Bobby Dickson Forster, James Mawan Bala, Mustapha, Sutomo Ahmad, Nyanggau Jugah, Paul Gusi, Ishak Musa, Patrick Sandin, Lucas Jengka, Mart Amat, King Kawi, enggau bala bukai mega! Ni China Ghee Hin? Ehhh Enchaluk enggau Noorudin Liew pan nadai..kada enda agi ningku chandu semakau siam bala ehehe. ..Andrew Blassan, Inyau Bada, Joseph Bunyau..hmmmm anang guai kaban..Phillip Singkek enggau Neilson Ilan pan nadai??? Engka belelak udah bechangkulka flower bed kini! Patrick Batong?? engka agi tinduk bemimpi betemu enggau Tina kini...Ali Omar?? kada enda nyau nyemerai nuju menua Berunai ngangkut insap nyeludup datai lemai lagi kini..Huuuhh Dennis Jackson pan nadai..Stem engka enggai enggau..laban bisi Alex ngarika seduai menyadi. Zakaria Markuzi enggau Kedong Luhat pan enda ayan. William Jawa jangka aku merening ari tisi jenila... John Temaga?? agi kimpin deka nyadi minister kini! Azeni Sahat??? hmm kimpin nyadi menace-ster!!Bakatu meh pendiau sekeda ari bala kami ti enda lama agi hmmmm kira empat ratus hari berapa jam agi..ulih itung..deka bibat enggau peresa menua ti dikumbai MCE deh..ahhh agi panjai taun bebulan madu tu bah! Aram nurun ke baruh kin...ngichaka bulih utai ti nadai! bejalai sebelah tebing tasik pasir bepantai eeeeeecha enggaika dikepit indu gerama!

Aram meh kitai sama ketuchum ketawa ngeli rangkai meda gamal rangkang kerigai. Too many names I don't remember lah kaban kaban semua. Ahhh where are you Mr. Forward??? King, tolonglah kaban! Nulung aku ngingatka bala ahhh. Neil, sapa agi bala bukai? HMMmmmmmm..

Lumba enggau main--->merati ari tisi..

2006-07-27T05:42:00.000-05:00

Lumba enggau main tu endang siti pemayuh pengawa anak mensia ti ukai semina diagihka tau nyuruh ngasuh kitai beberita dikenang sekayu rumah; bepengerai cheregah manah darah tang tau mega nyadi kayu batang penyukat pengelandik mensia nitih begaya nyadi tuai megai mensia. Ari penemu serta enggau perati diri ti betembung belaban enggau penemu pengajar kami di Tanjung Lobang kelia ti diberi apai indai iya nama Ang ; dikumbai serta dikangauka bala kami 'Ang the Golden Teeth' ti berani mutus ati nyebut ngumbai anak sekula .." The rast to reave the footbarr field berongs to the fairure gloup" tu nadai pengamai! Entah meh nama kebuah pengajar siku tu tak suah berunding simbing nadai bebanding. Engka iya meda diri tak ngembuan kaki bangku bejari singkung siku kerubung untak ngemalu! Patut mangkin sari mangkin chipit mata dik baka ti balut indu kemusu pantak menaning; mangkin sari mangkin tilur L enggau R di sebut betunggang tungging. Ka ngumbai iya Manang Ang ngembuan batu ilau enggau nenggau ngabas penyakit; ngembuan batu karas enggau ngabas semengat kerengit ukai mega iya. Ka ngumbai iya Tuan Pikung petara Ah Chung ukai ga iya. How could you tak nemu nela nemu meda baka nujum pak belalang? Now you wonder why they hated you so true true laban you had no clue; only ngumbai diri bedilah tau sumpah baka antu! Where are you? What say you? Can't help but ngenang Mr Ang and yes my man sir...you!!
Dalam taun 1980 tu meh bala kami ti dikemudi bekayuh beratika pengelandik, penegap, enggau pemanah kah bala anak mensia ti ngarika sekula dalam pengawa lumba enggau main. Endang bendar sida ti entudi tu ila niri negi ngetanka nama sekula ba semua tanding, ku kami mega tang engka nasit manah bejumbuh tuah. Diri empu laban ti rindu bemain nadai kala tinggal bas Uztaz ti bala seraban sekula bisi bemain di luar di Dato Permaisuri, Lutong enggau MDC. Ba main bol..apooooo apoooo nadai alai mantah penyikar enggau pengering bala nineteenth eighty tu kelia, betuaika Baru Tai berintai satu ka David Gombek melakangka gulikipa Gerald. Sigi dipuji bala sida Freddie Acho, Kenny, the late Morni Radu kaki ngebu ninggalka debu, William Ingan, Affendi, Othman Baijuri, enggau dua iku bala Iban ti agi dalam pengingat , Michael enggau Bajang Kasa. Sigi di anti sida iya enti maya betempur belaban lumpur enggau bala Highlanders ti betuaika Lukas Kallang benteng penyerang! Sekula bukai sigi di pakai baka ti makai asi sepinggai; di pajuh baka ti majuh isi pansuh; di empa baka ti ngempa buah mata; ditelan baka ti ensing kaka nelan enseluai ikan enseriban. Pengujung taun nyau ga bala sida tu di ganti bala sida pom enam baruh begulai enggau bala pom empat siku dua ti betuaika Mathew Dandi. They were equally good too laban bisi pemain baka John Herbert, Morni Tambah, Yahya Suut, Anthony Edward Megat, Agong Tai, Emang Oyo Emang..pama jamah mister kanan Emang Oyo tu......The tradition continued! Ari tu meh kitai meda peneguh gerempung bala anak sekula nyeliahka penyelai begulai sama ati ngembuan siti tuju juluk ati nyaguka nama sekula enggau Tuansipol Adi. Ba main Takraw pan bakanya mega. Ba lumba darat endang bisi di anjung laban sigi pama. Enti beruntu nya bala kami ti baru pom empat endang bisi pengari..Kenneth Numan, pemegai rikud 100 mita ari Balai Ringin. Entah meh kati ku tudah tuai tau dititah "Latung" ehhh. Belumba bepupuh pan bisi bala sida Anchum Melina enggau Samuel Meliu..aduhhhh amai tang seput dua iku tu bepupuh ehhh. Merejuk panjai jauh enggau merejuk engkechit kijang pan bisi Anthony Edward Megat ti dititah kami "Enchaluk" sampaika diatu; ti ngerampas rikud sekula ari Freddie Acho. Pengelandik bala ti dudi pan enda mega kurang, nambah enti deka manding laban ngembuan juluk ati ti tinggi serta enggai alah! Dini enda tau manjung tudah bala Pengajar enggau Adi Badiozaman Tuah deh laban ti untung bulih beliung enda ngambuh; untung bulih ilang enda nyepuh! Kati enda bakanya..nembiak sekula ti ngereja mansutka peluh nandangka pengelandik, kita ti empu nama..lembu empu tusu chai empu nama! Did anyone of you ever say Thank You kelimpah ari Mr. Balang Buayeh?!!? Anang enda ingat , bala sida tu pan ngembuan pengelandik dalam pelajar mega. Dudi hari meh kitai sama nemu serta meratika penyangkai enggau penyinggah bala sida anak kenyalang tu.
Diri empu, agi rindu ngemataka urang ari isi laban bedau maya ngeruh ai enggau urang. Belajar? Huh..agi bebulan madu meh aki Gerubi ehh laban udah nemu diri deka di ambi urang nemuai nuju menua ribai. Tajapan bakanya, tudah indai bangat irau ati laban nemu penatau enggau pengagit aku ba pengawa bukai. Bemain bemain bemain nyau ngujungka iya bisi deka nukar tempat alai belajar ngagai St. Thomas, Kuching tang enda nyadi. Bisi mega nyadi peransang bala ti dudi meda bala ti dulu bisi dipilih, dianjung urang nampung pelajar ke menua tasik baka bala sida Ruis Jugah. Udah nya meratika penentu peresa bala sida pom lima; bakani kenu ku result sida iya ti landik serta gagit bemain enggai pulai ari padang. Nyau mega diri berunding deka masuk pom lima. Nyingkang belama meh tu nitihka urang tajapan agi rindu beratika pengawa ari tisi.

Merati ari tisi III...

2006-07-22T07:29:00.000-05:00

Kelimpah ari utai ti dipelalaika, naka pemayuh mega utai bukai ti nyuruh ati rindang ati lantang laban tak nadai pungkang pengawa enggau pengerami di gaga serta di atur bala sida ti dipaduka nyadi tuai ngatur pengawa merindang enggau ngemandakka taun. Ari begagaka utai bakatu meh kitai mensia belajar, ukai semina ngatur megai urang tang ngintu enggau nyendiaka diri nitihka urang. Begerempung begempuru bebala mayuh tu enda udah nyadi darah dagin ari maya berangkat dara bujang sampai ke kitai udah berumahtangga. Ari perati aku siku, utai bakatu endang besai guna dudi hari laban penguing, penunga, enggau pemantup kitai siku siku ga agi begantung gitang gitang bedau betating baka jala; laban bedau entap agi ensukap jengap jengap baka juak merangap nyawa. Nya meh baka iya laban agi dikumbai urang anak sekula bedau beberita.
Ahhh ku jaku kelulu bala bebai duduk laban rindu meda cherita drama 'Si Tenggang' deh nama. Pama ga tudah siku kitai bansa David Bujang deh nama iya ti di titah 'Si Tenggang' datai ka iya nadai senayau tinggal bekau ninggalka Tanjung Lobang. Tu meh nama cherita drama ti megai titah champion dalam peringkat bagi ke empat 1980 laban pengarah iya bebakat tinggi semengat deka angkat benama Adi Badiozaman Tuah, tok janggut 'raja puisi enggau sastera' ku kaban sitan pendek aku siku. Tudah aku ampit mimit enggau ngujika 'bakat' ba cherita drama ribai ti di atur Miss Helen. Ka pan enda engkakai be akai daii laban tak di pasang nyadi pengabang samseng sungai engkabang deh! Assssapai iya ga tudah aku, Ali Omar enggau Nooruddin Liew betabi serta bekelala enggau pentas neraka palan mensia begigaka utai ti nadai. Pama mega bala pengajar ti baru udah nerima ketupi sagu ati empat besegi ti sempat ampit inggap nepan rangkang baka pipit burung empejurit ngiga sarang. Nyau tebelenang bekalih igi mata meda gaya linggang lingguk punggung bentuk bejalai nganyuk...apooooo...ahh tulah di ukum petara tu ila dek apai! What to do ..umpan ga nadai bebau; semina ngenyangka mata pama meh you!
Nyau kasak kasak bala mensia laban ti deka nyambut penatai rami Gawai. Orang Ulu Association begulai enggau bala nembiak Iban endang bendar ngatur pengerami Gawai deh di Tanjung Lobang dikena merindang bala nembiak ti enda sempat mulaika diri ke menua meh nya. Dunya maya tu kelia, enti enda terebai nepan daun limba limbi ti dikumbai mensia MAS tak nadai jalai deka mulaika diri laban pemisi ukai panjai, ulih itung jam enggau minit beberapa kali bepejam pejit kesap mata nyau abis deh. Nabi pengelandik bala sida dara bujang seniors baka sida Tang Bukok, Nyuak Bajok, Toney Kulleh, to name a few, enggau sida ti bukai mega. Taun Baru China, Hari Raya pan bisi pengawa merindang ati sunyi di atur bala. Tudah aki Gerubi tak nadai mayuh macham deh..nitih ka bala 'ngabang' neresa menua dikumbai pujut corner hahaha di bai Laing enggau Mikah Jok. Tak nyau gilai gilai baka madang melai nganti rebah ke tanah magang bala ehh. Asssapai tak nyau bisi kipas angin bansal sekula kenari di peda telentang! Nyau ga dibai bala tukang masak nyepi ai tuak aduhhhh ehhhh. Enti agi mit kelia tak butul tusu chap dumex deh; diatu tak nyau nuntum butul kuring nadai berambing deh. Tu meh pun aki Gerubi enggau mayuh, naka pemayuh bala tak enda piga iga betakar sampai meliur bubur mutah lapar. Ahhh betabi bekala enggau reti jaku 'one go langgak' ai tanak. Tu meh nyadi penyakit bala nembiak sekula dalam taun taun ti deka datai.
Malam ti seruran mai pengerindu nya di kumbai bala 'Talentine Nite' deh! Apooo pama bala nembiak Tanjung Lobang tu kelia enti di sebut belagu merindang ati. Maya pengerami bukai pan endang sigi bisi meh bala sida iya niki pentas awas pemerindang ati tu.. Bala sida pom lima ala sha-na-na betuaika Christopher ehhh pama deh lalu ditangkanka country flavour bala sida Baru Tai enggau Freddie Acho. Pama endang sigi pama; bisi amai di anjung tajapan nadai pirin chelum keretum ngerikut bala. Talentine Nite di empu tudah Cobbold Lusoi enggau lagu 'Papa' di gaga iya empu deh suba. Boleh tahan deh Ubod siku tu belagu di iring bala pemain band ari kem PFF.
Penatai Pom Enam baruh tu meh bisi ngubah pendiau mimit. Ahh ku berita ari menua, ari petunggal aku siku, madahka menyadi laki iya deka datai benama Jeffrey Ngelambai. Mayuh mega bala enggau begulai ila ku jaku..endang amai ga sangka. Bekala enggau mensia ti benama Nawan Luhat, Ngerong Balan, Mathew Dandi, Gay Ganya, Samuel Meliu, Anchum Melina, Yahya Suut, John Herbert, enggau bala sida bukai mega. Nyamai begusung laban sida tu di baruh perabung bansal Rajawali dikemataka tuai minsiter Henry. Apooo tak di suruh bala pom enam atas bebalut mua enggau tajung tudah aku..akai daiii bendar ngetatka kesuh bau diri laban tajung ti dikasam lama enda nyelam kulam telaga menua! Aduhhh haiii bakatu sida tu 'ngereja' nembiak ti baru baru neh! Mr. Henry, I must confess diri empu -enda underoath- ti guilty tajapan nadai ditangkap urang/pengajar! Guilty by association nya kini kaban?!? Bala nembiak pom enam baruh(urang lama) baka Ngerong Balan, Jeff Ngelambai, Vincent Rading, George Labo, enggau Samuel Meliu nemu tang enda bebunyi!
Bakatu meh gaya karang kenang perati cherita diri ti tau di bantah enti salah nyadi www.pengingataku dot kom deh. Bakani deh utai ti dudi? Ila ngeruk ila ngeremuk; ila nyagam lagi ngantam iya deh laban pejalai tu naka pemanjai mayuh bingkuk belengkuk liuk baka jalai antu kamba ti tau nyuruh tesat enselit sendat nadai pemantup.

Ari youtube Groovytuai

2006-07-20T06:41:00.000-05:00

It's Five O' Clock Somewhere

Tu meh siku ari pemerindang Country and Western ti selalu di pendingka nebah lagu ari Newnan, Georgiee! Ahh baru siti tu meh di selitka ba youtube Groovytuai..hehehe.

Merati ari tisi II...

2006-07-19T06:59:00.000-05:00

Penumbuh anak mensia: Kitai mensia tu ada baka lambar keretas deh, putih serta puang ; ari nya meh kitai ngukir kar pejalai, ngukir runding pikir..nya meh endur kitai nulis serta ngukir tempa anak penemu ti bisi dipelajarka. Ari kitai meda, kitai deka ngasai, ari ti udah ngasai kitai deka ngerembai, ari ti udah ngerembaika iya tadi kitai nikal enda lama ngubah nangkir penyai pemanah iya berintai rintai enda abis baka rantai temaga ribai. Kami sebala, indu enggau lelaki, ti baru udah terengkah suah dijamah pan bakanya meh. Towkey dini tau di laban deh? Belajar belajar belajar...screw that ku bala ti nemu 'lelak' belajar..akai daiii..ehhhh "Ehh nama kebuah iya tu tak nyau manduk maggie mee maya bala mayuh dalam kelas," ku tanya bala sekeda ti agi pom empat. Nya meh telatah ulah tudah Laing ti diau ba Kiwi! Suah mega bala ministers ti diau ba Kenari, Roland Radu enggau Wilfred Rogers, pulai ka bansal Kenari maya kelas! Tang enggi Roland Umong..hmmm tu tiap tiap hari deh. Ahh engka nya tau kini ku bala kami ga laban ti enda kala meda bala anak sekula tak tumu keluar mulaika diri ngagai dormitory bakanya. "Hungry me..got to eat first lah bakih," ku Laing suah nyaut bala kami ti berani agi nanya. Nadai nganu ka pengajar! "Hide hide lah," ku tudah tuai. Huhhhh some said, "Peduli apa." Aduhhhh ehhhh. Engka amat mentah meh pengajar enti bakanya..untung tu ku jaku ga..Little did we know! Bakanya mega sida pom lima peda aku..Engka meh tuansipol Adi, laban ti baru datai, enda ibuh ka pengawa bakatu ku jaku ga. Bisi mega meda bala ti selalu di rara David Ford(Daud Kubu) disuruh iya pulaika kelas! Tu meh ulah telatah ti 'meransang' bala kami ti dudi suah mega betitih pulaika dormitory bepandukka maggie mee! Ukai nama meh deka mansutka utai bakatu ..pekara serta pengawa mit tang utai ti mit mit nya meh bejumbuh nyadi tanah tumbuh alai bala nyumbuh belagu ngajat betanda ngeruga dunya. Ponteng every now and then nadai nama nama deh ..bisi bala sekeda nyau ngaga diri pedis perut pedis pala enggai nurun sekula! Ngajar mensia kini deh utai bakatu? Salah sigi enda tang patut enggau enda kitai enda nemu meh. Undang undang bisi lunggar mimit kini.
Betembung di baruh bulan kembung pegari: Pemanah menua di panchar bulan endang nadai endur mantah. Enti bediri chegi chegi merening South China Sea malam bulan terang pegari , tak nyau berenayang tali gelumbang dipeda ari atas tingkah Tanjung Lobang. Bala kami ti agi nitihka urang tak ngeransingka mata ngemataka bala mensia, bujang enggau dara, bebulan madu mesra deh! 'Coupling' kenu ku jaku serebana mensia. Akai dai..din ditu bala mensia duduk begembar dua. "Suah ngayap ke boarding indu nuan Chep," tu meh munyi tanya kami. Endang baka selama mega..Chep Suring nyaut, " Enda kala aku." Bisi pan nyau meh ngaku diri nadai kini..enda nemu. Tang siti utai ti naka penerang ari tu; pengawa bakatu tak tau ulih dipajuka serta dipajakka laban sida ti bekaling betawing bepegai jari beluit kaki?!? baka ti nadai ditagang. Begempuru hari lima pan pengajar semina bejaku aja ngerara mata semina ngerara. Katika pengajar tau enda nemu, utai ti nyadi tak di baruh dagu ba mua mata? "Enda meda antu;enda ninga buyu" amai amai meh nya..."see no evil; hear no evil" tu meh ngujungka bala nyau majak betambah ngereja pengawa bakatu. Enti urang tau kami tau meh kenu ku jaku bala. Diri empu enda ibuh ka utai bakatu laban ti agi biak, bedau maya ku jaku ga. Afterall, I was third-world ugly, and still am for that matter.sapa ti ka ke kitai? Ngelimpangka diri enggau pengawa bukai ga neh! Apuuu enti salah haribulan enda ka tau 'nganu' pengawa bujang dara ti udah belajar malam lalu begaut baka akar nempikap bepaut. Bisi meh ati deka ngachau urang tang enggai ke di anu urang ga! 'Coupling' then became part of Tanjung Lobang mini-culture! Adi enggau pengajar bukai lapa meh bangat enda nemu madamka utai bakatu or did you care? Maybe or maybe not..engka sida nadai jam laban 'coupling' ka diri empu kini. Enti bakatu, anang meh nganu ngukum kami dudi hari ila.engka kami tau berani ati nunda pengawa.
Bedarat pulai tengah malam: Music Machines..disco fever..bisi bemain di pasar Miri pia kenu ku bala. "Adduhhhh ..mesti meda tu lagi; mansang ngena bas; pulai ngena rollerskate lah..bedarat," ku tudah unggal Aput. Podgee, Henry, Joe, Neil..you guys ngelala bah akih siku tu..Othman Baijuri's teammate bemain Takraw..diberi ensumbar 'kaki lipat'. Ahhh nyau ga begigaka bala ti ka enggau. Joe, agi ingat nuan? Aku tak enggai tinggal ehh laban tak nadai pengawa ujung minggu .."belajar belajar lah; enjoi enjoi mega"..Roland (ukai Roland Radu or Roland Rayang) sigi nyadi 'apai' enti pansut bakatu. Aput(Jocelyn Jimmy), Bohari Detei, one more Melanau student..enda ingat nama although di peda mua, Gerubituai, Enchaluk(Anthony Edward), Ishak Musa(bajau), kadang kadang Paul Gusi, Laing...akai daiii bendar bedarat ari pasar Miri mulaika diri niki pulai ka Tanjung Lobang. Bekechuit baka bala indu sempepat nerangka malam meh bala. Bisi ngena rollerskate bisi nya tak ngayunka kaki deh. Enda mukai mukai, laban pagar sekula tak bekerepau bekunchi baka batu tekup bedaup. Ahhh ngensuruk ari parit ku bala ga..tang meh tudah Roland laban ti besai tubuh tusah mimit ngensuruk..hehehe..udah datai ukai nemu nindukka diri deh..bebitau bebayau sebelah sekula laban tak sunyi nyau nadai urang deh..maioh macham ulah. Kadang kadang tak terus nuju 'assembly hall' laban rindu be-rollerskate--sekiting meh bala. Meda wayang bakatu tak ukai kami aja deh..nembiak pom lima pan bakanya mega, dua tiga iku indu udah nya lelaki semua..Mikah Jok enda kala tinggal. Di beri kami ensumbar 'Jagakai' laban ti selalu nyebut ..jaga akaiii!! Ari siti utai nyadi ga utai bukai..tu meh urang ti ngepun serta nunjukka bala kami muka 'coop' . Nuju Adi and the rest, so you know!!! Udah lama dikerja urang tu, bedau you and I datai! There went bags of maggie mee!! di serungkai ari jendila ti tisi tangga penyenguk tingkah Tanjung!! Hehehe tudah aku sigi ngemataka aja deh..ni nemu tak lapar dudi hari!!! Nembiak pom lima pan bisi meh. Henry, enti bisi mansa Mukah-Dalat area, tau tanya sida Saidin enggau Azman! Pulai nuju dormitory diri ahhh bala mensia udah bepandukka maggie mee akai dai..mandi nyau beteganjang! Maioh ulah neh.

Merati ari tisi 1....

2006-07-15T07:45:00.000-05:00

Taun 1980 meri peluang ngagai bala nembiak ti udah gerai dunggul tuai begelar bujang dara tuai ngerembai tuchang, bala nembiak ti baru nyipak ensumbar jang lanjau dara bungah ngejang ke tisi ngangkatka diri bujang dara siru engketupang meratika kuing perubah dunya ari perubah jaku sampaika chara ngias diri bekepan bepekaian, ari tabi basa pupu bansa sekayu dunya ngagai perubah tebah lagu kerunchung Indonesia enggau music machines jengkak tanda ranchak menua Merika. Pengetan, pengerat enggau pengalama mensia ulih megai ubah tukar ulah bakatu enda meh kitai nemu laban tiap tiap hari utai ti udah nyadi di menua bukai bedau ba kitai, utai ti deka nuntung datai pagila lusa pagi lemai empai besatup enggau kitai. Laban tiap tiap hari kitai betemu enggau utai ti baru ada enda kala di dinga nyelai asai di empa! Kami nembiak anak sekula ti nyendiaka diri ngelendatka kadang menua Tanjung Lobang ti di kumbai urang kelia 'creme de la cremes' pan enda tinggal nyurungka jari nabi penatai perubah dunya, ngangkatka kaki ngair numbit taun seventies ke tisi.
Enti bisi tuduh tau di seruri; enti belubang pesuk tau di pelali laban tu semina pengingat lekat ba pukat kerembai urat tuai jukat . Di ubah nadai salah di pejah enda mantah; di turih enda telih di pantih nadai milih. Tu munyi serbana pesan nuju pemacha ti bisi begulai udah suah ngasai pendiau pengidup bekunsi jalai Tanjung Lobang kedua kali nama Kolej Tun Datu Tuanku Haji Bujang. OOO haaa nya iya aki gerubi nyada besampi laban mimpi tengah malam tengahari. Iya ti manah tau di telan di simpan;iya ti jenaka munyi nama nyuruh kitai ketuchum ketawa tau diambi nyadi sema ulah mensia. Iya ti jai enda bebuti mai ransi tau di tikauka tisi bukit menua aki antu gambi. Sigi gaya udah nasit udah selatan .. cherita anak mensia endang suah seruran nyelai didinga nyelai dibacha.
Belajar enggau pelajar: Patut meh bala anak pupu bansa mensia tu begulai sekula bakatu laban dipilih sida Upis Pelajar menua Sarawak. Kelia, enti bisi nasit manah ba LCE(Lower Certificate of Education) tauka setipikit pelajar baruh! tau bulih tangga angka kira ti manah laban manah mimpi kadang kadang ukai ari pemanah ngintu nyendiaka diri beperesa tau ga enggau urang ngeruh ai masuk sekula Tanjung Lobang. Ngasai diri, laban ti enda tentu nyendiaka diri beperesa LCE..semina ngamin ka aja nyawil nyambil belajar bisi puang maya lapang entara bemain enggau bejegau..nasit manah bulih angka kira ukai di agihka petara..ulih ga enggau urang ngemenuhka lepung telaga tanjung. Sida kaling baru ti bukai, perati peda aku, apooo naka pemandai nulis, macha enggau ngira. Jaku pan munyi ti renjan baka munggu tinting lapan tang enda ..semina tajam baka tesap mata duku nesap madang maram. Pooh sigi tau di anjung di sabung bala sida tu nyadi tuai nyadi pemegai menua besai! Sigi tau nyadi lutur, nyadi injinia, nyadi luya, nyadi tuansipol megai sekulanyadi menteri adi pengari 'why bees'(YBs) sida tu pagila lusa dudi hari. Bala ti 'senior' dulu nyadi penunjuk ngerintih jalai, bala ti dudi nampung belakang enda kurang jampat betitih bulih pemandai. Tu meh siti utai ti pemadu nyengala ba aku siku!
Ulah telatah baka entelah be ulu lungga minta giga ditemu menua; bejaku naka penyiru ngelulu ngelala diri enggau bansa:Penyelai kitai siku ari siku tau dipeda serta dibandingka ari ulah telatah pendiau berubah deh! Nama kebuah? Enti di tusi nitihka udah dipeda ari merati ka ulah siku siku, endang enda ulih rintai sepemanjai ngeluas ngelui jalai borneo highway. Laban ti baru datai baru adai ku kitai, merati ka bala sida ti nyau udah tuai bepasangka kepan bebaju jean ti betampal tampal laban hmm engka meh nya bisi ditebuk bala anak chuit anak chit; beseluar jean bekechibak chabik charik nadai punggang ngayanka pala patung pah geteran tulang. Ku kitai pisin kemaia tang ku urang nadai begamal laban ti manchal. Ku pengajar, 'rebels in the making'. Bisi mega ti bepekaian naka ulih ngambika gap dipeda ngetanka first impression ! Ari ngepan pekaian bebagi ga anggap tangkap penemu kaban. Rugged enggau unrugged meh bala maya tu. Iya ti rugged tu suah di sanggitka ngereja utai ti belingkuk liuk tusah di pegai; ka unrugged tu sigi dipuji lurus baka garis pemaris panjai duabelas nadai ngereja nama nama. Nadai sida iya tentu beratika penatai, pengangkat , enggau penyelai bala nembiak! Either or aja ku sida pengajar maya tu ehh. Did it matter? Tak jampat mega bala pengajar kami sebuat nyimpulka penemu deka ngelala nembiak diri ari pekaian! Ahh ku jaku engka sida tu trained sikologis kini laban ti udah bisi ketupi besegi bisi degree. Ehh lain amai ku bala mega. Engka meh kami ti 'rindu' ngerasukka ngepan bakatu ngemalu pengajar kini. Man o man..I can go on forever laban ti suah dikangauka pengajar beseluar jean charit bekechibak chabik nadai punggang..bad image rah ku Mr. Ang, but did we question his beauty ti bisi udah ngerasukka ngeli emas?
Nguji belumba berebut ngelaban jam ari dani pagi sampaika work party:; ari belajar sampaika tinduk bemimpi: Endang ngelala nembiak batang pengawa ti bendar deh..belajar belajar belajar. Tu meh sangka apai indai ti di menua jauh enda meda! Little did they know that daddy's favourite was doing a little more than belajar! Lagi meh aku mantai ka kita. Dani pagi tak nurun nuju refactory deh bala.. breakfast pagi ku jaku..makai tengahari pan bakanya tang bisi dua bagi. Juniors enggau Freshies endang sigi dudi entudi seniors enggau unfreshies! Pom enam atas enggau pom lima tu seniors. Pom enam baruh enggau pom empat tu juniors deh! Ulih mega nangkap jaku penerang urang kebuah entudi urang. Nama kebuah pom enam baruh tu dikumbai juniors? Laban bisi urang baru datai begulai enggau urang lama. Pom empat sigi ditemu nembiak ti baru! Laban nadai chukup alai begulai ngirup makai bebala mayuh. Hmmm ari perati..tu meh ti suah magi mensia tajapan kitai enda berasai ngasai utai belalai! Be dulu dudi tu meh nyuruh kitai bebagi ati about superiority! Bula? maybe but not too far from the truth! Uji ninga enggi kita bukai ga. Nembiak pom empat enggau enam baruh suah agi begulai begempung enggau pangan diri lalu bakanya mega pom enam atas enggau sida pom lima. Maioh mega bala kami ti baru pom empat berandau ka utai bakatu maya jam bisi lunggar mimit alai belelak. Manah enda manah pan titihka aja laban tu udah adat . To some, inferiority feelings may creep in ti tau nyuruh lembau, malu, lubah, enggai mansutka penemu, serta jampat ngembuan penemu 'ngelak ka urang dulu' . Ukai bantah ukai nyamah, tang semina ngenang nama ti tau ngajar anak mensia bebagi. Ehh indah bemain ga nyau ngelak ka urang dulu..kitai bemain ba padang mit deh enggau Pak Cik Jet! Apoooo pama Pak Cik Jet nyipak bol enggau bala. Sigi gaya iya ku kitai tang nyau bejumbuh utai ti di pelajarka nembiak ari tu deh...hahaha belajar how to discriminate and to appreciate at the next level. Udah nasit kitai meh tau ulih ngasai serta meda enggau mata kitai empu, enda pia..
Pagila lusa nyambung serta nangkir utai ti diperatika serta ditemu maya agi pom empat di Tanjung Lobang deh.

2006-07-11T06:39:00.000-05:00

Trace Adkins - Honky Tonk Badonkadonk

Selamat merindang ati; sigi gaya iya meh tu!

Bend It Like Beckham; Butt It Like Zidane!!

2006-07-11T06:34:00.000-05:00

Zidane headbutts Materazzi - BEST ANGLE *****

Amat rindu reperi siku tu ngelambaika kad mirah nya. Nama kebuah nyau ka semua main ti dikemataka iya, pemain selalu deka belaya? Enti di jual ba Hollywood apoooo boleh tahan tu..
Just imagine...Bend it like Beckham; Butt it like Zidane; Tread it like Rooney; Handle it like Maradona; Cingha it like the Brazilians; Shake it, bake it, dive, whine, and fake it like Cristiano Ronaldo and hmm perhaps many more!!! Ohh ya add this to it..Police it like Horocio! What say you folks? It would be cool as a cucumber neh!

Ngujungka Minggu Bekelala..

2006-07-09T11:10:00.000-05:00

Ngibun pendiau diri enggau netapka diri diau ba bansal injau sekula benama Kenari tu ukai nyamai, enti kitai enda kala mindah enda teleba kediri ari rumah. Semua utai ngena maya nitihka pusin matapanas. Mandi, makai, tinduk, belajar, bemain semua nitihka pangkung jam ti digantung di dinding. Mensia enggau begulai pan nyau enda sama ulah saum telatah, bisi manchal, bisi jenaka rindu ketawa, bisi diau diri ngati kediri serta ngembuan adat tebiat tabi basa ti enda sebaka laban kami sekaban ari semua pupu bansa menua Sarawak. Jaku enggau pengarap pan jauh nyelai. Bisi sekeda kaling ngira diri nurunka Masjid surau menua, bisi ga sekeda ngusung ngerija RC enggau Anglica, lalu bisi mega bala nemu ngabas rumah Tuan Pikung bala China. Jaku pan enda kurang penyelai iya, tajapan kitai sebansa Iban sigi tau kaju seruran saru laban jaku laban bagi ketiga enggau bagi kedua ukai sama..be- empai empai be-bedau bedau, be- aku aku , be-nuan nuan, be-dik dik, be-kua kua semua bisi...hah tau dikumbai kitai rujak menua Sarawak. Akai dai...tu meh gaya iya bala kami ti betuntutka penemu engka icha dudi hari jemah ila tau nyadi mensia menyana, belelang ngiga sakang seribu guna, munyi guntur beguruh bemimpi ngiga pengaruh engka icha jemah ila tau bulih degree bulih phd nyadi menteri adi pemansang dunya. Tu meh mimpi bala kami tajapan semingu minggu merinsa dikeduan, ditundi, dikeluji enda biga iga bakanya. Semina umur enggau jam meh ulih nentuka pemutar penikal senayau pengidup, enda pia?
Aram limpang enda lama, malik ke belakang laban enggai ninggalka pemutus pengujung minggu bekelala ti ditangkan enggau adat main bol antara pom lima enggau pom empat. Nadai mega bala kami pom empat tu bangat kurang laban bala udah bekelala lalu nemu penau serta penatai pangan diri dalam lumba enggau main..enda tusah begigaka pengari! Bisi bala enggai bemain laban enggai pedis ku jaku. Sekeda ti ka apooo nyau meh ngajung nama deh. Hah bala sida pom lima endang udah ditemu ari jaku tusoi bala seniors landik bemain bol laban ti bisi pengari baka sida unggal Cobbold Lusoi, unggal Lambat Lindong, unggal Bunyak, unggal Christopher (Zainuddin) Guang, Stephen Lalo, Dunstan, David Gombek, Saidin, Azman, Bakar Barat, Kinchu Ajan, enggau sida bukai mega. Ahh berengkah meh bemain...mangkin lama mangkin kasar bala mensia. Nyau belanchar lanchar bala mensia bejarauka pangan diri. Engka padang lichin laban ti udah di tinggang kemi ini andan kini! Jari jampat jari datai kaki lanchat kaki merawai. Tegu nyadi tuju, tulak nyadi lantak gaya mensia bemain. Ah ku jaku ga engka meh reperi tu batu api! Enda ga semua bala pemain ti bakanya, ulih itung enggau tunjuk jari kanan. Ari adat atur chara sekula ti nyuruh utai bakatu nyadi ba mua mata siku meh tudah bala kaban baru aku ti baru dipasukka ba pom empat nyau baka mayau bekaki tiga! Zaidil, Lukas, James Mawan Bala, enggau diri empu nyau ngemaduka diri laban tu ukai adat bemain bol. Tinggal sida unggal Mart Amat, Affendi Rosli, Stem Liu, Anthony Edward, Joseph Bunyau, Alex Liu, Nooruddin Liew, enggau bala pengari bukai mega. Akai dai..indah ga Kawi ti ngarika Landas di Simanggang ti rindu beparang nyipak tiang nya ga bakatu, ku jaku dalam ati ngenang. Tu meh ti ngajar bala ti dudi..do unto others what others have done to you! This had been the long-established tradition. Tang tanya dalam ati mengkang meruan nanya peneguh serta penyauh adat bakatu dipejalaika. Laban pengajar ti enda ibuh, engka tau meh utai bakatu dikerja dudi hari enda pia? Nya meh ku kitai, kera meda kera betanda! Tu meh ngujungka minggu bekelala taun seribu semilan ratus lapan puluh.
Tau meh tu mupuk belubah lubah nitih ka urang laban pemedis ga kurang mimit di asai. Nyau maioh macham mega pengawa berijista tu berijista nya bala kami ti baru. Nyau bisi 'rumah' magang bala kami. Hahah aki Gerubi tak dipasukka ba 'rumah Pelanduk' ahhh..kami duai Joseph lalu ngansak siku nembiak ti baru datai ari Balai Ringin ti mansa ngena baju sandau berukir 'First Division' ba belakang deh. Kaban siku tu tak mukai mukai ga..pemegai rikud belanda mechut seratus mita bagi kesatu baruh umur 16 taun. Tekang gemala ti ngujungka rumah pelanduk megai mangkuk champion tiga taun beturut ti deka datai! And there was this guy ti di kumbai kami 'kijang' mula mula iya laban ti megai rikud engkechit merejuk kijang lalu 'enchaluk' later ti nadai utai enda alah perejuk iya..ngujungka iya nyadi tanding lumur satu pengari bagi ke-empat, Yusuf Bujang, ba lumba merejuk jauh pemanjai. And there was Sutomo the clown ti selalu merindang bala kami ti baru nyuruh ketawa enda badu badu. Tajapan bala kami ngembuan seribu ulah siti leman nadai ga bangat mansutka diri ari kerubung malu tekuyung laban kitai ga baru datai, baru nyelat urang ti udah teleba begama malam enggau menua. Engka dudi hari ila meh mantaika pengelandik enggau pengerindang bukai. Tu semina nerang nandang ka sekeda ari bala kami pom empat tu ti ukai semina landik macha surat abc keladi dalam hutan, ukai semina lansik bidik ngindik sekula alai penyangkai bala soldadu jipun nepan, tang tau di sabung baka manuk biring sengayan.. Udah nasit udah selatan meh tu sempat ampit ulih begulai enggau bala ti datai ai Limbang datai ka ulu Simanggang., ari punchak menua Borneo datai ba tasik besai begelumbang.

Pom Empat A(1980)KTDTHB, Miri

2006-07-07T06:09:00.000-05:00

Duduk ari kiba: Jacqueline Ajang, Saadiah Tu, Alice Tepung, Cecelia Giang, Uztaz, Ali Omar Hamid, Gerubi Tuai, Alex Liu, George Jago.
Bediri tengah ari kiba: Rosty Rundu, Sandra Ringgit, Monica Justin, Halimah, Rose Budit, Noraini Ahmad,
Sophia Hassan, Mary Kayong, Phillip Singkek.
Bediri belakang ari kiba: Azeni Sahat, Apin Pauzan, Mart Amat, Neilson Ilan Mersat, William Jawa, Constant, Kedung Luhat.

Tu meh gamal bala kami ti di pilih urang masuk Pom Empat A.
Jacqueline Ajang: Siku indu bansa Kayan ti enda inggar bejaku. Kaling GerubiTuai sampai pom enam!
Saadiah Tu: Siku indu bansa Melanau ari Dalat. Tan seput bepupuh belanda ngarika sekula. Landik dalam semua utai iya siku tu.
Alice Tepung: Siku indu bansa Melanau, a sister to a well-known ex-Tanjung, Lapuk Tepung. Kasih tudah Alice laban ti selalu kami tundi besari sari..enda nemu ringat sekali. Sorry Alice, laban selalu nundi nuan.
Cecelia Giang: Siku indu bansa Iban ari Lutong. Nelap serta nemu enggau betundi.
Uztaz: Hmmmm enda nemu tuai siku tu..tak rangkai enda nemu bejaku sekali iya ga enda nemu ngajar serta begulai enggau nembiak! Patut dikemilutka nembiak.
Ali Omar Hamid: Siku nembiak ti datai ari Limbang. Selalu 'ngangkut insap' ari Brunei. Rindu serta landik bemain bol. Sigi tau nyadi tuai tajapan manchal mimit ari urang bukai.
Gerubi Tuai: Datai ari Simanggang. Mit gamal tang jampat ngigit! Manchal , penginsap enggau pengirup. Siku ti rindu serta landik ba pengawa lumba enggau main, bemain bol, Hoki enggau Takraw. Rindu bemain gitar mega.
Alex Liu: Siku nembiak Kayan ti datai ari Belaga??Kinggar bejaku tang landik serta ngembuan pemandai ti tau nyuruh ia nyamai dalam pengidup dudi hari. Rindu bemain bol serta bemain gitar serta landik jaku Iban.
George Jago: Siku Iban ti datai ari Julau serta siku nembiak ti ngembuan tabi basa. Pendiau serta tau dikarapka nyadi tuai. Landik manduk/beguringka dog meat!!! Pama dek chak! Guarantee jauh pejalai.
Rosty Rundu: Siku indu Melayu ti datai ari Simanggang . Landik dalam pelajar serta jampat ringat. Nemu bejaku Iban enggau bala ehh.
Sandra Ringgit: Indu Iban datai ari Saratok. Manah enggau begulai, enda nemu ringat enggau betundi tang deka mandam belakang belama.
Monica Justin: Siku indu Bidayuh ari Kuching. Nadai bejaku enti enda ditanya! Engka shy shy snail kini hahaha.
Halimah: Aduhhhh indu Melayu ari Miri tu munyi semalau kuchau kuchau enti udah datai..landik dalam pelajar. Dijangka kami jauh pejalai iya siku tu ila.
Rose Budit: Indu Iban ti datai ari Niah, landik dalam pelajar serta nyamai enggau begulai.
Noraini Ahmad: Selalu merak kami laban ti suah nundi iya hahaha..penyiru serta penyayau ti datai ari Bekenu tang manchal. Selalu deka nyubit! Ditagaka jauh pejalai dalam pelajar.
Sophia Hassan: Datai ari Betong. Pendiau.
Mary Kayong: Siku indu ti datai ari Betong. Apooo engka bisi nangkin batu lelayang iya tu..laju endar belanda. Nyamai enggau begulai.
Phillip Singkek: Ari Saratok. Kediri belama lama tudah tuai. Siku ari bala penginsap ti enda kala di tangkap pengajar nginsap sepemanjai umur iya belajar ba Tanjung Lobang. Siku ari nembiak ti disangka jauh pejalai mega.
Azeni Sahat: Ari Lundu serta landik bemain hoki. Enda takut ke urang tajapan pendiau. Sigi ulih jauh pejalai siku tu.
Apin Pauzan: Siku nembiak bansa Selakau ari Kampung Pueh, Sematan ti landik bebelitka jaku. Enda nemu takut serta nadai utai dikenggaika. Di beri ensumbar 'Sitan Pendek' laban ti paga pandak. Ukai semina landik dalam pelajar tang landik bemain hoki mega...pengirup enggau penginsap. Siku ti tau jauh pejalai ba semua pengawa mega.
Mart Amat: Siku nembiak bansa Kelabit ti landik bemain bol serta dalam pelajar mega. Pendiau serta ngembuan pengerajin ti tau nyadi teladan enggau chuntu nembiak bukai. Endang di sangka jauh pejalai mega tudah akih siku tu.
Neilson Ilan Mersat: Siku nembiak bansa Iban ti nelap serta nyamai enggau begulai. Ukai semina landik ba pelajar tang landik dalam lumba enggau main mega, ngembuan pengerindu bemain bol, bemain takraw enggau bemain hoki. Rindu bemain gitar kaban kami siku tu. Sigi ditagaka jauh pejalai ba semua pengawa.
William Jawa: Nembiak kitai Iban ti datai ari Lubok Antu. Liam tu enda engekeretik tang pama ga tudah tuai iya. Landik dalam pelajar.
Constant: Nembiak bansa Bidayuh . Nadai inggar laban ti jarang bejaku.
Kedong Luhat: Pama akih kami bansa Kayan siku tu. Boleh tahan pemanchal iya. Siku bansa kayan ti landik bejaku Iban, bemain gitar enggau belagu. Ngembuan pengerindu bemain bol mega. Sigi tau jauh pejalai ba semua pengawa bakeh siku tu.

Meri besai terima kasih ngagai Mdm. Podgykat laban ti sempat mandangka gambar kelas tu. Maam, without you this chapter wouldn't be possible. Thanks and thanking you in advance for the next one as well.

Minggu Bekelala....

2006-07-03T08:08:00.000-05:00

Minggu nelebaka diri bekelala enggau menua Tanjung Lobang seribu semilan ratus lapan puluh tu meh endang pugu pait pemanis pengingat. Tajapan semilan puluh semilan peratus bala kami ti masuk pom empat udah namaka diri serta ngambu sitak panggau penuduk peninduk diri empu ba Kenari dormitory; udah ngerijista diri masuk sekula, bisi ga bala ti laun datai..entah nama kebuah kitai enda meh nemu cherita mensia! Bendar meh asai aku diperak bala seniors..engka amai deka nengelamka pala kitai ba lupak kini..nadai nadai utai bahlah tak diperak urang bakanya. Hmmm 'terror' pia enti kitai bejalai begembar dua tiga iku ketuchum ketawa gaga udah bekelala nurun nuju bansal makai? Ku runding meh...engka enda kala ngelala utai ti dikumbai 'terror' meh bala sekeda! Kada kala ngasai enggau urang bebungkarka tayar basikal belalai di pasar sida tu? Engka sigi udah adat urang ditu kini?!? Ahhh ku sekeda ti nemu mimit..anang irau, sigi gaya iya..udahnya ila nadai sida bangat deka ngeluji nundi ngachau baka empeliau deh. Akai daii tak nadai beberi maya sekali; ari dani pagi datai ka tengah malam...seminggu nyau ga dua minggu..hmmm tak enda ngetu nemu badu meh sida tu. Nurun nuju kelas pagi hari pan di ipa bala nyuruh bejalai bebaris meresa pekaian masukka ruruh laluh pemanjai baju ke dalam! Bisi ga sekeda ti nyempelah nyuruh ngeruntun ngeluarka laluh pemanjai baju tu ari punggung! Tuck in tuck out tu nyau nyadi main. Lapa meh bala pengajar bangat enda ibuh neh? Engka bala pengajar enda nemu kini! Pulai ari kelas tengahari pan dititihka bala sida tu mega ngagai Kenari! Bisi bala sekeda nyau jengkak jengkak disuruh bala ngereja 'jumping jack' lalu bisi mega bala tak nyau meragau di suruh urang eksesais nganjil semin. Diri empu pan bakanya ga, nyau maioh macham pengawa digaga ti enda besangkut paut enggau pengawa sekula! Ahhh nadai ngawa, tat ka aja ku jaku ga. Malam hari nadai dikira agi deh..seminggu minggu merinsa di gaga bakanya. Enggai nyadi tu, udah ga jauh ari menua, berasai rawan takut ka bala seniors ..dini bisi nyamai pendiau deka belajar! Bala ti enda tan nyau meh mulaika diri ka menua! Tudah unggal Dingun lalu ngebuka diri pulai laban enda tan, seruran gisi gisi belai ai mata! Semadi benasitka siku pengajar ti diau betentang jenila enggau Kenari benama David Ford..Daud Kubu as we nicknamed him later in the year..ti seruran ngabas meresa Kenari enggaika penyadi utai tak baka api nyerarai enda alah padamka. Bala kami pom empat pan udah ngelala sida ti deka selalu ngachau ngerau nundi ngeluji, sida pom lima enggau pom enam tinggi. Anang mega saru macha laban semina mimit ari pemaioh mensia ti ngembuan ulah meri teladan baka tu! Yes sireeee..I remember all of you tang laban bala ti udah megai mangku pengawa ti tinggi tinggi di menua hahhahah enggai ga aku nyebut nama or maybe I should..laban there's antu in every so called saint! hahah save that for later lah. Ngenang kaban aku siku ti nyau enchekuk ngeruntuk laban di achuk ba perut baruh dada enggau buku lima laban enggai ngereja utai disuruh seniors ti balat deka ngachau belalai. King ..agi ingat nama sapa sida tu suba kaban? Hmm sampai di gerak urang disuruh bebaris baka askar melayu diraja ba mua dormitory Rajawali!! Ahh sapa ari bala pemacha nemu betanda baka nyamuk? Bala kami disuruh betanda baka nyamuk! Benasit bisi Henry...enti enda kada enda merayap baka baya ngelantar ngelaban madang lalang di belakang Rajawali ngena chawat chap krokodail bala mensia.Tajapan ngasai diri pedis enda nyamai bakatu bisi ga bala kami pom empat tu tadi di bai bala seniors ngelantangka ati sari enggai ba Luak Bay. Engka diatur bala 'Ministers' dikemendarka pengajar kini. Tu meh peluang alai nunu lempuang belalai sebelah selepak batu! Asss apai puas ngelalaika insap. Pemanchal endang bedau dibantaika laban enggaika diri diperinsa lebih agi. Indahnya ga , tak agi meruan ngesuh bau tai di Simanggang udah di 'warning' bala seniors kami ti baru bekalala enggau pangan diri. Nasit aku....

Ari pengawa bakatu meh kitai betunda tunda ngujungka utai betampung bundung nadai pemutus. Bebalas ku jaku ngujungka tundi nyau nyadi dengki laban penyelai kitai mensia siku siku. Bisi bala nya ringat, ransi, enda nyamai ati laban kitai mensia nemu ngasai ngembuan ati ti nemu sinu nemu saru, nemu telih nemu milih, nemu ransi nemu kudi sampaika kitai nyau enda berasai ngibun sempekat besemaia be ila asai deka bebalas dudi hari ila ti deka datai. Ku aku siku, this was very wrong from the get go, but who the hell am I to say so and to judge! Laban utai bakatu ukai semina tau ngelemika tauka ngeringka semengat siku siku tang tau nengelam ngaramka bangkung.. tau nerebaika pulung begasing bepulas uchung! Ari rambai pemansang pengidup, ari pemedis bakatu meh ngempung bala kami pom empat beyond imagination! Tu meh ngeringka buku kengkang tulang belakang bala kami ti dudi nemu bediri enda tumbang. OOOO haaa Selamat Datai tama masuk enselit nyelepit ke Kolej Tun Datu Tuanku Haji Bujang.

Ngemasahka Tunjik Kaki...

2006-07-01T08:32:00.000-05:00

Nyau puas bekenangka diri deka nginjau menua baru nyau ga datai maya ngusung tempat palan endur nampung pelajar. Ahhh nyau ga tama pintu penama sekula kelia menya di kumbai urang Tanjung Lobang diatu di kenang enggau nama Kolej Tun Datu Tuanku Haji Bujang. Nyau gining gining merening menua baru baka rusa ti baru masuk kampung tegenung genung baka kijang dipanchar Mujung. Nama meh sekula tu tak dikeliling enggau pukat betali besi ; tak dipagar empat besegi? Nyau kepuas puas bepejahka pemanah menua ti dibaris enggau pine trees nyau ga datai di Kenari! Kenari meh nama tempat ti alai tinduk diau betundi ngansarka kaki tiga ratus enam puluh lima hari, palan entap alai inggap bujang baru dikumbai freshies. Terubah iya meh tu diau kediri idup nengali diau di rumah sekula begulai enggau urang bukai. Kati asai ku munyi tanya dalam ati! Udah nasit udah selatan aku ngasai diri berekat ngempu nasit siku ari seribu diberi peluang bakanya.

Baru datai tak enda nyamai meh asai kitai laban menua nyau lain, mensia pan lain mega. Ahh ku jaku bisi mega urang ngusung, engka tau bekelala enggau sida ngambika nyadi kaling. Tuan bansal Kenari dua iku ti udah nyangkaika diri ba Pom Enam pan manah mega, nemu nyambut penatai serta ngatur penuduk kitai ..Terima Kasih besai Mr. Roland Radu enggau Mr. Wilfred Rogers. Tu meh terubah aku betabi serta betunga mua enggau siti bansa menua Sarawak ti tebilang dikumbai kitai Kelabit. Hmmm ni bala Iban deh? Engka benung di rantau jalai bedau datai kini! Nyau ga betemu enggau siku nembiak, Arthur Mujinil, bansa Kadazan! Pieeee untung meh begulai enggau bansa bukai ku kenang diri ga. Tu meh pun aku bekelala enggau bala kitai Iban ti datai ari St. Augustine, Betong ... Joseph Bunyau , Andrew Blassan Siang.enggau Inyau Bada. Ahh sebilik meh kami sebala deh! Haha datai ga bala nembiak ari Kuching, Sibu enggau Kapit, Zakaria Marzuki, niang Saiful, Dingun, Mustapha, enggau sida bukai mega. Hmmm rami meh tu ku jaku ga. Bala ti udah ngasai diau di rumah sekula nyamai mimit laban udah nyepi pemedis enggau penyamai diau kediri bakanya. Kami ti baru baru bendar meh matih diri nitihka urang deh..mandi nyau beranti anti ahhh sampai bira nyau beranti anti pangan diri laban enda chukup jamban! hahahaha ukai baka di rumah diri empu!! Makai pan nyau di suruh urang bebaris baka bala Sarawak Renjer ti deka nurun ngetan ka antara menua! Bisi dulu bisi dudi ..bala kami endang dudi belama laban ti agi Freshies ku urang. Enti lebih lebih lagi nyau jengkak jengkak bala seniors sekeda..enda semua ..elite minority aja '' hey hey you freshie..apa mauk lebih lebih..ingat terrorkah" Ngenang diri di makai ngena belakang sudu senduk temaga di suruh bala seniors sekeda..tu meh pun penatau bala nembiak sekeda. Lapa bakanya deh? Udah adat saum sempekat ku saut urang! Hmmmm enti kita seniors ila, your turn..bah lah. Nadai ga ngawa ku jaku ga. Udah makai akai daiii nyau gian ngiga semakau enggau betabah! Apoooo laban ti enda berani mansutka diri ari kerubung, nadai ga bala betungkunka insap. Kami duai kaban baru aku Joseph ahh..nyau enda alah tat , nurun ka baruh hmmm angin bau kesing nya nadai dikira deh..alah laban insap. Joe, dini tua suah ngelalaika insap? Hahahaha nobody will ever know! Laban ti ditemu siku dua nginsap, bisi ga seniors ti manah deka nyaga kami ti baru deh. Meri tabi basa serta meri besai terima kasih nuju Roland 'buntu' Umong, Chep Suring enggau Joseclyn Jimmy enggau Edwin Samat ari Kiwi..ehhh semua rumah sekula tak di beri nama burung magang? Ku sida seniors bukai, ..it will get worse before it gets any better.!!!! Aduh parai kitai...Bisi ga bala seniors bukai udah belalai nguji 'ngachau' bala kami bukai maya malam hari tang enda dikibuhka, dititihka aja.

Tu meh pun aku betemu, bekalala ,begulai betundi begagai enggau semua pupu bansa ari semua sukut menua Sarawak ti ampit benasit di anjung urang nyenguk Tanjung Lobang, siti sekula ti endur urang nyimpan ngandang nupi ngerami 'cream of the crops' -amai enda kini nya- ari pom empat ngagai pom enam. Sekula baru menua baru, tuansipol baru benama Adi Badiozaman Tuah, kaling baru..semua adat atur chara baru ulah anak mensia pan beribu macham mayuh leman pan baru! Ahh basah meh tunjik kaki aku tu deh laban ti udah nyingkang namaka diri masuk.

Ari Simanggang Mai Pengerindu..

2006-06-29T09:20:00.000-05:00

Pengawa begulai enggau pengerawan mega ti di asai laban nemu diri naka penyauh ari menua. Ukai nya ulih gusung baka kitai ti ulih berundang kasang ke Kuching- Simanggang. Enti enda berebutka penuduk beminggu sebedau berangkat sigi tau enda ampit penuduk deh. Ukai baka kitai bekerita betumpangka bas! Enti bejalai ngusung menua di kumbai urang menua dikeliling tanjung telaga minyak be tung tung benama Miri tu enggai enggai pan numpang kapal nadai layar besayap enda engkebab, kapal ti tau terebai baka geruna ngerenchah menua suah ngelantak gempung tugung gempuru anak remang. Nama deh, iya ga udah bisi penuduk ..engka tu meh ku munyi ensera didinga dibacha ti tau dikumbai urang betepanka daun limba limbi nyerang menua munsuh terengkah nadai bepenti! Tu meh kali ke terubah iya nemu enggau urang engketut duduk betuntut berentung siku, bediri besengki berimbas bau. Nadai ga rawan asai iya deh..enda baka ti engkining merening gulung tengiling ari puchuk rian. Ahhh enda lama agi datai meh tu di menua baru, menua injau igat bujang malu. Tak nyelai ga ulah, tak ka kemi enda alah tat..hmmm ..ku jaku.nguji kemi ari atas remang biru ngichaka manching ngerami kengka kampung buah ti di kelambung pansa..ngichaka tau galak agi bisi ga ditiki bala anak mensia! Ahh masuk gerempung kemi di atas remang meh tu, ku jaku..deka ninggalka bekau jari nanda utai ba jamban MAS tak nadai mai arang ga tu dehhh apai.

Bisi ga runding tak nikal ke menua laban ngenang bala kaban bukai enti nadai diberi tempat enda sempat enggau berami. Nadai ku enggau meh nya laban kitai sama udah datai ba simpang bepampang baka kerigai tulang keli belukang. Aram meh sama mansang. Melelat meh runding baka sempepat ngacha nerangka petang sinu ngenang bala dara bujang di Simanggang. Bah kemaia meh kitai ulih betemu baru nyurut besepu asap insap raja menuku? Tu meh gaya nasit aku ti ngenang diri sunyi nadai sulu mansang ngusung deka bekalala enggau menua baru. Asai ti baru udah angkat terebai ari palan landai Boeing besai di Kuching nyau ga datai terengkah betumpu enggau tanah menua ti suah dikenang ti selalu nyadi buah mulut endur kitai sebansa lenyau lesap belelang laban tebilang nama enggau pengeraja minyak enda kurang tambah mega laban siti sekula ti di kumbai Tanjung Lobang.. ahhh ila meh nilik mansik bakani ku menua tau bulih nama Tanjung Lobang..maioh lubang kini menua tu!

Nadai ga tudah aku terus niki nuju sekula baru laban ti di ambat serta di ambi tudah kaban, tanah petunggal aku Ambrose Buntu..terima kasih Minan laban ti bisi datai nganti penatai. I owe you one buddy! Ila meh enti tua bisi maya bisi masa nyuluk mesit buah rian ari puchuk sikup di menua belalai nyau ka di temu ini Ima!..Ila aku niki iya sekali deh..kapa belelai..agi rumpah agi regah tu deh! Udah semaya sida indai, aku lalu di bai iya ngusung lalu diau enggau siku tanah aki ti bisi ampit enggau urang bekerja polis di Miri. Ohhhh ku jaku..tak megai serta nyaga menua nyadi polis magang sida tu! Sgt. Sinyap, aki..terima kasih laban nyendiaka diri nyelitka aku ba bilik kita seminggu dua. Ahhh. ..sapa nya? Nya meh ku munyi tanya kangau indai tuai siku ari sepiak..."Sanu, Anak endu sanu ari Simanggang," ku tudah aki . "Apooooo agi ngelala aku nuan sanu...hmmm of course aku agi ingat..bala sida Jerry enggau Margaret ti udah enggau betemu di Simanggang, the Dusuns! Bala sida aunties , Nancy, Julianna, enggau Shirley pan naka pemanah. Ke biak sekali..ti dikumbai 'boy' tak agi mit amai..Bakani meh malas budi kita? Ngajihka umur panjai kitai tau ulih betemu baru jemah ila. Bala sida tu meh ti mai aku bekelala enggau pasar Miri. Ahhh tak lalu bedau ngusung Tanjung Lobang meh tu..nadai nya lari deh. Nya iya..nyau semak amai..ulih di sium pemanis pemasam angin Laut China Selatan!

Belelang Mansang Bejalai

2006-06-27T07:24:00.000-05:00

Baru udah entap asai diri nyau ga ngira diri mindah. Asai ti deka nyabak kisi kisi laban penyinu ati ngenang semua utai ti ditinggalka. Deka nyabak duie duie sebelah kaki lima alai diri ti suah selalu betanda tak malu enggai diketawaka bala sida endu endun indu dara ga! Nyabak ketawa andal tusah meh asai ati laban endang ngadang diri ngejang pegi belelang bedunju belangkau ba emperan baru. Ahh ku kenang ati ga..enti di anjung urang ngagai SMK Simanggang kedua kali nama Tiang Laju nadai ga bangat sunyi laban bisi kaban dikelala tambah mega Tuansipul sida dia tanah aya kaban diri! Apuuu enti di tikauka nuju St. Thomas aduhhh berasai betabi bekelala enggau menua Kuching ila, ku jaku ga. Perambu atur ti deka ngejangka menua Merika Utara kedua bali nama kumbai mensia Kanada udah mega digaga tang jangka aku semina nyadi mimpi tengahari aja meh dulu laban tudah indai berat rat enda nyagi..engka icha tau mujur tau nyadi di menua dulu. Siti meh utai ti udah nyengala deka nyadi; ninggalka bedau diri ba Munggu Sabun, St. Luke's Secondary School menua Simanggang. Nganti penentu enggau pemutus tu meh ti ngirauka ati laban pusin kuing penunga bedau temu!

Enda mukai mukai pemutus randang jalai datai di simpang betemu punggang! Ahhh nyamai mimit ga ati tajapan beraie ati ngenang bala pangan ti tinggal enda ulih enggau bekaling dudi hari. Beraie ka ambai sigi nadai laban sapa ti ka ke kitai ukai anak mensia, ukai anak tau ajih tau bulih petara apai sida iya, ti jai gamal makai rangka mati enggai, kitai ti ukai anak lansik anak bidik tau tilik...ohhh jara anak timpang anak ampang madu midang ku urang di menua deh! Hmm bula enggai nya wai ambai! Semadi ngenang pelaling tunjing sepatu chap bata bekau meragau di menua Melayu, Iban enggau China benama Simanggang bagi kedua ahhh. Mayuh kami sebala di engkah urang nampung pelajar ba Tiang Laju, laban sekula tu maya tu bisi Pom empat, lima enggau enam. Bisi ga ati deka nitihka bala, tang kati ku baka deh laban udah nasit udah selatan kitai! Engka ngelantangka ati tudah indai meh tu laban engka nadai agi duduk sebelah baruh kayu sepiak panggung wayang nundi urang mansa agi. Nadai meh tu agi belalai nginsap dalam seperis mensia ari Lingga deh. Nadai meh tu agi enggau bala anak mensia nyepan melangkan ba padang BLDC. Nitihka berita padah bala pengajar tak kami duai endun Jennifer Janang aja meh deka di anjung urang naka penyauh bakanya. Nyendiaka diri betabi enggau menua baru beserara enggau menua lama meh tu. Selamat pagi Miri, selamat petang Simanggang. Tu meh maya sekula ti kumbai urang Tun Datu Taunku Haji Bujang College endang agi beberita tebilang nama alai nembiak ari serata menua Sarawak ti bidik bulih result ti manah ba peringkat LCE enggau MCE nampung pelajar. Diri empu tak nadai kala ngasai diri lebih, enda mega bangat kurang ari urang...nadai nama nama deh. Nadai mayuh kelukih deh laban udah nasit , enda pia? And Tanjung Lobang....here I come. Ngarapka nuan nyambut penatai anak mit mesai tating lukit dara tuai; anak kurus lurus tengkering baka batang jinggau paya umai.

Ngesal Dudi Nadai Reti?!?

2006-06-24T05:58:00.000-05:00

Enti nitihka penuai umur, nembiak ti udah nyengkau 15 taun tu udah nemu berunding kediri empu; ditagaka udah ngelala ngena enggau salah, tau enggau enda, manah enggau jai serta enggau utai bukai ti selalu mai bibat belaban enggau pengelurus pengidup. Udah ngelala reti jaku 'ngesal' tang laban pendiau enggau pengidup siku siku serta pengangkat ari rumah ti enda sebaka; nyelai baka seruri atap mulong atap apung ku sema kitai, bisi nemu ngesal lalu bisi nya majakka pengagit ati ti deka, ku jaku, 'ngelantangka pendiau merindang ati' baka anak ti baru nemu meragau. Enggi diri empu, laban pengidup enggau pendiau ti udah di sepi di tumi jauh nyelai ari nembiak serambau umur bisi nyelai mimit mega kengka igi leka runding di terenakka dalam kerubung untak kusung engkurak begirau ulak ransi ngelambung. Ah enti kitai mensia tu nemu ngesal sebedau ngereja pengawa ti enda patut, enda baka ti diatu ga pengidup kitai, enda pia? Nya meh sampai dikelagu mensia 'ngesal dudi nadai reti' tu deh. Ari ngelala serta ngasaika reti jaku ngesal tu meh kitai belajar sama nyingkang sama mansang baka urang. afterall life is a learning process.

Ngesal ngasaika diri meri penusah ngagai kaban ti sama sama deka peresa LCE enggau aku. Endang nyamai kitai muntangka jaku ngumbai ahhh life goes on but...I have to live with that sampai seput padam laban ukai semina udah nyadi tak sengapa nyadi tekala nya lalu ulih dilengkaka tekala nya mega. Utai ti udah nyadi bakatu ngerampit nyerarai ngagai anak, uchu ichit urang deh! Endang nyamai kitai madahka..oohhh nadai nuan ngepai nuan ngelambai nyuruh iya jengkak jengkak baka engkatak ngiga daun pemanggai bungai keladi; nadai nuan mulaska lengan ngirit matak ngansak iya bemain lemai nya..Something I learned ari bemain bol..bah enti nadai gagit bemain bol ulih aku ngasai penyiru ,pengasih enggau pengeransi ati? Utai ti nyadi petanda tajapan enda kala disebut ngagai bala nembiak ti dilatih serta di iring bemain diatu!

Ngesal laban seruran enda medingka enda ngasika ajar tudah indai. Sapa agi deka meri jaku ajar enti enda indai, apai ga nadai enggau begulai. Heesss nyin iya nyau benganjuh bisi ambai baru..entah berapa iku ambai lalai iya enda meh kitai ulih ngitung leka mata urang deh! Nya meh, laban tudah indai endang kasak kasak ngemataka pengawa sekula diri deh. Lain ga laban tudah ti bisi pemandai mimit. I guess jaku tanggar leka kelakar 'mummy knows better' nya endang amai. Akai daii tu meh kali penudi iya aku di gagai tudah indai with rotan in her hand..akai dai tudah tuai.engkechit melunggang engkerarin semin rumah perintah ala Marina Chin( pelumba merejuk pagar ti tebilang di menua Malaysia maia tu) ngagai aki gerubi laban ti enggai nginsit ari padang mit anak polis! Endang patut urang bakanya enggau kitai laban penyayau urang ka kitai. Penyenang enggau penyamai ukai pulaika sida ti ngajar, pulai ka kitai. Peresa LCE endang nadai beleman deh..Entah nama meh kebuah aku tak seruran madahka kami sebilik LCE would be a piece of cake! "Enda belajar pass meh ila," ku jaku diri madahka sida. Chara belajar pan ngelaban enggi urang, but it worked well maia tu ba aku. Mesti meda TV dulu udah makai baru belajar lalu nindukka diri udah nya. Hmmm udah abis peresa LCE ..asai ti ngetanka diri ari deka kentut!! Kentut.... hmm relieved asai iya..Junuk junuk meh kami duai Giles Kamar ngabas pengudah penentu peresa tu niki ka Munggu Sabun kin. Engka tu meh pengujung meda Munggu Sabun ku jaku diri dalam ati ga! Pass meh kami duai iya deh. Apoooo meda penentu result peresa akai daiii enti belajar baka nembiak bukai enda ka....bla bla bla. Udah tekelanjur ukai ulih ditikalka ....pengajar ga mayuh bisi ngelalau; indai besari sari meri jaku ajar nyuruh belajar, kaban belayan pan enda kurang mega meri jaku lalau..nama agi deh..asi ga udah nyadi bubur, enda pia? Enda mega bangat jai deh tang engka ulih manah agi enti belajar baka urang bukai. Nganti meh tu, nganti ka penunga tuju penerengkah diri udah nembuka pelajar ba Munggu Sabun Saint Luke Secondary School, Simanggang. I still refuse to call it Sri Aman, laban there wasn't any aman to it! Damnnnnn how could I be so hard headed!?!

Ngesal laban ti balat deka bemain enda nemu nagang diri baka ti nadai pagila; seruran nyukat pemesai kaki lima tajapan pemesai pemanjai kaki lima tak enda berubah ari hari siti ngagai hari siti. Ari pengesal tu aku ngalihka diri, ngubah diri..enti enda diri empu sapa deh nemu ngubah kitai laban tangga pengidup tu mangkin sari mangkin renjan ditiki. Tang enda gaya kitai niki meh nya, salah singkang tau labuh deh..enti labuh katas nyamai meh kitai enda nyingkang udah datai...tang meh seruran labuh ke baruh! Tiap tiap batang pengidup tu ukai bepanggai ba penyuah kitai labuh deh; bepanggai ba bakani kitai ngangkatka diri. Tumu agi teterap tumu agi ga ngasaika pemedis; tumu agi ga kitai ngelala isi buku lali ti nyau bedemaram mengkul kembai nyuruh kitai kejingka enggai. Tu meh seruri pengidup ngesal dudi nadai reti serbana leka lagu tudah aya Christopher Kelly. Terima kasih Simanggang laban meri aku peluang bekelala enggau nuan serta tabi basa ti meruan aku simpan sampai ka saritu.

Ubah Randang Pendiau..Udah Nasit.

2006-06-22T06:11:00.000-05:00

Pom tiga ku jaku esss nama aja pom tiga, but that's the way it was! Ninggalka kaban serambau sekelas laban di pasukka bala pengajar begulai enggau bala ti baru. Engka penyayau Mr. Nicholas Ansi and colleague meh tu. Folks, you guys just don't know how appreciative I am today! Tu meh bala pengajar ti tau dikumbai kitai 'champions' tajapan champions tu selalu dikena kitai mensia ngelar pemenang besai ba pengawa lumba enggau main. Aku, meranika diri ngerembaika reti jaku 'champion' tu ngagai pengawa ngajar! Mereti meh aku kebuah kita selalu ngeriput aku ngagai tudah indai maya kita betemu bebelika sayur tumu pagi ehh. I did what I wasn't supposed to do! Endang amat ngereja pengawa ti enda nitihka adat nemibiak sekula, tang kita pengajar meh ulih ngalih nukar pengawa kami nembiak ti dipegai kita ba sekula enggau chara ti betul. Meri besai terima kasih nuju Mr. Nicholas Ansi, Mr. Stephen Landong, Mr. Lagat Langi, Mdm. Leong, Miss Roselind Adam, Mr. Chai, Mr. Tay Jik Kaw, and Mr. Davy Nyelambau. Nabi basa proactiveness kita sebala. Enti enda pia, what could have been enggau what would have been..enda meh kitai nemu.
Tang meh maya tu udah nemu begulai enggau bansa bukai lebih agi bansa China laban udah sekelas enggau bala sida Kuek Ping, Law Eng Chai, Siew Khing, enggau sida bukai mega! Bahlah sekali tu kami dikurung begulai enggau kaban sekelas ti baru.Mimit aja kami ti Iban nyelat bala China pom tiga sekali tu..to the best of recollection..Jeffery Sigai(keri), Giles Kamar, Geoffery Stephen, Emlyn Jimbai, Veronica Suntai, myself, enggau Norela Marin. bala nembiak China ti agi dikingatka nama..Yew Teck, Sing Ting, Jin Soon. Bendar deka nikalka diri nguji ngeransingka tulang bejako berandau enggau bup geography enggau history, enda meh ulih laban ti alah laban pengagit ati deka bemain..tried just about anything, any game sampai nemu bemain bandat nya lapa!!!Haha..bendar mega kami bekeretukka gitar nguji kerepau key kunchi a-f maia tu. Empat iti utai di meruan ngerembang mansa kerubung pala maia sekula pom tiga ti bisi nyadi serta bisi ngubah pendiau anak timpang anak ampang siku tu.
Kesatu:"Enti nuan pil peresa pom tiga tu, peda nuan mua pintu kitai nya...blah blah bling..dia meh alai aku ngantung nuan enggau tali temeran," ku seradak nyawa kinggar bedenggar munyi ribut matahka layar perau bangkung besuar. Apoooo..sepiak aku tudah auntie Nora Tuang ketuchum laban nemu nya ukai bum sebarang bum, bum besai ukum meletup ninggang tanah berenyang. Aku tak nukung aja ba kerusi bangku gaga China deh..engkijap engkesap endang enda laban igi mata tak lekat nunga talibisin chelum putih nadai warna! Hahh..dalam ati din..enti aku di anjung ke Ai Ngelan ila nya meh aku..sigi ulih nitih bekau kaki bala sida nya ! Ukai nama deh nya, di anu urang tuai laban enggai belajar ditangkanka enggai tinduk laban nganti Siaran Langsung Mangkuk FA...Arsenal ngelaban Manchester United bulan lima ari Wembley. Tau di pasukka dalam bup kenang meh tu..laban siku Liam Brady ulih merunsaika Man U..Arsenal 2-0 tinggal sepuluh sebedau nyaguka mangkuk. Man U equalised with two quick goals..Lou Macari ti nyamaka iya 2-2 deh ahhh until Frank Stapleton scored the winning goal for Arsenal a minute later! Woowwwwwwwww!

Kedua: Temuai ti datai ngusung tak enda itung enggau tunjik kaki tunjuk jari deh. Kaban belayan enda ga ngira sida laban begusung bejenguk tu endang adat pengerindu enggau pengelengau kitai siku siku ke bala kaban. Lemai tu tudah indai bisi temuai jauh penatai-ari menua tasik nyemerai pasipik ku sida tuai kelia. Ehh tudah aku nama ti dikibuhka..junuk junuk masuk jempuk basah dibalut tanah luchak pulai melangkan
ari padang bol! Tama nuju bilik mandi assssapai ka meradakka nyawa nguji bakat tak enda nyamai asai laban bisi temuai- enti baka selama tu ehhh..enti bisi perais belagu ba bilik mandi endang bulih deh! Dalam ati din tak ngenang diri meh tudah aku- one step closer ngamatka renung tenung niang aki kelia! Di tanya urang bakani gaya enti belajar di menua Kenada? Ahhh nyau belalai nyerungkai bup geography nyilakka kar dunya ngiga menua nya? Kati asai menua nya? Ahh bakani meh gaya sida indu mem ti ku urang neh? Tudah indai mati idup ngetanka aku ngabiska pelajar din? What was so special? Why me, lapa enda anak urang bukai deh? Engka urang kasihka kitai kini! Runding nyau belanggar baka akar engkelait ti nyengkung melit baka sanggit empang raga!

Ketiga: Engka udah nasit laban nyawa digenggam petara. Ahh nyau melaling melunggang tinting mega runding. Nama kebuah tiap kali deka peresa ditinggang penusah bakatu? Tudah ini, laban ti nadai bepengerai, nitihka niang aki. Ngajihka seduai begulai baru meh ba menua tetap din.

Ke-empat: Ningaka ajar urang tuai pan kitai tau ditinggang penusah; anang agi enti kitai enda ninga. Urang tuai tuai, laban ti dulu makai garam ari kitai knew better tu endang bisi pengamat mega. Tiga hari sebedau peresa pom tiga..ahhh semina LCE aja nya deh ku bala ga. Nadai nama nama..enda ibuh belajar pass meh ila! Pama semengat kami sebala, tau amai di sabung ! One young lady really cared ngerara kami enda nyuruh kelalu balat bemain laban ti nyau deka peresa. Tudah Mildred puas ngajar/nganu kami ti kelalu deka bemain for a good reason. Sampaika udah semilan-sebelas(9/11) nyadi tu tadi bisi mukul talipaun irau ka aku! Thank you Mil. Only if you knew how much I value utai ti bakatu! Asss apai nadai ngawa nya ku bala mega..nurun nyenguk padang sekula peribit di belakang rumah Tuansipol din. Brandon Nicholas Ansi, aku, Giles Kamar, Geoffrey Stephen, Jarit Rajit, Amin Libau, Jilom Langga, Phillip Romeo, and Ninsin Tukang(joy) enggau bala bukai mega besipakka buah bol bemain ngelaban pangan diri! Lapan puluh peratus kami pom tiga, deka peresa, anak Iban ga agi, assssapaii.. Jampat baka kilat pambar tegar baka nitar utai ti tau nyadi; unggal Jilom besatup besengki betis enggau unggal Amin ngujungka unggal seduai iya nyau garing garing ngeliat engkakai betarit seput. Kaki unggal Amin patah! Sampai ke diatu aku ngesan ngema pengesal laban enti aku nadai numbit bol nya nyelepit alang alang bakanya engka enda tudah Amin patah kaki ngujungka iya dipasukka di sepital enda ulih tentu belajar maya deka peresa LCE;ngujungka iya beperesa ari sepital! He could have easily made it if it wasn't for that! My fault tajapan kitai ngumbai tu sigi gaya-endang adat bemain...endang amai bekechiping meh pengidup!